May husay ka sa pagsugat nitong mga papel

Naisalin mo sa  letra ang tinig ng mga anghel

Mga sinulat mo'y halatang iyong pinawisan

Inalayan ng puso gintong tunay kung paparisan

Ngunit bakit iyong tagamasid madaling nabagot

Tila tulang iyong hinabi di nila maisuot

Sa iyong lalim tagatangkilik ulo'y napanot

Mga metaporang pinalipad di nila maabut

Mabibilang ang sa panulat mo'y tila nakatiyaga't nakatiis

Ngunit sapat na upang di ka maghapis

Dahil alam mo sa iyong puso ng labis

Sila ang tunay na nakaunawa sa tangis ng iyong lapis...

Sinulat: Enero 11, 2015 @ 7:00 am

Mysterious Aries