Niyupi niya muli ang papel sabay tapon

Anong nangyari't nawalang parang bula ang pagkamahinahon

At ang isipan niyang manunulat ay naging punong-puno ng lason

Muling pinalakad ang panulat ng sobrang diin

Tumatagos ang mga letra ng hindi niya pansin

Maliwanag na titik niya tila naging makulimlim

At muli niyang niyupi ang papel dahil walang direksyon

Problema niya sa panulat tila walang solusyon

Dahil gibang-giba ang pananaw niya't isipay puno ng polusyon

Pinapatak nya muli ang tinta ng kanyang panulat

Ilang ulit mang nadapa'y pilit wika'y minumulat

Dahil sa pananaw niya'y sa ganitong paraan maiibsan ang kanyang sugat

At sa wakas di niya ito kinusot

Hugis biyak na puso ang ginawa niya sa panghuli na sana ay tuldok

Pinagtaksilan siya ng taong mamahalin sana hanggang maging alikabok

written: August 22, 2014

Mysterious Aries