ano nga bang napala

ano ang nahukay

sabi nila ay wala

ni kusing rito ang tagumpay

mga kakilala'y nagtatanong

may pera bang kapalit

pagwaldas ng sandali't sa panulat magpayabong

dahil kung wala ay  bakit 

hindi lang  nasusukat 

sa ginto ang tagumpay

di kung ano ang nakamit

kundi kung ano ang naialay

bawat sulat ko'y 

puso'y isinama ang pintig

saya't pasakit nito'y

sana'y tumulong at humulma ng bagong daigdig

gawing itong paaralan

kunin nila ang aral

dalhin sa simbahan

isangguni sa dasal

kung patuloy nilang tatanungin

kung anong tagumpay

marahil ito'y kanilang aalalahanin

kapag lapis at papel ko'y tuluyan nang nahimlay

Written: August 19, 2015 @9:06am

Mysterious Aries