Apni khushi mein wo is tarah magan hui k kuch roz pehly hony  wali Affan ki telephonic guftagu ko yaksur he bhula bethi thi...... Yaad aney per usny khud ko kosa..... Ya Allah ab kesy samjhuon hania ko wo to mujh se kalam kerna bhi pasand nahi kerti ....... Mujhe ye baat Ebaad k ilm mein lani chahiye thi..... Ab kia karun kia karun.....???......

Phir kuch sochtey huey kamrey sy bahir ayi uska irada hania sy do tok baat kerny ka tha.... Mager hall me bethy Affan ko dekh ker uska halaq tk kerwa ho gaya wo wahin sy palatney lagi Lekin wo Affan ki zeerak nazeron sy Bach na pai..... do) "Arey Meena ayeye na...... Wapis ku ja rehen hein...... "
Uska dil to kia k ik tukka sa jawab usky moun per mar ker yahan sy chali jaye ya usko chalta ker dy...  mager hania ki mojoudgi ke baees majburun usey wahan bethna pera...

Affan hania ko nazer andaaz kiye musalsal meena sy mukhatib tha......

Meena is baat sy bilkul bekhaber thi k hania ki ussey khud sakhta narazgi ki Asal weja yehi thi..... Wo nahi janti thi k Hania is liye us sey khafa rehti hy kyun k Affan or hania k dermayan ab WO(MEENA)  kuch zaida he discuss hony  lagi Thi.......

"Or ye nagawari  tou azal sy Aurat ki fitrat mein shamil rehi hy k uski moujoodgi mein uska mard kisi or Aurat ko weja guftagu banaye......."

Hania bhi Affan ki chahat mein sahi or galat ka farq bhul bhethi thi..... Usse ye to nazer a reha tha k Affan ny kaha or meena ruk gai( mager apni bhabhi ka guraiz wo nahi dekh pai....)  Usko ye to dikh reha tha kesy wo muskura muskura ker baten ker rehi (mager uski nigahen meena ki chehrey per phehli nagawari  na dekh paien)

Or meena bechari (hania ki soch sy bht pare......) marey marawatمارے مروت mein zaburdusti muskura muskura ker halkan ho rehi thi........ Wo apni baton sy  ye zahir nahi hone dena chahti thi k wo Affan ky zehreely dimag mein chalti sochon ka raaz paa chuki hy...... Thori deer bad wo chai ka bandubast kerny kitchen me chali gaii...... Or living room me bethy dono nafoos ny door tk usey jatey dekha...... Ik ney tilmila or ik ny nisaar ho ker......

"Lagta nahi keh yeh kisi backward area sy ayein hyn"...... Affan ny balon mein ungliyan chalatey huey apni raye dee......

"Hnnn wo to ajkl bhai is per meherbaan hyn to hawaon ہواوؤں mein urthi phir rehi hy....... Hania ny tilmila ker jawab diya......."(wo un logon mein sy thi jin ka ikhlaq sy door door ka wasta hota hy)
Mager Affan ka Zehan (wo to ajkl bhai is per meherbaan hyn) per atuk gaya...... Sar Shari k sab rung hawa mein تحلیل huey.......

حالانکہ اس پر "مہربان" ہونے کا نہیں بلکہ" قربان "ہونے کا دل  کرتا ہے......

Us ny بڑبڑاتے huey kaha......

                   ****************
wo mali k sir per khari پودوں ki کانٹ چھانٹ kerwa rehi thi jb shabo usko pukaareti hui bahir ayee...... (Do do Mali hone k bawajood bhi meena khud apna zaida waqt loon me hi guzarti thi...... Ye huryaali ہر یالی ussey گاؤں ki yaadon sy جوڑے رکھتی thi......)

"Bibi g bibi g apka phone aya hy..... "

"Kis ka..... Kia Tumhary shahb ka hy??"

Usny عجلتmein puchte huey under ki janib qadam barhaye......

""Nai bibi gee kisi Nimra ka phone hy ap sy baat kerna chahti hy..... "

Shabo ki baat per wo chonki.....

"Nimra..... Kon ho sakti hy...." Sochtey huey usny receiver kan sy lagaya......

"Assalam u Allikum....... Gee kon"

"Hello waallikum salam........ Choti bibi mein...... Nimra..... Nimmi..... "

"Nimra!!  Nimmi,  nimmmmi ......" Usny zehaan per zor daltey huey kaha

"Acha achaa  haan nimmi........." Usny pehchantey huey uska nam dohraya.....

"Bibi g pehchan liya Na??  "

"Han meiny pehchan liya kesi ho tum..... "

"Allah ka karam hy bibi g...... "

"Han bolo khariat sy phone kia tha.... "

"Bibi g  meri behen ki shaadi hy  wo jis sy meiny apko milwaya tha na....."

"Acha bari bari Mubarak ho tumhein"

"Bari begum (feroza)  ny madad ka waada  kia tha..... Ab wo to idhar hyn nahi...... Tou ap thori anayat ker dein....... To bari meherbaani ho gee...... "

Meena ny ungliyon ki poron پوروں ki madad sy receiver kaan k sath tikaya hua tha hathon mein ab tak takleef hoti thi......

"Acha phir mein kal Atti hun..... Tumharay shahb sy mashwera ker ke.... "

"Khush rehen bibi gee...... Allah apka dono ka  daman khushiyon sy bhara rekhy........ Me phir kal apka itnezar karu gee..... "

"Theek hy theek hy.... Shukriya..... "

"Chalen phir mein rekhti hun Allah hafiz..... "

"Khuda hafiz...... "

                   *****************
Or Agly din wo Ebaad ki Ijaazat sy Nimmi ko milney ayi thi..... Usny bht پرتپاک اَنداز sy uska استقبالkia..... phir Nimmi ny usey apni behan sy milwaya...... Meena khud ko yahan bht relaxed feel ker rehi thi..... kyun k yahan na to koi jancheti جانچتی hui nazeren uska peecha kerri thi or  na hee dil dukhany wali baten thien.......

Usney ik bharpoor بھرپور kism ki dopher guzari jo banawat sy bht door or haqeeqat k bht pass thi......

Wo ghar wapis aney lagi tou kharey kharey usny socha ku na ik nazer ghar bhi dekh liya jaye....

"Aye nimmi  ajkl koi reh reha hy ya khali para hy......... "

"Nai bibi gee ik mahina honey ko aya hy..... Khalam khali para hy......"

"Sunneny mein aya tha malik makan Barey bimar hyn...... Ab ghar bechna chahtey hyn..... "

"Hmmmm..... "

Wo Barey Aram dah andaz mein purey ghar mein tehalti ٹہلتی rehi..... Iss ghar k sath us ki jazbat wabasta they..... Kuch talkh yadein..... Jan leva intezaar....... Kuch meethy pal..... Jo ta zeeast تا زیست us k dil me نقش rehny waly they......

Phir kuch waqt wahan guzaar ker wo baher nikalney lagi thi....... Tou main gate sy under dakhil hoti shaksiyat ko dekh ker wo jahan thi wahin thum gai...... Samney waley ki halut bhi us  sy kuch mukhtalif na thi........

                     *****************
Room mein bht dim light jal rehi thi..... Hania Apny bed per gardun ko qaderey neechy ko dhalkaye huey leti hui thi......
Dimaagh sochon ka منبعbana hua tha.... Aj subha sy he wo room mein khud ko band  kiye bethi thi......

Wo kb sy Affan ko phone ker rehi thi.... Mager wo utha k nahi dey reha tha or aisa sirf aj nahi tha balky bht dino sey yeh silsila chal reha tha ....

jis ki baadoulat uski sochon ki doriyan ulajh ulajh   سوچوں کی ڈوریاں الجھ الجھ gaien thein......

Aisa nahi tha key wo Affan sy bht tofani kism ki mohabbat mein mubtala the.... Nahi.....  balky Apny poorey social circle wo usey as a life partner Apny qabil samjhti thi.....
Wo Mustafa Kamal ki beti Or Ebaad Kamal ki behan thi..... Wo koi Aam larki na thi....

Bachpan sy hee wo khud sir or junooni tabiyat ki malik thi...... usny kabhi farmaish ya khuwahish ki hee nai thi...... Usny zid kerna seekha tha.....

Shuroo sy he usney maa baap dono ko Apny apney haal mein magan dekha tha or yehi cheez uski zaat ka hissa ban gai thi...... dusaron ko rula ker khud khush rehna...... Samney waley ko neecha dekhana ya zaleel ker k apni barteri qaim kerny mein ussey bara maza ata tha........

Usko cheez sy matlab nai tha uski shohrat sy matlab hota  tha..... Jo usky pass ho sab sy best ho perfect ho.....

Affan usky bhai ka business partner tha.... Highly qualified tha..... unky حلقہ احباب mein Larkiyan usko dekh ker Ahein آہیں bharti thi..... ... Yani charming bhi tha...... Or mangani ky bad bajaye koi anokha jazba usko گدگداتا,wo is bat per khush thi k hayye bechari wo Larkiyan.....

Yehi weja thi k wo ye maneney sy inkaari thi k Affan meena mein interested ho sakta hy...... Yani jis ki nazer hania Kamal per therher jai wo kesy kisi kumter me dilchaspe دلچسپی ly sakta hy...... Affan ki ignorance us sey bardasht nai ho rehi thi....... Or uska janoon uski manfi منفی sochon mein izzafa ker reha tha jesy koi lawa لاواphat پھٹ per perny ko tyar ho.........

محبت گر تھی بھی تو ضد اس پر حاوی تھی.....

                 ******************
"Abba Abba....." Wo Lamhon mein porch عبور Kerti bhagti hui main gate tak gai or karum deen k seeny sy ja lagi  usney bhi beti ko Apny bazuoon k hissar mei chupa liya...... Wo kafi deer roti rehi....... Phir ik dum baap sy alag ho ker منہ pher ker khari ho gai.....
Yeh uski bachpan ki aadat thi.....jb bhi khafa hoti yunhi منہ بسور key khari ho jati thi.............   Karum deen rotey rotey be sakhta بے ساختہ muskuraya tha.......

"Aye dhee rani..... Chal under chal k beth phir bhaley sy na bolen (دیہاتی لہجہ)....... "

Woh chup chap uskey sath chalti hui under a gai......

Bht sy sawal thy bht sy andeshey thy bht see batein thi jo dono ko kerni thi... Suneni سننیthien.... Sunani سنانیthien......

"Mujhe maaf ker dy dheeye..... Mujhe maaf ker dy......... Usny Apny dono hath jor diye....." 

"Abbbaaa aisey mat keren"

wo jo khafa bethi thi tarap ky Apny baap k jurey hath kholey..... Or unky nazdeek carpet per beth gai......

"Kider they ap.... In teen salon mein ik pal k liye bhi apko meri yaad nahi ayi....... Jeety jee kia mara hua samjh bethy mujhe?? "

"Yeh teen saal meiny kesy guzare hein..... Kanton per chal ker..... Ro ro ker...... Tanhai ka azaab jheel ker.........."
Shidut e jazbaat sy wo baat bhi mukamal nai ker pai thi.......

"Mein Apki meena thi na Abba....... Phir Apny meri zindagi ka faisla kyun dusaron per chor diya tha......... "

"Apko andaza bhi hy kis qader takleef deh ehsas hy ye jab koi bar bar apko ye bawer kerwaye ke tum musalat مسلط ki gai ho تھوپی gai ho......... "
"Abba chaht thi mager  saiban nai tha karri dhoop mein nangy paon jalti rehi hun....."

"Kyun betiyon ke baap apni betiyon k liya zara se bhi گنجائشnikalny ke روادارnahi hote....... ager ap..... sirf ap mera yaqeen kerty mera Maan rekhty to us din گاؤں k kisi fard mein itni jurat na hoti k wo آپوں آپ mera faisley kerta phirta".......... Phir wo kitni deer bolti rehi...... Kabhi سسکیاںbharney lagti.... Kabhi khafa ho ker chup ho jati...... Or phir sy bolney lagti..........

"Maaf ker dy dheeye..... Teri maa bhi hun gallan keren chaad gai hy...... Tussa duwan ruos k nas gaye ho.... Meinu kalla ker gaye ooooo........ Meinu maaf ker do..... "

(Maaf ker do beti, tumhari maa bhi mujh sy ab batein nahi kerti tum dono Mujh sy naraz ho ker chali gai ho, mein bilkul akela ho gaya hun.... Mujhe maaf ker do)

Meena ny thora uth ker karum deen ka jhuriyon جھڑیوںwala chehra Apny hathon sy saaf kia...... Jesy zakham per marham rekhna chahti ho....... Phir usney apna sir baap ki goud mein rekh liya........ Dil bilkul halka phulka ho chuka tha......

Abba wesy ap yahan kesy aye they.......? Kuch deer bad us k Zehan mein khiyal aya to us ny karam deen sy sawal kia.....

Beta aye saada hee makan ahy..... hun bechun dy Barey which sochen deya wan......

(Beta ye humara hee makan hy.... Ab bechney k Barey mein soch reha hun)

Kia yehi wo ghar hy Abba jo apny sheher mein banwaya hua tha.....

Uskey sawal per karum deen ny اثباتmein sir hilaya......

"Tu idery qidery hee rehndi hy ki? "
(Tum yehin kahin rehti ho?)

Nai Abba jb shaadi ho ker aye thi tou Ebaad ki ammi yehin rehti thi.....
Phir wo sab kuch tafseel sy bataney lagi....

Tu khush tey hy  na meri dhee.......tera sir ka saeen tera khiyal to rekhta hy na?

Hnnnmmm Abba pehly tou khush nahi thi mager ab lagta hy jesy bht khush hun..... Usny zoo mani ذو معنی انداز mein kaha........ Ebaad k khiyaal ny hee usey under tak mehka dala tha.....

Abba meero kesi hy.......???

Wo bari sonhi tee (beti) hy.... Tery baad uny apny ma piyo kolun mera changa khiyal kita hy.... Pichley saal hee viyah kita ny ma piyo ny ouda.....hun ty do mah da puttarv hy teri seheli da...... 

(Wo bari achi beti hy tumhare janey k baad apny ma baap sy barh ker usny mera khiyaal rekha hy.... Pichley saal usky maa baap ny uski shaadi ki hy.... Ab to do mah ka beta bhi hy teri seheli ka)

Kia!!!  suchi MashaAllah........ Wo meero k liya dil sy khush hui......

Tu chal na mery naal kuch Dina dey wastey....... Tery janey sy aangan soona pera hy......

Nahi Abba Ebaad nahi Mantey or mein bhi un logon ka samna nahi kerna chahti..........

Usney hath utha ker abba ko mana KIA..... Mager Karum deen ki nazer tou un jhulsy huey hathon me گڑھ ke reh gayein......

Abaa ki nazer mehsoos ker k  Usny phurti sy hath neechy ker liye.....

Y..ye  Yeh kesy hua......baap ny kanpeti hui awaz mein pucha......

Kuch nahi Abba shehri bartun hyn samjh hee nai ata k kesy Istemaal kerty hein bus jal gaye hath....... Achi beti ny jhoot bola......

"Wo cha ker bhi na keh saki keh:
Jab baap apni beti k faisley dousaron per chor dety hyn tab ye sab to Bardasht kerna perta hy na........ Jb sab ko maloom Hota hy is ko puchny wala kon hy......... "

Phir wo shaam tk bethy batein kerty rehy........ Or maghrib ki azaan k bad meena ny ijazat chahi......

Abba apko chor k jany ka bilkul dil nahi ker reha mager jana pery ga.....

Ap abhi yehin hyn na....... Kuch din......

Han dheeye...... Tu mery naal chaldi ty meinu bari thand pendi......

Abba mein aon gee mager Ebaad k sath unki Ijaazat sy........

Duaon mein yaad rekhna chalti hun........

Or aj pehli baar karum deen ko laga k uski beti ab parayi ho chuki hu...... Werna ab tk wo samjh reha tha k meena kho gai  hy.........

Wo kamzor nigahon sy usko door jata dekhta reha........

                       **************
"Mama wo zarur Affan sy milney gayi hui hy....... "

Subha sy calls py calls kerny k bawajood wo meri call pick nahi ker reha or apki bahu rani bhi subha sy gaib hyn....... Usney zahreely lehjy mein apny dimagh ka خناسmaa k agey rekh........

"Tum pagal to nahi ho gai hani....... "

"Wo Ebaad or meri ijazat sy gai hy......... Subha sy meetings mein khup ker aye hun ab tumhari buk buk nahi sun sakti........."
. Gussey mein Farhat walk out ker gayein....

Isi اثناء mein Meena hall me dakhil hui...... Abhi wo chund qadam hee agey barhi ho gee k hania ki nazer us per pari wo us per cheel ki tarah jhapti thi.......

Meena ko samnbhalney ka moka diye bagair wo us k Baalon ko apny shikanjey شکنجے mein ly chuki thi...... wo bht buri tarah sy usky baal kheechny mein magan thi Meena ky hathon mein مزاحمت ki takut nahi thi or uski cheekhen purey ghar mein gonj rehi thien......

"Ha ha hania choro mujhe........ "

Hania k hath ab uski gardun per thy us per junoon saawar tha..... Wo wehshiyana andaz mein uska gala dubaney mein musroof thi chehra jaga jaga sy zakhmi ho chuka tha......

Ab Meena ki himmat jawab deney lagi thi saans buri tarah syukher reha tha....... Ankhen band ho rehi thi....... Band hoti ankhon mein usny kai  chehrey dekhy....... Kia wo mar rehi hy...... Nahi mujhe abhi nahi marna.... Ebaad ny kaha tha mera intezaar kerna......

"Hania aaaaa anaaaaaa......" Hall kamrey mein farhat ki awaaz ny gardish ki

"Choro ussey..... Mein keh rehin hun choro Meena ko..... "

"Nahi mummy kisi ko mery problems sy concern nahi hy...... Mujhe apny tareeky sy handle kerny dein....... "

"Aj mein is ka kissa hi khatum ker dun gee....... "

Farhat ko us per sakht طیشaya unho ny rakh ker usky gal per apni ungliyon ky nishan chorey..... Uski garift dheeli pari tou shabo ny meena ko apni taraf kheecha......

Meena تیورا key neechey ghiri...... Bht zaburdust kism ki khansi ny us per humla KIA......... Shabo pani leny bhagi or farhat hania ko taqreebun ghaseetey huey usky room mein ly gayein..... Meena ہنوز khanstey huey carpet per ghiri peri thi........

                    ***************

Wo bus mari nahi thi....... Mager mout kesi hoti hy uska deedar zarur ker ayi thi....... Bht waqt laga tha uski saansen humwar hone mein...... Abhi bhi wo nidhali sey bed per leti hui thi...... Teen din sy wo kamrey (room) ki ho ker reh gai thi........ Wo hania k kiye sy zaida hania k liye perishaan thi....... Wo us sey baat kerna chahti kuch haqaiqe sy parda uthana chahti thi mager hania.......

Ansoo ankh sy nikl ker gardun mein chup rehy thy...... Ebaad ny is douran koi raabta nahi kia tha......Usney bhi usko phone kerna munasib khiyal na kia darasal wo under sy darti thi kahin ebaad phir sy na badal jaye...... Wo abhi us per koi haq nai jitana chahti thi...... Wo khush thi..... Jitna bhi tha bht tha......

Aachanak pass para phone bajney laga....... Usny bad dilli sey phone ko idhar udhar dhoonda or samney ker k number dekha...... Ebaad ka number dekh ker usky under sakoon ki ik leher uteri......

"Assalam o allikum..... "
Usny حتی الاامکانkoshish ki apni awaz ko behter banany ki......

"Waallikum salam..... Kesi ho..... "

"Achi hun....... Ap kesy hein.... "

"I'm good..... Kia ker rehin thi..... Tumhari awaaz ku bhari bhari lag rehi hy..... Tum ro rehi ho kia...... "

"Nahi too...... Acha mummy kesi hyn..... "

"Han wo theek hyn..... "

"Ap kb arehy hein wapis..... "

"Bus 2,4 din mein tumharey pass hun ga........ "

"Ap aj hee a jein..... "بے اختیاری mein usky moun sy phisla......

"Nai meena yahan kuch zaruri kam nibtany hyn...... Tum mujhe miss ker rehi ho..... "Wo thora shokh hua....

"Jb ap yahan they me tab bhi apko bht miss kerti thi ab to ap itni door hyn..... "

Kuch pal ki khamoshi chai rehi phir meena dobara goya hui.....

"Ap mujhe chor to nahi dein gy na.....
Kia mein apko yaad ati hun..... "Boltey boltey uski awaaz bhara gai

Ik wada tha jo lena chahti thi ik yaqeen dhani......

"Kabhi nahi choron ga.......”

“Ager apny mujhe chor dia to mein mar jaoun gee...... Mery pass jeeny ka wahid maqsad hi ap hyn....... ”Wo buri tarah sy ro rehi thi....

“Meena meena tumhein kia hua hy.... Are you alright kisi ny kuch kaha hy kia..... Wo be qarar hua”

“Nahi..... Mujhe khawab atey hein koi mujhe ap sy door ker reha hy..... Or jesy jesy ap door jatey hein mujhe yun mehsoos hony lagta hy jesy meri sansein kam ho rehi hein....... Plz mujhe kabhi na chorna.....”

“Meena...... Relax...... Ye just ik khawab hy..... Dont worry I will stay with you forever.... Apna khiyaal rekhna.... Ok ab mein rekhta hun..... Allah hafiz ”

“Allah hafiz.....”

میری سانسوں کی ضمانت ھے وہ شخص
سنو میری خون میں گردش کرتا ھے وہ...

                  **************
Wo dressing table k samney bethi ankhon ko kajal sy bhar rehi thi..... Bht dino bad aj wo bht fresh thi Ebaad bus aney wala tha...... Usney aj wohi sunhera libas pehan rekha tha jo usney nikkah k waqt pehna tha......
Chehrey per abhi tak zakhum the.... Mager overall wo bht khubsurat lag rehi thi......

Gari (car)  rukny ki awaz ayi to uski ik dhadken chuti..... اک الوہی سی مسکراہٹ نے اسکے لبوں کا احاطہ کیا

Wo wahin tehal tehal ker uska intezaar kerny lagi....... mager  phir wo ٹھٹکی jb pona ghanta guzerny k baad bhi wo upper na aya abhi wo inhi hisaabon mein uljhi hui thi jb Ebaad ki dharhtiڈھاڑتی hui awaz usky kanon mein pari......

"Meenaaaa"

"Meenaaaa"

"Meeenaaaaa neechy ao forun..... "

Usny ik hee saans mein ussey teen awaazen dety suna.... ....

                      *************
To be continued......
Hope you enjoyed it❤❤❤

Ye part apko kesa laga parh k raiye dena na bhuliye ga

Or vote bhi dey he deina😂😂

*Reminder*
★ Is part mein Nimmi ka ziker kia gaya hy yeh wohi hein jo Ebaad ki mummy Yani Feroza ki maid thein....

★part two mein karum deen k ik ghar ka ziker kia gaya hy jo sheher mein hy..... Tou is part mein ap ny parha k ye wohi makan hy jis mein Feroza rehti thi or meena rukhsat ho ker yehin ayi thi.......

Note.:
Readers meri Punjabi thori kuchi hy likhny mein tou bht hee zaida soo ager kuch galt Walt ho gya to mazarat wesy meiny koshish ki hy k ap sab ko samjh ajei.....

Thankyou so much for reading.......
😘😘😘😘

Bye bye.....