Purey hall mein gehma gehmi thi. Aj mashoor o maroof industrialist EBAAD KAMAL ki kitab ki opening ceremony the... Sheher or beroun sheher ki bht see mouazaz hastiyan aj ki is taqreeb mein shamil thein jin k ebaad kamal sy qareebi taluqaat they. Is k illwa Ebaad kamal ki puri family madu the... Aj ki is masroof or bhagati hui zindagi mein jahan sab k dermiyan na chahtey huey bhi faasely bharty ja rehy hyn wahan per is qism ki gathering ny sab per bht khushgawar sa tasur dala tha...  Taqreebun sab a chukey they lekin Ebaad ki koi khair khaber na thee..  Uska p.a moutad martaba us ko phone ker chuka tha mager rabta mumkin ni ho paa reha tha... Book ki opening lunch k bad rekhi gai the is liye taman mehman or media k liye khana khulwa dia gaya tha is liye kisi ka bhi dehan uski gair moujodgi per na ja saka....

                     *********
Aj ki taqreeb ka sab sy eham insan wo khud tha...  Uski kitaab ki opening thi... Wo kitaab kafee demanding sabit ho rehi thee market....  Usky Facebook per hazaron logon ny us kitab sy mutalik kafi sawal puchey they... Usney kitab ka naam or kuch qoutations post kiye they jin ki weja sy logon ny kitab ke  naam per baqaida pages banai huey the.... Ye sab uski tawaqa sy bhar ker thaa.... Itne pezerai chahaton or ehmiyat k baad bhi uska dil ni cha reha tha us taqreeb mein janey ko... Uska dil jesy muthi me agaya tha...  Wo 2 bajy ka nikla hua tha ghr sy mager ab 4 bj rehy they wo bemaqsad ghari ko drive kiye ja reha tha .. Wo janta tha sab uska intezaar ker rehen hon gy usko call bhi a rehe the... Mager wo receive ni ker reha tha....  Ye kitaab or us mein mojood kahani usny shohret hasil kerny ya wah wah k liye ni likhi the usny tou apna dard in safhon per undela tha or dard ko beyaan kerna bhi dard hi hota hy wo kesy dard ko beyan kery ga sab k samney.....  Mager sab ko bula ker wo ab is taqreeb sy moo ni morh sakta tha usney gari hall ki simt morh dee.. Drive kerty huey bhi uski nazeren be tabi sy atey jatey logon me ik chehrey ko khoj rehein the mager hur bar ki tarah usko nakami ka samna kerna para.....

                      ************
Hall mein ponch ker sab hee us sey bht purtapak sey miley they .... or uski kitaab k hawaly sy peshgi mubarik baad bhi dee gein thee .  Apny mehmano sy mil ker wo family ki taraf a gaya tha. Uski do behnen apny susral walo k sath I hui thein ...wo bari apny behno or behnoi sy mila tha .un sy mil ker usny dono behno k bachon ko piyar kia tha .phir wo apni maa sy mila ....bht duaon k.sath uski maa ny sir per hath rekhaa ...uski chacha ki family bhi yehin mojood the ... unsy milny k baad wo office k employees ki tarf bhar gaya.... door sy ee usky p.a ny usko dekh lia or jldi sy usky pass aya
Sir a gaye Ap? kahan reh gaye thy sir g meiny bht phone bhi kiye thy apko...?
EbAad ny ankhon mein be basi sumo ker kandhy ochka diye .....
Raheel ny mehsoos kia jesy Ebaad zabt ker reha ho ,zaburdusti muskura reha ho ....wo aisa eee tha Ebaad k hur rung o andaz sy waqif ...
Sir Ap theek tou hyn na??
Han Raheel me bilkul theek hu ...ebaad ny usko qaail kia..
" Ap bolen tou taqreeb ka baqiada aghaaz  "
Han chalo... ... wo agey bhara to raheel bhi is k peechy ho
                
                      ************

        Bedagh dewar per projector ki madud sy uski bht bari tasveer ko numaya kia gaaya tha ....is k baad mukhtalif tasaveer ati ja rehi thi .convocation sy in ki terteeb shroo ki gai thi is bad milney wali kamyabiyon k moke per lee gai tasaveer dewaar per ubharti ja rehi thi ...phir uski family k sath lee gai tasaveer ati rehien or sath sath uska ik office worker mic k zeriye sab tk is ki kayabiyon or zindagi ka mukhtasir haal poncha reha tha waqfe waqfe sy taliyon ki goonj kano me perti thi .....apni tareef per wo dheery sy muskra reha tha ....or nazeren dewar per ubharti tasveero per markoz ker rekhi thein ...achnak sy ik tasveer per usky hansty lub suker gaye or chehra bilkul sakat sa ho gaya tha ....ankhon me dard utar aya tha .... uski nazer tasveer me nazer ane wali per tik gaien the sab ny nahi lekin uski maa or behno ki nazerno ny yukdum us k chehra ko khoja tha wahan dard k siwa un nazeron ko or kuch na mila ....tasveer mei larki or wo ik dusary ko dekh rehy thy seedhy khary thy mager gardun uthi hui thi ....larki ny Ebaad ka bazoo dabouch rekha tha or ankon me shok ka jaahan abad kiye chekaty hue usko dekh rehi thi.... tasveer guzar gai thi ... usky mukhtalif waqifkar stage per a ker usko best wishes dy rehy thy kuch qreebi dost shagofee chor rehy thy ..... usky kam ko seraha rehy thy...media khata khat tasaveer apny camery mei mehfooz ker reha tha .... lekin wo sakat betha tha .. achnak usko raheel ny kandhy sy hilaya wo chonk gaya ... or khali nazeron sy raheel ka chahra tekny laga ....
Sir Ap ko bulaya ja reha hy .... stage per Apka nam announce ho reha ...raheel ny perishaani sy usko dekha
Hnnn chlo !!
Ebaad uth ker agey jane laga phir ruk ker apni maa or behno ko dekha  wo usey hee dekh rehein thi ebaad ki ankhon mein faisla kun azam tha ....  jb k samney walo ki ankhon mein illteja thi inkaar tha nafii thi mager Ebaad ki nigahon ny nazer andaaz ker dia tha or wo ik faisla kerty huey agey bhar gaya.
                 
                   ***************
Assalam o Allikum!! My friends and family members...
Umeed hy ap sab khariat sy hon gey or iss gathering ko enjoy ker rehy hon gy....  Iss baat per pura hall taliyon sy gonjene laga jo iss bat ki taraf ishara tha
"Haan waqii hum bht enjoy ker rehy hyn"
Infact ye book opening ceremony tou bus ik bahana... Meiny socha begair mtlb k tou ajkl koii milta nai kisi sy tou ku na mtlb k ee zariye sab sey gup shupp lagai jei.
Me mauzarat kerta hun..  Ager kisi ko meru baat buri laagi hu meger mery dosto yehu haqeeqat hy.... Ik aur baat batata chalu k mein is kitab ko likh zarur reha tha mager publish kerwany ka koi irada ni rekhta tha.... Is ko kitab ki shakal mery bht ee piyary dost Arsalan jabar ny dee hy... Usny ee mujhe majboor kia tha....  Baat kerny k sath usny nazer ghuma k Arsalan ko dekha jo usi ki taraf muskuraty hue dekh reha tha....
Ab baat ho jei is kitaab k barey mein....?
Hmmm tou meiny pehly bhi bht see kitaaben likhee hyn... Jo sarasar business k asoolon per mabni hyn ya phir agricultural rules  k mukhtalif hisson ko detail or apny experience ki bunyaad Per tehreer kia hy...
Mager ye kitab bilkul buraks hy..... Wo ankhon mein numi liye hue muskura reha tha...   Infact ye reality base story hee.... Dor bethy hazereen mei sab ko uski muskurahat nazer arehi thi mager uski maa or behno ko uski ankhon ki chamak nazr a rehi thi jo nami k baees thi....
Usny kehna shuroo kia...
"Kehty hein ke kuch dard hum keh ni sakty mager tehreer ker sakty hyn... Ye dard shuroo me bary be zarur sy lagty hein mager wqt k sath sath barey ba ikhteyar ho jety hyn or insan ko khokhala ker dety hyn.... Jesy daldal jis mein insan dhansta chala jata hy... Yehi choty choty dukh kisi ko batany samjheny betho toi lafz bhi sath ni dety....inka bojh uthaty uthaty insan neem murda ho jata hy.....  Meger ye jaan ni chorty yahan tk k jaan choot jati hy...."
ye keh ker wo ruka sab ko ik nazer dekha...Sab k chehron py sanjeedagi thi, usny gehri saans lee or phir goya hua..
Ye kitab ik safer hy...
Ye safer hy roshni sy andhery ka...
....

Ye safer hy muskurety labon sy beeghi ankhon ka....

Ye safer phoolon sy shuroo hota ha or kantoo py khtum....

Ye safer hy hasil sy Lahsil ka...
 
Ye safer hy shor sy sanaty ka....

Ye safer hy resai sy naresai ka....

Ye safer hy ba ikhteyaar hony sy be ikhtyaar hony ka....

Wo kehta reha... Hall me taliyan bajti rehen....
Ye uska andaaz e bayaan he tha jis ny
ik sama sa bandh dia  tha....  Sab saakut thy jesy koi bola to sama toot jai ga...
Apni baat mukamal ker k usny ek tairana nigah hall me bethy hazereen per dali

Or apni baat ka ikhtatam ik misrey per kia jo aksar ee is ke labon per rehta tha

"Shaam ke Gehrey Saaye hein,
Yaadon ke pehrey chaye hein,
Dil mein Ik kasak see hy....,
Aj bhe tumhari kami see hy...
  
Ye keh ker wo stage sy neechy uttar ayaa....

Sab ny usko serahah...best wishes dein..... Wo hath milaata reha media ko jawab  deta reha....  Autograph  deta reha..... Baten kerta reha   Or dhalti sham me is takreeb ka  ikhtatam hua.......
       
                     **************
                   __________________
To be continued...... Plz appericiate💝