Lamhon mein us key chehrey per moujood muskurahat murjha gai thi.... Wo سیڑھیاں uter ker neechy ayi.... Hall mein sab moujood thy..... Hania zor o shor sy rony mein masroof thi or ebaad surkh ankhein liya  usko apny nazdeek ata hua dekh reha tha..... Meena ko uski nazeron sy khauf aya.... Usny apni ankhein jhuka lein...... Dil mei so khiyaal orوسوسے sir utha rehy thy.....

“Assalam o allikum...... Ap khairiat sy phonch gaye......”

Jb koi jawab na aya..... To usny phir pucha

“Koi baat hui hy kia...... Hania tum kyun ro rehi ho..... ”

“Farhat aunty koi baat hui hy kia sab khamosh kyun hyn.. ”

Wahan sy  Bhi  mayoos ho ker wo Ebaad k samney a  khari hui......

“Kia hua hy apko...... Meiny kuch galat ker diya hy.....  plz bolein kuch..... ” usny uski kalai thami......

Usi waqt Ebaad ny uska hath jhatka or  uska bazoo paker ker  uski pasht پشت per ly gaya.........wo dard sy bilbila uthi....

“Roshni ayi thi...... Tumny usey jany kyun diya..... Or kis haq sy janey diya....” Us ny ahistagi sy shuroo kerty huey baat ko chinghartey huey khtum kia.......

Kuch seconds to meena ko uski baat samjhney mein lag gaye.....

Phir khud ba khudi uska sir nafee mein hilny laga.....

Nahi

nahi  too

“ROSHNI nahi ayi thein”

“Ager wo a jatein to mein khud ap ko sab sy pehly batati.... ”

“Jhoot bol rehi ho tum..... ”Usny Meena ko peechy dekhela.....

“hania ny mujhe khud bataya hy..... Wo roshni he thi..... Tum jaanti nahi ho tum janti nahi ho tum ny apny sath kitni bhari zayati ker dee hy.... ”

“Kyun kia tum ny aisa.....
Ho kon tum..... Jb sy ayii ho نحو ست pehla rekhi hy......”

Ebaad ny uska chehra muthi mein jaker rekha tha...

"Ebaad ap galat samjh rehy hyn...... Mein janti hun mein koi hesiyat nahi rekhti...... Per mera yaqeen kerein wo ayein he nahi thien.......  Hania.....  "

"Hania tum Aisy kyun ker rehi ho...... Ebaad ko such batao plz.... Kb ayei thi roshani mein to Unko janti tak nahi hun....... "Wo usky گھٹنوں mein bethi illteja ker rehi thi.......

"Jhoot mein nahi tum bol rehi ho......" hania ny usey zor dar Dhaka dia uska chehra table py ja laga.......

"Bhai meiny suna or dekha hy kesa na rawa salook ikhteyaar ker rekha tha is ny roshni sy...... Roty roty gaien hyn wo be chaari kitna rokna chaha mein Unko mager wo chali gaein...... "

"Aunty aunty ap to mera sath dein..... Kab ayi thi roshni....... Plz aunty samjhein hania ko..... Mein nahi janti isko Mujh sy kia. پر خاش hy per itna bara illzam........." Usky mathey sy khun  خونjarri ho gaya tha....... Dard sy ussey kuch bola bhi nahi ja reha tha......

"Do chaar din tum sy Hans ker baat kia ker lee tum samji k sary huq meiny tumhein hee soonp diye hein........ Roshni thi wo koi or nahi tha..... Meri zindagi ko Tumny darwazy sy hee morh diya..........hania kyun jhoot boley gee tum hee mery saath k liye marey ja rehi thi.......kesy bardasht ker sakti thi tum........ K wo wapis a jai"

"Mohabbat kia hoti hy tumhein pata bhi hy...... "

(Ye Alfaaz ani ki tarah meena k dil mein ja ker lagey thy)

Mager wo himmat na harri.......

"Ebaad Allah ky wastey mery yaqeen kerein...... Meiny tou abhi koi khush femiyan bhi nahi pali thi kis huq ki baat ker rehy hyn ap...... Roshani mujhe usi tarah azeez hyn jesy k apko........ "

"Buss karo bht bakwaas ker lee tum ny mein kia jhoot bol rehi hun....." Hania ny usky gaal per ik thaper raseed kia.....

Meena ko kuch samjh nahi a rehi thi....... Sab alfaaz aik aik ker k dum torny lagy the......

"Mein jhoot nahi bol rehi..... Wo roty roty carpet per bethti chali gai..... Mein jhoot nai bol rehi ap sab mere yaqeen keren..... Khuda RA... Mujh per ye zulm na keren..... "

Per Ebaad key dil o dimaagh per Gussey or apni mohabbat ki haar ka sadma bht shadeed tha...... Ye larki is ka wajood is ki awaaz.......

"Tum na mujhe kal zaruri thi na hee aj ho...... Mera etemaad torny ka shukriya...... Ab utho dafa ho jao mery ghar sy humesha humesha k liye...... or zindagi sy bhi......... "

"Ye kia keh rehy hein ap...... Meri ik dafaa baat to sun lein ap sab Allah k liye..... Aisy mujhe mat nikalen plzz ap ny kaha tha k Ap mujhe kabhi nahi chorein gy"

"Isi liye to tum mujhse wadey le rehi thi na us din...... Tumhein darr tha ke kahin roshani k aney sy mein tumhein chor na doon........ Arey mein to puri neeyat sy tumhari taraf palta tha mager Tumny kia kia........ tum ny apny sath sath meri mohabbat ko bhi do kori ka ker k rekh diya....... "

"Utho jldi utho  mein second k liye bhi tumhein apny ghar mein bardasht nhi ker sakta.... "

"mat keren Mujh py ye sitam...... Plz meri baat sun lein....... Mery farishton ko bhi unky aney ka ilm nahi hy....... Khuda k liye mujhe khud sy Alag mat keren mein mar jaoun gee apky begair......." Wo usky samney hath jorey khari thi.....

Usko laga sady 3 saal pehly wala wo waqt  phir sy dohraya ja reha hy........ Wo waqt jo tab sy phir kabhi uska na ho saka.......

"Tum ny suna nahi mein kia keh reha hun....... Dafa ho jao meri nazeron k samney  sy..... "

"Plz hania plz sach keh do..... Plz apny bhai sy kaho k meri baat sun lein.... Mujhe khud sy alag na keren...... Plz hania.....".

Meena usky samney girgira گڑ گڑا rehi thi........ Jo tang per tang jamaye...... Barey mazey sy ye tamasha dekh rehi thi.....

Wo ik insaan k samney girgira گڑگڑا rehi thi wo galat ker rehi thi..... ...

Chund Lamhon ka khel tha puri kaya hee palat gai thi..... Kahan to wo dedh ghanta pehly apna banao singhar ker rehi thi or aachanak sy ye sab uska Zehan ماؤف ho reha tha........

"Aunteeee ap kuch bolti kyun nahi hyn...... "

"Bus yahin per Ebaad ka zabt jawab dy gaya... wo جارحانہ اندازmein uski taraf barah........

" Utho jldi utho!! "
Wo khari ho gai....... To wo usey kheechny laga.....

"Tumhein aisey samjh nahi na a rehi......niklo bahir abhi k abhi...... "

"Ebaad aisa mat keren...... Meri baat suney......... Mein apky liye kuch bhi ker sakti hun....... Mera yaqeen keren.....Mmm  Mei kkk kasm khati  hun..... Wo nahi ayein thi........ "

Wo گھسیٹے گھسیٹے faryad ker rehi thi.......

Mein Mana loon gee Ebaad ko wo abhi Gussey mein hyn Unko jesy bhi sahi sadma pohncha hy...... Sab theek ho jaye ga sab theek ho jaye ga.......

Sarey mulazim jama ho chukey they Ebaad kisi ki bhi perwah kiye begair usko kheenchta hua main gate per ly aya...... Or uska hath chor ker gate khola....... Meena ny tezi sy uska hath pakra......

"biwi hun mein apki....... Kahan jaon gee is waqt.........  plz reham kerein........ Ap bht bari galat fehmi ka sikhar ho rehy hyn......Mujhe ik moka dein  khuda k liye...... " Isi اثناءmein zordar bijli karki.......

Wo jitna apna hath churwa reha tha wo utna hi zor laga rehi thi usko thamney mei...... Ye koi Chota mota masla nahi tha  uski puri zindagi per moheet tha........ ye soch ker hee uski saansein kum perny lagti thi k usko ebaad k begair...... Nahi nahi.....

"ap jantey hein  na mein kuch bhi ker sakti hun apki khushi k liye...... To phir ap ny........... "

Wo abhi keh rehi thi.... K ik jhatkey sy ebaad ny hath churwaya...... Wo ik mard ka hath tha meena  kb tk apny jaley sarey hathon sy rok sakti thi.....

"Kuch bhhii ker sakti ho na mery liye to aj k bad mujhe apni ye manhoos shakal mat dekhana...... "

Usny usko ghar sy bahir kia or darwaza band ker diya ghar ka bhi or apny dil ka bhi.......

"Ik insan ny dusary insaan per hukam sader kia, faisla sunaya....... Takdeer k faisley abhi baqi they........ "

Wo jis libaas mein uski zindagi mein dakhil hui thi usi libaas mein nikaal dee gai thi..

game is over....... Hania ny sakoon sy kaha or ansoo ponchtey huey....... Apny kamrey ka rukh kia show time khtum ho chuka tha....... Uska apny friends k saath hangout ka  irada tha......

                ******************
    Theher  Gai Thi Wo Sham Jesy...
Humary Palkon Per Bojh Ban Ke..

Humary Seeny Ka Zakhum Ban Ke
Fiza Py Tha Jis Ka Tasalut.....

K Sabz Mousam Dhuwan Dhuwan Tha
Kahu Lahu Aasaman Tha

Jaker Liye Thy Zameen Ney Qadam
Mein Daldalon Mein Dhansi Hui Thi

Ajab Samaa Tha
Hawaein Sehmi Huien Thi
Darr Ker Ghaney Darakhton Mein Chup Rehi Thien 

Tamam Khushbooein Saans Rokey Khari Thein
Samatein Intezaar Mein Thien

Bahar Mousam Ko Samna Khizan Ke Dukh Ka Tha....
Sab He Ko Maloom Tha, Tumhara Faisla Jo Tha

Bus Ik MoHoom Aas Thi Jo Abhi Baqi Thi
Nazer Tumhara Tawaf Ker K Lout'ti Thi

Mager Wo Tum The
Jo Be Nayazee Sy Rou'nd Ker Kampati Zameen Ko
Jhatak K Daman Chaley Gaye.....

              *****"**********
     

 
Ik haftey bad:

hania apny dressing table k samney khari dil jammi sy tyar ho rehi thi......aj Affan ny usey bator khas بطورخاص apny kuch foreign friends sy as a fiuance milwany k liye bulaya hua tha.........

( Meena nam ka kanta apney tareekey sy wo nikaal chuki thi...... aur bht khush thi...... Bhai ki halut sy be khaber wo apny haal mein magan thi..... Wesy bhi wo khud parust thi...... Koi jeeye YA marye usko zaida fark nahi parta tha......)

Ready ho ker usny apna akhiri baar jaiza liya or khud ko ok kehti hui neechy a gai...... Samney sofa per bethi Farhat begum ko khuda hafiz kerti wo Affan ko milny chali gai........ 

"Bibi g ye ellaqa kuch sunsan sa nahi lag reha. .... Mera mtlab ap kabhi is raastey per ayein nahi...... "

"Naya hotel  hy fareed.... Tum chup chap ly k chalo...... "

"Gee behter..... Bibi g.... "

Kuch hee deer mein wo hotel ky under thi..... Usny Affan ko call ki kyun  k usey wo kahin bhi nazer nahi a reha tha...... Bell ja rehi thi lekin  wo receive nahi ker reha tha...... Isi douran ik waitress usky pass ayi or kehny lagi k apky liye private lounge reserved kerwaya gaya  hy...... ap wahan chali jayiye...... Wo sir hilati..... Usky peechy chalny lagi...... Wahan pohnch ker enterance per ik or waitress ny ussey phool pesh kiye..... Hania is sari karwai sy kafi mehzooz hui thi.......

Usny phoolon ko songha or under dhakil ho gai....... Lounge abhi khali tha.... Wo shahana andaaz mein ik sofa per beth gai.....

"Lagta hy abhi koi or bhi surprises baki hyn....... "Ik dilkush magroor muskurahat ny uska chehray ka احاطہ kia tha.......

Ahista ahista uski ankhen band hony lagi wo jhapak jhapak ker Unko khula rekhny ki koshish mein halkan ho rehi thi...... Mager wo zaida der tak kamyab na ho saki or sofa per ڈھے گئ......

                  ***************
Na jany usko kitny waqt bad hosh aya tha........ Sir dard sy phata ja reha tha...... Chund pal to usko samjhny mei he lag gaye k wo hy kahan...... yaad aney per usny idhar udhar dekha wahan per koi bhi nahi tha..... Usny uthny ki koshish ki mager buri tarah sey nakam hui usky dono hath or not paon rasiyon ki madud sy bhandey huey they........

"kia wo kidnap ho chuki hy"....... Sab sy pehla yehi khiyal usky Zehan mein aya tha.......

Usny idhar udhar nazeren dhoreyien.....  دائیں طرف اسے اک روشندان نظر aya abhi din ka ujala baki tha......

Usky Zehan ny tezi sy kam kerna shuroo kia........ Mager Zehan sath deny sy inkaari ho gaya.....

Mukhtalif sochon ny us per ik sath hamla kiya......

Wo buri tarah sy darr gai thi....... naina neer baha rehy thy....... Wo ik mashoor business tycoon ki bhehn thi...... Zara see news sy uska Acha khasa scandel ban sakta tha......

Wo kursi pe bethey be Aab machli ki tarah  machal rehi thi.......

Darwazy per khatka hua...... Wo bilkul jamid ho gai......

"Tum...... " Uski ankhon mein طیش ابھرا.........

Samney meena ko dekh ker uska Gussey sy bura haal ho gaya.......

Mager meena jis tezi sy under ayi thi uss sey zaida teizi sy usky hathon pairon ki rasiyan kholny lagi.......

Hania na samjhi sy usey dekh ker reh gai....

"Dekhiye is waqt mujhe bura bhala kehny sy behter hy ap jld az jld yahan sy nikaliye or ghar jaiye...... Ap ki izzat ko khatra hy....... Bahir fareed apka intezaar ker reha Hy..... "

Rasiyaan kholny k sath sath wo usko takeed ker rehi thi....

Hania ny dekha wo usi libaas mein thi jo usny ik hafta pehly pehana huatha  or bhari see chader nei usey mukamal tor per  dhaap rekha tha....... Usny ye bhi dekha ky meena ko rasiyan kholny mein bht dikut ho rehi hy......

"Tumhein kesy  pata tha k mein yahan hun....." Hania ko bht door sy apni awaaz nikalti mehsoos hui......

"Mein bht dino sy apko Affan k is plan. sy aagha kerna chahti thi........ Mager ap ny meri baat sunana munasib nahi samjha...... Ager ab bhi apko yaqeen na aye to fareed ka mobile check ker lijiye ga..... Us mein Affan ka sara plan record hy...... Jo unhon ny apky hee ghar beth ker ap hi k liye tyar kia tha......"

Uski baat k ikhtatam tk rasi ka akhiri bul bhi khul gaya......

"Ab ap time zaya kiye begair ghar rawana ho jayen........ "

Wo uthny lagi tou Uski nazer meena k hathon per perhi......

Uska rawan rawan kanp gaya......

"Meena ye kesy hua...... Usny meena ky hathon ki taraf ishara kerty huey kaha....... "

"Kuch nahi bus ap ky bhai ny mujh sy Mohabbat ka saboot manga tha..... Mager  kabhi khabi Saboot bhi chotey per jatey hyn...... "

"Usney apna mazak urthey huey  hans ker hania ki ankhon mein dekha..... Tou wo nazer chura gAi...... "

"Tum kider reh rehi ho....... Meena utho ghar chalo Plx  dekho mein sari problems fix ker dun gein plz ghar chalo....... "

Hania k dil ki halut ajeeb ho rehi thi....  Usko laga wo arsh sy farsh per dekhaili gai ho.......

"Hania deer mat lagayein jldi sy ye chader khud per lapait ker mery saath saath chalti jana....... Usny uski fermaish ko un suni kerty huey kaha"

Wo bht ihteyaat sy usey gari tak lai....... Fareed ko kuch hadayaat jaari ki or Unko khuda hafiz ker diya......

"Meena plz tum bhi betho ghar chalo..... Plz"

"Nahi hania mei maafi chahti hun apko mera ye manhoos chehra phir dekhna para mager ebaad ki izzat meri izzat hy....... Jitni ap unky liye aham hein mery liye bhi unti hee aham hyn..... Mujhe majboor ho ker ana pera...... Ainda k liye apni hifazat keriye ga or khiyal rekhiye ga......"

Phir wo kuch pal ruk ker phir sy goya hui.....

"Mujhe kehny ka koi haq to nahi hy mager ho saky tou Affan or apny rishtey k mutalik ik baar sochiye ga zarur...... "

Itna keh ker wo palat gai......

"Mager tum........" Kitna Chota ker diya tha is larki ny Usko apni nazeron mein........

Hania Usko rokna chahti thi mager alfaaz labon per hi dum tor gaye thy....  Driver zan sy gari bhaga ly gaya.......

ھم سلسلے جو وفا کے رکھتے ہیں
تو حوصلے بھی انتہا کے رکھتے ہیں

ہم کبھی بد دعا نہی دیتے
سلیقے دعا کے رکھتے ہیں

ان کے دامن بھی جلتے دیکھے ہیں
وہ جو دامن بچا کے رکھتے ہیں

جس کوجانا ہےوہ چلاجاۓ
ہم دیے سب بُجھا کے رکھتے ہیں

ھم بھی کتنے عجیب ہیں محسن
درد دل چھپا کے رکھتے ہیں

                     *****************
Phir yakey bad deegery sary mamly khultey gaye. ...... Hania ny ghar a ker freed ky phone sy wo recording suni........ or Allah ka lakh lakh shuker adda kia ky wo bahifazat ghar pohnch gai hy...... Werna wo ghinona plan sun ker to uski rooh larez gai thi.......

Usny rotey rotey من و عن ik ik baat apni maa k gosh guzar ki...... Or farhat phati phati ankhon sy ussey dekhti rehein....... Dono he nidamat k zer e asar thi...... Mager Allah ki bargah mein shyd is nidamat k liye deer ho chuki thi........

                  ***************
Wo ik foreign group sy business meeting  k silsily mein lunch per invited tha...... Meena k janey k bad usny khud ko pehly sy bhi zaida masroof ker diya tha....... lunch ki arrangement ik mashoor mall k food court mein ki gai thein...... Meeting khatum hone  k bad wo office k liye nikal reha tha jb ik dum se uski nazer ik brand sy nikalti larki per gai...... Wo nikaltey hi dusari simt murh gai mager ebaad ussey lakhon logon mein bhi pehchan sakta tha...... Wo roshni thi Han wohi roshni ebaad ki khoyi hui roshni.......

Wo ik just جستmein us tak pohncha...... Or ussey pukaar liya......

"Roshani!!!  roshani...... "

Us larki ny murh ker usey dekha...

"Yes.... "Phir pehchan'ney ki koshish ki.....

"Ebaad right....... "

"Tum Ebaad ho na...... "
(Aisy jesy koi apny kisi class mate sy bht arsy baad miley or bus...... Mohabbat ka jo jazba dono ny ik sath perwan charhaya tha uski khushboo ROSHNI k lehjhy sy مفقود thi......

"Tum kider thi roshani......." Ebaad ny ik tarance mein استفسارkiya......

"Mein Norway mein settle ho gai thi..... Or shaadi k bad ajkl Italy mein hoti hun......" Usny be tasur lehjhy mein kehty huey Ebaad per bijali ghirai.....

"Shaadi kb ki tumney.... "

"Badla ly rehi ho mujh sy........ "

"Dekho mein saudia Arab gaya hua tha ager mujhe pata hota k tum ghar a rehi ho......... "

"Kia baat ker rehy ho Abbi..... Konsa badla...... Or ghar...... Mein tou abhi tak  kisi sy bhi nahi mili hun infact mein parson hee to Pakistan ponchi hun......"

"Milein gy time nikal ker koi get to gather plan kerty hyn..... Usny dostana lehjy mein kahA"

Ebaad wo mohabbat ka ehsas  uski baton mein buri tarah sy miss ker reha tha...... Jo uski tabiyat ka khassa hua kerta tha

"Tum parson Pakistan aye ho....." Ebaad ny phir sy tasdeek chahi....

Roshani ny sir hila diya......isi اثنا mein ik chitta gora gull gotana 3 4 saal ka bacha mama mama kehta hua us sy lipat gaya.....

"Ok Abbi phir mulaqaat ho ge..... Abhi mein Ayyan k sath ayi hui hun...... Oh.... Ayyan uncle ko hello bolo....... "

"Hello..... Uncle...... "Bachy ny bht confidence sy jawab diya  Ebaad ny usky sir per pyar kia.....

"Chalo phir ijazat hy......" Roshani ny pucha to Ebaad ny sir hila dia.....

"Bye take care...... Nice meeting with you....... "
Ye keh ker wo us key pass sy jhonkey ki tarah guzar gai........

Han jee wahi roshani jis ki weja sy ebaad ny meena ki zindagi k teen saal barbaad ker diye they or apni biwi ko ghar sy bahir nikal diya tha........ Wo roshani jis kisi baat sy ye شائبہtak na ho saka k wo ussey 5 saal  pehly kisi waday mein bandh gayi thi.....

Or Ebaad...... Uska dil...... Uska dimaagh........

MEIN TOU PARSON HEE PAKISTAN AYI HON
Per attak gaya........

Ye tez batiyan بتیاں.....attey jatey Logon ka hajoom...... Ye shor o gul ka tofan.......  jahan....... Tha wahin tham gaya tha....... Uska sir buri tarah sy chakra reha tha.......

Wo ankhen khol khol ker k ird gird dekh reha tha.......

Bari mushkil sy drive ker k wo ghar pohncha tha or phir apny kamrey(room)  tak.......

Jab sy meena ko nikala tha wo dusra room use ker reha tha....... Apny kamrey mein uski gair moujoodgi ussey chain nahi leiny deti thi is liye......

Aj ik haftey bad wo apny kamrey mein aya tha to hur jaga wo hi wo thi..... Wo nidhal sa sofey per beth gaya........ Uski illtejaien uski faryadein uska rona...... Kanon mein gardish kerny laga

"Ya khuda ye Meiny kia ker diya........ "

Hania or Ebaad dono apni apni jaga sharamsaar they.......

                     *************
"Bajee apki gallan sun ker mujhe bara sakoon milda ey qasmey......"

Aliya ny Riffat sy kaha jo گاؤں ky molvi ki biwi thi or sab ko Quran parhati thi..... Aliya bachpan sy ussey janti thi.......

Aliya ki baat sun riffat muskura dee.....

"Baji pata naeee dil da sukoon kithey nas gaya ey....... Koi gal dil Noo changi nai lagdi...... Ik phar ey dil tey jo jaan nayio chad'da..... "

(Pata nahi dil ka sakoon kahan bhaag gaya hy koi baat dil ko achi nahi lagti.... Ik bhoj hy dil per jo jaan nahi chorta)

"Tu namaz parha ker...... Sakoon mily ga...... "

Baji ayheo ty masla hy mery nal teen saal tun utey hon waley ney..... Namaz which dehan idery udery laga rehnda ehy...... Na Quran parha janda hey....... Ty na koi wazeefa poora honda ehy......

(Baji yehi to masla hy mery sath teen saal sy zaida ho gaye hyn.... Namaz ky douran dehaan idhar udhar lag jata hy na Quran parha jata hy na koi wazeefa poora Hota hy)

Aliya ny یاسیت sy riffat k samney apny dil ka bojh halka kia....

"Utton olaad v hathan which andey hee RAB nu piyaari ho jandi hy..... "
(Upper sy olaad hathon mein attey hi RAB ko piyaari ho jati hy)

Riffat jo Gor sy uski batein sun rehi thi kehny lagi......

"Kehty hein kuch gunahon ki saza Allah ny isi dunia mei rekhi hy ye gunah humein Barey chotey lagdy hyn mager RAB ki bar gaa mein ye bht bari saza k qabil Samjhey jatey hyn...... "

"Jesy kisi ky sath bura salook YA phir kisi ki hak talfee...... Ya jhootha bohtaan lagana...... Jesy koi yateem k sath zayati kery tou uski apni olaad ki Surat usey saza mil jati hy...... Ya phir koi kisi pak daman per bohtaan lagaye ya illzam tarashi kery to Allah us sy bhi dunia mein hisaab  ly lety hyn..... "

"Or in gunahon per ALLAH apny bandey sy is qader naraz ho jata hy k us ky dil sy gunah ka ehsas bhi nikal deta hy....... "

"Mein ye nahi keh rehi k tu kisi gunah ki murtakib thehri hyn mager phir bhi hum khata kar hyn galtiyan ker bethety hyn. ...... Tu to wesy bhi zubaan ki tez hy apny dil ko ٹٹول or ager kisi sy zayati ker dee hy to maafi maang ly........ "

"Ye na bhool k Allah apny sath zayati maaf ker deta hy mager apny bandy k sath hui maafi us waqt tak maaf nahi kerta jb tak uska basher maaf nahi kerta....... "

Riffat baji ussey tafseel sy or bht saada lafzon samjhaya...... Ik ik lafz uskey dil mein uterta gaya......

Chal to beth mein kuch khaney ko ley ker ati hun riffat uska kandha holey sy daba ker bawarchi khaney mein chali gaien......

Or Aliya k liye soch k kai dar wa در واker gayein........

                   ***************
Meena to Aisy gaib hui thi jesy is duniya mein na ho...... Ebaad ko kai din lag gaye they samnbhalney mein....wo  hania or farhat sy talkh kalami k bad ab قطعی کلامی ikhteyaar ker chuka tha........ Hania bilkul badal gai thi....... Ebaad to sirf meena ka gunhegaar tha mager hania meena k sath sath Ebaad sy bhi sherminda thi Hania or Affan ka rishta khtum ho chuka tha...... Or Ebaad k sath partnership bhi......... Ik subha bhali changi farhat ko left side paralysis attack ho gaya or wo teen mahiney sy bister ki ho ker reh gayein thi........
5 mah sy sara ghar matam kina tha....... Or ghar waley halat e soug mein........ Meena manhoos he thi jo apny peechy unky liye nahosat chor gai thi.........

Or aj office k liye tyar hotey Ebaad k liye kudrat ny ik or انکشاف tyar ker rekha tha...... Mager wo be khaber  magan sa tyar hony musroof tha.........

                      *****************
To be continued.......
Apko ye part kesa laga parh ker raye zarur dejiye ga......

Thankyou for reading.......

Take care
Allah hafiz........