minsa'y paikot-ikot
hindi alam saan tutungo
o ano ba ang gustong patunguhan

minsa'y magulo
hindi alam anong tiyak
o ano ba talaga ang gusto

minsa'y mapapagod
hindi na gusto pang magpatuloy
ay gusto na lamang magpahinga

ngunit wala namang masama
ika'y tao lamang
tulad ko at tulad nila

wala namang masama
kung naliligaw ka
o kung kakailanganin mo magtanong

wala namang masama
kung kailangan mo ng tulong
o kailangan mo pang matuto

wag silang intindihan
wag pakabahin ang sarili
tao ka rin at pwedeng hindi alam ano ang gagawin