naniniwala kasi tayo
na hindi tayo sapat
na tayo'y laging mali
at ang buong buhay natin
ay isang pagkakamali lamang

sumusuko kasi tayo
pagkatapos ang isang pagsubok
pag nahihirapan aayaw na
gusto nating madalian
o hindi kaya'y posible lahat

pinipilit kasi natin
na hindi natin kaya
na hindi natin magagawa
na hindi para sa atin
na wala naman tayong karapatan

pinipili kasi natin
na magpatalo na lamang
na magpaka-alipin
sa pamamaraan ng iba
at sa buhay na gusto nila para sa atin