Me to dheere dheere story finish karti...ab jaldi finish ho rahi he to responsible he ankie. myrainaworld waki jaisa he...I dont know.

'Ye sahi nahi ho rha he! Tum log jante nahi me kaun hu?' Aur koi nahi..hamare kidnapper bhaisahab. Wahi dhamka rha he.

'Me to khud ko bhi nahi janti. Aur wese bhi mere dimag ka space kam he..isliye faltu chije nahi rakhti. Pahle tum ye batao...mr. chaddha. Tumhari himmat kaise huyi mujhe itne saste me uthwane ki? Mere husband par mera teen lakh udhar he...tumne tees hazar bhi na diye mere naam par.' Naina ko sunkar raghav chaddha ko gussa aya wahi Rajveer ko hasi...baad me use bhi gussa aya.

'Scholarship scholarship! Aur jo billions ka pyaar karta hu uska kya? Tees hazar ke teen lakh kar diye. Kaun se school se interest pada tha? Aur mene ni bola tha ki bill gates banke bill pay karo. Tum hi uchal kar bill pakadti thi. Aur ab ye din raat jo taane marti ho....is se accha he ki mujhe hi neelam kar do.'

'Accha! Mujhe pata tha...tumhara mere piche chakkar chal rha he. Tum neelam hokar ritu ke pass jana chahte ho! Me sab samajh gayi...lekin me ye sab hone nahi dungi. Tum bikoge Chaddha ki lash par.'

Chaddha ko jhatka laga. Ye aurat kya bala he? Matlab...lade khud...aur laash giraye uski! Raghav ne aisi pujniya aurat ko apni badi bahan ka darja dena hi theek samjha...

'Areee bahan ji. Pyaar aapka...kurbaan me kyu hoyu?.'

Naina ne raghav ko dekha....Haain! Naina...Ye wahi chindi kidnapper he jisne tujhe kaudiyo ke daam uthwaya tha. Naina ko gussa aya....Usne raghav ke kaan ke niche ke rakha. Raghav bhadak gya.

'Aurat hoke admi par hath uthate huye sharm nahi aati!'

'Tum karo to rasleela..hum kare to character dheela! Sadiyo se jo julm huye aurato par..unka kya!'

'To mujhe akele se badla logi? Apne pati par kripa barsao na..' is baar raj ne chaddha ko ek diya...punch.

'Biwi ko mere khilaaf bhadkata he! Aur pahle tu ye bata....naina ko uthwaya kyu?'

'Abee...kaisa doc he tu? Nakal karke paas huya kya? Yaad nahi he kya...isne mujhe corridor me dhoya tha..sabke saamne. Meri izzat gayi thi khadde me. Me isko utha kar sareaam maafi mangwata.'

'Ohho....to tu he culprit. Bechara abhi wese hi loose motion ka shikar ho gya..chalo accha he...Kaanta nikla.' Raj felt bad for abhimanyu. Kya kare...adat se majboor he. Idhar naina ne apni heel uthayi...jo ki hari aur bihari ke pass padi thi.

Raghav ne naina ke hath me heel dekhi...6 inch ki pencil heel....sar phoote ya na phoote...chhed jarur ho jayega..Bahar bhaga....lekin raj ne pakad liya..aur naina wali chair par bandh diya..

Bechare raghav chaddha to kidnapper mahashaya the... lekin naina ke hath chad gaye galti se.

Actually...Raj aur naina apne make out me busy the jab Raghav ne main gate par knock kiya tha.. teen bar halke se. Naina samajh gayi.. usja chindi kidnapper he. Dono ne pakad liya tha raghav ko...Aur naina ke andar ki lalita pawar, marykom, Ronda rousey, vinesh phogat sab jaag gayi thi..Khair raj ne samhala tha. Naina ka punch hi tha jis par raghav ne bola tha...ye sahi nahi ho rha..

Abhi to naina ke andar ki bijli jaagi huyi he...aur raj ke andar ka professor pyaare laal...

'Raghav. Kabhi socha he tum jaise logo ne hi desh ka beda gark kiya he!' Raghav' head spinned.

'Sirf ek kidnapping ki thi....Motive to poora nahi huya...desh laha se aa gaya isme?'

'Tumne do useful human resources ko galat kaam me laga kar unka time waste kiya..yahi time agar wo kisi useful jagah invest karte to gdp par asar padta. Ab dekho...agar ye dono sabji bech kar hi 1000 rs hi earn karte...to usse per day income badti. Us per day income se poverty line me difference ata...kam poverty matlab jyada development. Ab jyada development hota to jyada export hota...jyada export hota to jyada foreign currency la storage badti...usse kya hota ki jo hamara reserved gold-'

Raj ka lecture beech me ruka...kyunki student chaddha tha.

'Me apni rihayi ke badle sath hazar dunga. Mujhe chhod do.' Raghav ne hath jode..

'Kyu be! Khud ke liye sath...mere liye pandrah! Nahi chhodte.' Naina gusse me boli..

Idhar Raj ne phir se muh khola...

'Tum kya karte ho?'

'Baap ka business he... Timber ka.'

'Timber ki jagah sandalwood me deal karo..fayda hoga.' Raj ne advice di he.

'Me no bolta hu..mere baap ko bata do.'

'Baat mat ghumao...bap ka business he Iska matlab tum nikamme ho. Kuch karte kyu nahi? Shakl acchi he..movies me try karo.'

'Mere baap ka timber ka business he...production house nahi. Shakl ka kya achar dalunga?'

'Iska matlab tumhare andar will power nahi he..kuch karne ki. Yoga karo daily..pranayam aur dhyaan. will power aur self control badega. Me bhi karta hu..naina bhi karti he.'

'Lagti to dara singh ki poti he. ..'

Naina bhadaki...

'Kya bola be!' Raj ne hug kiya..aur bola-'shant bay shant.'

'Accha raghav. Kidnapping ka plan banaya kisne?' Raj asked.

'Mene. Aur abhi me sorry bol rha hu..mistake ho gayi...mujhe jaane do.'

'Lanat he tum par chaddha. Bilkul izzat gawa di....ek kidnap na huya...to kya hoga tere se chaddha? Tujhe pata he..tere plan me hi loophole tha. Mujhe bol..me president of india tak ko utha lau.' Naina is describing raghav why he failed..

'Accha..agar me kahu ki President ki jagah Delhi ke south block se ek ladki uthani he to? Utha laogi bahan ji?'

Is baat par Naina ne ghuma kar diya...

'Matlab lakshan hi kharab he tumhare. Ek kauwe ko kitna bhi nahla lo...rahega wo kala hi. Tumhe kitna bhi lesson mile lekin kamina pan niklega nahi... kyu uthwani he ladki?'

Raghav thoda sharmaya...

'Punjabi kudi he...acchi lagti he.'

'Bahut hi secular ho...State dekh kar pyaar karte ho? Mere raj ko dekho....Usne khana dekh kar pyaar kiya.'

Raj chid gya....Khana mtlab dinners...dinners matlab paise...aur paise matlab scholarship. Damn! Raj...you'd be more brave. Biwi poori life taane maregi...aur ek din teri hi kidney nikal kar bech degi.

'Bahut ho gya tum dono ka. Abhi police bulao....Ghar jana he ya nahi. Naveen ko tension ho rahi hogi. Naina....twenty four hours se jyada hone ja raha he..'

Naina ko yaad aya...ki naveen ko chai pila kar aayi tadka maar kar...raj tab bahar tha..aur usko chai nahi mili thi. Ohhh no....Poor baby. Usne khana bhi nahi khaya..

'Raj. tumne khana khaya?'

Raj ko laga ye scholarship ka raag chhedegi..isliye bola ki kha liya..Naina thahari chitrgupta ki bhatiji...chalta phirta lie detector..juth pakad liya..aur jab raj ne juth bolne ka reason bataya to....

'Uuuuuhhhhhuuuuuuuuuu dadyyyyyyyy...ab ye aadmi mujhse juth bhi bolne laga...aaaaaaahhhhhhhhuuuuuuu... hhhuuuuhuuuuuuu...Kal ko baate chipayega...hhhuuuuuuu...aaaahhhhh... uuuùuuuuuuuu....parso sautan layega...eeeeeewwee....hhhhhhuuuuu...uhhhhhuuuuuuu' naina ne gala phaad hi diya almost...wo to bhala ho daily practise ka....vocal cords hath me nahi aayi. Sab adaptation ki maya he..aur Lexmark ki bhi..

Idhar Raghav ki ankho ke samne andhera chha raha he...

'Aaaaaahhhhh..' jaise hi Raj ne usko pakda, Raghav chillaya..

'Bahan ji...pair aage kar do...Dho kar peene he. Bas aaj chhod do...me earth hi chhod dunga. Mars chala jaunga...bas kisi bhi keemat par jaane do....kaho to phir se peet lo...lekin jaane do...Kaise bhi kar ke..mujhe jaane do.'

Naina ko apni beizzati yaad aayi...

15000 me kidnap...

Raghav ke sar par chillayi...

'Baigerat! Gareeb...sale. chindi.. kidnapper he ya bhikhari. 15000 me ladki uthwata he wo bhi naina singh shekhawat ko. Me nahi chhodungi tujhe. Kisi keemat par nahi chhodungi aaj to.' Raj ne pakda naina ko...bahut drama ho gya...ghar bhi jana he.

Lekin Naina ka aaaaahhh...huuuuu dady shuru ho gya..

Madam jameen par baith gayi...aur rone lagi.

'Kitna pyaar karti hu me is aadmi se...huuuuuuuuhhhhuuu..lekin majal he jo ye mere pyaar ki keemat jane! Uuuuuhhhhheeeeee....areee...jo dinner par kharch huyi schoalrship ki keemat nahi janta mera pyaar kya khaak samjhega! Uuuuuuùuhuuuhhhhuuuuuuu...dady.....aapne hi fasaya he...me bol rahi thi...abhi bacchi hu..shadi ke sapne mat dikhao...uuuuuhhhhhhhuuuuuuu....lekin aap na mane...Ab dekho...aapki phool si bacchi ko naagphani bana kar rakha he..Huuuuuuuuuuuuu.'

Ye dard sunkar Raghav se raha nahi gya....

'Bhai sahab...apni biwi ke teen lakh de do...nahi ho to me deta hu...Aaj ke liye ye radio off kar do...Sach bata raha hu. Is prani ke sath sabki dua milegi...please..Ye side pocket me atm card he..Pin he 6770. Account me 40 lakh pade he...Please....atm le lo...aur jao..mujhe kholo bhi mat. Me sab manage kar lunga...bas aap in bahan ji ko le jaao..'

Raj ne dekha....naina apna stereo faltu me baja rahi he..Usne atm nikala...Aur naina ko god me uthaya...

Lekin naina ke andar ki bijli kuch jyada hi tadap rahi he ..Raj ne potential down karne ke liye uske kaan me bola..

'Agar pandrah minute shaant rahi to date par le jaaunga..'

Naina chup.

Raj usko bahar le gaya...

Wese Raghav chaddha ko naina shekhawat ki kidnapping itni mahngi aur bhaari padegi..usne sapne me bhi nahi socha tha. Dhobhi pachad, pull shot, sweep shot, helicopter shot, Hook, knock, sare punches abhi ka trail huya tha us par...aur upar se aaah uuuuu dady...Life ka ye aisa sabak tha..wo kabhi na bhoole....Udhar hari aur bihari ko beech beech me hosh aya bhi tha, lekin saamne khadi durga ma ko naman karke dono behoshi ki acting karte rahe..Kaun bali chade....sirf 15000 ke liye..

Sab locha 15000 ka hi tha...

Aur chaddha ki chaddhi tak utar jati....agar wo 15000 seek bhi rupee kam karta..