Naina ne aankh kholi....Bahut der se band kar ke baithi thi. Ankh kholi aur saamne dekha...do mushtande khade the. Naina ko samajh nahi aya ki ghar se jab nikli thi tab to akeli thi ab ye do gunde type aadmi kaha se uske sath aa gaye? Naina ne rewind kiya...

Naveen se ladai huyi. Uske baad Naina gusse me ghar se nikal gayi. Phir samne ek macD dikha. Naina ka gussa to hawa ho gya lekin bhookh lagne lagi. Lekin pocket me koi phooti kaudi nahi. Wapas jaane ke liye mudi hi thi ki...Do bando se takrayi thi...phir hosh nahi.

Yani ki Naina beta tera kidnap huya. Naina ko thoda ajeeb laga. Dar to laga hi thoda sa lekin ajeeb bahut laga. Matlab kaun sala chutiya haramkhor type banda he jisne Naina Singh ko uthwaya he. Naina ka pahla shak gya abhimanyu par. Dimag khaul gaya uska...Gala phaad kar chillayi..

'Sale do take ke lawyer! Ladki uthwata he...bahar aa saale. Asli mard he to bahar aa.'

Wo to bahar nahi aaya...lekin dono mushtande jarur uska chup karane ko aage aa gaye..

'Ae ladki. Chup rahegi to izzat se pesh aayenge...warna-' uski baat poori ki dusre gunde ne..

'Naam hamara bhi police files me darz he.' Ye baat dusre banda bola..

Naina ne dono ko ghoora.....lambe chaude demon type human. Bhagwan ji se mistake ho gayi. Lanka ki jagah India bhej diya in Rakshso ko. Khair Bhagwan ki galti to sudhar nahi sakte...lekin....Naina madam Thoda sa guilt kam kar sakti he.

'Aap log kaun ho?'

Naina ki baat sunkar dono has pade.

'Gunde he hum dikh nahi raha?'

'Kya batau bhaiya. Jabse pyaar huya dikhna band ho gya. Aapko maalum he- Accha khasa life ji rahi thi me...lekin pyaar ke chakkar me barbaad ho gayi..Aap ne kisi se pyaar kiya? Bhaiya.'

Dono gundo ne Naina ko dhyaan se dekha..Aisa lag raha tha ki Naina sach bol rahi he. Aur phir unme se ek ka dil toota bhi tha...to....Naina ka teer galti se nishane par laga.

'Ha bahan..me bhi ek ke pyaar me pada tha. Us aurat ne mujhe dhokha diya. Sirf isliye ki me ek gunda hu usne mujhe chhodkar baaju ke shyaamu dhobi se shadi kar li.'

'Haaye ree...Deva re deva. Gunde kya insan nahi hote! Aapko pata he me bhi gunda ban na chahti thi. Lekin dady nahi maane. Accha aap ye batayiye...ki kitna kama lete ho aap log'

'Kidnapping se lagbhag 10 hazar aur murder se 50 ya phir ek lakh.'

'Bade saste khoon hote he. Aapko pata he...minimum health coverage kitna hota he...kam se kam 5 lakh. Aur usko dilane ke badle aapko milte he sitf 1 lakh..aap logo ki koi union nahi he?'

Ab tak ke jawab sirf ek hi banda de raha he..dusra chupchap ghoor rha he dono ko.

'Union? Wo kya hota he?'

'Pade nahi ho aap bhaiya?'

'Nahi. Pahle din school gya tha to bapu ka bday tha. Phir bapu chal basa...to..mene jana hi chhod diya.'

'Waah waaah. Aap bilkul.sacche baapu bhakt ho. Wese lagte ni ho aajadi ke time se jinda ho. Bahut maintain kar ke rakha he. Gym jaate ho aap?'

'Nahi..Gym jaayenge to police pakad legi.'

'Dhat teri ki! Gundey are essentials for democracy. Lekin gundo ka koi khyaal nahi. Aap logo ko koi facility nahi he. Phir bhi aap log bina kuch kahe kuch bole kaam kar rahe ho. Aap log pahle apna union banao. Phir aage ke kaam honge.'

Dono log ek dusre ko dekh rahe...aur soch rahe ki union kaun si bala he...aur samne baithi ladki kaisi abla he!

Khair naina ne apna gyaan band nahi kiya..

'Aapko pata he...Aajkal sabji ke rate kya he? Aloo jaisi chij 40 rs kilo he. Ye he na pichli gali me Sabji mandi...waha par koi bhi bargain to karne nahi deta...kyunki unki union he....thik wese hi..jab tak aap gunde log ekatthe nahi hoge unka yu hi shoshan hoga.'

Dusra banda naina ko sunkar bola..

'Log humse darte he. Aur tujhe pata nahi he...dar kitni badi chij he.'

'Dar! Mujjse puch rahe ho dar ke baare me. Bhaiya....dar war kuch nahi hota...aapko lagta he log darte he...wo bas aapke saamne bokte he ki dar gaye..piche se aapko dus gaali dete he. Warna kyu koi aap jaise logo ko chhod kar shyamu dhobi ya ramu mali ko pakde? Batayiye.'

'Baat to thik he. Lekin kare kya?'

'Aap logo ke naam kya he?'

'Me hu Hari aur ye he bihari. Aur tu?'

'Aapko naam nahi pata mera? Bina naam ke utha laaye? Kaise kaam karoge? Union to pahle hi din band ho jaayegi aise kaamo se. Kya yaar. Accha ye pata he ki kisne uthwaya mujhe?'

'Ha...Ye mere phone me pic he uski. Dekho. No bhi he.' Hari ne apna phone dikhaya..

'Accha...to thik he. Ab meri baat suno. Aap logo ka union ban na he.us se pahle aap log Union ke baare me jaan lo. Union na aise hota he jaise....Sangthan. samajh aaya?' Dono ne sar na me hilaya..

'Aree family samajh lo aap log. Bas isme aapke saare kaam, dhande, kaam karane wale aur rate sab ka hisaab hoga. Ab jaise aap dono ho. Aapko yahi nahi pata ki me kaun hu? Aur aapne munhe utha liya. Ab ye to ek tarike se dhokha huya na...Kitne mile the mujhe uthane ke?'

'15 hazar.' Bihari replied.

Naina ko chakkar aa gaye...sala itna sasta kidnap!

'Yar tum logo ne to katai gira rakhi he. Phone karo is bande ko ....kam se kam 50 hazar maango...10 hazar mera naam na batane ke. 15 hazaar mere khane ke...waki ke 10 hazar bonus he...aur na..ye bhi bolo ki agar do ghante me yaha nahi aya to har minute 4 hazar badenge.'

Dono gunde naina ko aise dekh rahe jaise pahli baar dekha ho.

'Aisa kya dekh rahe ho? Pahla case he kya?'

'Hari ka dusra he....mera chautha he.'

'Oohh...Phir to rookie ho. Matlab K.G. ke baache...Ek kaam karo. Aap log mera no lo. Me aapko batati hu ki kaise deal karna he kisi case ko..'

'Lekin....Hum khush he. Jyada kama kar kya karna. Uthana marna sab bure kaam he...Paap ki kamai he ye.'

'Kisne kaha tumhari kamai paap ki he? Ek baat batao....Ek butler jo meat bechta he...wo bhi to maarta he...to wo papi nahi huya? Ye sab faltu ke baate he...Aap log mere hath kholo...aaj me gundo ki nayi union banaungi. Ye sale bade log aiwai gundo ko use karte he. Unki bhi jeb dhili ho.'

Dono ne usko suna....bat to thik he...Ye bechari sach me bhala chahti he..

Bechare dono logo ne naina ke hath khol diye...phir kidnapper ko call karke bola jaldi aane ko..saath me paise bhi laane ko.

Naina ne pahle to apne hatho ko chooma...phir..

Us ne paper liya...aur pen liya...aur...dono ke phone liye....Likhne baith gayi....Lekin dono thahre anpad...to padna kaha se aata...

'Aap logo ko padna nahi aata? Sari problem ki jad to yahi he...chalo..me padati hu aapko. Hari bhaiya...Aap do notebooks le aao...aur khana bhi....bhookh lagi he...aur ha..khana five star hotel se laana...me apne kidnapper par food tax bhi thokungi. Sath me beizzati tax...Aur time wasting tax....aur...waki baad me yaad aayenge. Bihari bhaiya...aao baitho aap. Hum log aaj apni union bana ke hi dam lenge. Har bar koi shyamu dhobhi aapki girlfriend nahi le jaayega. Me aapko pahle padaungi...phir hum union banyenge.'

Hari went to buy food. Meanwhile naina sat with bihari on mat. Naina ne usko english alphabte diya...padne ko...

Bihari ko chakkar aa gaye.......Kidnapping se jyada padai mushkil he.. Khair naina  ne himmat nahi chhodi....

In 30 minutes...khana aa gaya..Bihari ki jaan me jaan aayi...aur Hari ki shamat...naina ne pet bhar ke khana khaya...Aur dono gundo ne bhi...phir naina aa gayi teacher mode par...

'Ye alphabet he...Aloo ka khet nahi. Sahi se pado.'

'Areee...A for apple bolo..seb..Apple matlab seb..'

'E for elephant. Hathi...E..l..e..p..h..a..n..t..   Alefant nahi . Thik se bolo warna abhi tum dono ko murga banaungi.'

'H for heroine. Nashe wala nahi re...filmo wala...Jaise Madhuri he.'

'J for jug. JUG nahi Jug...a he beech me u nahi..Dhang se bolo.'

'Hari bhaiya...wo mirch nahi mooli he...redish. sidhi karo book.'

'Queen he queen....Mumtaaz mahal nahi he ye..isko sirf show kiya he...matlab dikhaya he.'

'Rat means chooha..chuhiya kaise ho gayi ye? Chhichhorepan ke lakshan he ye...har jagah ladki dekhna..'

'Tree...Normal.sa ped he...isme aam ya gobhi kaha se aayi?'

'Xmas tree...khajoor ka ped kidhar se dikh rhaa he? Yar...chashma najar ka banta he..akal ka nahi.'

'Z se zebra....ghoda kaha se he ye?'

Dono gundo ko ek ghante jam kar padaya...dono wahi dher....pass padi rassi se dono ko bandha...aur apne kidnapper ka wait karne lagi....

Ane do sale ko...Mrs. Naina Rajveer Shekhawat se panga! Beta royega tu....bas aa ek baar.