HINDI PAHINGA NG KANLUNGAN

Ika'y magaling lamang sa salita
Dahil ika'y biglang nawawala
Naglalaho nang pagkatagal-tagal
At may kasama na palang iba

Habang ako ay nasa kadiliman,
Nalilito at nahihirapan
Hindi man lang ako sumagi sa iyong isipan
Dahil ako ay problema kung iyong titingnan

Hindi ako ang iyong pahinga,
Pasanin lang at abala
Nakakasawang kasama,
Parating nauuwi sa alitan tayong dalawa

Mahirap ako pakisamahan
Kaya pinipili mo ang iyong mga kaibigan
Inaaksaya lamang ang iyong oras na pinapahalagahan
Kung kaya ay pinipili mo akong iwasan

Babalik kapag nahimasmasan
Babalik na parang wala lang
Babalik kapag may kailangan
At mawawala ulit kapag nakuha ang kagustuhan

Iniiwan na naghihintay
Ngunit ako'y hirap kakaisip kung paano bibitaw
Hindi makalaya at patuloy na umaasa
Na maaayos pa ang pagsasama