Author 

Henry ko kuch samajh nahi aa raha tha aur Iqbal par gussa aa raha tha alag. Uska dil to chah raha tha ke Iqbal ko ache se phatkar lagaye.

Par Heer se kiya wada use yaad aa jata hai to wo ab Iqbal ke samne apna gussa pii jata hai.

Haa, sahi suna, Iqbal ki zyada bolne ki aadat ki wajah se Henry use jitna dantta tha ye baat kisi se bhi chupi nahi hai lekin Heer ko ye acha nahi lagta kyun ke Iqbal un dono se umar mein bada hai aur baap saman hai to usne Henry ko ye baat bhi samjhai toh us din se ab Henry khud par kabu rakhne ki puri koshish karta hai.

“Iqbal, I told you to bring the doctor. Who have you brought instead?” Henry ne apne gusse ko kabu karte hue daant piste hue kaha.

“Saab ji, bas thodi der ruk jao phir doctor ko bhi le aunga agar zarurat padi toh.” Iqbal ne darte darte kaha.

“Need! Need! Are you kidding me?” Henry uski aur badha par tabhi kamre ka darwaza khula aur Henry ne mud kar us budhi aurat ko dekha.

“What has happened to my wife?” Henry ne dai se pucha.

“Jaiye, aap khud puch lijiye, saab ji.” Dai ne halki si muskan ke sath kaha aur age badh gayi.

Henry use hairani bhari nazron se dekh raha tha ke ye kya keh gayi aur kyu?

“What kind of doctor did you bring?” Henry ne Iqbal se pucha aur Iqbal ne apni nazrein jhuka li. Hasi to Iqbal ko bhi bahut aa rahi thi, par wo apne afsar par has nahi sakta tha, toh usne apna muh hi niche kar liya.

“I’ll deal with you later.” Use dhamki de Henry andar kamre main badha to dekha Heer bistar par baithi thi.

“What happened, my love? What did that old Indian doctor say?” Henry pareshani main puchta hua andar badha. “It’s my fault. I shouldn’t have asked this Iqbal Ali for help. He’s good for nothing, just all talk. Come on, I’ll take you to the doctor myself.”

Henry ne use uthne ke liye kaha par Heer ne wahi baithe hue Henry ki aur apna hath badhate hue use apne paas bulaya.

“Little jewel…”

“Aiye toh.” Heer ne dheere se use apne paas bulaya.

Henry ne ek gehri saans li aur uske paas jakar baitha aur ek saans mein shuru ho gaya, “You never let me say anything to this Iqbal Ali; he’s a complete fool. I told him to bring a doctor, and I don’t know who he brought! And that old lady, she didn’t seem like a doctor at all to me. When I asked her what happened, she said, I should ask you myself! I mean, is that even how it’s supposed to work? If you knew than….”

“Toh apne mujhe pucha kyun nahi ke kya hua hai?” Heer ne dheere se use pucha use tokte hue.

“So tell me, little jewel. What exactly is going on? I’m dying of worry over here.” Henry ne bechaini mein pucha uska chehra apne hathon mein lete hue.

“Koi aane wala hai, colonel saab.” Heer ne dheere se kaha uski aankhon mein dekhte hue.

Par Henry ka dimag aur khrab ho gaya jab use uske sawal ka seedha jawab nahi mila. “One thing I don’t understand is, why is everyone talking in riddles today? And what does someone’s arrival or absence have to do with your health?”

“Humare beech koi anne wala hai, Colonel Saab.” Heer ne dheere se kaha.

Henry shyad ab bhi nahi samajhta agar Heer ne uska hath apne pait par na rakha hota.

Henry ek lamhe ke liye bilkul sunn pad gaya. Usne Heer ke hath ko dekha jo ke uska hath thame hue tha aur phir Heer ko jisne dheere se apna sar haa main hilaya nam aankhon ke sath.

Heer ne kab uska hath apne hath mein liya aur kab use apne pait par rakha, wo nahi janta. Wo chinta mein itna zyada duba hua tha ke use kuch ehsaas hi nahi ho raha tha kab Heer ne uska hath waha rkha.

Henry ne jaise hi apne kanpte haath ko Heer ke pait par aur narmi se chua, uske poore wajood mein ek ajnabee si sughandh phail gayi, jaise kisi ne uske dil ke andar ek chingari jala di ho, par woh chingari dard ki nahi thi, balki ek ajeeb si khushi ki thi, jo aankhon ke raaste baahar aana chahti thi, lekin uska gala ruk gaya tha.

Usne kuch kehna chaha, par alfaaz uska saath nahi de rahe the. Heer ki aankhen nam thi, par usme dar nahi, umeed thi, ek nayi zindagi ki umeed. Ek naye safar ki umeed.

“That woman wasn't a doctor but a midwife, wasn't she?” Henry ne kapkati awaz mein pucha jaise use yakeen hi na aa raha ho.

Heer ne dheere se apna sar haa mein hilaya aur uski aankhein nam ho rahi thi khushi mein.

Henry ne dheere se apna haath kheench liya, par phir turant Heer ka haath pakad liya, dono haathon mein le kar, uske samne zameen par ghutno ke bal baith gaya.

“Are you… Are you telling me that… we’re having a baby?” Usne halki si hansi aur aansuon ke beech pucha, jaise khushi ka bhar nikal hi nahi rahi ho.

Heer ne sirf haan mein sir hilaya aur uski akhon se aansu beh nikle.

Henry ne apna sir uske haath par jhuka diya, aur ek gehri saans li, jaise uske andar kuch toot raha ho aur kuch naya ban raha ho. “I can’t believe this… I… …do I even deserve this joy?” Usne thir-thir kaampte hue kaha.

Heer ne uske aansu poche aur dheere se kaha, “You deserve everything, Colonel Saab.”

Henry ko yakeen hi nahi aa raha tha ke wo baap banne wala hai. 

Usne Heer ka chehra apne dono haathon mein liya, uski aankhon mein jhaank kar kaha, “You’re giving me a family, little jewel. After losing everything, we are going to have the most precious blessing of our life. I promise you….no, I swear to you, I’ll protect you both with everything I have.”

Henry ne is wade ke sath Heer ke pait par apne lab rakh diye bahut hi sambhal kar jaise apne ajanme bache se wada kar raha ho.

Heer ki aankhon se aur aansun beh niklne. Usne nahi socha tha ke sab kuch gawa dene ke baad use kabhi khushi ka ehsaas bhi hoga. Wo bhi is tarah se.

Aur use sab khushiyan dene wala bhi kon? Jisse wo kabhi apna dushman samjha karti thi.

Henry apne paon par khada hua aur Heer ka matha chumte hue kaha, “You have given me the world, little jewel.”

Heer ne halka sa muskurate hue apni aankhein band karli upar wale ka shukrana ada karte hue aur uske hath khud-b-khud uske pait par the. Jaise ke upar wale se ashirwad maang rahi ho uske bache ki salamti ke liye.

Aur tabhi bahar se awaz ayi, “Saab ji mithai le aun?”

Iqbal ki awaz sun dono has pade.

“Yes! Go and get her favorite sweets.” Henry ne Heer ke gaal sehlate hue kaha. Heer sharma kar uski bahon mein simmat gayi.

Henry ab bhi Heer ko apni baahon mein sambhale khada tha aur wo wahi bistar par baithi thi. Usne dheere se uske baalon ko chua jaise ab usse ek pal ke liye bhi alag nahi hona chahta ho.

“Now I understand when you were saying that someone is coming between us, you meant that little life who is about to become a part of ours.” Henry ne uske kaan ke paas dheere se kaha. “I was such a fool not to see it.”

Heer ne uski baat pe halka sa muskara kar uske seene se sir laga diya.

“Colonel Saab…” Heer ne dheere se use pukara, “kya aap khush hain?”

Henry ne turant uska chehra dono haathon se pakad kar apni aankhon ke samne laaya. “Happy? I’m the luckiest man in the world.”

Itne mein Iqbal darwaze ke paas aakar khangura aur darwaze par dastak di bahar khade ho kar.

“Ahem…saab ji!”

“Come in!” Henry ne kaha seedhe khade hote hue aur Heer bhi seedhi baithi apna dupatta sahi karte hue.

Iqbal ne andar ghuste hi sabse pehla ladoo Henry ke muh mein yun thusa apni utsukta mein ke Henry ki akhein hairani mein badi ho gayi aur Heer apna muh apne dupatte ke peeche chupa kar zor zor se hasne lagi.

“Badhai ho, Saab ji! Bahut bahut badhai ho.” Iqbal ne apni utsukta mein Henry ko gale laga liya aur Henry ki aakhein hairani mein aur badi ho gayi.

Par Heer ne jab muskurate hue halka sa sar hila kar use samjhaya toh Henry ne use kuch nahi kaha lekin jab Iqbal ko ehsas hua ki apni khushi mein usne kya kar diya wo turant Henry se 2 kadam piche hat kar apna sar jhuka kar khada ho gaya aur mafi mangne laga.

“Mafi Saab ji! Pata nahi kaise….”

Par Henry ne use puri baat nahi karne di aur ekdam sakht shaqal ke sath ladoo utha kar uske muh mein dala aur gale se lagaya.

Ek pal ke liye Iqbal ko yakeen hi nahi hua ke ye akhir kya hua. Wo chonk gaya par jab uski nazrein Heer par padi, wo muskura rahi thi. Use dekh kar Iqbal ke chehre par bhi muskan aa gayi.

“Mubarak ho Saab ji.” Iqbal ne dheere se kaha jab Henry ne uski peeth thapthapai.

“You too, Iqbal.” Henry ne muskurate hue kaha do kadam peeche hatte hue.

“Iqbal chacha mera muh meetha nahi karenge kya?” Heer ne pyar se pucha.

“Bilkul dheeye bilkul.” Iqbal khushi khushi uski aur badha aur use apne hath se mithai khilai phir ashirwad bhi diya uske sar par hath rakhte hue. “Khush reh meri dhee raniye. (Hamesha khush raho meri bitiya rani.)”

Heer ki aankhen bhar aai apne pita ko yaad kar jab Iqbal ne uske sar par hath rakh use ashirwad diya aur uske dil mein bas ek hi baat aayi ke agar uske mata-pita agar aaj hote toh wo kitne khush hote.

“Iqbal Ali?” Henry ne use pukara aur Iqbal uski aur muda turant.

“Ji, Saab ji!”

“How did you know that it wasn’t a doctor we needed, but a midwife?” Henry ne pucha jo sawal use sataye ja raha tha.

“Saab ji!” Iqbal ne sharmate hue nazrein jhuka li aur sharmate hue kaha, “Pata chal jata hai akhir 4 bete hain mere.” Iqbal ne kaha aur muskura kar salaam maara aur bhaag kar bahar jane se pehle kaha. “Main pure shehar mein mithai bantwa kar ata hu.”

Wo yun bhaga jaise uski poonch mein aag lagi ho aur peeche chod gaya haste hue Heer aur Henry ko.

Henry uski aur badha aur uske paas baith uske gaalon se aansun poche aur pyar se pucha, “What happened, my love? Why are you crying now?”

“Bas bebe bapu ji yaad aa gaye.” Heer ne dheere se kaha.

“They are always in our hearts, and they must be very happy too.” Henry ne uska sar sehlate hue kaha.

“Aur aap ke mata pita bhi.” Heer ne uske seene par apna sar rakhte hue kaha, "Indeed, they are very happy.” Henry ne uska sar chumte hue kaha.

Phir dono sannaate mein ek dusre ke agosh mein baithe rahe aur kuch der baad Henry ne dheere se pucha. “Do you think... I’ll be a good father?” Usne poocha, thoda sa hichkichaate hue.

Heer ne apna haath uske dil ke paas rakh diya. “Aap ache insaan hain, Colonel Saab. Baaki sab toh upar wala dekh lega.”

Henry ki aankhon mein aansu the, par is baar wo aansu kamzori ke nahi, barkat ke the. Usne apna matha Heer ke haathon par rakha, jaise apni poori duniya ka shukriya us ek pal mein ada kar raha ho.

Aur raat ka khana Henry ne Heer ki pasand ka banwaya. Heer ka kuch bhi karne ka maan to nahi tha par Henry ka pyaar dekhte hue usne thoda thoda sab kuch khaya.

Dono bahut khush the. Ye nayi khushi ne dono ko dubara jeene ki umeed si di hai ke ab unka bhi ek pariwar hoga jise wo dono kho chuke the.

Har roz ki tarah Henry Heer ke liye kitab padh raha tha aur wo Henry ki godh mein sar rakh padi thi. Wahi Henry ka hath Heer ki kokh par tha aur padhte padhte wo use sehla raha tha.

“Ek baat puchu, Colonel Saab!” Heer ne dheere se pucha us ki aur dekhte hue.

“Ask anything, my love.” Henry ne kitab band kar apne sara dhiyan use dete hue kaha.

“Apko kya chaiye? Mera matlab apko beta chahiye ya beti?” Heer ne pucha.

Henry ne pal ke liye uski aankhon mein dekha aur uske baal uske chehre se hatate hue kaha, “What difference does it make whether it’s a boy or a girl? All that matters to me is that you both are safe and in my arms; that’s all I need. But yes, I do have one wish… if we have a son, I’d love for us to name him Sahib.”

Ye baat sunte hi Heer ki aankhen bhar aayi aur wo Henry ke gale lag rone lagi. Henry use apni bahon mein bhar uski peeth sehlane laga lekin usne kuch nahi kaha aur na hi use chup karwaya kyu ke kuch batein ansun ban beh jaye to hi acha rehta hai.

Ye faisla Henry kab ka liye baitha tha ke jab bhi unka bacha hoga toh wo apne bete ka naam Sahib hi rakhega kyu ke Sahib ke jane ke baad Heer kitna tuti thi ye baat wo ache se janta hai ke usne Sahib ko apne bache ki tarah pala hai aur use khona Heer ke liye apni aulaad khone se kam nahi tha.

Wo manzar aaj bhi Henry ka dil dehlata hai jab bhi wo uske bare mein sochta hai jab Heer Sahib ke bejan sareer ko apni bahon mein liye ghoom rahi thi aur use jane dene ko taiyar nahi thi.

“Mera Sahib humare paas wapis aayega na, Colonel Saab?” Heer ne sisakte hue Henry ki aur dekhte hue pucha.

Henry ne uska chehra apne hathon mein lete hue kaha, “He will definitely come back to us, little jewel, and this time, we won’t ever let him go far from us again, not even for a moment.” 

Heer sisak rahi thi aur Henry uske aansun pochte ja raha tha. Phir ek masoom swal Heer ke zehen mein utha aur usne badi hi masumiyat se chinta mein pucha, “Agar beti hui toh?”

Henry ne haste hue use apne seene se laga liya aur uska sar chumte hue kaha, “So what if he couldn’t come this time? He’ll come to us next time for sure.”

Heer sharma gayi aur Henry ne muskurate hue apni bahein uske charon aur kas li.

Dono apne ane wali khushiyon ke sapne sajane mein lage is baat se anjaan ke koi unki khushiyon ko grehan lagane ko taiyar baitha hai.

Adhi raat ka pehar tha aur Radha sabki nazron se bachte bachate ek puri khandhar haveli ki aur ja rahi hai apne krantikari sathiyon se milne.

“Bahut waqt laga diya, Radha?” Farooq ne pucha.

“Haveli mein kam se chutti der se milti hai.” Radha ne apne sar se ghoonghat htate hue kaha.

Haa, ab wo haveli mein kaam karti hai aur Heer ke liye sari khabar lati bhi hai aur use khabre deti bhi hai.

Usne Farooq se pucha, “Kya sab log aa gaye hain?”

“Haan, bas tumhara hi intezar tha.” Farooq ne kaha aur dono andar aaye.

Andar ate hi Radha ne ek baat kahi, “Khabar toh mil hi gayi hogi aapko. Iqbal Ali sare shehar mein mithai baant aya hai.”

Radha ne jaise hi ye baat kahi, waha mojood ek shakhs ka khoon khaul utha.

“Haa, pata chala... Allah uss bachche ko himmat de jiske khoon mein Heer jaise maa ki rooh hogi.” Jenab bibi ne kha.

“Maa banne wali hai?” Charan Singh hairani mein bol utha.

Gurbaksh ne thande lehze mein kha, "Woh ab ek maa hai. Uska raasta alag ho gaya."

Sabne uski taraf dekha. Uski aankhon mein dard tha lekin uska lehza abhi bhi narm tha. Wo dard baki sathi toh nahi samjh sake par Nooran ache se samajh rahi thi aur usne khamosh rehna hi sahi samjha.

Farooq bol utha. “Aise kaise rasta alag ho gaya? Heer toh hamari sabse tez aur zidd wali saathi hai....”

Nooran ne use tokte hue kaha, “Lekin woh toh khud bhi keh chuki thi ke jab tak Hind azaad nahi hota, wo apne liye nahi sochegi.”

“Zahir si baat hai woh uske liye sochegi jo duniya mein aane wala hai. Uske liye ek azaad Hind chahiye.” Radha ne kaha.

"Woh maa ban gayi hai, lekin uski aag bujhi nahi hai. Heer jaise log maa bhi hote hain, Krantikari bhi. Kabhi kabhi maa ban jaana hi sabse badi bagawat hoti hai." Gurbaksh ne kha aur Farooq ne haan mein sir hilaya.

"Ek krantikari maa ka matlab hai ek nayi nasl jismein ghulami ka darr nahi, sirf azaadi ka haq hoga.” Jenab bibi ne kha. “Inshallah, ab azadi dur nahi.”

“Lekin us bache mein ek gore ka khoon hoga.” Charan Singh ne chinta jatate hue kaha.

“Aur Heer uski maa.” Gurbaksh ne sakht lehze mein kha. “Ab is baat ko yahin khtam karo sab aur age ke mansube par kaam karo. Hume aur paisa aur barood chahiye.”

“Maine sab pata lga liya hai sarkari khjane ka ek hissa Delhi se yaha Lahore ane wala hai agle teen mahino mein. Hum use hi lautenge.” Charan Singh ne kaha.

“Sarkari khjane ke saath suraskha bhi toh bahut hogi!” Nooran ne pucha.

“In teen mahino mein aur asla ikatha karo.” Gurbaksh ne apni jagah se uthte hue kaha. “Ab agli mulaqat tabhi hogi aur tabhi loot ka mansuba banega.” Aur wo waha se chal diya.

Uske baad sab ek ek kar chale gaye waha se.

Raat ke teesre pehar ka waqt tha jab achanak Heer ki aankh khuli aur use kuch khane ki icha hui.

Raat ke khane ke waqt use zyada bhook nahi thi par ab achanak use is waqt bhook lagne lagi.

Wo dheere se Henry ki bahon se nikli taki uski neend na tut jaye aur bina koi awaaz kare kamre se bahr aayi.

Rasoi mein khane ke liye kuch dhoondh hi rahi thi ke use ehsaas hua ke shayad koi uske piche hai.

Heer ko laga Henry hoga to wo bolte hue mudi, “Colonel Saab…..” par uske alfaz adhure hi reh gaye jab usne kisi ko rasoi ke dusre kone mein khade dekha andhere mein.

Andhera itna tha ke use samne khade insaan ki shakal toh sahi se nahi dikhi di par itna uska rom rom chila raha tha ke khtra hai.

Wo Henry ko pukarne ke liye chilane hi wali thi ke wo saya andhere ko cherta hua ek pal mein age badha aur uske muh par hath rakh use chup karwa diya.

Heer ke pure badan mein dar ki bijali daud uthi aur wo khud ko azad karwane ke liye jhatpatane lagi.

“Heer!” Us insaan ne pukara aur wo awaz pehchante hi Heer aur bhi zyada dar gayi. Khud-b-khud uske hath uske pait par chale gaye is dar mein ke kahi wo uske bache ko nuksaan toh nahi pohchane aya.

Wo thoda sa aur aage ki taraf jhuka tab roshandan ki khidki se ati chand ki roshni mein Heer ko uska chehra saaf saaf dikhai diya.

Gurbaksh ne jab Heer ke hath dekhe uske pait par uska tuta hua dil fir chakna chur ho gaya.

“Main tumhe nuksaan pohchane nahi aya hun.” Gurbaksh ne bas itna keh Heer ke muh se apna haath htaya aur Heer gehri saanse lene lagi.

Uske hath ab bhi uski kokh par the jaise apne bache ko bacha rahi ho.

“Mohabbat karti ho us se?” Gurbaksh ne bas itna hi pucha aur Heer ne apni nam aankhon se uski laal aankhon mein jhanka aur dheere se haan mein sar hilaya.

Gurbaksh ko itni chot Heer ko use thukrane par bhi nahi pohnchi thi jitni ke aaj ye sun kar hui ke Heer Henry se mohobbat karti hai.

Par Heer dari hui thi aur uske zehan mein ek hi baat ghoom rahi thi ke wo yahan Henry ko nuksaan pohchane aya hai.

Gurbaksh ki nazrein ek lamhe ke liye Heer ke haathon ki aur gai. Heer ne bhi ye dekha aur uske haath aur zor se kas gaye uske pait par.

Heer ne kanpti ghabrati awaz mein binati karte hue kaha, “Mere bache ko kuch….”

“Itna gira hua smjhti ho mujhe?” Gurbaksh ne pucha. Uski awaaz mein dard tha.

“Toh yahan kyun aaye ho?” Heer ne rote hue pucha aur uske behte aansu Gurbaksh ke dil mein churiyon ki trha chubh rahe the.

Heer ne roti hue apne haath jode uske aage aur bheekh mangte hue kha. Kyunke usse lag raha tha ke Gurbaksh yahan loot-paat karne aya hai. Jo ke wo aksar angrez afsran ke gharon mein karta rehta hai.

“Tumhe jo chahiye. Sab le jao. Par mere colonel saab ko baksh do, Gurbaksh bhaji. Mera unke alawa koi bhi nahi hai is duniya mein. Mere liye na sahi toh mere hone wale bache ke liye unhe koi nuksan mat pohchana.” Heer ne apni jholi phelate hui apne pati ki salamti ki bheekh mangi.

Gurbaksh hairan tha Heer ko yun dekh kar.

“Main yahan loot karne nahi aya hun, Heer.” Gurbaksh ne bas itna kaha aur Heer ke sar par hath rakha, “Aur rahi baat Caldwell ki toh ja tere ishq mein baksh diya use.”

Bas itna keh wo raat ke andhere mein jahan se aya tha phir gayab ho gaya.

Wo yahan aya tha sirf ye jannee ke liye ki Heer is bache ke ane se khush to hai. Agar nahi to wo kuch bhi kar use is rishte se azadi dilwata par ab wo khush hai to Gurbaksh kuch nahi kar skta tha.

Aur Heer ke mohobbat ke izhar ne use uske sare sawalon ke jawab bhi de diye aur use aisa wada bhi dene ko majbur kar diya jo shayad wo kabhi na karta.

Usne apne bhai ke marne ke baad har ek British officer ko marne ki kasam khai thi aur ab sirf Heer ke liye usne Henry ki jaan bakhsh di.

Heer hairani mein wahi khadi reh gayi. Abhi abhi jo hua use kuch bhi samjh hi nahi aya. Par ab use is baat ki tasalli thi ke ab Gurbaksh ki taraf se wo mutmain rahegi.

“Little jewel!” Tabhi Henry ki bahar se awaz ayi aur Heer ne apne ansun poche aur rasoi se bahr nikli. “What are you doing here at this hour, my love?” Henry ne uski aur badhte hue chinta mein pucha.

Par jab wo uske pass aya aur uski aankhein dekho to wo aur chinta mein doob gaya.

Heer ka chehra apne hathon mein lete hue usne pucha, “Were you crying? What happened? Please tell me.”

Uski awaaz mein jo bhaichaini aur dar tha usne Heer ko ek bar bhi us ki mohabbat mein giraft ho gayi.

“Kuch nahi hua, Colonel Saab.” Heer ne halka sa muskurate hue kaha. “Wo bas bhook lag rahi thi. Rasoi mein kuch nahi mila khane ko toh rona aa gaya.” Heer ne jhooth bol diya.

Henry ne muskurate hue uske gal chume aur kaha, “People are right, pregnancy isn't as easy as it seems. Come, let me cut some fruit for you, and starting tomorrow, I’ll ask the cook to prepare extra food just for you.”

Wo use khane ki mez ki aur le gaya aur use waha kursi par bitha kar uske liye fal katne laga.

Thode se phal khane ke baad dono wapas apne kamre mein aa gaye aur Heer Henry ke agosh mein pehli bar ab bina use khone ki chinta mein soi.

Prate kal ka samay tha aur Lahore ki galiyan abhi jagi nahi thi. Us sunate mein gunjati galiyon se Radha haveli ke liye badh rahi thi jab use piche se kisi ne pukara.

“Radha!”

Radha wo awaz pehchanti thi, to wo turant mudi.

“Aap yahan!” Radha ne hairani mein pucha.

“Zyada waqt nahi hai mere pass. Meri baat suno. Caldwell ki study se tumhe kuch dastavej nikalne honge….”

“Mujhe waha jane ki manzuri nahi hai.” Radha ne kaha. “Heer jiji…..”

“Nahi, use is baat ki bhanak bhi nahi lagni chahiye. Wo ab gaddar ban chuki hai. Dushman ka bacha us ki kokh mein pal raha hai. Us par bharosa nahi kar sakte hum. Ye kaam tumhe hi karna hoga.”

Radha ne dheere se sar hilaya aur sari jankari lene ke baad waha se haveli ki aur chal di.

Aur use jata dekh wo dusre shakhs ne khud se bahut hi nafrat mein kaha, “Tumne mera sab kuch cheena hai, ab bari tumhari hai, Caldwell.”