الكلام ده على لسان المبدع : Mu Sayed Ali
مش انا اللي كتباها ومليش أي دخل فيها..

لينك بروفايله علي الفيسبوك : https://www.facebook.com/oOkaloshaOo

----------------

جاتلي رسالة من نمرة غريبة علي التليفون بتقولي « كل سنة وانت طيب چيمي هاجي احتفل بليل معاكوا  »  نزلت تطبيقات اظهار دي نمرة مين من الجوجل بلاي مكنتش بتجيب اي نتيجة ، في الحقيقة مش عارف مين ده ! من ساعة مجيت الكلية معرفش غير 4 اصدقاء وكلنا ساكنين في شقة واحدة ! بعت النمرة لكل واحد فيهم وكنت عارف انهم في محاضرتهم ، وبدء الرد بالتدريج منهم الاربعة .. مش نمرتي چيمي ، مش عارف چيمي ! ، اكيد مجبتش خط جديد ياچيمي ، چيمي انت سخيف ! ، جه تفكير تاني وهو ان حد من اهلي عملي مفاجأه ويمكن جي يحتفل معانا ! في الحقيقة ده كان تخميني الوحيد ، خصوصا ان مكونتش زي اصدقائي علاقة مع اي بنت ، وعشان كده قومت من سريري استغل اليوم ال انا غايب من الكلية عشانه ، وهو تجهيز الاحتفال بعيد ميلادي ووضع الزينة ، انا بحب جدا احتفل بعيد ميلادي ، جتلي رسالة تانية من نفس الرقم  « چيمي ملوش لزوم انك تجيب تورته ! انا جايب معايا .. »

بعتله رسالة « اشكرك جدا ، بس انت مين » رد علي طول « چيمي البس هدومك ..عشان متاخدش برد »  ها ؟ انا كنت فعلا لابس ملابس داخلية بس !! فضلت اتلفت وغرفتي مش بطل علي شباك او بلكونة ! بس رن مسج تانية !! !« چيمي شكلك مضحك اوي وانت بدور عليا ، انا هجيلك نحتفل بليل وهتشوفني !! »  هنا بس حسيت انه حد من اصدقائي وحاطط كاميرا ماا وبيشتغلني ، رميت الموب وسيبت الرسايل تتوالي ، عملت فعلا اني مش عارف اي حاجة لحد مهما جم ..

مجبتش سيرة الرسايل ، والحقيقة محدش جاب سيرة منهم ! .. وجت الساعة 11:30 ، جرس الباب رن .. واحد من اصحابي فتح ولقي هدية ملفوفة قدام الشقة ، وجالي بسخرية واضح ان في احدي الفتيات موهمة بيك چيمي وجيابلك هدية ، فتحتها لقيتها شريط فيديو ..!  شغلنا انا وهما عشان الاقي فتاه في مقتبل ال 20 ، الفيديو ابيض واسود ، واقفه قدام الكاميرا في غرفة  بتقول شعر باسمي .. اصدقائي كلهم كانوا بيضحكواا .. بس كل م اروح يمين او اجي شمال الاقي عنيها ثابته علياا .. كنت بتمشي في الغرفة وبدقق في ال غرفة اوي .. واحد من اصدقائي سالني انت مش فرحان !! بقي ليك معجبة .. سيبت الغرفة وجريت !! جريت لتحت وهما مستعجبين !! اخر مرة شوفتهم فيها وهما بيقولولي اطلع عشان تقطع معانا التورته وانا في الشارع  تحت ببص عليهم ! ..بعدها النور قطع ! مشوفتهمش من ساعتها .. ومطلعتش الشقة دي من ساعتها ! بالمناسبة ، نسيت اقول انا نزلت من الشقة جري ليه .. الغرفة ال في شريط الفيديو كانت غرفتي !!