من ترجمه الكاتب : Mu Sayed Ali
مش انا اللي كتباها ولا مترجماها ومليش أي دخل فيها..

لينك بروفايله علي الفيسبوك : https://www.facebook.com/oOkaloshaOo

----------------

كنت مدي ميعاد لبيري بس مجتش ! فضلت مستني فوق ال ساعتين ، ازاي متجيش ده هيا ال محددة ال مكان ، خصوصا ان اليوم ده كنت هعترف بحبي ليها ..! تليفونها مغلق ، مشيت من الكافية بائس وحزين ، رميت الورد في اقرب سلة مهملات ، ودخلت نمت ، حلمت ببيري واقفة عايزة تقولي حاجة بس صحيت فجاءه! ولما صحيت اخدت الشاور بتاعي وعملت قهوة ، وسحبت الجورنال من الباب .. كعادتي اليومية فضلت اقلب في عشان اشوف اسواء خبر ممكن اتخيلوا ! « اختفاء شابه تدعي بيري واتسون 22 عاما » وفي جايزة ب 200 الف دولار علي ال يعرف تفاصيل او شافها !! يعني ايه اختفت وامتي ، نزلت بسرعة علي بيتها .. عشان اهلها ياكدوا الخبر ، كانت صدمة بنسبة ليا .. ! رجعت البيت مصدوم ومش بكلم حد ، ممدت علي السرير ورحت في النوم ، لقيت بيري في احلامي !! عربية بتوقف عربية بيري بينزل منها 3 شبان .. بياخدو بيري جو الغابة !! حاسس نفسي جوا الاحداث ! شايفهم بيتعمقوا جوو الغابة ، اول مدخلت الغابة لقيت بييري واقفة بتشورلي في الارض وقالت .. « ارجوك باتريك ، دلهم علي مكاني .. ومتخفش انا هبقي معاك » !! صحيت مصدوم ! بتنفس بصعوبة مش فاهم حاجة ، بس حافظ الحلم بالتفصيل ، ركبت عربيتي واتجهت ناحية المكان ده زي مالحلم دلني ! نفس المكان .. دخلت الغابة عشان الاقي شنطة بيري وسلسلة ! ..

قربت ناحية المكان ال شورتلى عليه ! كان في اثار دماء ..! ومكان حفر ، كنت شامم ريحة بشعة استنتجت ان هنا جثة بيري .. ، مشيت وانا مش عارف اعمل ايه ! ابلغ ؟  هبلغ بايه ! هقول ايه شوفتها في حلم .. هتصدق ؟ مش مهم ! المهم ان لازم اقول مكانها .. اين كان ال هيحصل ! اكيد مش هتجيلي انا مخصوص واخذلها !! كنت فعلا مكتئب كل ال بعمله البكاء وان حاسس ان كل الاحداث دي مش حقيقة 5 ايام بحلم بنفس الحلم ، لحد مطلعت علي الشرطة .. قولت ان انا عندي تفاصيل عن اختفاء بيري واتسون ! دخلوني ورحبوا بيا ، الظابط ولع سجارة وقالي قول اقوالك ، قولتله انا حلمت ب ... قطعني وقالي حلمت ! اه طب كمل ، حكيت الحلم وهو كان منتبه ،بلغ دورية انهم لازم اطلع معاهم علي المكان .. وصلنا وحفره ، كانت فعلا جثة بيري !! اخدوني القسم تاني ، والظابط كان منفعل وقالي ارجوك متكدبش قتلتها ليه !! اتصدمت ، قتلتها !! قتلت ايه انا .. انا بحبها اقتلها .. انت حضرتك بتقول ايه ، ده كان حلم ! حلم بس اقسملك انه حلم .. دخلوني علي جهاز كشف الكذب وانا متوتر ، كنت بحكي القصة متوتر .. الجهاز طلع اني كداب !! كنت بصرخ ومش عارف اتصرف .. عرضوني علي النيابة وهناك اقروا ان فعلا قتلتها ، مكنتش عايز ارد علي حد ، لو انا مكنهم فعلا كل حاجة ضدي !"

كنت بكلم نفسي في الزنزانة مش مهم المهم انها روحها  مرتاحة ، لا مهم ! انا مقتلتهاش .. انا مش عايز اتحبس انا في كابوس ، وبعدها جه وقت المحكمة .. اتحكم عليا بالاعدام ! .. كنت سامع الحكم زي الصدمة ! صحفين كتير بتسال عن الحلم وصحفين اكتر بيسالوا قتلتها ليه.. القضية اتشهرت ، دخلت الزنزانة وانا خلاص عارف ان دي نهايتي .. نمت ، روحت في النوم .. عشان اشوف بيري وهيا بتشكرني ! مسكت ايدي وقالتلي متخفش انا معاك .!

صحيت تاني يوم علي صوت فتح الزنزانة ، وان الظابط عايزني .. قالي كلام غريب ! قالي ان في شخص في احد الملاهي الليلية كان سكران وبيقول كلام غريب الناس استعجبت ، قولتله كان بيقول ايه قال « ان النهاردة اتحكم بالاعدام علي واحد مقتلش ، انا ال قتلت  .. تعرف تقتل حد ومتتحكمش !! » بيقولوا ان كان سكران واتبلغ الشرطة في الوقت ده ، وفعلا اتقبض عليه ، كان مطابق لنفس الموصفات ال انت ذكرتها ..! وبعد الضغط اعترف انه قتل هو و 2 من معاونيه ..!  تقدر تمشي ياباتريك واسفين جدا ، قصتك هتظل اخفي قصة ظهرت في تاريخ الشرطة ومع ان كل الادله ضددك ، مع ذلك خرجت ..! ابتسمت وانا بشكره ،بس كنت عارف انا خرجت ازاي .. هيا قالتلي انا معاك ..