الكلام ده على لسان المبدع : Mohamed Gamal Frank
مش انا اللي كتباها ومليش أي دخل فيها.. ومعرفش هي حقيقة ولا لأ بس تخيلوا أنها حقيقة وخلوا الأدرينالين ياخد مساحته..

لينك بروفايله علي الفيسبوك : https://www.facebook.com/MohamedGamalFrank

---------------

كنت قاعد لوحدي في البيت بالليل بقرأ كتاب لما جاتلي رساله من رقم مجهول بتقول " ارجوك متفتحش الباب لحد" كنت لسه بحذف الرساله و انا بفكر انها مجرد مقلب لما سمعت جرس البيت بيرن مرتين ...نزلت عالسلم نحية الباب وانا بفكر انهم اهلي ساعتها جاتلي رساله تانيه من نفس الرقم المجهول " انا جارك و ببعتلك الرساله ده علشان في قاتل متسلسل هارب من الشرطه في المنطقه و لابس زي الشرطه ... ارجوك متفتحش و حافظ علي نفسك "...قرأت الرساله و اتجمدت مكاني و ساعتها سمعت صوت الشخص الي قدام الباب بينادي " افتح الباب انا من الشرطه ... في مجرم هارب في المنطقه " افتكرت الرساله و ترددت و كمل كلامه " انا عارف انك هنا افتح الباب ! "....

رجعت لورا بعيد عن الباب و جريت عالمطبخ و الشخص الي برا لسه بيقول " افتح الباب في قاتل في المنطقه " ...استخبيت في المطبخ و انا ماسك سكينه في ايدي مستعد لاي حاجه بس الحمد لله الشخص زهق من المحاوله و مشي ...

ساعتها جاتلي رساله من نفس الرقم " دلوقتي بما ان الشرطه مشيت ايه رايك نتسلي بوقتنا !!" ...
و سمعت خطوات مشي جوا البيت ...