Continued from episode 268 (sagai track), but a little different....

At the hall

HM- Kya baat hai KS, decoration toh lajawab hai. Vaise Anubhav ji kab tak aayenge kuch pata hai kya.

KS- Mana MS aapko badi jaldi hai humari bhabhi banne ki par thoda to sabr kariye, aate hi honge Anu bhaiya(teasingly)

HM- Nahi.. Nahi aisi koi baat nahi hai hum toh bas aise hi puch rahe the(fumbling and blushing)

PJ, SS, CC coming to them

PJ- Ohho MS, aaj toh aap itni khubsurat lag rahi hai ki Anubhav sir aaj hi apne ghutno par baith kar aapko shaadi ke liye puch lenge, dekhna(teasingly)

SS- MS mujhe na aapke saath selfie leni hai, mein le loo

HM- Abhi sab aa jaye fir lete hai na Selfie

SS- Lekin MS baad mein Anubhav sir ke aate hi toh aap unmein busy ho jaengi...

PJ- Baat toh tumne bilkul sahi ki santu, kyu MS(teasingly)

HM- Voh.. Voh hume phone aa raha hai...

SS- Par MS hume toh koi ring sunai nahi di(innocently)

CC- Uff yeh Masumiyat Santu ji

HM glared him

CC- sorry MS very very sorry

KS- Hum Anu bhaiya ko phone laga kar puchte hai

PJ- Dono bhai behen ek jaise, late latif, huhh

HM- Pushpaji (scolding)

PJ- Ha ha ab toh kisi ki burai sehen hi nahi hogi, kyu MS

HM- Bass bhi kijiye pushpaji (blushing)
Aur KS aap Anu... bhav ji ko phone lagaiye

KS trying to call Anubhav...

HM- Kya hua KS

KS- Pata nahi MS, phone not reachable bata raha hai.

HM- Ya Allah sab thik toh hoga na (tensed)

SS- Shayad sir drive kar rahe ho, aur us area mein network issue ho raha ho (trying to pacify her)

CC- Ha MS abhi aa jaenge DSP sir, aap fikar mat kariye.

Soon time passed to quater to 11...

Ammi- Haseena mohorat khatam ho chuka hai

Some random lady- Maine to pehle hi kaha tha ki ladka bhaag gaya hai, par meri toh kisi ne suni hi nahi (typical mentality wali auntiyon types)

Ammi- Dekhiye Anubhav Haseena se bohot pyaar karta hai, voh aisa kuch nahi karega

Lady- Behenji yeh sab kehne ki baate hoti hai, aapki beti ko apne pyaar ke jaal mein fasake chala gaya hoga kisi aur ke saath

KS- bass ek aur shabd nahi sunenge hum hamare bhaiya ke khilaaf, bata rahe hai

PJ- Mohorat toh khatam ho gaya hai, aap ek kaam kariye abhi ghar jaiye bohot raat ho gayi hai. Kal hum sab Anubhav sir ke ghar jaenge

HM- Par pushpaji uhne kuch ho toh nahi gaya hoga na

KS- Humne abhi chachiji se phone pe pucha unhone kaha ki Anu bhaiya shaam ko headquarters se vapis aaye hi nahi.

HM- Hume... Hume bohot chinta ho rahi hai KS, pakka kuch toh bohot badi wali gadbad hai.

They had send all the guests back...

HM- SS aap zara Anubhav ka location track kariye toh

SS- Ji MS

HM- Ammi aap bhi ghar jaiye, thak gayi hongi, tabiyat bigad jaegi. Anubhav ke baare mein kuch pata chalega toh hum aapko bata denge.
CC ammi ko garh chod aaiye please.

CC- Ji MS

KS- MS aap bhi change kar lijiye, jabtak Santu location track kar rahi hai

HM nodded hiding her emotions, and went to room to change.

Around 6 am in the morning....

SS- MS raat se koshish kar rahe hai par Anubhav sir ke baare mein kuch pata nahi chala.

CC- Ha MS Headquarter mein jo constable khade rehte hai sir ke cabin ke bahar voh bata raha tha ki sir shaam ke 5 baje hi nikal gaye the.

KS- Kuch samaj nahi aa raha MS kya kare.

HM- Ek kaam kijiye aap sab ek ghante ka break le lijiye phir vapis kaam pe lagte hai, kal raat se lage hue hai aap sab.

Around 8 am, A man came to thana

Man- Ji namaste madam ji mera naam Ramesh hai aur mein Lifeline hospital mein kaam karta hu.

PJ- Ji kahiye kya madad kar sakte hai hum aapki.

R- Maddam humare hospital mein ek insaan aaya hai jise goli lagi thi, hosh mein aane pe police police keh raha tha, isiliye hum aaye hai, ek baar dekh lijiye kuch gadbad toh nahi hai na.

HM- Thik hai em kaam kariye KS aur SS aap is aadmi ke saath jaiye, aur dekhiye agar koi problem ho toh bataiyega.

KS- Ji MS. Jai Hind

HM- Jai Hind

🏥At Lifeline hospital 🏥

KS- Batao bhai kaise tumko goli lag gayi

Jay- Aree madam kal raat ko kareeb 7 baje mein apne ghar jaa raha tha tabhi raste mein kuch log truck mein aaye aur ek jagah ruk gaye, just tabhi ek safed car aayi aur un logon ne us car ko thok diya, puri car kharab ho gayi, phir voh truck wale gunde us police wale ko utha ke le gaye...

SS- Ek minute, police wala?

Jay- Ha maddam us car par police ke sign wala sticker tha (red aur blue colour ka sticker police officers apne vehicle par lagate hai). Aur un gundo ne mujhe dekh liya aur goli chala di. Maine bhagne ki koshish ki par bhaag pata usse pehle hi goli chala di. Aur mein behosh ho gaya.
Subha hosh aaya toh mein hospital mein tha.

KS- Ek minute tumne abhi kaha ki tum behosh ho gaye toh tumhe kaise pata.

Jay- Maddam pura behosh hone se pehle maine suna tha ki ek gunda keh raha tha ki is police wale ko truck mein daal aur le chal.

KS- Kahan par hua yeh sab

Jay- Maddam sheher ke bahari ilake mein ek sadak hai jo ek purane bangle tak jati hai, vaha par.

SS- Aapne us police wale ka chehra dekha ya koi bhi baat notice ki jo alag ho.

Jay- Nahi maddam, nahi dekha paya.

KS- Kahi Anu bhaiya toh.... nahi nahi voh hote toh un gundo se ladte zaroor, aise kaise utha kar le gaye.

Jay- Maddam us truck ne itni jor se takkar mari thi, andar baithe insaan ki jaan bhi ja sakti thi.

KS- Hey shiv ji raksha karna humare bhaiya ka.
Hume MS ko is case ke bare mein batana hoga.

She called HM and told all what Jay said to her.
They reached the location told by Jay and,

SS- Maddam yeh gaadi toh chakna chur ho gayi hai.

KS- Ha santu, par dhund na toh padega hi na, ek kaam karo is number plate se pata karo kiska gadi hai, hum andar dekhte hai.

KS was searching inside the dashboard and, she found a wallet.

KS- Santu jiska dar tha vahi hua, yeh wallet Anu bhaiya ka hi hai.

Till then HM reached at the place of accident

HM- Kya hua KS

KS- Woh MS, jis aadmi ke baare mein Jay ne bataya woh Anu bhaiya hi the, Santu ne number plate se pata kiya hai, aur gaadi mein bhi Anu bhaiya ka wallet mila.

HM- Kya lekin aise kaise...(hell tensed)

KS- Jisne bhi yeh kiya hai na MS, maiya kasam usse narak ke darshan nahi karaye toh humara naam bhi Karishma Singh nahi.(angry)

SS- par maddam hum uss insaan tak pahuchenge kaise jisne yeh sab kiya hai

HM- koi toh surag milega hume santu, Anu ko humari zaroorat hai, hum.. hum aise haath pe haath share toh nahi baith sakte na.(restless)
KS turant apne khabriyon ka network active kariye aur Billu ko bhi boliye. Aur SS is gaadi ko police garage bhijvaiye aur check karne ko boliye ho sakta hai koi surag mil jaye.

KS & SS- Ji MS

HM- Anu hum aapko dundh kar hi rahenge chahe kuch bhi ho jaye, yeh vada hai humara aapse.

MS BGM....

So this was the first part of my first story, hope you all like it, do comment and reply. Please ignore the mistakes.
Suggestions are always welcome.

Thank you....