"SA FANBOY LANG KAKALAMPAG": INFLUENCER HIAYMDAZE SA KANYANG BAGONG BLESSINGS AT PAG-IBIG

ni Lucina G.

PUNO NG BIYAYA ngayong Pasko ang gaming influencer na si Daisy Morada o mas kilala sa tawag na "hiaymdaze" na sa wakas ay nakatanggap na siya ng panibagong blessings matapos siyang makabalik sa mundo ng paglalaro noong Linggo, Disyembre 25.

Sa kanyang Switch stream ay ibinahagi niya ang pagkakaroon ng bagong sponsorship mula sa isang tanyag na smartphone, at bukod pa rito ay nakapagsign siya ng partnership deal sa isang kumpanya kamakailan lamang dalawang buwan matapos ang kontrobersya.

"I've been always thanking God and to my Flowers for what they give to me," anito. "Hindi ko lubusang aakalain na magagawa ko pang tanggapin ang mga bagay na pinapangarap ko… this is a biggest opportunity and I want to thank you guys for that. Kahit noong nakapagpahinga ako, hindi kayo nawala sa tabi ko kaya salamat sa inyong lahat."

Bago ang kanyang livestream ay nagpost siya sa kanyang Instagram ang litrato kasama ang isang misteryosong lalaki na umani ng samu't-saring reaksyon ng mga netizens at ng gaming community.

"Teka sandali, si hiaymdaze ba ito? Nangangamoy bagong pag-ibig, a!"
— ikefights4hisfriends

“Parang may something, a…”
— dearlyedie

"👀"
— mikayaluis

Matatandaang nitong Oktubre bago siya makapagpahinga ay naglabas ng statement si Daisy patungkol sa isyung kinasangkutan ng dating ex na si Waldo Wilt. Makikita sa huling post ang sinasabing “PS. Sa fanboy lang kakalampag,” bago i-tag ang kanyang non-showbiz boyfriend.

Tinanong ng isang tagahanga sa livestream kung kamusta ang kanyang buhay pag-ibig na sa kasalukuyan ay humigit kumulang 76.3k ang views sa Switch app, at ang kanyang magiging sagot?

“Heto, masaya naman. Hindi naman sa ni-rebound ko ‘yung non-showbiz jowa ko, sadyang biglaan lang talaga ang nangyari sa’ming dalawa,” pag-amin nito.

“But honestly, we’re very content about the way we should be as lovers and even friends. And I owe him for that.”