✿✧Part-9✧✿
Toh aaj Saare Patiala wale milakar Holi ka tyohaar mana rahe hai. Saare log ek dusre ko rang lagane mein busy hai toh koi mithai thusne mein busy hai, koi pichkari maarne mein busy hai toh koi ladkiyan taadne mein busy hai aur kuch log Bhaang wali lassi peene mein busy hai. Hey bhagwan sablog apne mein hi busy hai.
Khushi aur Devanshi sabhi bado ko tilak laga kar unka ashirwad lete hai aur phir shagun bhi waha aai hui thi toh woh log usse rang lagane jaate hai tabhi Shagun bolti hai.
Shagun: aeeeeee haath Tod ke rakh dena hai mene tum dono ka. Menu pehla gulal toh nikhil ji hi lagayenge.
Khushi: Aayee hayee, Devu dekh rahi hai apni kudi toh bilkul badal gayi.
Devanshi: Haa yaar yeh toh puri ki puri wife material ban gai.
Khushi: Oye chad yaar sannu ki. Main toh chali veer ji nu lagane aur woh bhi Shagun se pehle.
Phir woh dono waha se chali jaati hai aur Nikhil ko dhundne lagti hai. Khushi ko Nikhil dikh jaata hai aur woh uske paas chali jaati hai lekin Devanshi apni jagah par khadi hokar kisiko dekh rahi thi aur woh insaan Yash tha jo khane ki raily ke paas baith kar mithai thusne mein busy tha.
Devanshi usse dekh kar Smirk karti hai aur ek gulal ki thaali uthakar uske paas chali jaati hai.
Yash: ummmm kya *chabate huwe* mithai hai yaar.
Yash bade hi maze se apni mithai enjoy kar raha tha tabhi achanak se koi piche se aakar uske upar dher sara gulal phenk deta ha. Yash pura gulal se laal laal ho jata hai.
Yash: Bhains ki aankh kisne rang dala re merepe😵.
Woh piche mudta hai aur dekhta hai ki Devanshi waha thaali pakde Smirk ke saath khadi thi. Usse pata chalta hai ki Devanshi ne uspe rang dala hai toh wog gussa ho jata hai aur kehta hai.
Yash: Tumhe mere alawa aur koi dikhta nahi hai kya huh!! Itne maze se mithai kha raha tha. Saare mood ka satyanash kar diya😑.
Devanshi: Bura na maano Holi hai😉.
Aise kehke Devanshi uspar aur gulal phenk ti hai aur waha se bhaagne lagti hai. Yash bhi apne haathon mein gulal leta hai aur Devanshi ke piche piche bhaagne lagta hai.
Yash: Ruk ja Devanshi. *Laughing*
Devanshi: Dum hai toh pakad ke dikha. *Laughing*
Aur issi tarah yeh dono ek dusre ke piche bhaagne mein lag jaate hai. Dusri taraf Nikhil aur Shagun apni holi bade hi maze se and romantic ban kar mana rahe the.
Shagun: twanu holi di lakh lakh badhaiyan Nikhil ji🥰.
Shagun Nikhil ke gaalo par gulal lagati hai aur shy hokar smile karti hai. Nikhil bhi usse dekh kar Chuckle karta hai aur uski kamar pakad leta hai. Woh usse apni taraf khinch leta hai. Shagun ki aankhe badi badi ho jaati hai aur usske gaal bhi pink ho jaate hai.
Woh Nikhil ki taraf dekhti hai aur bolti hai.
Shagun:- Tussi ki kar rahe ho chaddo menu koi dekh lega.
Shagun ki baat sunkar nikhil usse aur jyada apni taraf khinchta hai aur kehta hai.
Nikhil: Kyu?? main apni hone wali votti ke saath holi khel raha hu isme kisiko kya problem hogi hmm.
Nikhil Shagun ke face ke bohot close jata hai aur phir uske haath se gulal lekar Shagun ke gaalo par laga deta hai.
Shagun. Smile Karti hai aur Nikhil uske forehead par kiss karta hai.
Shagun wapas apne haath se usse gulal lagati hai aur phir Nikhil kehta hai.
Nikhil: Happy Holi meri hone wali Votti Ji☺️.
(Author:- Nikhil veer ji ka chupa hua romance😉✨❤️)
Aur yaha dusru taraf Saundarya Khushi ke maami ke saath khade hokar kuch aurton ke saath baat kar rahi thi. Tabhi ek choti bacchi uske paas aati hai aur bolti hai.
Bacchi: bhabhi bhabhi woh aapke wale veer ji bula rahe hai aapko.
Saundarya: Mere wale Veer ji matlab??
Bacchi: Hayo Rabba matlab aapke pati waha bula rahe hai aapko.
Woh bacchi apni ungli se use direction dikhati hai aur Saundarya ussi direction mein chali jaati hai. Jaise hii Saundarya waha pahuchti hai Harsh uska haath pakad kar usse apne paas khinchta hai aur uske kamar par haath rakh deta hai.
Saundarya: Arre arre yeh kya kar rahe ho tum??
Saundarya: shock hokar kehti hai lekin Harsh usse aur kareeb khinchta hai aur kehta hai.
Harsh: Kya matlab kya kar raha hu?? Apni biwi se pyaar aur kya.
Harsh aisa kehkar gulal ki thaali mein se laal rang ka gulal uthata hai aur phir Saundarya ko lagane jaata hai tabhi Saundarya apni aankhein band kar deti kyuki usse lagta hai ki Harsh usko gulal se pura rang dega. lekin Harsh apna haath uske face ke paas lata hai lekin woh uske gaal par gulal nahi lagta balki ussi laal rang ke gulal se Saundarya ki maang mein Sindur ki tarah gulal bhar deta hai. Jaise hi Saundarya ko mehsoos hota hai ki Harsh uski maang mein gulal bhar raha hai. woh apni aankhein kholti hai aur Harsh ki aankhon mein dekhti hai. Harsh bhi uski aankhon mein dekhta hai aur phir Kehta hai.
Harsh: Happy Holi My Mrs.Gill.
Saundarya: Happy Holi My Mr.Gill.
Dono smile karte hai aur Harsh uski forehead kiss karta phir dono ek dusre ko hug karte hai.
(Author:- Hayeeee😩🤌💞)
Viheer kafi der se Khushi ko dhoond raha tha kyuki aaj subah se usne Khushi ko dekha nahi tha. Subah uthkar Viheer sabse pahle Khushi ko hi rang lagana chahta tha par subah se woh gayab thi. Aur isi wajah se uska muh pura utra hua tha. Woh usse kabse dhoond raha tha lekin Khushi usse mil hi nahi rahi thi. Jab usne Shagun ko pucha toh usne kaha ki usse bhi thik se nahi pata ki Khushi kaha hai toh woh usse wapas se khud hi dhoond ne lag gaya.
Viheer bagiche ki taraf jaa raha tha tabhi usse kissi je hasne ki awaaz aati hai. Woh ussi direction mein dekhta hai jahan hasi ki awaaz aa rahi thi aur jaise hi woh mudta hai usse dikhti hai Khushi. Khushi ko kuch bacche pichkari maar rahe the aur issi wajah se Khushi khil khila kar has rahi thi. Jaise hi Viheer Khushi ki taraf dekhta hai uske face par ek smile aa jaati hai aur woh wahi par khada hokar Khushi ko dekhne lagta. Viheer ke Dil mein wapas se gaane bajne lagte hai.
Viheer Khushi ke paas jaata hai aur phir un baccho se kehta hai.
Viheer: Arre baccha party tumlog Khushi didi ko aise kyu rang laga rahe ho??
Bacche: Toh kaise lagaye Veer ji??
Viheer: Arre par aise rang nahi lagate bado ko.
Khushi: oye chachundaro sun liya bado ko aise rang nai lagate. Chalo ab niklo yaha se.
Viheer Ek thaali se gulal uthata hai aur phir Khushi ki taraf dekh kar baccho se kehta hai.
Viheer: Baccha party aajao main sikhata hu ki rang kaise lagate hai.
Woh ek smirk ke saath bolta hai aur baccho ke taraf dekh kar aankh maarta hai aur Saare bacche apni apni pichkari phenk kar haathon mein gulal le lete hai.
Khushi Viheer ki taraf glare karti hai aur Viheer uski taraf ek flirty smile se dekhta hai aur phir woh kehta hai.
Viheer: Bachha Party Attackkkkk.
Bacche: Yyyyaaayyyyyyyyy.
Viheer aur saare bacche Khushi ki taraf haathon mein gulal lekar bhaagte hai aur Khushi apni aankhein badi kar ke bhaagne lagte hai. Viheer aur uski Sena Khushi ke piche ekdum ghode ki speed se dorne lagte hai tabhi Viheer Khushi ka dupatta pakad leta hai aur woh ruk jaati hai.
Khushi piche mudti hai aur dekhti hai ki Viheer ne uska dupatta pakad rakha hai. Usse uss raat ki yaad aati hai jis raat Viheer ne usse apni god mein uthaya tha aur uske gaal par kiss kara tha. Khushi ki saanse tham jaati hai aur woh dono eye contact karte hai. Tabhi Viheer dheere dheere uske paas jaate hai aur uske gaalo par rang laga deta hai.
Jaise hi Khushi ko Viheer ka touch feel hota hai woh apni aankhein band kar leti hai aur Viheer uske face ko apne haathon se cup kar leta hai aur apne forehead ko Khushi ke forehead se join karta hai.
5 minute tak dono aise hi rehte hai aur un dono ko aise dekh kar saare bacche ek dusre ki taraf dumbfounded hokar dekh rahe hote hai. After all un chote baccho ko kya pata ki yaha bin kahe Ishq ka izhar ho raha hai. Ek baccha bolta hai.
Baccha: Hypnotize wala game khel rahe ho aap dono.
Us bacche ki awaz sunte hi dono apni aankhein kholte hai aur immediately ek dusre se dur hote hai. Khushi ka gaal laal ho jata hai aur woh turant waha se bhaag jaati hai aur Viheer usse aise jaate huwe dekh kar Chuckle karta hai. Tabhi saare bacche milkar uski taraf pichkari maarte hai aur woh un baccho ke saath milkar holi khelne lag jata hai.
Thodi der baad, sabhi log apne thandai peene mein busy the. Tabhi Nikhil aur Harsh thandai dene wali jagah par aate hai aur apne liye thandai maangte hai. Woh dono normal thandai maangte hai par thandai wala galti se unhe bhaang wali thandai de deta hai aur woh log usse peene lag jaate hai. Tabhi waha Viheer aur Yash bhi aate hai aur Un logo ko thandai peeta hua dekh Yeh dono bhi thandai order karte hai tabhi thandai wala puchta hai.
Thandai wala: Paaji konsa wala du normal yah special??
Yash: Heinn yeh special wala kya hai??
Thandai wala: Oh paaji ek wari tussi ae special wali thandai pee lo na phir toh tussi alag duniya vich chale jaoge.
Viheer: Aisa kya, toh phir paaji humko bhi special wali de do hum bhi toh peeke dekhe.
Thandai wala unko thandai dete hai aur woh dono ek saans mein puri thandai gatak jaate hai. Woh dono Harsh aur Nikhil ki taraf dekhte hai jinpar bhaang wali thandai ka asar already ho chuka tha.
Harsh: B-Balam pichkari j-jo tune m-mujhe m-maari.....
Nikhil: T-Toh sidhi s-sadhi c-chori s-sharabi ho g-gai.....
Dono pagalon ki tarah hasne lagte hai aur un dono ko dekh kar Viheer aur Yash bhi hasne lagte hai because ab undono par bhi Bhaang ka asar ho raha tha. Woh chaaro ek dusre ki taraf dekh kar pagalon ki tarah bas hase hi jaa rahe the. Tabhi un chaaro ko gana bajne ki awaz aati hai aur woh chaaro dorkar nachne chale jaate hai jahan sab naach rahe hote hai.
Nikhil: Ho, Teri Malmal Ki Kurti Gulabi Ho Gayi....
Harsh: Manchali Chala Kaise Nawabi Ho Gayi, Toh....
Viheer: Balam Pichkari Jo Tune Mujhe Maari Toh, Sidhi Shadhi Chori Sharabi Ho Gayi....
Yash: Ha, Jeans Pehnke Jo Tune Mara Thumka Toh, Laddu Padosan Ki Bhabhi Ho Gayi....
(Author:- Sorry mujhe Yash ki Holi related koi pics nahi mili isiliye add nahi kara.)
Woh chaaro ekdum nashe mein dhut hokar dance kar rahe the. Aur issi tarah apna Holi celebration karte hai. Lekin kal subah jo headache hoga uske baare mein kisine nahi socha.
Dance karte karte Yash Devanshi ko dekhta hai aur uska haath pakad kar usse apne saath le jaata hai. Devanshi apna haath chudane ki koshish karti hai lekin woh nahi chodta. Aur usse le jakar rango ke paani wale tub mein phenk deta hai. Devanshi ka balance stumble karta hai aur woh Yash ka collar pakad leti hai aur dono saath mein tub mein gir jaate hai.
Dusri taraf Shagun Bhi Bhaang wali thandai pee leti hai aur Nikhil ke saath aakar dance karne lagti hai. Aur woh dono hi bade maze se apne mein hi gum ho jaate hai. Saundarya Harsh ko pakadne ki koshish karti as Harsh bhi kafi nashe mein tha lekin woh usse pakad hi nahi paati hai ulta Harsh usska haath pakad kar usse dance karwane lagta hai.
Rahi baat Viheer ki toh woh Khushi ko nachte huwe dekhta hai aur uski taraf jaa raha hota hai. Khushi nachte nachte thank gayi thi aur uske kapde bhi pure gold ho jaate hai toh woh ghar ke andar chali Jaati hai aur Viheer bhi uske piche piche chala jaata hai. Khushi apne kamre mein aati hai aur darwaja lock kare bina hi bathroom ke andar chali jaati hai, Aur bathroom ka darwaja bhi band karna bhool jaati hai. Woh apna dupatta hatati hai aur kurta kholne hi wali hoti hai tabhi usse apne Waist par do arms feel hote hai. Woh shock ho jaati hai aur bathroom mirror ki taraf dekhti hai toh usse Viheer dikhta hai jo uske neck ko sniff kar raha hota hai. Khushi ke body Shiver rush hota hai jab Viheer apne lips se uske neck par softly kiss karta hai. Woh apni aankhein band kar leti hai.
Uska dil kafi zoro se dhadak raha hota hai. Aur usse bohot ajeeb lagta hai lekin bura nahi lagta. Woh apni aankhein band hi karke uss shiver feeling ko feel kar rahi thi tabhi Viheer usse apni taraf ghuma deta hai aur woh Viheer ke chest par apne dono hands press karti hai. Viheer uski forehead par kiss karta hai aur phir uske neck par snuggle karta hai. Khushi ko Viheer ki saanse jab apni neck par feel karti hai toh uski apni saans attack jaati hai. Woh apni aankhein band karti hai aur dono kuch der tak aise hi rehte hai. Thodi der baad Khushi ko Viheer ke little snores ki awaz sunai deti hai aur usse pata chalta hai ki Viheer sau gaya hai.
Woh uska haath apne kandhe par rakhti hai aur phir Viheer ko uske kamre mein le jakar bed par rakh deti hai lekin Viheer galti se usse bhi khinch leta hai aur woh uske upar gir jaati hai aur Viheer usse hug kar leta hai. Khushi badi mushkil se khudko Viheer je hug se free karti hai aur phataphat apne room mein chali jaati hai.
***************************************
Toh yahi tha Aaj ka chapter. I know Holi ka chapter Holi wale din update karna chahiye tha but koi nahi yaar abhi padh lo.😁
Bhar bhar ke vote and comment karo. And please ho sake toh mere I'd ki bhi follow kar do.🤧
Thank you.💞✨
Bạn đang đọc truyện trên: AzTruyen.Top