20 Din Baad

Viheer: Jaldi bhaago Khushi laldi.

Khushi: Arre bhaag hi toh rahi hu ab kya hawai jahaj ban jaao!!

Nikhil: Abe ladna band karo dono aur bhaago pichhe Papa ji ke gunde aa rahe hai.

Shagun: Pahuch gaye mandir.

Devanshi: Hssshh finally.

Jassi/Yash: Haa par gunde bhi aa gaye hai aur unhone hune gher liya hai chaaro taraf se.

Toh aap logon ko lag raha hoga yahan kya chal raha hai toh main batati hu. Jaisa ki aap sabne padha pichle chp mein ki Shagun ke mama ko sab pata chal gaya tha aur Phir unhone Viheer ko mara toh uske baad Jab Viheer hospital mein tha tab uska Bhai aaya tha aur woh bohot gusse mein tha lekin Nikhil ne usse maafi mangi aur Viheer ko yaha se le jaane ke liye bola. Kuch dino baad Mama ji ne Khushi ki shaadi tay kar di aur isi wajah se Khushi ne suiside karne ki koshish ki lekin Nikhil ne usse bacha liya. Nikhil ko uski bohot tension hone lagi aur dusri taraf Viheer ki halat bhi kuch aisi hi thi usne khana peena bhi kam kar diya tha kisi se baat tak nahi karta tha. Toh isi tarah Undo ki halat dekhte huwe Ek din Harsh aur Nikhil ne un dono ko bhagane ka plan kiya aur Apne plan mein Bakiyo ko bhi shamil Kiya. Aur aaj Jab Khushi ki shaadi thi toh gurudwara jaate waqt Nikhil Jassi Aur Shagun ne Khushi ko bhaga kar Viheer ke paas lekar aaye. Viheer ke saath Yash aur Devanshi thi. Harsh Delhi mein tha taaki woh apni family ko bhi mana sake.

Savi log bhaagte huwe Shiv mandir ke paas aate hai jahan Pandit ji unka wait kar rahe the. Pandit ji ne already saari taiyaari kar Rakhi thi. Mama ji ke gunde unke piche aaye the aur unhe gher liya tha tabhi Nikhil un sab ke aage khade hokar bolta hai.

Nikhil: Oh pandit ji shuru Karo shaadi main bhi dekhta hu kon rokta hai!!

Nikhil ki baat sunkar Yash aur Jassi bhi maidan mein kud jaate hai mera matlab gundo se ladne ke liye aage aate hai aur phir shuru hoti hai shaadi aur ladai.

Pandit ji: Ab aap dono phero ke liye Khade ho jaaye.

Khushi aur Viheer khade hote hai aur Devanshi unka Gathbandhan karti hai. Shagun apne phone se unki shaadi ki video bana rahi hoti hai aur idhar apne mushtande ladai kar rahe hote hai.

Fighting scene,

Nikhil ek gunde ko punch maar ne ke liye apna haath uthata hai lekin woh gunda maar khaane se pehle hi chillane lagta hai. Nikhil ruk jaata hai aur wapas se apna haath utha ta hai aur gunda phir se chillane lagta hai. Nikhil pura ruk jaata hai aur Gunde ki taraf annoyingly dekh kar bolta hai.

Nikhil: Game khel raha??

Gunda: N--Nahi paa ji.

Nikhil: Toh phir maar khana gadhe.

Aur Nikhil ussko ek punch mein hi dharti chata deta hai.
______

Yash ek gunde ka collar pakad usse ghuma raha hota hai tabhi piche se ek gunda aake usse gudgudi karne lagta hai. Yash pehle wale gunde ko ek laat maarta hai aur phir dusre waale ko dhakka dekar piche mudta hai aur bolta hai.

Yash: Saale maa ke laadle terko aadhi fighting ke bich mein gudgudi karne ka bada shauk hai na ruk saale abhi batata hu.

Aur phir yah usse punch maarta hai aur uski Main part par laat maarta hai aur woh gunda wahi ghayal.
______

Jassi ek gunde ko maar kar dusre waale ko maarne wala hota hai tabhi usse gunde ko dekh kar kuch yaad aata hai aur woh uss gunde se puchta hai.

Jassi: Oye ruk ek mint, tu toh wahi sukkhi hai na joh bachpan mein meri candy chura liya karta hai school mein.

Gunda: Nahi nahi main woh nahi hu.

Jassi: Haa haa tu wahi hai saale bachpan se badla lena tha terese lekin aaj mauka mila hai. Tu toh gaya bete.

Aur phir kya Jassi uss ki lassi banane mein lag jaata hai.

Pandit ji: Ab aap Kanya ki maang mein Sindur bhariye aur yeh mangalsutra pehna dijiye.

Viheer sindur ki dibbi uthata hai aur Khushi ki taraf dekhta hai Khushi ki aankhon mein aansu the. Viheer smile karta hai aur uski maang mein Sindur bhar deta hai phir woh usse mangalsutra pehna deta hai. Shagun aur Devanshi un dono par phool barsate hai.

Pandit ji: VIVAH SAMPAN HUA. AAJ SE AAP DONO PATI PATNI HAI. AB AAP DONO SHIV PARVATI KA AASHIRWAD LE LIJIYE.

Viheer aur Khushi ek dusre ko dekh kar smile karte hai aur Dono aapne haath jodkar Shiv Parvati ke saamne khade hokar apne mann mein vachan lete hai.

Viheer: Main vachan deta hu Prabhu chahe kuch bhi ho jaaye main Apni Khushi ka saath kabhi nahi chhodunga. har paristhiti mein uska pakade rakhunga, kabhi uss par koi aanch nahi aane dunga.

Khushi: Mujhe nahi pata Maine bhaag kar sahi Kiya yah galat par main vachan deti hu Har waqt, har pal aur har faisle mein Apne Viheer ka saath dungi. Kabhi bhi usse akela nahi chhodungi. Hamesha ussi ki bani rahungi.

Dono Wapas ek dusre ki taraf dekhte hai aur Phir shagun un dono se kehti hai.

Shagun: Haaye kinne sone lag rahe hai dono bilkul HEER aur RANJHA ki tarah.

Nikhil Jassi aur Yash bhi unke paas aate hai aur unhe dekh kar sab smile karte hai aur phir Nikhil kehta hai.

Nikhil: Dekh Khushi tera bachpan da sapna akhir pura hua tujhe tera Ranjha mil gaya.

Khushi jaake usse hug kar leti hai aur rone lagti hai Nikhil bhi usse hug kar leta hai aur bolta hai.

Nikhil: Meri sherni rote huwe acchi nahi lagti, aur sun le Viheer agar tune kabhi meri Behen ko rulaya na toh main teri halat phati chaddi jaisi kar dunga samjha.

Viheer haste huwe nod karta hai aur phir Khushi Jassi Shagun aur Devanshi ke gale lagti hai Devanshi kuch jyada hi emotional ho jaati hai toh woh side par jaake rone lagti hai aur tabhi Yash usse notice karta hai aur usske paas jaata hai.

Yash uske saamne khada hota hai aur phir usse kehta hai.

Yash: Tumhe ek baat pata hai??

Devanshi uski taraf confused ho kar dekhti hai aur apna sar naa mein hilati hai tabhi Yash uski taraf dekhte huwe ek sly smile ke saath kehta hai.

Yash: Tum woh pehli ladki ho jisne mujhe thappad maara tha.

Yeh sunte hi Devanshi woh pehla wala din yaad aata hai jis din woh dono mele mein mile the. Devanshi uski taraf dekhti hai aur bolti hai.

Devi: I--I'm sorry ek kaam karo tum bhi mujhe ek chaped maar lo aur hisab barabar karo Lo maaro.

Devanshi apna right gaal aage kar deti hai aur Yash ek Smirk ke saath apna haath uthata hai aur Devanshi apni aankhein tightly band kar leti hai. Yash usse maarne hi wala hota hai lekin yeh hum sab ki galat fehmi hai guys. Ulta woh usske gaal mein kiss kar deta hai aur Devanshi ke kaano mein jakar dheere se bolta hai.

Yash: Ab hua hisab barabar.

Devanshi apni aankhein kholti hai aur usske gaal bohot red ho gaye the. Yash uski taraf dekhta hai aur apna jacket apne kandhe par rakh kar bolta hai.

Yash: Dua aur Dil dono mein yaad rakhna bohot jald barat lekar aaunga aur tumhe apne saath le jaunga. Bye meri chudail hehe.

Phir woh Waha se chala jaata hai aur Devanshi apna gaal pakad kar blush karti hai phir smile Karti hai aur woh bhi chali jaati hai.

___________________________________________

At train station,

Toh sab log station par khade the Viheer aur Khushi ko vida karne. Khushi Last time unn logo ko hug karti hai aur kehti hai.

Khushi: Dekh shagun Dhyan rakhiyo mere veer ji ka. Aur devi tu na ab jyada ghuma mat kariyo akele. Dono milkar baccho ko padhne zarur jaana. Aur yeh Jassi kitte hai??

Shagun and Devanshi nod karte hai aur Khushi Jassi ko dhundti hai tabhi Jassi usske saamne aata hai joh bohot udaas lag raha tha. Khushi usse hug karti hai aur bolti hai.

Khushi: Oye Jassi the lassi ki hoya tu roh raha hai. Chal mat roh agar tu royega toh yeh dono chudail terepe hasegi.

Jassi Khushi ki taraf emotionally dekhta hai aur bolta hai.

Jassi: Tu toh jaa rahi hai lekin merko bhuliyo mat warna Maine katti ho jaana hai tere naal.

Khushi smile karti hai aur uska sar sehlati hai. Tabhi train chutne ka signal deti hai aur sab log Khushi ki taraf dekhte hai. Khushi Viheer aur Yash teeno train mein chadte hai aur Khushi gate ke paas khadi hokar unko dekhti hai. Aur phir Jassi Devi Shagun aur Nikhil chaaro ek saath uski taraf dekh kar smile karte hai aur bolte hai.

Chaaro ek saath: JAA KHUSHI JAA JEE LE APNI JINDAGI.

Khushi yeh dekh sunkar hasti hai aur unko bye karti hai and at the same time train bhi start hoti hai aur sab usse bye karte hai. Nikhil train ki taraf dekhta hai aur dheere se kehta hai.

Nikhil: Maine Apna Wada Pura Kiya Bua. Aapki Khushi apni khushiyon bhari jindagi jeene jaa rahi hai us par apna ashirwad bana kar rakhna.

Ek aansu Nikhil ki aankhon se girta hai aur woh usse poch leta hai aur smile karta hai. Toh main bata du Nikhil kis wade ki baat kar Raha hai, jab Nikhil 10 saal ka tha tab usse Nimmi yaani Khushi ki maa ki ek chitti mili thi jisme yeh likha tha ki woh chahti hai Khushi ki shaadi ek aise insaan ke saath ho joh usse khud se bhi jyada pyaar kare. Toh Nikhil ne unki aakri iccha ko ek wade ki tarah nibha kar rakha aur aaj uska yeh wada pura ho Gaya.

_______

In Delhi,

Harsh train station ke bahar apni gaadi lekar khada tha. Tabhi station par Patiala wali train aati hai. Harsh ek dum bahar khada tha toh Khushi Viheer aur Yash teeno station se bahar aa jaate hai aur Harsh unko dekhta hai aur bulata hai.

Harsh: Excuse me New Jodi I'm here.

Woh apne dono hathon ko uthata hai aur woh teeno uske paas aate hai. Yash dor ke aata hai uske paas aur uss par khud jaata hai.

Yash: Jiju I missed you.

Harsh: Abe saale hat pehle hi itti garmi hai ab tu mat chipak hatna Yash.

Yash: Kya Jiju aap apne aadhe gharwale ke saath aisa kaise kar sakte hai.

And Harsh be like: Wtf 🫠😑

Khushi Harsh ke paas aati hai aur uske pair chune wali hoti hai. Tabhi usse rok deta hai aur kehta hai.

Harsh: Arre Arre Main abhi Buddha nahi hua hu. Waise bhi behen ki jagah toh dil mein hoti hai. ab chalo jaldi Ghar warna iss Delhi ki garmi mein hum sab ka half boil ho jayega.

Woh log haste huwe nod karte hai aur sab jakar car mein baith jaate hai. Phir woh log Ghar pohuchte hai. Pehle pehle Viheer maa ko gussa aaya tha lekin phir Saundarya ne unhe samjhaya. Aur sab saath rehne lage. Kuch din baad Devanshi ne khabar di ki Shagun pregnant hai aur issi wajah bahane Viheer aur Khushi Patiala jaate hai lekin daar ji aur Mama ji unhe accept nahi karte.

Uske baad ki kahani maine already pichle chapter mein batayi hai ki kaise woh log saath rehte the phir Saundarya ki pregnancy, woh hadsa, unka Ghar chhod kar jaana, Rohan ka wapas aana, Uska Australia jaana and all.

PRESENT TIME (Sydney,Australia)

Viheer: Aur issi tarah tabse lekar aaj tak mai aur teri chachi ek saath hai.

Rohan: Wow Damn Your love story was amazing Chachu.

Rohan ek amazed smile ke saath bolta hai aur Viheer uska hair ruffle karta hai.

Viheer: Tu yaha kyu aaya hai Rohan?? Sab jaante huwe bhi tu kyu aaya hai tujhe pata hai na agar Bhai ko pata chala toh woh kitna gussa karenge tere upar.

Rohan: Main toh bas apni family ke liye yaha aaya hu. Mujhe woh ghar aapke Bina suna suna lagta hai Chachu. Aur jaha Tak baat hai papa ki then tomorrow morning I'm gonna tell him everything.

Viheer Rohan ka sar dabate huwe bolta hai.

Viheer: Rohan main joh bol raha hu usse dhyan se sun. Beta main woh sab kuch piche chhod kar aaya hu. Maine yaha apni ek choti si hi sahi par alag duniya basa Li hai aur iss duniya mein sirf Krishu aur Khushi hai mere saath. Main wapas purane waqt mein wapas jakar woh sab kuch recreate nahi karna chata.

Rohan: Par Chachu kya aapko humari yaad nahi aati aapko dad ki yaad nahi aati woh toh aapke liye best friend jaise the na.

Viheer: aati hai mujhe aur teri chachi ko sabki yaad aati hai lekin ab hum kuch nahi kar sakte hai sab kuch badal gaya hai. Aur main chahta hu tu isse accept kare. Chal ab yeh sab chhod jaake soja. Kal subah baat karenge okay.

Rohan nod karta hai aur Viheer uth kar waha se chala jaata hai. Rohan apne pant ki pocket se ek photo nikal ta hai aur bolta hai.

Rohan: Koi kuch bhi kahe par meri family wapas ek hokar rahegi.

_____

Viheer apne room mein aata hai aur dekhta hai ki Krish aur Khushi dono sau gaye hai. Woh bed ke paas jaata hai aur apni kamar par haath rakh kar bolta hai.

Viheer: Yeh maa aur beta kabhi nahi sudhrenge. Maa hai joh taange faila kar soti hai aur beta hai jisko blanket udhkar hi neend aati hai aur saath mein Isko nipple bhi chahiye.

Viheer Krish ko dekh kar bolta hai joh muh mein nipple liye soya hua tha. Woh dheere se uske muh se nipple nikalta hai aur blanket udha deta phir woh bhi dono ke bich mein jakar sau jaata hai because dono maa bete ko Viheer ko hug karke sone ki aadat hai. Toh isiliye woh bich mein sota hai.

In Delhi

Harsh kaafi speed se car chalate huwe jaa raha tha pata nahi kaha. Actually woh ghar mein lad kar aaya hai Saundarya se aur unki kaafi buri tarike se ladai hui. Harsh ko Rohan je Australia jaane ke baare mein pata chal gaya tha aur usse Viheer ke baare mein bhi pata chala. Woh ghar aakar Saundarya ko bolne laga aur issi bich unki ladai ho gayi. Saundarya ne usse woh sab kuch bataya ki kaise Harsh aur Uski maa ne Viheer aur Khushi ke saath bura bartav kiya aur issi wajah se woh log ab yaha nahi hai. Bohot saari baate sunne sunane ke baad woh ghar se car lekar chala aaya.

Harsh badi zor se apni car ka break maarta hai aur bich sadak par car rok deta hai. Achanak se baarish hona bhi shuru ho jaata hai aur woh upar aasman ki aur dekh kar bolta hai.

Harsh: Kyu bhagwan aakhir kyu aapne mujhse woh sab karwaya?? M--Maine apne hi bhai ko ghar se nikal diya. Jis Bhai ki ek smile ke liye main puri duniya se lad sakta tha aakhir kyu maine usse khud se dur kar diya. Kyu maine apne dil mein itni nafrat bhar li kyuuuuu!!!!

Woh gusse se apni car ki steering wheel par maarta hai aur rone lagta hai.

"Kisne sahi kaha hai jab insaan ko apni galti ka pachtava hota hai toh uske emotions aansu ban kar bahar aate hai."

___________________________________________

Aaj ka chapter yahi tak tha. So, guys I have an announcement for you all. This is the Final part of Heer Ranjha. Iss Chapter ke baad ek last chapter bacha hai joh mai aaj shaam ko yah fir kal subah update karungi.

Thank you ❤️✨

Do vote and comments 💜

Till then take care 💕