Chacho ussay lainay ayay thay aur woh gari mein baith k bht roi...

Mein ussay khona nhi chahti thi chacho...

Woh hichkiyan lai kr ro rhi thi ..

Khoya kis ne hai yrr. Chup ho jao.. tum uss k sath rho uss ko time do woh pehlay hi bht afsurda hai .. uss ko door mut kro...

Nhi.. agr woh meray sath rha toh uss ka sabar toot jayay ga... woh mjh se mohabbat krta hai... kaash chacho aisa ho k hum jis se mohabbat krtay hon woh bhi hum se karay magar mein nah sameer se mohabbat krti hun nah aadil se .. mein guilty hun...

Woh boli ...

I know my princess tum upset aur guilty q k tum bhi aadil se mohabbat krti ho... mein tumhara best friend hun tumharay dil ka haal jan jata hun khud ko dhoka mut do yrr..

Chacho ne kha toh mishal ne hairat se unhain daikha...

Aisa kuch nhi hai Chacho..

Kya mein jhoot bol rha hun? Nhi dear tum khud se jhoot bol rhi ho. Bht jazbati aur baiwaqoof ho tum.. emotional ho kr sameer se shadi kr li aur...

Plz chup ho jayain... mein sameer ki bivi hun aur mjy sirf un ki hi fiqar hai... yeh mohabbat,pyar sub bakwas hai Chacho...

Uss ne cheekh kr kha...
Chacho ne ussay daikha aur dil hi dil mein uss k sakoon k liye dua ki...

Acha meri jaan ab kuch mut socho .. bs dua kro k Allah aadil ko sabar dai q k maan baap k bagair aap ki zindagi kesi hoti hai mein bht achay se jaanta hun... aur bhai jan ko mut btana k un ka brsob purana gadar dost mil gya hai.. mene sub Allah pr chor diya hai.. woh sub acha karay ga ...

In sha Allah...

Chacho mishal ko lai kr apnay apartment aa gayay thay q k us ki halat bht kharab thi... woh khud bhi ghar nhi jana chahti thi...

Woh bed pr baith gai.... chacho uss k liye chayay bna kr lai ayay aur uss k pas bed pr baith gayay...

Kesay reh laitay hain yahan itni tanhai mein??

Mishal ne poocha...

Ab toh adat pr gai hai misha... ab yeh tanhai raas aa gai hai ...

Chacho ne muskura kr kha.. woh muskurahat jis mein dard hi dard ho...

Mein bht buri hun.. mjy maan baap ki koi qadar nhi..aur jin k maan baap nhi hain woh...

Woh aik baar phir ronay lgi...
Chacho ghabra gayay.. unhon ne uss se chayay ka cup lai kr table pr rkha aur ussay galay se lga liya...

Mut ro meri jaan!! Bachay zid krtay hi hain aur tum toh dil se itni saaf ho misha...aisi fazool batain mut socho ..

Chacho mein bht tanha ho gai hun.. mene aap ko nhi btaya magar mein bht akaila feel krnay lgi hun...

Uss ne rotay howay kha....

Sameer ne kuch kha hai??

Nhi woh toh bht achay hain mein hi bht buri hun...

Woh abhi tuk un se lipti hoi thi...woh uss k sir pe hath phair rhay thay...

Tum khud ko zindagi mein kbhi akaila mut smjhna misha... tumharay chacho hamaisha tumharay sath hain.. chahay kuch bhi ho jayay, mein hamaisha tumharay sath khara hun ga...chalo shabash ab chup kro...aur daikho chayay thandi ho gai hai..

Woh chacho se alag hoi...

Rotay hoyay churail lgti ho tumm ....

Chacho ne kha toh woh muskura di....
Chayay peenay k baad woh wahan hi so gai thi jub-kai chacho ab kitchen mein jaaa chukay thay aur mishal k liye uss ki fav biryani bnanay k liyey saman tyar krnay lgay ....

--------☆☆☆☆

Sameer kub se mishal ko phone kr rha tha magar uss k phone off tha.... kaafi raat ho gai thi aur mishal ka kuch ata pta nhi tha... sameer preshan ho rha tha...

Uss ne nasir sahib ko call ki toh unhon ne bhi laa-ilmi ka izhar kiya...woh khud bhi preshan ho gayay....

Sameer ab nasir sahib k ghar aa gya tha....

Aakhir woh gai kahan khalo ?

Mjy bhi nhi pta woh itni dair toh ghar se bahir kbhi nhi rehti...

Woh sub preshan thay...

Baita tum ghar hi rehtay ho skta hai woh aa gai ho...

Nasir sahib ne kha... iss se pehlay k woh koi jawab daita nasir sahib ka phone baja...

Hello hashir...

Kyaaaaa??? Woh tumharay apartment mein hai?? Hd hoti hai laprvahi ki bhi...

Woh chacho pr gussa ho rhay thay laikin sameer forun utha aur chacho k apartment ki taraf gari bhaga di....

--------☆☆☆

Woh biryani kha rhi thi.... jub apartment ka drwaza bht zor se bajaya gya...

Chacho koi aya hai bahir..

Acha mein daikhta hun....

Chacho ne kha aur drwaza khol diya... samnay kharay shakhs ko daikh k woh hairan howay...sameer gusay se ander daakhil howa...

Oh toh madam yahan baithi hain??

Uss ki awaz pr mishal ne nazar utha k ussay daikha....

Sameer aap??

Woh khari ho gai....

Aakhir tum raat k iss pehar yahan kr kya rhi ho? Btana pasand kro gi kya??

Woh itnay gussay mein tha k mishal ko uss se khof anay lga...

Sameer relax ho jao... mein hi ussay lai kr aya tha tbyt kharab thi iss ki.. aur mobile ki changing low thi toh woh bnd tha... bachi hai choro glti ho gai...

Yeh bachi hai aap toh bachay nhi hain nah??aap ko andaza bhi hai k kitna khawar howa hun mein.. aur yeh...

Woh gussaay se hanpnay lga tha...

Kya kr rhi ho tum itni raat ko kisi na-mehrum k apartment mein?? Bolo?? Mishal tum woh nhi ho jis se mjy mohabbat thi..

Uss k iss ilzam pr chacho aur mishal ka munh gussay se laal ho gya tha...

Mind your self sameer mein us ka chacho hun woh meri behnon jaisi...

Oh plz shutup!! Aur tum mishal aaj k baad meray ghar mein qadam bhi mut rkhna...

Woh keh rha tha...

Sameer tum choti se baat ko itna q brha rhay ho?? Mishal pehlay bhi meray pas aati thi..

Nhi chacho kuch mut bolain...

Mishal ne apnay ansoo saaf krtay howay kha aur aagay brhi ...

Yeh....

Mishal ne sameer ki taraf ushara kiya....

Yeh mera shohar hai wowwww....

Uss ne asman ki taraf munh kr k bahain phailayin jaisay hawa ko mehsoos kr rhi ho halan kai wahan asman nazar nhi aa rha tha...

Woh shohar jo mjh se mohabbat k davay krta tha...woh shohar jis ne aaj mjh pe itba ghatiya ilzam lgaya... kitna twist hai nah meri zindagi mein....

Woh zor se hansi... chacho ko woh pagal lgi thi un ka dil bht zor se dharka tha...

Pta hai dear husband! Mene tum se shadi ki q k mein tumhain samaitna chahti thi magat tum....hahah... tum ne toh mjy hi tor diya... woh jaisay guriya tooti thi meri yaad hai chacho??

Kon se guriya??woh waqai pagal ho rhi thi ..

You know what mister sameer! Mohabbat bakwas hai... aur tum ne toh mera yaqeen hi mohabbat se utha diya... aitbaar krna seekho.. mohabbat nhi smjhay?? Jub tuk rishton mein aitbaar nhi hota rishtay kokhlay rehtay hain....

Woh boli aur sameer ka gireban pakar liya...

Tor toh tum ne mjy shadi ki aglay din hi diya tha...mein dheet bni rhi....laikin ab nhi... mjy talaq chahiyay abhi aur issi waqt... mein ab waqai tumharay ghar mein qadam nhi rkhoon gi...

Uss ne aik jhatkay se uss ka greeban chora...

Pagal ho gai ho mishal tum dono ko akhor ho kya gya hai?

Chacho ne mudakhlat ki...

Aur agr tum ne mjy talaq nah di toh mein tumhai adalton k aisay chakar lgwaoon gi k...

Mishal wih upset hai tum hi smjh jao...

Chacho ne kha....

Mein bhi normal nhi....

Uss ne kha....

Thk hai mishal... agr tumgari yehi mrzi hai toh mein tumhain talaq dai dun ga laikin tum phir soch lo...

Nhi dear ab sochna kaisa? Bs mjy abhi dai do talaq... taa kai mein tumharay baqol apnay chacho k saath ayashi kr skoon...

Woh chacho ko daikhtay howay boli....magar chacho ne aik zor-daar thapar us k munh pr raseed kiya...woh zor se hansi....

Suno! Talaq do mjy....

Mishal ne aik baar phir sameer ka greban pkar liya...

Mishal mein.. mein jazbati ho gya tha...

Sameer ne kha...

Mein tumhain khona nhi chahta i m sorry...

Uss ki baat pr woh phir se hansi....

Chacho! Daikhain zra aap ki mishal ko yeh khonay se drta hai....haha...

Woh boli.... un dono ko uss ki zehni halat pr shuba howa tha...

Tum meray qabil hi nhi thay sameer...mene tumhain izat di tumharay liye apna junoon chornay k liye tyar ho gai aur tum ne kya diya?? Tum toh aitbaar bhi nhi dai skay mjy.. mjy issi liye zehar lgtay hain yeh mard.. apnay ilawa inhain sub bad-zaat lgtay hain... asal mein kami tumhari soch mein hai sameer.... aur mein.. mishal nasir.. tum ne talaq mangti hun... aur mein...mein kya..kr ..skti hun iss
...
...
....
.. ka .

Woh aik jhatqay se giri... chacho ne ussay thama...

Mishal ankhain kholo...

Woh uss ka chehra thapak rhay thay...

Aur tum ab kya munh daikh rhay ho dafa ho jao yahan se....

Chacho ne chilla kr kha aur doctor ko phone krnay lgay....

---------☆☆☆☆☆

Usss ne jub aankh kholi toh woh apnay ghar thi...abbu ammi k ghar... uss ne aahista se idhar udhar na ar dhorayi...kmray mein koi nhi tha...woh uthi aur bed k crown se taik lga li...phir ankhain bund kr k beetay lmhon ko sochnay lgi...
Baahir mosam kharab ho rha tha... badil karak rhay thay aur barish honay ka amkan tha... woh chup chap ankhain bund kiyay sochon mein gum thi ...

Yunhi mosam ki ada daikh k khaiyal aya....
Kis qadar badal jatay hain insan janan!!

Thori dair baad uss ki ammi kmray mein ayin...

Shukr hai Allah ka tum hosh mein aa gai ho... mishal meri jaan!

Ammi ne ussay khud se lipta liya ...woh roi nhi bs bai-tasur chehray se un k galay lgi rhi....

Sameer ne talaq k kagzaat bhijwa diyay hain... tumharay abbu bht preshan hain...

Ammi ne kha... woh kuch nah boli ...

Kuch bolo baita??

Ammi ne tarap kr kha....

Chacho kahan hain??

Uss ne poocha...

Woh...

Ammi chup ho gain.. mishal ne savaliya nazron ne unhain daikha....

Woh tumharay abbu ne ussay yahan anay se mna kr diya hai... aur kha hai k ab mishal se kbhi mut milna q k ussi ki waja se tumhara ghar barbad howa hai... aur mishal ab tum bhi uss se door rehna... hum tumharay apnay hain woh koi nhi hai...

Ammi ne kha ...
Woh dard se muskurayii....

Ammi! Mjy aram krna hai...

Uss ne kha aur kait gai...ammi uth kr bahir chi gain....

Qq kiya tum ne aisa sameer?? Mein tumhain kbhi maaf nhi kroon gi..kbhi nhi...
Uss ne socha tha..

---☆☆☆☆☆☆

Waqt ka kaam hai guzarna.... aur waqt guzarta gya... uss ki talaq ko 3 mah ho gayay thay woh ab university jana shuruh ho gai thi... roz uss ki ankhain aadil ko talash krtin magar woh kahin nhi tha... roz chuti k waqt woh chacho ka intaaar krti magar woh bhi nhi aatay thay.. in 3 mahinon mein woh chacho se aik baar bhi nhi mili thi...ussay woh bht yaad atay thay ussay aadil bhi bht yaad aata tha magar woh kehti nhi thi....aakhir kis se kehti...ab uss me maan baap k hr hukam pr amal krna shuruh kr diya tha.. ab woh zid nhi krti thi ...

Aaj bhi woh tyar ho rhi thi jub abbu ne ussay bulaya...

Baita mein chahta hun k tum shadi kr lo....thora dil behal jayay ga....

Abbu k ilfaz pr woh hil kr reh gai...

Mjy aap ka hr hukam qabool hai abbu mjy thora waqt dain...

Uss ne kha...

Tumhain sameer ki yaad ati hai?

Nhi.. mein apni zindagi se ussay nikal chuki hun...

Uss ne mazboot lehjay mein kha....

Mein uni jaa rhi hun. ALLAH HAFIZ..

---------☆☆☆
Uss roz ussay nhi pta tha k woh aonay ghar walon se aakhri baar mil rhi hai... woh uni chali gai....  jub ussay peon class se bulanay aya..

Mishal nasir kon hai? Un k parents ki death ho gai hai unhain hospital bhaij dain...

Woh shyd koi khawab daikh rhi thi....
Woh peon k btayay howay hospital gai toh apnay ammi abbu ko murda paya....

Nasir sahib aur us ki ammi bazar jaa rhay thay toh un ka accident ho gya....

Woh kafi dair sktay k aalim mein baithi rhi .... woh ro nah ski... ansooo khatam ho gayay thay...

Chacho nhi ayay thay.. woh un k apartment bhi gai laikin wahan koi nhi tha.... muhalay k logon ne hi sara intazam smbhala...woh toh bs baithi rhi... apni brbadi pr aansoo bhi nah bha ski....

Uss ne sabar kr liya tha... aur kuch bs mein bhi nhi tha....

-----------☆☆☆☆☆

After 4 years:-

Woh ab poora daihaan prhai pr lga rhi thi... uss ne faisla kiya tha k ab woh apnay junoon ko hasil karay gi....

Uss roz woh uni k baad ghar jaa rhi thi jub bus stop pr ussay aik boora admi baitha dikhai diya... woh tasbeeh prh rha tha..mishal uss k pas a gai ...
Woh kaafi dair khamosh baithi rhi....

Baiti! Zamanay ki maar kha k i ho?

Uss aadmi ne poocha..

Allah ne bht azmaya hai mjy baba g....

Uss ne kha...

Baishak woh aonay pasandeeda bndon ko azmata hai...

Baba g ne kha....

Mjy aonay pasandeeda honay mein shak hai baba g!! Mishal Nasir se sub mohabbat toh kr sktay hain magar koi uss ka sath nhi nibah skta....

Uss ne kha....

Allah se sabar mango baiti... whi sabar dainay wala hai...

Mjy sakoon chahiyay...

Uss ne kha....woh samnay sarak ko daikh rhi thi...

Allah ki ibadat kiya kro sakoon mil jayay ga...usi k zikar mein hi asal mza hai...

Baba g ne kha toh woh unhain daikhnay lgi....

Mera dil nhi krta...

Uss ne kha...

Kahan rehti ho??

Baba g ne poocha...

Dunia mein hi rehti hun... magar akaiki tnha...

Woh dard se muskurayi...

Meray sath meray ghar chalo....

Mishak ne hairat se unhain daikha....

Nhi baba g! Mein kisi k ghar nhi jana chahti mera apna ghar hai... bs aap meray liye dua karain k mjy sakoon mil jayay...

Uss ne kha aur bus ki janib brh gai...

----------☆☆☆☆

Woh bathroom se fresh ho k nikli aur kitchen mein chali gai jub drwaza baja...

Kitni baar kha hai k time se aya kro aaj phir late ho...

Uss ne kehtay howay drwaza khola...

Sorry baji! Maheen ne late krwaya...

13 sala bachayne 6 sala bachi ki taraf ishara kiya...
Woh tuition prhnay k liye mishal k pas aatay thay.. mishal ne bachon ko prhana shuruh kr diya tha taa-kai apni prhai mukamal kr skay....

Acha ab uss pr ilzam nah lgao baith jao... aur Saim tum science ki book kholo.. Maheen aap apni English ki book kholo ... mein handi utar k aati hun...

Uss ne khana bnana seekh liya tha... waqt bht bara ustaaad hai sub sikha daita hai....

Khana bnanay k baad woh bachon ko prhanay lgi.. aur bachay bhi aa gayay thay....

Baji! Yeh daikhain meri copy phar rha hai...

Aik bachay ne kha toh mishal ne usay danta...

Ab mein aap ko maroon gi ahmed! Itni sharartain krtay ho uff...

Baji! Bachay sharartain krtay howay hi achay lgtay hain nah?

Ahmed ne masoomiyat se kha toh mishal hns kr reh gai...

------☆☆☆☆

I hope aap ko epi pasand ayay gi... vote aur comments krna nah bhooliyay ga