Aaj un ka nikah tha...woh bht sadgi se tyari hoi thi.. surkh rang ki qameez shalwar mein bagair kisi makeup k bhi woh nazar lg janay ki hd tuk khoob-soorat lg rhi thi... sameer ne ussay nazar utha kr nhi daikha tha.. woh bhi bht handsome lg rha tha...

Shadi mein sirf mishal ki ammi ,abbu,chacho aur sameer ki behn k shamil thay...Mishal pta nhi q confuse ho rhi thi.. pehli baar ussay ehsas ho rha tha k woh kisi shakhs k sath bndhnay wali hai .. magar woh muskura rhi thi..

Nikah k waqt uss ki zuban lrkharayi thi... magar us ne khud ko smbhal liya...

Chand minton baad woh mishal nasir se mishal sameer bn gai thi... abbu me ussay galay lgaya tha...woh roi nhi thi.. ammi se galay miltay howay uss ne sargoshi ki...
Dua karain ammi k mjy ap jaisi zindagi nah guzarni paray...
Keh kr woh chacho se mili...

Sameer meri mishal ka bht daihaan rkhna hai tum ne.. aur mishal madam aap ne bhi..

Chacho ne mishal ki naak kheenchtay howay kha...

In sha Allah hashir.. aap relax ho jayain...

Sameer ne kha toh chacho hans paray...

Baita hum toh relax ho gayay ab tumhari baari hai mishal tumhain relax nhi honay dai gi...

Woh hansnay lgay...

Aap chacho bht buray hain...

Woh ab ro rhi thi...

Ab madam ne rona q shuruh kr diya?

Chacho ne poocha..

Pta nhi q ro rhi hun...

Woh chacho se lipat gai... aur phir jitna ro skti thi ro di . Sameer hairat se ussay daikh rha tha woh zindagi mein pehli baar ussay rota howa daikh rhi thi...

Aap roz mjh se milnay ayain gai nah?

Han koshish kroon ga...

Sirf koshish?

Nhi matlub aaoon ga yrr..

Pka??

Haan bhai pka...

Uss k baad woh gari mein baith gai...

    --------

Woh sameer k kamray mein baithi thi...kamra sajawat se aari tha... sirf bed side table pr phoolon ka bookay pra tha.. woh bed pr baith gai aur phool ko soonghnay lgi..

Itnay mein drwaza khula aur sameer ander aya.. uss ne ander aa kr drwaza bnd kiya... mishal ka dil zor se dharka tha...pehlay bhi woh uss k kamray mein aati thi magar aaj ajeeb sa ehsas tha...

Woh uss k pas aa kr baith gya...

Thanku mishal..tum ne mjy smbhalnay k liye mjh se shadi ki...

Iss jumlay pr woh thatki thi... sameer ko kis ne kha k... wph soch nah pai..

Aap ko kis ne yeh kha??

Koi chota bacha bhi hota toh pehchan jata mishal! Laikin yeh waqt ausi baaton ka nhi hai...tum btao tumhain munh dikhai mein kya chahiyay...

Mene kya krni hai munh dikhai.. roz toh dsikhtay hain aap meri shakal...

Woh boli toh sameer ne qehqa lgaya...

Pr bv toh tum ab bni ho nah... waisay mishal mein bht khush qismat hun jo mjy tum mili.. bht kum logon ko apni mohabbat milti hai ..

Mishal ne ussay daikha...

Pta nhi... mjy jub hoi toh btaoon gi..

Ho jayay gi.. mein tumhara dil jeet lun ga daikhna tum.. acha tum ne btaya nhi k tum ne aadil ko bhi invite kiya tha...

Woh hairan reh gai.. shadi ki pehli raat aadil ka zikar q??

Nhi.. mene toh nhi kiya...

Woh aya tha... mene wapis bhaij diya.. mishal tum uss ko zindagi se nikal q nhi daiti...

Ussay sameer ki yeh batain achi nhi lg rhi thi...

Sameer! Pehli baat toh yeh k mene ussay nhi bulaya.. mein toh itnay dino se uni nhi gai.. meray pas phone bhi nhi hai... aur doosri baat yeh k mera uss se koi rishta nhi hai...aap q iss waqt yeh baatain kr rhay hain? Kya nikah k forun baad aap ka dil mjh se bad-guman honay lg gya hai?

Woh buri trha hurt hoi thi...

Nhi... tum galat smjh rhi ho..thk hai woh waisay hi aa gya ho ga.. i trust you..i m sorry...

Koi baat nhi.. laikin aaj k bad aadil ka zikar hamaray drmayan nhi aana chahiyay..

Okay...

Acha mobile dai dain munh dikhai pe..

Haha... woh hansa...

Pehli lrki daikh rha hun jo munh dikhai mein mobile mang rhi hai...

Q pehlay kitni lrkiyon ko munh dikhai di hai...

Mishal ne ussay ghoora...

Ahh.. wait ginti krnay do... 1... 2... 3.... 4...

Woh ab sochnay ki acting kr rha tha...

Sameer aap bachain gai nhi meray hathon...

Mishal ne kushan utha kr ussay mara...

Bacha toh mein pehlay bhi nhi.. tumhain pta hai mein kitni mohabbat krta hun tum se.??

Nhi pta.. aur mjy mut btayyiyay... yeh aap amal kr k dikhayiyay ga.. aur jis din aap ko mjh se mohabbat khatam ho gai mjy bta dijeay ga mein chali jaoon gi...

Astagfar aisi batain mut kro yrr.. acha apnay chacho ko call kr lo ..

Sameer ne apna mobile uss ki taraf brhaya..

Okay... waisay chacho bhi nah...

Kya hai? Itnay achay hain.. tumharay chacho... hr waqt nah lra kro un se...

Aap ko bht mohabbat nhi ho rhi meray chacho se?? Khabardar....

Woh boli aur sath hi doosri taraf se call attend kr li gai..

Kis ko khabardar kwh rhi ho mishal? Thk toh ho?

Chacho li awaz i...
Mishal ne phome speaker pr lgaya...

Nhi thk nhi hun... sameer ne mjy munh dikhai bhi nhi di abhi tuk...

Sameer ne ussay ghoora..

Acha kiya.. acha suno tum uss se mobile nah mang laina mein kl lai kr aa rha hun..

Hain? Aap ko kaisay pta chala k?

Lrki tumhara dil dimag sub prh laita hun mein...acha ab tum sameer ko time do.. mera salam kehna... q k yeh raat bar bar nhi aati...

Astagfar. ..Allah hafiz .

Uss ne kuch sharminda ho kr phone bnd kr diya....

Sameer ussay daikh rha tha...

Tum tyari q nhi hoi?

Kaafi dair baad woh bola...

Kya mein aap ko aisay achi nhi lg rhi?

Mishal ne poocha..

Mjy tum hr waqt achi lgti ho....

Uss ne kha..

Mein chayay bna lun?

Mein bna daita hun...

Sameer ne kha....

Nhi mein bna lun gi. Chayay bnani toh mjy aati hai...
Woh hnsi...

Chalo...

Woh dono kitchen mein aa gayay.... mishal chayay bnanay mein masroof ho gai... sameer drwazay se taik lga kr ussay daikhta rha...

Tumhain yeh tanhai maar dai gi mishal... poora din akailay kaisay rho gi ghar mein?

Q? Mein university jaya kroon gi phir aa kr ghar k kaam kroon gi. Pta bhi nhi chalay ga time ghzarnay ka...

Woh boli...

Matlub tum mjy miss nhi kro gi...

Sameer ne poocha... mishal bht confuse ho rhi thi...
Miss toh kroon gi laikin bore nhi hun gi.. naa hi mjy tanhai maaray gi..

Uss ne kha... sameer uss k pass aaya aur uss ka hath thaam liya...

Mjh se wada kro k tum mjy kbhi chor k nhi jao gi...

Mishal ko iss waqt woh chota bacha lga tha jis ko dur ho k uss k apnay usay chpr kr chalay jayain gai...

Mene rishta nibhanay k liye aap se shadi ki hai...iss trha mut sochain....

Mjy dur lgta hai...

Woh afsurda ho gya...

Kam az kam yeh likwa lain aap mjh se k mot se pehlay mein aap ko chornay wali nhi...

Uss ne kha...toh sameer muskura diya... sameer pehli baar uss  k itna qareeb tha aur woh uss k perfume ki khushboo mehsoos kr skti thi...

Aap bht achay hain sameer aap ne mjy meri tamam na-daniyon k lie maaf kr diya...

Tum bhi bht achi ho...

Hmm...chayay ...

Woh uss se hath chura kr chayay ki taraf brhi jo girnay hi wali thi...

Uss k baad woh chayay lai kr taris mein aa gayay...

Bht shidat se intazar kiya tha mene iss raat ka...tumhain panay k liye bht roya hun mein.. laikin ab..

Mishal k chayay peetay haath ruk gayay...

Ab aap ko meri qadar nhi rhi??

Nhi ab mjy lg rha hai k mene bht galat kiya hai tumhain zabardasti k rishtay mein baandh k...

For God sake sameer! Ab aisi baatain mut kariyay ga.. mein apni khushi se aap k pas i hun.. mjy koi majboor nhi kr skta.....

Woh chir kr boli....
Itnay mein barish shuruh ho gai... mishal aik dum se jaisay khil uthi...

Tumhain baarish pasand hai??

Sameer ne poocha...

Bht zaida...lawn mein chalain?

Uss ne khali chup table pr rkha....

Bilkul bachi ho tum ... chalo...

Sameer ne kha toh woh munh bna kr uss k peechay chal di...

Apni wife ko bachi nah kaha karain...

Woh munh phula kr boli toh sameer ka qehqa nikal gya...

Jo hukam....

Sameer ne kha..

Woh ab lawn mein aa gai thi.. woh bheeg rhi thi....gol gol chakar laitay howay asman ko daikh kr khush ho rhi thi...sameer bheegna nhi chahta tha iss liye lawn k dewazay pr khara tha... laikin phir woh khud ko nah rok paya...

Woh uss k pas aa gya..

Ab khayal aa gya bheegnay ka??

Mishal ne narazgi se kha...

Tumhain akaila toh nhi chor skta nah...

Woh bola toh mishal muskura di...

Chor k toh dikhayain... pta hai sameer mjy bachpun se hi barish bht pasand thi... bukhar ho jata tha magar mein phir bhi bheegti rehti thi...

Woh dono ab chehal qadmi kr rhay thay....

Aur mjy bariah kbhi bhi pasand nhi thi... aaj aa gai...

Sameer ne kha toh woh uss ki taraf daikhnay lgi ..

Aap meray abbu jaisa salook toh nhi karain gai nah meray sath? Mene sari zindagi ammi ko sorf qurbaniyan daitay daikha hai.. mjy bht dur lgta hai aisi zindagi se...

Nhi mishal! Woh purani soch k hain.. mjy sub pta hai tum fikar nah kro...tumhara jahan dil chahay jao..jo mrzi kro mjy koi aitraz nhi...

Thanku

Mishal ne kha....

Aap ko khanay mein kya pasand hai??

Woh walk kr rhay thay.... saneer ruka toh woh bhi ruk gai...

Jo tumhain bnana aata ho...

Haha...mein seekh lun gi google se..aap apni pasand btayain...

Uss ne kha ...

Amm....mjy biryani pasand hai..

Bs??

Aur bhi bht kuch...

Jaisay k?

Woh toh tumhain khud khojna ho ga nah...

Sameer ne sharart se kha...

Acha...

Woh mayoosh hoi ...

Mjy thand lg rhi hai ander chalain...

Mishal ne kha toh woh ander aa gayay...

Dono ne change kiya aur lait gayay...

Suno....

Sameer ne bulaya toh mishal ne uss ki taraf krwat ki...

G...

Tumhain khanay mein kya pasand hai??

Woh dono jantay thay k woh bai-maqsad batain kr rhay hain.. un dono ko smjh nhi aa rhi thi k wph kya baat karain... magar woh baatain krna chahtay thay.... mishal bhi uss se baat kr k bht acha feel kr rhi thi..

Bht kuch...

Woh hansi...

Tumhari hansi bht khoob soorat hai...

Ahah aap bhi laikin mjy kisi ne kja tha k aap handsome nhi hain... aap se bhtr toh chacho hain...

Woh boli... aadil ka chehra samnay aya tha...

Haha... kon tha woh??

Sameer ne mehzooz hotay howay kha...

Bs tha koi...

Chocolate khao gi??

Mein koi choti bachi nhi hun...

Baray bhi khatay hain...

Mjy nhi khani..

Q??

Pasand nhi hai nah....

Acha...

Woh jaisay naraz ho gya...

Naraz ho gayay hain??

Nhi...

Mjy Khani hai chocolate...

Mishal ne kha...

Chocolate khanay k bad woh so gayay...

-----------

Subha uss ki ankh sameer k jaganay pe hoi thi...

Mjy sonay dain....

Aur saath hi aik cheenk...

Flue hai tumhain uth k nashta kro aur medicine khao... tumharay ghar walay bhi anay walay hon gai....

Mishal uth gai....
Woh nashta lai kr khara tha .. uss k pas baith gya...

Yeh kis ne bnaya??

Mishal ne hairat se ussay daikha...

Mene..

Aap ko ata hai??

Aaj seekh liya... anda bnana thora mushkil hai ..

Itna bhi nhi...

Mishal fresh honay chali gai...

Wapis i toh woh uss k intazar mein baitha tha...

Kub se office jana start hon gai??

Q tum mjh se jaan churana chahti ho?

Sameer ab ussay nashta kra rha tha...

Iss waqt woh aik best couple lg rha tha...

Nhi phir mera daihaan hon rkhay ga.??

Nokri chor dun??

Nhi pagal... oh sorry mera matlub hai nhi sameer  .

Haha.. tum mjy aap nah bola kro...

Q??

Waisay hi...

Mein toh aap hi boloon gi mjy acha lgta hai...

Iss se pehlay k mazeed kuch kehta gari ki awaz i...

Mera khayal hai chacho aa gayay...

Mishal ne khirki se daikha....

Han.... aao...

Woh dono neechay chalay gayay...

Chacho ammi aur abbu tohfon smait ayay thay... umhain lounge mein bitha kr mishal change krnay chali gai.. wapus i toh sameer aur baaqi sub baaton mein masroof thay...

Aur sunao tung toh nhi kiya mishal ne??

Chacho ussay daikh chukay thay tbhi sameer se poocha...

Sameer bta dain in ko k mene aap ko tung nhi kiya...

Mishal ne kha....

Han iss ne tung nhi kiya...

Tumharay munh mein toh abhi se bivi ki zubaan aa gai...

Chacho ne kha...

Aap zaida saas bnnay ki koshish nah karain... chalain meray liye icecream lai kr ayain...

Uss ne keh toh diya magar sameer ki muskurahat khatam ho gai thi... woh excuse keh kr uth gya...aur yeh baat sub ne note ki thi...

Woh naraz ho gya hai..tum soch smjh k bola kro.. tumhari saas usss ki maan thi...

Abbu ne kha... mishal yukdum udaas ho gai...

Mein aap k liye nashta bnati hun...

Woh keh kr uth gai..

Nashta bna kr woh table pr rkhnay lgi jub sameer kamray se aata dikhai diya... mishal ne ussay daikha, nazrain milin phir sameer aa kr baith gya...

Wah... khana toh bht mazay ka hai...

Chacho ne kha...

Phir woh idhar udhar ki batain krtay rhay... sameer aur mishal ki koi baat nhi hoi thi woh dono unhain bahir tuk chornay ayay...

Ap bhi ab shadi kr lain chacho....

Uss ne kha...

Toba kro.. mjy mein sameer jaisa hosla nhi hai.. mein aisay hi acha hun...

Chacho ne kha aur gari mein baith gayay....

Un k janay k baad sameer under chala gya aur mishal uss k peechay..

Sameer meri baat sunain....

Sameer ruk gya ..yeh mumkin tha k mishal bulati aur woh nah rukta??

I m sorry sameer! Meray munh se nikal gya tha...

Koi baat nhi...

Sameer ne kha..

Mjy dil se maaf karain..aap ko pta hai nah k mein pagal hun phir q meri batain dil pe laitay hain...

Nhi tumhari koi baat dil pe nhi lgi bs mama yaad aa gayi thin...

Uss ne kha...

Aap unhain feel kiya karain nah apnay sath...woh hamaisha aap k sath hoti hain...

Mein krta hun... bs aik baar galay lg jana chahta hun mama k...

Woh bola toh mishal afsurda ho gai....
Woh soch rhi thi k ab woh uss ka mood thk krnay k liye kya karay...

-------

Assalam o aliakum guyz!

Kesi lgi story zaroor batayain aur vote krna nah bhooliyay ga...

Aap ko iss story mein kon sa character sub se zauda pasand hai? ?

Aur aap k khaiyal mein hero kon hai??

Aur yeh bhi btayain k agay ab kya ho skta hai?? Kya aap k khaiyal mein happy ending honay wali hai iss ki???