Woh uss k peechay peechay chal di...caffe pohanch kr aadil ne peechay mur kr ussay daikha..

Kya khao gi??

Aadil ne poocha...

Kuch nhi...

Uss ne jawab diya...

Plz naraz toh nah ho. Mein kisi ki narazgi bardasht nhi kr skta...

Woh poora ka poora uss ki janib mura tha.

Aur mein kisi ka rude behaviour brdasht nhi kr skti...

Woh bhi mishal thi...

Hmm... chalo phir hisab barabar howa. Ab btao kya khao gi??

Woh aram se kehta howa apni jaibain tatolnay lga....
Mishal ne koi jawab nah diya aur khamoshi se uss k amal ko daikhnay lgi...

Thori dair baad aadil ne sikon ka aik dhair ikatha kr liya tha aur muskuratay howay mishal ka samnay kiya....

Daikho... yeh hain total 150 Rs.. in mein se jo laina hai lai lo... i think aik bargar aur 7 up aa jaye gi...thk hai??

Woh muakuratay howay pooch rha tha...mishal ne hairat se un sikon ko daikha phir aadil ko...

Uff kitnay kanjoos ho tum...

Hahaaa..... Thanks dear ... acha matlub razi ho ab.??

Woh shararat se kehta counter ki taraf brha...

Suno....

Mishal ne awaz di toh woh mura aur savaliya nazron se uss ki taraf daikha...

2 nimko aur 2 juices aa jayain gai... woh lai lo...

Mishal ne muskurahat daba kr kha toh aadil ne bai-ikhtaiyaar qehqa lgaya aur counter pr kharay lrkay ki taraf matwaja ho gya.....

    --------------

Woh garden mein walk kr rhay thay...aadil la parwahi se nimko apnay munh mein uchalta aur phir qatar qatar ki awaz se chuba rha tha...

Mishal ne kuch dair toh uss ki iss batmizi ko nazar andaaz kiya phir tink kr boli...

Aram se khaoo.... kya awazain nikal rhay ho...

Mishal ki baat pr uss k chaltay howay jabray kuch dair k liye rukay aur phir aik gehri muskurahat k saath chalnay lgay...

Ufff.. pagal ho tum bilkul...

Mishal ne gussay se kha toh woh hansa...

Salam hai aap ki  maloomat ko....

Shut up!!

Mishal ne kha aur nimko ka packet ass k hath pr rkh kr class mein chali gai... aadil wahan khara kaafi dair muskurata rha phir aik nazar nimko pr daal k sir ko jatkha aur phir se khane mein masroof ho gya...woh kha ab bhi batmizi se rha tha magar ab ussay toknay k liye mishal nhi thi.....

   --------------------------

Woh ghar i toh kaafi thaki hoi thi.....kapray badalnay k baad woh lait gai.....uss ki sochain baar baar aadil pr ja kr atak jaatin... neend aanay k ba wajood usss se sonay nhi ho rha tha....

Mishal ! Daikho bahir kon aya hai...

Ammi ne uss k kamray mein jhaanktay howay kha.... uss ne aik nazar ammi ko daikha...

Chacho hain??

Nhi..sameer aya hai...

Ammi keh kr wapis chali gain.... aur woh kuch dair barbraati rhi phir sir pe duppatta lai kr baahir aa gai....

Assalam o aliakum!!

Sameer k saath uss ki ammi bhi thin.. iss liye uss ne marwatan salam kiya...

Wa aliakum aslam!! Baita kesi ho?? Idhar aao baitho...

Shazia baigam ne pyaar se kha toh woh aik nazar sameer pr daalti un k pas baith gai... sameer bhi bri fursat se ussay hi daikh rha tha...

Prhai kesi jaa rhi hai???

G khala! Abhi prhai shuruh nhi hoi.. abhi 2 din hi toh howay hain uni jatay howay...aaj ID cards milay aur aik introductory class hoi thi law ki... hope so aik week tuk classes start hon gi....

Uss ne aik tafseeli jawab diya aur table pe rkhay jug se pani glass mein undailnay lgi....

Hmm.... toh phir aik kaam krtay hain...

Shazia baigam ne kha toh mishal ne savaliya nazron se unhain daikha...

Yeh angoothi lai kr i hun mein... aik rasam ho jaye toh phir sameer k mutabik tumhari prhai khatam honay k baad shadi ho gi... bhai se bhi baat ho gai hai.... mishal tum btao...thk hai??

Mishal ne paani ka glass table pr rkha aur kuch gussay se sameer ki janib daikha.. jo k chaye se insaaf kr rha tha....

Bolo baita??

Shazia baigam ne pyar se uss ka hath thama toh woh sir jhuka kr reh gai....

Mishal khala tum se kuch pooch rhi hain. Jawab toh do..

Ammi ne gussa zabt krtay howay kha...

Abbu kahan hain??

Mishal ne poocha..

Woh aanay walay hain... tum btao...

Ammi ne kha ....

Jo marzi hai aap ki... mein aik minute chacho se baat kr lun...

Mishal uthi aur telephone ki taraf brhi.....

Ufff oo.... jldi uthayain phone chacho....

Woh brbrati hoi phone mila rhi thi....

Gg... hello chacho... masla ho gya hai.. yeh sameer aur uss ki ammi yahan mangni k liye aa gai hain... abbu abhi ghar pe nhi hain... aap kuch karain un ko ghar anay se rokain... agr woh nhi aayain gai toh yeh mangni nhi ho gi...

Woh sargoshi k andaz se boli....

Hain??? Are u serious?? ab tumhara kya khayal hai k mein bhai jaan ka accident krwa dun.??

Chacho ne kuch khafgi se kha...

Nhi chacho.... accident kis ne kha.....

Daikho mishal! Ab mein tumhari koi baat nhi suno ga.. tum chup chap angothi pehn lo...ab bus kr do... apni wajah se doosron ki zindagi q disturb kr rhi ho... sameer se acha koi nhi mil skta tumhain.... mein kuch busy hun.. Allah Hafiz..

Sapaat se lehjay mein keh kr chacho ne phone bund kr diya... mishal sadmay ki halat mein phone ko daikhti rhi...zindagi mein kbhi bhi chacho ne uss se aisay baat nhi ki thi..woh apni jagah se hil nah pai...

Abbu aa gayay hain mishal aa jao..

Ammi ne kha toh woh kisi mamool ki trha chalti hoi sameer k muqabil aa kr baith gai... angothi pehna di gai... woh sir jhukayay baithi rhi....
Chacho ussay saari dunia se zaida azeez thay aur un k lehjay k agay yeh mangni kuch bhi nhi thi.....

   
-----------☆☆

Woh poori raat karvatain badalti rhi thi....chachoo ki awaz bar bar kanon mein goonj rhi thi ...

Shayid kaam k burden ki waja se unhon ne aisay baat ki... yah shayid boss se dant pri ho ....

Woh khud ko tasali daiti....

Laikin woh kbhi mjh se aisay  baat nhi krtay ... tub bhi woh normal thay jub unhain job se nikal diya gya tha....

Phir woh khud hi nafi mein sir hilati....

Smjhtay kya hain khud ko... mein bhi ab nhi bol rhi un se..

Woh gussay mein keh kr lait toh gai laikin so nah saki...

Subha woh chacho k anay se pehlay hi local bus se uni chali gai....

Mera naam bhi mishal hai...

Woh soch kr uni mein daakhil hoi...

Department mein daakhil hotay howay uss ne matlaashi nigahon se idhar udhar daikha... woh kahin nhi tha... phir uss ne apnay hath mein pehni angothi ko daikha aur apni ankhon mein anay wali nami ko galay mein utartay howay class mein chali gai...

Zindagi normal q nhi ho jati aakhir...

Woh hamesha yehi socha krti thi....

Hey mishal! Kesi ho??

Aadil ki awaz i toh ussay ajeeb se khushi hoi....

Thk hun... shukr hai tum aa gaye...

Uss k munh se phisla..

Aray wah!! Mera intazar ho rha tha....

Woh ussay chiraata howa uss k samnay baith gya...

Nhi nhi...matlub yeh... woh poochna tha k time table hai tumharay pas??

Woh bhokla kr boli... toh aadil ne aik qehqa lgaya..

Baat sambhalnay ki achi koshish thi miss mishal!! Khair do idhar apni note book mein likh dun timeeee tableee....

Uss ne jaan boojh kr time table ko lmba kiya....
Mishal sharminda se ho gai...

Hmmm.....toh kesa guzra din kl ka?

Uss ne poocha toh mishal ka dil kharab sa ho gya..

Thk tha..

Uss ne apnay baalon ko peechay krtay howay kha...

Zindagi hamain hamesha woh sub nhi daiti jo hum chajtay hain. Hamain apni zindagi mein aik lafz seekh laina chahiyay. Aur pta hai woh kya hai??

Aadil bazahir mishal ki note book pe jhuka keh rha tha. Aakhiri lafz pe uss ne mishal ko daikha...

Nhi ..

Mishal ne kuch hairat se nafi mein sir hila diya..(.yeh Aadil bhi nah..)

Compromise!!! Hamain apni life mein compromise krna aana chahiyay.. iss se hamaray aadhay maslay hal ho jatay hain...

Woh ab qalam taizi se chala rha tha..

Qq?? Hum aakhir q compromise krain?? Aakhir hamain compromise krna hi q paray?? Hamain woh sub q nhi mil jata aadil jis ki hamain chahat hai?? Aur woh hamari zindagi se q nhi nikal jata jis ne hamain nafrat hoti hai???

Woh bht rawani se boli thi...aadil ne note book uss ki janib brhai aur ussay daikhnay lga...

Yeh Allah ki mrzi hoti hai...

Aadil ! hamain woh log taqleef q daitay hain jin se hamain mohabat hoti hai??

Woh apnay dil ka gubar nikalna chahti thi...

Aadil ne chand lmhain khamoshi se usay daikhtay guzaray...

Tum meri baat ka jawab nhi dai sktay... tum jitni bhi taqreerain jhar lo tum meri zindagi normal nhi kr saktay...

Woh afsos se kehti bag mein se book nikalnay lgi..

Tumharay nazdeek mohabat ki sub se alah misal kon se hai??

Aadil ne poocha toh mishal k haath ruk gaye...

Kya matlub??

Matlub yeh k Mishal Nasir k nazdeek mohabat ki alah misal kon se hai??

Uss ne muskuratay howay poocha...

Meray khayal mein sub se alah misal Allah aur Hazrat Muhammad  (PBUH) ki mohabat ki hai...

Mishal ne kha toh uss ki muskurahat aur gehri ho gai...

Tum ne kbhi gor kiya hai k Nabi Pak (PBUH) ki zindagi mein kitni azmayishain thin... un k pas sub kuch nhi tha. woh zaida ameer nhi thay. Un k pas nokar chakar nhi thay.. khufar k log un pr pathar brsatay thay.. un ko aziyat daitay thay... Allah ne Aap (PBUH) ki zindai ko azmayiahon se bhar diya tha laikin Allah Aap (PBUH)se sub se zaida mohabat krta hai... agr koi hamain azmayish daita hai. Tu iss ka matlub yeh nhi k woh hum se mohabat nhi krta...

Woh saans lainay k liye ruka...

Mishal ko lga k uss ki sans ruk gai hai... uss k ander shadeed khawahish paida hoi k woh bolta rhay aur woh sunti rhay... lamha tham jaye...

Rasool (PBUH) ne apni zindagi mein bht compromise kiya tha... Allah k hr hukam pr amal kiya...Aazmayishon ko tohfa smjh kr qabool kiya...woh Rasool thay hum un k level tuk kbhi nhi pohanch sktay... laikin hum bhi toh unhi k umti hain nah... hum koshish kr sktay hain...tumhain pta hai mishal k mohabat 2 qisam ki hoti hai....

Aadil ne uss ki note book lai kr Mohabat likha..aur uss k neechay 2 lakeerain khainch kr mishal ki taraf daikha...mishal bhi copy ko daikh rhi thi...

Aik mohabat hoti hai kamzor mohabat...
Uss ne aik lakeer k neechay kamzor likh diya...
Mishal iss amal ko daikh rhi thi...ussay lg rha tha k woh kisi aur hi dunia mein aa gai hai...

Aur doosri mohabat hoti hai Mazboot Mohabat...
Uss ne doosti lakeer k neechay Mazboot likh diya...

Kamzor mohabat woh hoti hai jis mein hum apnay mehboob ko hr trha se support krtay hain... uss ki hr baat mantay hain... uss k liye hr kaam krnay ko tyar ho jatay hain...uss ki hifazat krtay hain... ussay koi bhi preshani ho toh uss ki dhaal bun jatay hain... uss k liye hr step uthanay k liye tyaar hotay hain...

Mishal k zehn mein janay q chacho ka chehra aya tha...(uss k liyay hr step uthay k liye tyar ho jatay hain..support. .. uff)
Uss ne sochon ko zehn se jhatqa....

Aur mazboot mohabat woh hoti hai.. jis mein hum apnay mehboob ko khatron mein daltay hain... taa kai woh mazboot ho jaye..agr woh kisi mushkil mein hota hai toh uss ko support toh krtay hain laikin physically nhi.. dua se... aur us k liye hr step nhi laitay.. balkai uss k galat kaam pr uss ko saza daitay hai .....

Mishal k garoor ka mehal toota tha...pta nhi q baar baar chacho ka chehra uss ki ankhon k samnay aa rha tha... unhon ne uss ki wajah se sameer ka accident kiya tha... woh uss ka hamesha sath daitay thay.. toh kya woh kamzor mohabat thi?? Nhi nhi...

Woh aadil ko nhi daikh rhi thi... uss ki nazrain kisi gair marayi nuktay pe jami thin...

Aur sub se mazay ki baat pta hai kya hai??

Aadil ne muskuratay howay ussay daikha....woh nhi boli..

Allah Nabi (PBUH) se mazboot mohabat krta hai... Allah hum sub se mazboot mohabat krta hai.. issi liye toh azmayish daita hai....aur jo log hum se mazboot mohabat krtay hain... hum smjhtay hain k woh hum se pyar nhi krtay hamain dukh dai rhay hain...

Woh pta nhi kya kha k aya tha.. chup hi nhi kr rha tha...

Aur rhi baat compromise ki toh....mishal! Agr hamain woh sub mil jaye jo hum chahtay hain toh hum Allah se guftago krna chor dain... hum na- shukray ho jayain...hum phir khawahish nah karain. Dua nah mangain...kbhi time nikal k in baaton pe gor krna...

Aur aadil chup ho gya...mishal ne ussay daikha.. woh kehna chahti thi k boltay rho... koi itna acha kaisay bol skta tha..

Kamzor mohabat....

Mishal ne khud ko kehtay suna..

Hmm... kya soch rhi ho??

Ku....kuch nhi.... Tum...tum bht acha boltay ho...tumhari family bht lucky hai...

Ussay khud bhi nhi pta tha k woh kya bol rhi hai... uss ki zuban pe uss ka control nhi rha thaa...

Well! Ab mjy pani la kr do.. gala dukh gua bol bol k...

Woh taik lga kr baitha...mishal ko jaisay hosh aya...

Mein q la kr dun... mein tumhari mulazma nhi hun...

Mishal wapis i...

Chechech....bht batmiz lrki ho tum... khair mein abhi aata hun... tum se baad mein hisab brabar karoon ga..

Woh uthnay lga...

Class ka time ho gya hai aadil..

Ussay roknay ki koshish!!

Mein yahan phnay thori aata hun yrr...

To phir?

Like seriously?? Tumhain nhi pta??

Woh sharat se hansta howa bahir chala gya..
Mishal note book pr daikhnay lgi...

kamzor mohabat!!

Mazboot mohabat!!

------------☆☆☆☆☆

Assalam o aliakum friends!!

Sorry for the late update... but i hope u will like it...

Give me your reviews in comment section and touch the star on your screen!!

Thanks!!!