Woh bed pr baithi hoi thi.. uss k haath mein form tha aur woh form ko ghoor rhi thi..

Kaash abbu form fill krtay...

Uss ne socha....

Woh kuch dair uss ko daikhti rhi... phir uthi aur form ko table pr rkha...
Fresh honay k baad uss ne ammi ko chayay ka kha..

Ammi mera sir dard kr rha hai plz chayay bna dain...

Uss ne kha...

Kuch khud bhi seekh lo. Tumhaaray jitni lrkiyaan poora ghar sambhaalti hain aur tum apnay liyay aik cup chayay bhi nhi bna skti...

Ammi ne khafgi se kha..

Pehlay baat toh yeh k mein mein hun.. so plz mera kisi se mukaabla naah krain..aur doosri baat yeh k mera sir dukh rha hai...

Uss ne naraazgi se kha aur kamray mein chali gai..

Kitni abnormal life hai meri!!

Uss ne socha aur form fill krnay lgi...

     -----------☆

Woh laita howa chut ko ghoor rha tha.. uss ne poora din se kuch nhi khaya tha.. bus chayay pe chayay pee jaa rha tha..
Shazia baigam aur soofiya uss ki halat daikh k preshan thin...
Uss ne bed se taik lgai aur cigarette phoonka .. itnay mein shazia baigam aur soofiya kamray mein ayain..

Uss ne aik nazar unhain daikha.

Kya ho gya hai tumhain sameer?? Khuda k liyay kuch khaa lo.. tumhari waja se mama ne bhi kuch nhi khaya...

Soofiya ne kha...

Mama aap khaa lain mein baad mein khaa lun ga abhi dil nhi hai...

Uss ne kha toh shazia baigam ne uss k haath pr apna haath rkha...

Sameer baita! Tum kyu aisay kr rhay ho?? Daikhna tum bht jaldi theek ho jao gay.. aur iss baar hum tumhari aur mishal ki shadi kr dain gai...

Shazia baigam ne kha...

Nhi mama! Mjy ab shadi nhi krni.. mjy saktay mein hi rehnay dain.. mein bht khush hun mama!!

Woh halka sa muskuraya...

Kya keh rhy ho sameer?? Q saktay mein ho?? Hum jaantay hain k tumhain mishal se mohabat hai... aur hum ne poori koshish ki thi k engagement ho jayay.. laikin agr abhi accident ki waja se nhi ho pai toh khair hai kuch arsay baad ho jayay gi aur waisay bhi tum hi keh rhay thai naah k uss ki studies complete honay dain.. toh theek hai naah.. uss ki studies k baad kr laina.

Soofiya ne kha....

Aapi! Mene kha naah k mjy ab iss topic pr koi baat nhi krni...

Woh chilaya tha....

Shazia baigam aur soofiya ne ussay hairaangi se daikhaa...

Tum ne aaj tuk kbhi itni awaz mein baat nhi ki.. aakhir problem kya hai baita??

Shazia baigam ne poocha..

Mama!! Halaat aik jaisay toh nhi rehtay naah...

Uss ne kha aur nazrain jhuka lin...

Kya chahtay ho tum??

Soofiya ne tink kr kha tha..

Yehi k mjy akaila chor dain aur yahaan se chalay jayain... mein bilkul theek hun.. kuch dino baad office bhi jaaoon ga...

Sameer ne kha.. toh shazia baigam aur sofiya ne aik doosray ko daikha aur baahir chali gain.. sameer ne aik gehra saans liya..

Kaash tum mjy smjh skti mishal!!  Iss yak-trfa aur laa-hasil mohabat ko ab kesay nikaaloon dil se?? Yeh toh meri rooh mein bsi hoi hai... issay kesay nikaaloon mishal???

Uss ne apna sir ghuton pe rkha.. gair-mehsoos andaz mein uss ka aik aansoo bed pr giraa tha...

           -----------☆

Woh abhi baithi hi thi k ammi chayay lai kr aa gain...
Mishal ne unhain daikha...

Ammi i m sorry! Mein rude ho gai thi..

Uss ne ammi k galay mein baanhain daalin... ussay apni ammi se bht mohabat thi... ammi ne muskura kr ussay daikha...

Baita! Tum bht achi ho bus apni zuban pr qaaboo paana seekh lo...q k yeh zubaan hi hoti hai jis ki waja se insan yaah toh kisi k dil mein jaga bna laita hai yaah kisi k dil se hamaisha hamaisha k liyay nikal jaata hai.. mishal! Tum agr apni zubaan ko apnay qaboo mein kr lo gi toh baita mushkilaat asaan ho jayain gi...

Woh ammi ki baat ko tahamul se sunti rhi...

Laikin ammi! Jub abbu chacho se batmizi krtay hain toh mjy bilkul acha nhi lgta.. aakhir woh q krtay hain itni nafrat?? .

Mishal ne poocha...

Hr cheez ki koi naah koi waja hoti hai mishal..

Ammi ne kha aur nazrain jhuka lin..

Kya waja ammi?? Aap mjh se koi baat chupa toh nhi rhin??

Woh boli...

Kuch nhi hai... bus tum chayay peeo... mein kitchen mein jaa rhi hun..

Ammi ne kha aur baahir ki taraf brhin...

Mishal forun un k saamnay i thi...

Plz mjy btaayain ammi k kya waja hai?? Abbu kyu nafrat krtay hain chachoo se?? Plz mjy btayain...

Kuch haqeeqtain prday mein hi rhain toh behtur hota hai...

Ammi ne kha...

Kya hai ammi plz bta dain.. mjy bht bai-chaini ho rhi ammi..

Mishal bed pr baithi thi...

Tum apni parhai pr daihaan do mishal!!

Abbu ki awaz i toh uss ne sir utha kr darwaazay mein kharay abbu ko daikha...

Form fill kr liya??

Abbu ab uss k qareeb aa gayay...

Nhi..

Uss ne kha..

Idhar do mein krta hun...

Abbu ne kha toh woh hairani se unhain daikhnay lgi.. ussay aaj pta chala tha k duaayain aisay hhi qabool hoti hain... woh khushi se uthi aur form lai i...

Hmmm.... toh meri baiti waqeel bnay gi??

Abbu ne poocha tha..

G..

Woh abhi tuk abbu k badlay howay ravayay se hairaan thi...

Laikin iss mein mushkilaat bri hain.. seh lo gi??

G abbu... mishal kisi mushkil se nhi drti..aik mazboot lrki hai..

Mishal ne kha tha...

Khush-fehmi!!

Chacho ne kamray mein daakhil hotay howay kha.

Chacho!!

Abbu form fill kr rhay hain...

Uss ne khushi se btaya... toh chacho muskurayay..

Wah g.. yeh toh kamal ho gya... bhai jaan daikhna aik din mishal lawyer bun jayay gi.. aur  jis din yeh apna pehla case jeetay gi uss din iss ka dil khay ga k haan mishal woh tera junoon tha... aur aap uss ko salute krain gai... aur khain gai k baita mjy tum pe fakhar hai..

Chacho ne shokh se andaaz mein poora naksha kheencha toh mishal hansny lgi .. abbu k honton pe bhi hlki se muskurahat thi...

Bilkul sahii kha chacho! Aur aap kya krain gai meray first case pr??

Mishal ne poocha...

Woh toh mein surprise dun ga naah.. smjha kro..

Chacho ne aankh maari toh mishal phir se hansi...
Uss ne chacho ko zor se hug kiya tha.. aur uss ka haath chacho k baazo pr lga jis pr zakham tha.. chacho ne dard ki waja se aaankhain bund kr lin..

Abbu ne mishal ko roknay ki koshish ki toh chaho ne unhain haath k ishaaray se rok diya..

Allah tumhain khush rkhay meri jaan!

Chacho ne mishal k sir pr haath phaira...

         --------------☆

Form fill krnay k baad abbu chalay gayay..

Chacho! Mjy sameer k ghar jaana hai..

Uss ne kha..

Q??

Maafi maangni hai chacho.. mhy sakoon nhi mil rha...

Uss ne kha toh chacho ne ussay daikha...

Mein uss se maafi maang chuka hun.. ab kya zaroorat??

Chacho ko acha nhi lg rha tha k mishal kisi se maafi maangay...

Koi meri baat nhi sunta.. mein ab aap se baat nhi kroon gi..

Woh munh phula kr baith gai...

Acha.. chalo..

Chacho ne kha toh woh duppta sir pr lai kr chal pri...

     -------------☆

Thori dair baad woh sameer k ghar thi.. khala(shazia baigam) ne darwaza khola...

Mishal ko galay lgaya.. aur under aanay ko kha..

Khala! Mein sameer se mil lun??

Uss ne poocha...

Haan baita woh apnay kamray mein hi hai...

Shazia baigam ne kha...

Okay.. chacho aap baithain mein aati hun...

Woh yeh keh kr sameer k kamray ki jaanib brh gai..

Uss k kamray k darwaazay pr pohanch kr uss ne kuch dair socha.. phir drwaza knock kiya..

Aa jayain..

Sameer ki awaz pr woh ander daakhil ho gai..
Woh laptop pr kaam kr rha tha.. sir pr aur taang pr bandages thi.. mishal ko sharmindagi k ehsas ne aa ghaira...

Mein mishal..

Woh boli.. toh sameer ne aik dum nazrain utha kr yssay daikha.. aur kai lmhon tuk uss se nazar naah utha ska...

Tum??

Sameer ne hairat se ussay daikha..

Mishal uss k bed k pas aa gai..

Sameer! Plz mjy maaf kr dain.. meri waja se aap ki yeh halat hoi ..

Mishal ne khaa...

Baith jaoo...

Sameer ne kha toh woh bed pr baith gai...
Sameer ne ussay kuch dair daikha... woh confuse se nazrain jhuka k baithi thi...
Sameer ka dil chah rha tha k woh mishal ko ab kahin jaanay hi naah dai.. ussay rok lai.. ussay waapis naah jaanay dai..

Kaafi dair khaamoshi chahai rhi..

Kuch toh bolain...

Mishal ne kha toh woh uss se nazrain htaanay pr majboor ho gya..

Mishal agr tumhaara accident tumharay chacho krwa dain toh??

Sameer ki baat ka matlub woh smjh nhi pai...

Woh aisa hr giz nhi krain gai...

Woh kuch dair baad boli...

Sameer muskuraya..

Kuch din pehlay tuk mera bhi tumhaaray baaray mein yehi khaiyaal tha..

Kya matlub??

Mishal ne hairat se sameer ki shakal daikhi..

Sameer ne aik dum se mishal ka haath pkra.. woh iss trha ki hrqat ki tawaqa nhi kr rhi thi...

Pta hai mishal iss waqt mein khud ko bht bai-bus mehsoos kr rha hun.. meri bai-basi ka andaza tum nhi lga skti mishal...jub aap saari zindagi kisi cheez k baaray mein yeh sochtay rhain k woh aap ki hai...aur phir manzil k bht qareeb ho kr aap ko pta chalay k woh aap ki kbhi nhi thi... toh iss bai-basi ka andaaza lga skti ho tum?.

Woh abhi tuk uss k haath thamay uss ki aankhon mein daikh rha tha..
Mishal uss ki aankhon se uss ki aziat mehsoos kr skti thi...
Woh apna haath uss k haath se naah chura ski..

Mishal! Mene tum se mohabat ki thi.. tum ne kya kiya?? Tum ne mera bharosa hi tor diya... q kiya aisa?? Tumhain zara bhi dard nhi howa mjy taqleef daitay howay?? Agr mein mur jaata toh tumhain khush hoti naah??

Sameer ne uss k haathon pr apna maatha tika diya.. mishal k haathon pr uss k garam aansoo gir rhay thay...
Mishal uss ki iss hrqat pr bhi kuch nah kr ski... iss se pehlay sameer ne ussy kbhi haath nhi lgaya tha....

Pta hai mishal! Mene sirf aik shakhs se mohabat ki hai.. aur woh tum ho mishal! Woh tum ho mishal!!

Woh ab poori shidat se roya tha...

Sameer plz...

Woh iss mohabat k intashaf pr hairaan thi..

Mishal plz mjy mut choro.. plz mjy chor k naah jao.. mein mur jaoon ga..

Ab uss ne apnay hoonton ne mishal k haathon pr pyaar kiya tha....
Mishal hairat ka but bni ussay daikh rhi thi..

Plz khud ko sambhaalain... aap ki tbiyut theek nhi hai...

Mishal sirf yehi keh skti thi..

Mjy sirf tum hi sambhal skti ho...khuda ka waasta hai mishal! Mjy sambhaal lo... pta hai mene tumhain hamaisha apna smjha tha... aur mjy yeh khush-fehmi thi k tum bhi..

Uss ne apni baat adhoori chor di...

Aisa kuch nhi hota sameer.. yeh mohabat kuch bhi nhi hoti..be practical!!

Mishal ne kha toh woh ussay daikhnay lga..

Yeh tum keh rhi ho mishal?? Jo khud apnay chacho se itni mohabat krti ho..

Woh toh khoon ka rishta hota hai... aur mera aur aap ka aisa koi rishta nhi...

Shaid tum bhool rhi ho k hamaara khoon ka rishta hai.. aur mishal kuch rishtay khoon k rishton se zaida ahm hotay hain..

Sameer ne kha...

Mein aap se maafi maangnay i thi.. mjy maaf kr dain.. mein waapis ghar jaana chahti hun..

Mishal khari ho gai ..

Tum chali jao...

Sameer ne kha..

Mein tub tuk nhi jaoon gi jub tuk aap mjy maaf nhi kr daitay...

Mishal ne kha toh sameer khara howa aur uss k saamnay aaya..

Aur agr mein yeh kahoon k tumhain sirf aik sorat mein mafi milay gi toh kya tum maan lo gi?

G.. bus mjy maaf kr dain..

Mishal ne kha..

Mjh se shadi kr lo.. mein tumhain bht khush rakhoon ga.. mein tumhain saari khushiyaan dai skta hun..plz mishal... mein tumhain uss waqt tuk maafi nhi dun ga hub tuk tum mjh se shadi nhi kr laiti..

Whatt nonsense???

Mishal ka munh khula ka khula reh gya...

Mjy yahaan aana hi nhi chahiyay tha...

Mishal ne kha..

Mishal mein nhi chahta k koi tumhain daikhay koi tumhaaray qareeb ayay..mein hamaisha tumhain chadar lainay ka issi liyay kehta tha q k mjy acha nhi lgta k koi tumhain daikhay... mein kesay tumhain kisi aur ka honay dun mishal??

Woh tootay howay lehjay mein bola..

Sameer!

Mishal ab poori shidat se roi thi..
Woh bed pr bhaith gai.. sameer ne ussay daikha aur uss k qareeb hi baith gya..

Tum q ro rhi ho?? Plz chup ho jao..mein nhi seh skta tumhaaray aansoo ..

Sameer ne kha..

Aap mjy tung kr rhay hain... mjy abhi shadi nhi krni. Mjy bus prhai krni hai... mjy shadi se koi garz nhi.. aur yeh mohabat.. iss pe toh mjy yaqeen hi nhi... phir kesay aap se shaadi...

Woh apni baat mukamal nah kr ski ...

Mishal khuda k liyay chup ho jao... mjy sharminda naah kro...

Sameer ne apna sir pkra tha...

Aap ki tbiyut khrab hai... aap rest krain..

Mishal ne aansoo saaf kiyay...

Mein tumhain kahin nhi jaanay dun ga mishal..

Woh bola...

Plz sameer.. aap q nhi smjh rhay..

Tum nhi smjh rhi...
Mene mohabat ki hai koi gunaah nhi... phir q saza dai rhi ho...

Uss ne kha...

Koi saza nhi hai.. kuch arsay baad aap ko pta chal jayay ga k mein thk thi.. yeh attraction waqti hoti hai sameer.. mohabat nhi hoti ... yeh toh bus..

Sameer ne uss k munh pr haath rkha tha.. woh nafi mein sir hila rha tha..

Mein aik aur lafz nhi suno ga apni iss mohabat k baaray mein.. yeh koi crush nhi hai.. koi attraction nhi hai... mohabat hai.. yak-trfa mohabat..

Mishal hairat ka but bni baithi thi...

Mjy jaanay dain...

Woh uthi...

Aaj tum mjy iss dorahay pr chor kr jaa rhi ho mishal.. kbhi naah kbhi tumhain bhi yaqeen ayay ga iss mohabat pr..mein tumhaaray platnay ka intazar kroon ga mishal!! Mein intazar kroon ga..

Sameer ne kha aur almaari ki taraf brha..

Yehlo.... yeh ring hai.. mene bht pyar se li thi... issay sambhal kr rkhna..

Sameer ne mishal k haath pr box rkha...
Woh uss ki dewaangi daikh rhi thi..

Bht arsay baad aap ko pta chalay ga k aap kesay raastay se bhatak gayay thai..agr aap mera haath thaam sktay hain toh kisi aur lrki ka haath bhi thaam skty hain q k aap mardon k liyay yeh bht asan hota hai...laikin mein apni ammi ki trha bai-waqoof nhi hun...

Mishal ne woh box bed pr rkhi thi...

Hr insan tumharay abbu jaisa nhi hota...

Sameer ne kha...

Khair! I m sorry aap ka accident k liyay.. Aur Inshaallah aap jld theek ho jayain gai..

Mishal ne kha...

Kya tumhain mjh pr rehm nhi aa rha??

Sameer ne thakay howay andaz se poocha...

Mein bht aagay nikal chika hun mishal...ab..

Enough sameer!! I m fed up... mein kub se keh rhi hun k mjy iss faaltoo ki bakwas pr koi aitbaar nhi...aur mardon ki nature se mein bht achay se waaqif hun...jo sirf orat se dil behlaatay..

Abhi uss ki baat mukamal nhi hoi thi k sameer ne uss ko aik zor-daar tamacha maara...

Woh
..

Hairat ka but bni khari thi....

Mein un mrdon mein se nhi hun jo orat ko tfri ka samaan samjhtay hain... mjy orat zaat ki izat krna aata hai... meri trbiyut mein koi kmi nhi hai... mjh pe aj k baad aisa ilzaam mut lgana...smjhi??

Mishal ne pehli baar sameer ko chilaatay howay daikha tha.. wrna woh bht suljha howa, pur-sakoon sa shakhs tha..

Woh abhi tuk saktay mein thi... aansoo gaalon pr beh rhay thay...

Mm....mein aap se shadi k liyay tyaar hun!!

Mishal ne dheemay se lehjay mein kha toh sameer ne hairat se usay daikha...

         ------------☆

So friends! Kesi lgi episode??

give me votes and comments!😊