Woh form lai kr gaari mein aa gai.. chacho baithay uss ka intazar kr rhay thay..

Bht dair lfa di mishal!

Unhon ne kha..

Aap ko pta hai chacho.. mjy wohi lrka mila tha jo uss din test k doran mila tha.. aur mene uss se bht rudely baat ki.. laikin uss ne mjy kuch nhi kha balkai apnay ilfaz se mjy baichani mein daal gya hai woh...

Mishal ne baithtay saath kha.. chacho ne gaari start ki...

Oh! Tum ne kya kha ussay??

Chacho ne poocha..

Ghatiya... mjy bht sharmindagi hai..agr woh mjy dobara mila toh mein sorry kr lun gi..

Mishal ne kha..toh chacho ne paani ko bottle uss ki jaanib brhai...

Khair hi hai mishal! Bus aaj k baad ahtayaat krna.. aur uss se door hi rehna.. balkai hr lrkay se..

Chacho ne kha..

Zaahir hai chacho! Mein aisa hi kroon gi.. laikin uss lrkay se aik baar baat zaroor krni hai.. aur chacho mjy pehlay lga tha k woh bht pagal aur shokha hai.. magr aaj uss ki baatain sun kr mjy aisa lga jaisay uss k under udaasi hai.. you know! Woh bht samajhdaari ki batain kr rha tha...

Mishal ne kha toh chaho hansay..

Mishal madam! Kya aap ko nhi lgta k aap us gum-naam aadmi k baaray mein kuch zaida hi soch rhi hain?? Aur yeh judge krna aap ko kub se aa gya??

chacho ne ussay tung krnay ki koshish ki...

Pta nhi.. acha chalain ab ghar chalain.. smeer ka bhi poochna ..

Miahal ne kha...

Sameer ab thk hai... mene uss ki ammi ko call ki thi.. ab woh bilkul theek hai yrr..

Chacho ne kha...

Kaash aap meray chacho naah hotay balkai cousin yaah bhai hotay..

Mishal ne kha toh chacho muskurayay..

Q yrr??

Bus waisay hi..phir abbu aap se nafrat naah krtay aur life mein koi problem nah hoti.. chacho! Aik baat poochoon??

Mishal ne poocha..

Haan g poochain janab..

Chacho ne kha..

Aap mjy kbhi chor k toh nhi jayain gai naah?? Aaj aap ne meri khaatir sameer ka accident krwa diya.. aap se zaida mjh se koi mohabat kr hi nhi skta.. aap hamesha mera saath dain gai naah??

Mishal ne poocha..

Aray yrr! Q senti ho rhi ho?? Of course mein hamesha tumhaaray saath hun...

Chacho ne gaari sarak k kinaaray roki..

Gaari q rok di??

Mishal ne poocha...

Q k aap ko samjhaana hai naah.. daikho mishal! Abhi hum log ghar jaayain gai lunch k baad...

Laikin mjy bhook nhi hai.. mjy ghar jaana hai..

Mishal ne un ki baat kaati..

Lunch kr k hi jayain gai ghar.. bhai jaan ko bht gussa aayay ga jub un ko pta chalay ga k tum form lainay gai thi...aur phir woh tum pr chilayain gai.. plz tum aagay se behas mut krna aur kuch mut bolna.. bus khamosh rehna...mein sub smbhaal lun ga.. bus tum chup chap apnay room mein chali jaana..

Chacho ne kha..

Kya keh rhay hain chacho?? Mein khamosh q rahoon?

Q k mein keh rha hun.. kuch dair k liyay khamosh reh laina.. yrr! Khamosh ho janay se ego mein koi frq nhi aata... aur woh baray hain.. agr kuch keh bhi dain toh koi baat nhi...

Chacho ussay samjhanay mein kamiyab ho gayay...

Acha thk hai.. ab chalain.. McDonald's chalain...

Mishal be kha toh chacho ne muskuraatay howay gaari start ki..

          -------------☆

Kya ho gya hai sameer?? Q chup ho kuch toh bolo.. aisa kya howa jo tumhain chup lg gai hai?? Accident k baad se tum kuch bolay hi nhi... baita kya masla hai??mjy btao..

Ammi uss k saamnay bed pr baithi thin...

Woh sir jhukayay baitha rha..

Sameer! Baita tum bht jald theek ho jao gay... phir mishal se shadi kr laina.. aik mangni naah honay ki waja se tum q khud ko aziyat dai rhay ho??

Shazia baigam ne ussay soup pilanay ki koshish ki..

Mama!

Woh dheemi awaz mein bola..

G baita..

Mein sona chahta hun.. kya aap mjy thori dair k liyay akaila chor sakti hain??

Shazia baigam ne uss ki baat pr aik nazar ussay daikha aur phir uth kr chalin gain..

           -------------☆

Very good baita! Very good!

Mishal aur chacho lounge mein daakhil hi howay thay k abbu se un ka saamna ho gya..

Chacho aur mishal ki nazrain mili thin...

Bhai jaan woh..

Chacho ne kuch kehnay k liyay munh khola...

Mein soch bhi nhi skta tha mishal k tum iss had tuk gir jao gi.. tum jaisi bhi thi mishal! Lakkin mjy yaqeen tha k tum mera maan zaroor rkho gi.. magar aaj tum ne woh bhi tor diya..

Abbu ka lehja bht kamzor tha...

Bhai jan! Mishal ki koi galti nhi hai.. sameer ka accident bhi mene krwaya hai aur yeh form bhi mene zabardasti dilaya issay.. yeh toh mna kr rhi thi..

Chacho ne kha toh abbu ne un ko daikha ..

Bohat khoobb!!

Abbu ne taali bajayi..

Hashir! Tum jeet gayay yrr.. mein haar gya...ab btao mein kya kroon??

Abbu sofa pr baithay...

Koi nhi jeeta bhai jan aur nah hi koi haara hai ... aap q preshan ho rhay hain?

Chacho ne kha...

Pta hai hashir! Mein hamesha se hi aisa tha... jeetna toh mene kbhi sekha hi nhi..

Aur mishal! Tum jao .. aaj se tum azad ho.. jahaan marzi admission lo.. jahaaan marzi prho...mjy koi aitraz nhi.. jao aaj se tum azad ho...

Abbu ne kha toh mishal k dil ko kuch howa tha...

Bhai jaan! Plz aisay mut kahain.. aap hum donon ko maaf kr dain...aur iss ko prhnay ki ijazat dai dain...

Chacho ne kha...

Acha?? Meri ijazat ki zaroorat hai issay??

Abbu hansay thay...

Mishal tum apnay room mein jao.. change kro...

Chacho ne kha..

Laikin chacho  ..

Mene kha naah mishal jao...

Chacho ne uss ki baat kaati toh woh chali gai..

Bhai jan! Aap uss ko time toh dai k daikhain.. uss ko samjhnay ki koshish toh krain... woh bus mohabat aur pyar chahti hai... woh jis trha ki life jee rhi hai.. uss ka yeh sochna fitrati hai.. uss ko khof hai k koi uss se uss k huk aur khusiyaan cheen lai ga.. bhai jan! Uss k level pr jaa k sochain.. uss ne apni aadhi zindahi iss char-dewaari k under guzar di hai... uss ka kya qasoor hai bhai jan? Woh bht masoom hai... ussay aap ki tawaja chahiyay... ussay aap ki shafqat ki zaroorat hai...

Chacho ne kha toh abbu un ki taraf daikhnay lgay...

Sirf ak baar uss ko samjhnay ki koshish krain.. aap uss k baap hain.. aur aap ka uss pe sub se zaida huq hai.. aik baar uss k saath pyar se paish toh aayain... phir daikhna woh kesay aap k pas aayay gi...

Chacho ne kha..

Tum ussay kitna smjhtay ho hashir..

Abbu ne kha. .

Woh meri jaan hai.. aap meri baaton ko sochiyay ga zaroor.. mein chalta hun..

Chacho kharay ho gayay..

Laikin tum kbhi bhi itnay khator dil nhi thay k kisi ka accident krwa do...

Abbu ki baat pr woh hansay...

Haan. Mein sameer se maafi maang chuka hun... bus dua krain k woh mjy maaf kr dai...

Laikin tum yeh kesay kr saktay ho?

Abbu se poocha...

Yeh daikhain...

Chacho ne apni shirt ka baazo ooper kr k dikaya...un k baazo pr gehra zakhum tha..

Khud ko saza bhi dai di mene q k mein ne aaj tuk sirf aik shakhs se mohabat ki hai aur woh hai mishal...

Yeh kis qisam ki mohabat hai hashir??

Kya matlub?

Matlub saaf hai..

Bhai jan! Mein uss se aik bhai ki trha mohabat krta hun.. aap apni soch ko positive bnanay ki koahish krain..

Chacho yeh keh kr chalay gayay... abbu ko soch ki vaadi mein akaila chor kr
..

    -------☆☆☆