Aaj subha se uss ka sir dard kr rha tha... ammi ne chayay k saath panadol di thi magar koi khaas faayida naah howa... uss ne socha k chacho ko phone kr k bula lai taakai woh doctor k paas jaa sakay...
Kitni selfish ho tum mishal.. roz un ko tung krti ho.. un ki bhi apni koi life hai..

Uss k dil ne kha tha...
Aur uss ne dil ki awaaz sun li thi...

Woh aaj bilkul faarig thi aur ooper se sir dard!!

Woh kamray se baahir aa gai...

Apni laadli ko samjha daina k mangni k din mjy koi tamasha nhi chahiyay...

Abbu ki awaaz uss k kaano se takrayi
... woh forun maidaan mein uthar gai q k woh jo thi sub pr zaahir kr daiti thi.. woh chup kr un ki baatain nhi sun sakti thi ...

Kis ki mangni hai??

Woh sofa pr baith gai.... ammi aur abbu dono me ussay daikha..

Sameer aik acha larka hai mishal tum uss k saath khush rho gi..

Abbu ne kha...

Yaqeenun achay hain woh... hr insaan acha hota hai abbu... saath waalay ka larka bhi uss ki family k liyay acha ho ga.. iss ka matlub yeh hai k aap uss se bhi meri shaadi krwa dain gai....

Woh mishal thi... itni asaani se haar nhi maan sakti thi...

Tum hr waqt behas q krti ho mishal??? Sameer hi tum jaisi nalaayik ko sambhaal sakta hai....

Abbu ne kha...

Mein un se mangni nhi karoon gi.. chahyay jo bhi ho jaayay...meri zindagi ko aap log barbad nhi kr saktay...

Uss pr Abbu ki baat ka koi asar nhi howa tha....

Chup ho jaao... verna mera haath uth jaana hai..

Abbu ne gussay se kaha..

Yes.. yehi hota hai.. agr aik baar haath uth jaayay toh phir baar baar uthta hai.. laikin abbu mein darnay waali nhi hun in thapron se... aur aik baat aap sun lain k mein sameer se shaadi nhi karoon gi...

Woh bol rhi thi....

Tum kis pr chali gai ho mishal??

Ammi ne afsos se kha...

Abbu kisi gehri soch mein doob gayay...
Phir unhain kuch pta nhi chala tha k mishal ne kya kha tha....

              ~~~~~~~~~~~~~~~
Chacho ki job phir se ho gai thi... boss ko un k bagair kaam krna pra toh akal thikaanay a gai... chacho hotel k aik kamray mein rehtay thai... q k naasir saahib ko apnay ghar mein un ki mojoodgi bardaasht nhi thi...
Mishal ki bohat yaad aa rahi thi... unhon ne call ki..

Hello! Assalam o aliakum bhabhi!! Kesi hain aap??

Mishal ki ammi ne phone uthaaya tha..

mein theek hun tum kesay ho??

Unhon ne poocha...

Alhumdullilah💖 mishal se baat krwa dain...

Woh apnay mozoo pr aayay...

Acha ruko...
Mishal hashir ka phone hai..

Ammi ki awaaz pr woh bhaag kr i..
Ammi kitchen mein chali gain....

ThankGod aap ka phone aaya...kesay hain??

Uss ne poocha...

Mein fit hun aur meri job bhi start ho gai phir se...

Waowwww.... mjy pta tha k aap k bagair company ka guzaara nhi...

Woh khushi se boli..

Haha... acha tumhain koi kaam tha kya??

Chacho ne poocha...

Koi kaam nhi tha... bus abbu ka dimaag kharaab ho gya hai..

Uss ne munh bnaaya..

Kya howa ab??

Woh samajh hi nhi rahay k mein sameer se shaadi nhi kr sakti...bus un ko apni marzi chalaani aati hai...

Woh gusay se boli...

Tum aik baat btaao?? Tumhain sameer se shadi kyu nhi karni?? I mean woh bohat acha larka hai...

For God sake chacho!!! Ab aap un ki shan mein kaseedai naah parhna shuruh ho jaayain...

Uss ne chacho ki baat kaat di...

Ok janaab! Nhi krta.. acha ab mein kaam kr lun... baad mein baat ho gi.. aur haan tumhaaray test ka result aa rha hai kal... Namaz parh k dua kro ..
Khuda Hafiz...

Chacho ne phone bund kr diya..

Matlabi ibaadtain...

Uss k kaanon mein uss shakhs ki awaaz goonji...

Uff kitni ajeeb tha woh...

Uss ne socha aur kamray mein chali gai ...

~~~~~~~~~~~~

Uss ne namaz k baad dua k liyay haath uthaayay... magrib k namaz thi...

Yaah Allah!! Meri yeh dua qabool farma lai k mishal ka test clear ho jaayay... woh university mein admission lai sakay...

Uss ki awaaz dheemi thi ...

Yah Allah apnay habeeb k sadkay uss ko khush rakhna.. uss ka har khawab poora krna.. yah Allah ussay kisi cheez k liyay tarasna naah paray... yaah Allah woh hamesha khush rahay..Ameen...

Mein shukraanay k 500 nafal parhoon ga agr uss ka test clear ho gya toh.. yah Allah uss ka test clear krwa dai..Ameen

Uss ne munh pr haath phairay... aur uth gya..
Darwaazay pr khari shazia baigam jo k pta nhi kub ki wahaan khari apnay baitay ko sun rahin thi'n, ander daakhil hoin..

Mama aap??

Uss ne hairaangi se unhain daikha...

Sameer mjy kbhi kbhi tumhaari iss mohabat se dur lgnay lgta hai...

Shazia baigam ne fikar mandi se kha...

Yahaan baithain...

Sameer ne unhain pakar kr bed pe bithaaya aur khud bhi baith gya..

Ab btaayain q dur lgta hai aap ko??

Uss ne poocha...

Mishal baishak aik achi larki hai.. magar baita mjy nhi lgta k woh tumhaari umeedon pr poora utray gi..

Unhon ne ussay samjhaatay howay kha..

Mama aap jaanti hain k mein mishal k khilaaf koi baat bardaasht nhi kr skta..

Uss ki awaaz dheemi thi magar uss ka lehja bta rha tha k ussay acha nhi lga..

Emotional mut ho sameer!! Baat ko samjho.... woh apni mun maani krnay waali larki hai.. uss k nazdeek sirf koi important hai toh woh hai hashir!!. Aur mene kbhi uss ko tum se achay tareekay se baat krtay nhi daikha...

Woh uss k chahray k bigartay howay zaaviyay daikh kr ruk gain....

Mama ! Woh jaisi bhi hai.. mein uss se mohabat krta hun..aur krta rahoon ga.. aur rahi baat hashir ki toh iss mein koi buraayi nhi... woh uss k chacho hain ...

Sameer ne kha ...

Tumhain pta hai k hamaari family mein larkiyon ko zaida pathnay ki ijaazat nhi milti aur university toh bilkul nhi janay diya jaata... phir bhi tum....

Shazia baigam abhi keh hi rahi thin k sameer ne baat kaat di ..

Plz mama!! Mishal jo kr rhi hai bilkul theek kr rahi hai... kyu larkiyon ko parhnay naah diya jaayay... mene pehlay bhi aap se kha tha k abhi shadi ki baat naah karain uss ki studies complete honay dain.. magar aap ne baat nhi maani... ab Plz uss k baaray mein koi baat mut kariyay ga.. mama aap nhi jaantin mjy kitni takleef hoti hai..

Woh bola toh shazia baigam ne ussay afsos se daikha..

"Allah tumhain khush rkhay aur tumhaari umeedain poori ho jayain.."

Shazia baigam ne ussay daikhtay howay socha...

I m sorry agr mein rude ho gya hun toh.. but mama plz jub wo iss ghar mein aa jayay gi toh aap bhi uss ko sadak-e-dil se qabool kr lijeay ga...

Uss ne shazia baigam se kha...

Sameer tumhain bura nhi lgay ga k aadha din woh ghar se baahir rahay gi waqeelon ki kya life hoti hai.. aur phir hashir k saath uss ki hr waqt rehna.. tumhain acha lgay ga??

Woh uss ko smjhaana chahti thin...

Mjy bura nhi lgay ga... woh apni marzi se life guzaaray gi mama... uss ka jo dil kray ga wohi karay gi.. aur hashir k sath milnay julnay pr bhi mjy koi aitraaz nhi ... woh meri mishal se bht pyar krtay hain... woh uss ka bht dhaiyaan rakhtay hain...

Sameer k chehray pr muskurahat aa gai...

Ok.. theek hai..  ab tum rest kr lo...

Woh sameer k sir pr haath phair kr chalin gain....

Woh gehri saans lai kr reh gya...

     
                ~~~~~~~~~~~~~~~

Ammi meri baat samjhnay ki koshish karain ....

Mishal ab ammi k kamray mein thi .. abbu ghar pr nhi thai....

Kya??

Ammi se poocha..

Yehi k mein sameer k saath shadi nhi kr sakti.. aap abbu ko samjhayain..mein aur sameer bilkul different hain aik doosray se...

Uss ne ammi ko samjhaaya...

Tum pagal ho mishal, jo uss heeray jaisay larkay ko thukra rhi ho..woh tumhara khaiyaal rakh sakta hai..

Ammi ne kha....

Ok ab mein iss maamlay ko apnay tareeqay se handle kroon gi ...

Woh gussay se kehti hoi baahir chali gai..

     
               ~~~~~~~~~~~~~~

So here is the next episode....

Plz vote aur comments krna mut bhooliyay ga...

Take care...