[Mitzchell's POV]

Lumabas na kami ng kwarto at gayundin ang mga babae. Huling lumabas si Aria na kinusot kusot pa ang mga mata.

"Don't sabi me na I'm the huling na-wake up." gulat na sambit niya

"Kung ikaw ang huling nagising at mukhang buhay ka pa naman," sabi ko

"Kung ganon..." nahihintakutang sabi ni Kairee "Ang huling natulog..."

Napasinghap si Shobee at dinugtungan ang sinabi ko "Shit! Si Kesha at si Christopher na lang wala dito."

"Sabing tumae ako eh." sabi ni Christopher na kakagaling lang ng kusina "May cr pa pala sa kusina."

Kinwelyohan siya ni Jelo "What did you do to Kesha? Asan siya?"

"Jelo!" saway namin sakanya

Pinigilan ko si Jelo "Ano ba, si Paulina ang kalaban natin. Tigilan mo na yan."

Marahas na binitawan ni Jelo si Christopher.

"Pero paano nga kung si Christopher." alanganing sabi ni Victor

"Put-- wala akong alam okay. Kanina pa ako gising. Wala pa nga atang isang oras akong nakakatulog." naiinis na wika ni Christopher "Ang mabuti pa'y hanapin natin si Kesha."

"Mabuti pa nga." sabi ni Jelo at padabog na tumayo

Hindi pa kami nakakakilos nang makarinig nanaman kami ng kalabog.

"Sa kusina ba yun?" tanong ni Kairee at napatingin kaming lahat kay Christopher

"Sinabi nang wala ang kinalaman sa pagkakawala ni Kesha eh!" depensa niya

Tumakbo na kami sa kusina para tingnan ang kalabog at nakitang bukas pa ang pinto ng CR at ang backdoor.

"P-pero.." nilingon namin si Christopher at inabangan ang susunod niyang sasabihin "Sinara ko ang CR. Di ko naman binuksan yung backdoor."

Lumabas ako ng backdoor at bumungad sakin ang samut saring halaman. May hardin pala dito. Nahagip ng mata ko ang tila ba may tumakbo palayo. Susunod ko na sana ito nang makarinig ako ng tili mula kay Aria kaya dali dali akong pumasok.

Nakita ko silang nakakumpol sa harap ng CR. Nakaupo naman si Aria na patuloy sa pagiyak na pinapatahan ni Shobee.

Sa loob nakita kong nakabigti si Kesha, duguan at puro sugat sa buong katawan, basa ng pinaghalong dugo at tubig, at may hawak na...

"Teka, remote ba yun?"

===================================

02-16-18
©CrishaneAen❞