Kabanata 51

Punishment

Panay ang mura ni Jason sa loob ng sasakyan niya habang nag dadrive kami palayo sa building. Nakita kong may dugo sa gilid ng kanyang labi. Pumutok ito dahil sa suntok ni Rage.

"J-Jason, may sugat ka." Sabi ko.

Hindi ko na maipaliwanag ang nararamdaman ko. Magkahalong kaba at guilt. Kung sana ay hindi ko sinali si Jason sa gulong ito ay hindi na sana siya nagkaganito.

"Sorry." Sabi ko at nangapa ng tissue sa kanyang dashboard.

Sinubukan kong dampihan ang kanyang labi nong tissue pero hinawi niya ang kamay ko. Galit parin siya at nakatoon ang buong atensyon sa kalsada. Natigilan ako sa kanyang ginawa.

"Ganong klaseng lalaki ba 'yong nagustuhan mo? He never cared for you, Sunny! Pinagod ka ba niya sa pagtatrabaho?"

Binaba ko ang kamay ko. He sound so desperate. Para bang hindi siya makapaniwala sa mga desisyon ko.

Umiling ako. "I'm really sorry."

Hinampas niya ang kanyang manibela at agad niliko papunta sa condo ni Kid. Uuwi na kami. At nagpapasalamat ako don. Ayaw ko na munang pumunta sa doktor. Kabado ako at naguguluhan. Siguro ay pag kumalma na ako, tsaka ako magpapadoktor.

"Wa'g ka nang pumasok bukas. You have to rest. Tsaka tayo pupunta ng doktor, Sunny." Ani Jason habang binababa ang sasakyan sa lowerground nong condo.

Kinagat ko ang labi ko. Imposible ang hinihingi niya. Malapit na ang finals sa school at kahit ito na lang sana ay magawa ko ng tama. Kahit itong pag aaral ko na lang. At isa pa, marami akong iniwang trabaho sa opisina... but Sunny, we can't risk this. Kawawa ang baby. Kawawa siya kung patuloy akong magpapa stress.

"Kailangan nating gamutin ang sugat mo." Sabi ko nang lumabas kaming pareho sa sasakyan niya.

Naalala ko na hindi nga pala siya pwedeng pumasok sa condo dahil sa pag aaway ni Mia at Kid. Ngunit ang pabayaan siyang duguan ay hindi rin naman tama.

"Akyat na lang muna tayo, Jason. Kahit saglit lang." Anyaya ko.

Mabilis akong pumunta sa elevator. Tulala ako nang makasakay doon, iniisip ko parin ang mukha ni Rage kanina. Maingay namang tumikhim si Jason habang naghihintay kami sa tamang palapag.

Bigla niya akong inakbayan at nilagay sa kanyang braso. Nanlaki ang mga mata ko. Hinalikan niya ang aking ulo.

"Kung sana ay ako na lang." Bulong niya. "I can love you unconditionally, Sunny. Kung sana ako 'yong nauna."

Ngumuso ako at naestatwa. Hindi ko alam kung ano ang sasabihin ko sa kanya. Inisip ko rin na ganon. Kung sana ay wala na lang akong nakitang Rage. Kung sana ay hindi ko na lang siya nakilala. Wala akong pakealam kung galit siya at paghihigantihan niya ako, basta wa'g lang kaming magkakilala ng ganon.

Kumirot ang puso ko at kumalas kay Jason... Niyakap ko ang sarili ko. Narinig ko ang tikhim niya bago kami lumabas ng elevator.

Inisip kong didiretso ako sa kwarto para kumuha ng bulak at betadine o kahit anong pwedeng makagamot sa sugat ni Jason sa kanyang labi. Nang pinihit ko ang pintuan ng condo ay nakita ko kaagad sa sala si Logan na naka number four ang upo at nakahalukipkip na rin. Si Kid at Mia ay parehong nakatayo, malayo sa isa't isa, kaharap si Logan. May isang lalaking nakaitim at malaki ang pangangatawan sa gilid, ang tikas ay mukhang body guard o tulad ng mga bouncer sa mga bar.

Ngumiti si Logan sa akin at kinalas niya ang kanyang nakahalukipkip na braso.

"Good evening, Sunny!" Bati niya.

Nilingon ako ni Mia at Kid. Narinig ko ang tikhim ni Kid at ang iling niya nang namataan si Jason sa likod ko.

"Good evening, Logan. Uhmm..." Napatingin ako sa lalaking mukhang body guard na nakatayo sa tabi ng sofa na inuupuan ni Logan.

"Wala si Brandon. Pauwi pa 'yon." Paliwanag niya nang nakita ang mga mata kong naglalaron don sa kasama niyang bodyguard.

"Logan..." Ani Mia at kinagat niya ang kanyang labi. "Ano ba talaga ang gusto mong mangyari?"

Kumunot ang noo ko. Nakalimutan ko si Jason sa likod ko na ngayon ay sinusuri ni Logan sa kanyang mga titig.

Kinabahan agad ako. Ano kayang meron dito? Bakit nandito na naman si Logan? Namataan ko ang bulak at alcohol sa coffee table. Hindi ko alam kung bakit naroon iyon pero nang humalukipkip si Kid ay nakita ko ang kanyang kamao na nakabalot sa bandage.

Mabilis akong pumunta doon para kunin iyon. Nilingon ko si Jason at iminuwestra sa kanya ang upuan. Dahan dahan siyang umupo doon at medyo naasiwa ako sa matindig katahimikan.

"Care to introduce me to your friend, Sunny?" Sarkastikong sinabi ni Logan.

"I... Uh, Uhm..." Nangapa ako sa salita. Umupo ako sa tabi ni Jason at nilingon si Logan. "Eto si Jason, 'yong kababata ko. Classmate ko nong high school. This is Logan, Jason." Sabay tingin ko kay Jason.

Ngumiti si Logan. Tiningnan ko ang bulak sa aking mga daliri at inayos ito para madampi ko sa sugat ni Jason.

"Hmmm..." Daing ni Logan at mas lalo akong naasiwa dahil pinanood niya ang pag gamot ko sa sugat ni Jason.

"Ah!" Bahagyang gumalaw si Jason dahil sa hapdi.

"What happened to him? Did my couz punch him? Probably not. Kasi kung iyon ang nanuntok, basag na ang mukha niyang ngayon."

Nanlaki ang mga mata ko sa sinabi ni Logan at nilingon ko siya agad.

"Logan, get to your damn point." Iritadong sinabi ni Kid. "Kailangang malaman 'to ni Sunny!"

"Oo! Si Rage ang sumuntok sa kanya! Nababaliw na ang pinsan mo, Logan!" Sabi ko at tumigil na sa pag gagamot kay Jason.

Pinagsalikop niya ang kanyang mga daliri sa kanyang tuhod at pinanood akong may ngiti sa labi na para bang nakakatuwa ako sa aking galit.

"Logan!" Sigaw ni Mia.

"Hindi ba dapat ay nagpapasalamat kayo sa akin? You want to keep this secret, itinago ko. You are too rude to me." Nilingon ni Logan si Mia at Kid.

"Get to your damn point. You want to blackmail us? Go ahead!" Sabi ni Kid na galit na.

Ang ngisi ni Logan ang nakakapagpakalma o nakakapagpalala sa tensyon. "Hindi ko kayo ibablackmail, Kid. Chill your ass. That won't happen." At bumaling ulit siya sa akin.

"Anong ibig sabihin nito?" Nilingon ko si Mia at kita ko sa kanyang mga mata na may gusto siyang sabihin ngunit hinihintay niya si Logan.

Malalim na tumikhim si Logan at tumayo. Nilingon niya ang bodyguard sa kanyang tabi. Ang kanyang dalawang kamay ay nasa kanyang likod. Naghintay ako sa sasabihin niya.

"This is a secret agent. Walter Peralta, not his real name." ngumiti siya. "Rage hired him as an investigator para sundan ka, at alamin ang mga ginagawa mo."

Nalaglag ang panga ko.

May hinire siyang investigator para sakin? Kung ganon ano ang mga nalalaman ni Rage? Ano ang nalalaman nitong Walter Peralta na ito? Nilingon ko si manong at wala siyang ginawa kundi maestatwa na lang doon.

"Don't worry, he's not obsessed with you, Sunny. Nagkataon lang talaga na 'yong pamilya namin ay nag nenegosyo ng mga ganito..." Nginuso niya si Walter na para bang kanyang sunod sunuran. "Secret agents, armed men, and so on... so, he asked for my help. Tinulungan ko naman si Rage. We're cousins."

"You mean alam ni Rage 'yong tungkol sa pagtira ni Sunny dito? 'Yong iniisip ni Rage ay kina Jason siya tumutuloy!" Sabi ni Mia.

"Your men are crappy, Logan." Ani Kid sabay tawa.

Kumalabog ang puso ko. Ang tanging gusto kong marinig ay si Logan. Nagtaas ng kilay si Logan kay Kid.

"So he hired Walter, one of the best agent we have. At syempre, binayaran siya ni Rage. Pero siyempre, binayaran ko siya ng mas malaki para lang piliin ang mga impormasyon na ibigay kay Rage. Hindi ko isinama 'yong impormasyon na dito ka tumutuloy. I highlighted that you kissed each other on his..." Sabay tingin niya kay Jason. "birthday..." Ngumiti si Logan at nakaramdam ako ng paninindig ng balahibo.

"That was a private moment!" Sabi ni Jason.

"Walang private pag ginawa sa public place." Mariing sinabi ni Logan kay Jason.

"So what is your point, Logan. Why are you here?" Ani Kid.

Ngumiti pa lalo si Logan. "I just want you to know that I know a lot of things..."

Humakbang siya palapit sa sofa at may kinuha siyang mga paperbag. Binasa ko ang mga nandoon at nakita ko ang mga brand na Gingersnaps, Mothercare, at marami pang iba. Inilahad niya ito sa akin.

"To my... future... wait, hindi ko pa alam kung lalaki o babae kasi hindi pa rin naman yata malalaman. Hindi parin alam kung ilang weeks na dahil hindi ka pa nakakapag pacheck diba. You should have it checked, Sunny. Rage's child deserves the world."

Nalaglag ang panga ko. Hinila agad ako ni Jason sa kanyang likuran at pumagitna siya sa amin ni Logan. Hindi ako makagalaw sa gulat na alam niya at natatakot akong sabihin niya ito kay Rage.

Dinaluhan agad ako ni Mia at binalot niya ako ng yakap.

"Logan, umalis ka na nga. Hindi ko alam ba't ka pa pumunta dito. Alam mo bang nakakasama sa bata pag nasstress ang mommy niya? Get out of here!" Sabi ni KId.

Tinaas niya ang kanyang kamay. "I'm just excited." Paliwanag niya.

"Get out of here, Logan. O baka ikaw naman ang mabugbog ko." Sabi ni Jason.

"Try..." Nagtaas ng kilay si Logan.

"Jason!" Sigaw ni Mia. "Wa'g ka ngang makealam. Mas lalo lang magkakagulo kung makisali ka pa."

"Yeah, Mi, great right?" Sarkastikong sinabi ni Kid sa kanyang girlfriend.

Kinalas ni Mia ang yakap niya sa akin at hinarap si Kid. "Ano ba talaga-" Natigil si Mia nang biglang bumukas ang pintuan ng condo.

Sabay sabay naming nilingon kung sino ang pumasok at nakita namin si Rage, mabilis ang hininga. Kumalabog ang aking puso. Kung kanina ay mabilis ito, ngayon ay mas matulin na ito. Hindi ko na mahabol ang aking hininga. Nahanap niya agad ang mga mata ko.

Mabilis agad akong hinila ni Jason sa kanyang likod na para bang pinoprotektahan niya ako kay Rage.

"Bakit ka nandito?" Sigaw ni Jason.

"Oopps." Halakhak ni Logan.

"Oh my God." Naghilamos ng palad si Kid at nilapitan niya si Rage.

"Logan?" Ani Rage at patuloy kaming sinuri.

Tumigil ang kanyang mga mata kay Walter. Bumalik ulit iyon sa akin.

Naglakad si Logan palapit sa kay Rage. Dala dala niya parin 'yong mga paper bags. Nanlamig ang buong katawan ko. Nahihilo ako at bumabaliktad na ang sikmura ko. Not now, baby, please!

"Sorry, Sunny." Sabi ni Logan bago hinampas kay Rage ang mga paperbag.

"What the fuck, Logan? Anong ginagawa niyo dito? Why... is..." Napatingin si Rage sa mga paper bag.

"Ikaw na lang ang tumanggap. Ayaw tanggapin nong asawa mo." Aniya.

"Logan!" Sigaw ko.

Kumunot ang noo ni Rage. Lumapit pa si Kid sa kanilang dalawa. Umambang susugod si Jason at hindi ko malaman kung kay Logan ba o kay Rage ngunit hinawakan ko siya.

"Jason, wa'g n-na." Nanginig ang boses ko.

"Sunny, hindi pwede. Hindi siya karapat dapat. Hindi pwede, Sunny." Nilingon ako ni Jason at hinawakan niya ang kamay ko.

"Jason, lumabas ka na lang." Sabi ni Mia.

Nag uusap si Kid, Rage, at Logan sa kanilang kinatatayuan habang hinahawakan naman ni Jason ang aking kamay. Hinalikan niya ito at hindi ko na makita ng buo ang kanyang mukha dahil sa nangingilid kong luha.

"I can raise the child." Bulong niya. "Tatanggapin ko kayo. Please, Sunny. Hindi siya deserving." Aniya.

Narinig ko ang halakhak ni Logan habang nag uusap sila. Hindi ko kayang hindi sila lingunin kahit na nandito si Jason sa harap ko at halos mag makaawa.

"Hindi ko alam kung babae o lalaki ba kaya ayan at tig dadalawa ang binili ko. May pang babae, may panglalaki." Ani Logan.

Nakita ko ang mainit na titig ni Rage sa akin. Tumindig ang balahibo ko at may kung anong kumiliti sa tiyan ko. Nag igting ang kanyang bagang at isang hakbang ay agad na sumigaw si Jason.

"This isn't your child! This is my child, Rage!" Sigaw ni Jason.

Nanlaki ang mga mata ko.

"Fuck shit!" Mura ni Mia sabay sampal kay Jason.

Tinakpan ko ang aking bibig. Hindi ko makayanan. Bumabaliktad ang sikmura ko at nahihilo na ako.

Humakbang ng marahan si Rage palapit sa akin. Narinig ko ang mura ni Jason sa ginawa ni Mia. Mabilis na dumalo si Kid kay Mia habang si Mia naman ay galit na hinarap si Jason.

"Wa'g kang mag sinungaling, Jason! Ayaw kong malaman ni Rage pero mas lalong ayaw kong maisip niyang ganon si Sunny! Tang inang pag iisip iyan!"

"Fuck it, Mia. Calm down or I'm gonna drag you out of here!" Sigaw ni Kid.

Nilingon ako ni Jason at hinawakan niya ang kamay ko ngunit bumalikwas ako sa pagkakahawak niya dahil sa pagduduwal ko.

Bago pa makalapit si Rage ay tumakbo na ako patungong banyo at lumuhod na ako sa paanan ng inidoro, binabalewala ang itsura para lang maisuka lahat ng nakain at nainom ko kanina.

Shit! Ano ba 'to!?

Pakiramdam ko ay pati bituka, baga, tiyan, at puso ay naisuka ko na. Napaiyak na ako sa sobrang pagsusuka. Ni flush ko iyon at naghintay na magsuka ulit nang narinig ko ang pag sarado ng pintuan sa aking likod.

KInagat ko ang labi ko at unti unti akong lumingon. Nakita ko ang itim na sapatos ni Rage. Nilakbay ng mga mata ko ang kanyang katawan pababa. Dinudungaw niya ako gamit ang mapupungay na mga mata. Hindi ko alam kung bakit sinundan niya ako. Dapat ay umalis na lang siya. Dapat ay tumakbo na lang siya sa responsibilidad. Siya ang tipo ng lalaking ayaw ng responsibilidad na ganito. Hindi bagay ang anak ko sa kanyang buhay.

Umupo siya sa tabi ko at nag lebel ang aming titig.

Kumuha siya ng tissue sa taas ng flusher at inikot niya iyon sa kanyang kamay. Inilapit niya iyon sa aking bibig. Bahagya akong umilag. Tumigil siya nang umilag ako. Ilang sandali ay pinagpatuloy niya ang pagpupunas sa akin.

"Let's wash you up." Aniya.

Umiling ako at nag iwas ng tingin.

"Sunny..." Marahan niyang sinabi.

"Umalis ka na." Sabi ko.

Nakita kong inilapit niya ang kanyang kamay sa aking pisngi. Tinitigan ko iyon at halos mapatalon ako nang dumampi ito sa babang parte ng aking tainga.

Inilapit niya ang buong katawan niya sa akin. Mabilis na mabilis ang pintig ng puso ko at pakiramdam ko ay sasabog na ito sa sobrang lakas.

"I'm positive. I'm your only one. I'm the father of the child. Now, I want to hear you say it. Say it for me, Sunshine Aragon. Say it. Ako ang ama ng dinadala mo." Bulong niya.

Napapikit ako sa awit ng kanyang boses. Nakakalasing at nakakatindig balahibo.

"Rage, hindi mo kailangan ang responsibilidad na ito." Mahinahon kong sinabi. "Hindi ako namimilit sayo. Hindi namimilit yong-"

"Stop the nonsense and say it, Sunny. I want to hear it. I want to hear it from your lips..." Malamig niyang sinabi.

"Rage, di mo ba nakikita?" Nag angat ako ng tingin sa kanya. "Hindi 'to matatanggap ng pamilya mo. Hindi mo na dapat nalaman 'to!"

Nag igting ang kanyang panga. "Try to keep secrets from me again, I'm gonna make you damn pay, Sunny. You're going to pay for this..." Bulong niya na nag papikit sa akin.

Lahat ng pwedeng mag init sa katawan ko ay nag iinit sa bulong niya. Kumalabog ang puso ko.

"Ako..." Hinalikan niya ang labi ko.

Hindi ako makagalaw. Hinalikan niya ang leeg ko at napaliyad na ako sa kiliting naramdaman.

"Ang... ama..." Tumingala ako para mahalikan niya pa ang leeg ko. "Ng dinadala mo..." He whispered in between kisses. "And the mommy is gonna marry me."

Dumilat ako at tiningnan siya.

"That's your punishment."