Kabanata 19

Lips

Hinigit niya ako patungo sa dancefloor. Siksikan ang mga tao at kung hindi ka sasabay sa kanilang pagsasayaw ay mahihilo ka. Ni hindi ko na namalayan kung saan nakuha ni MIa 'yong vodka na bigla niyang binigay sa akin habang naroon kami sa gitna.

Nilagok niya ng walang kahirap hirap iyong kanya at nagtatalon na sa pagsasayaw. Sumasayaw ang buhok niya kasabay sa pag galaw niya. May nakita akong lalaking sumasayaw sa kanyang likod. Ngumisi si Mia at hinarap iyong lalaking mestizo ngunit hindi mapag kakatiwalaan.

Hindi matitino ang mga lalaki sa bar ngunit gusto kong gumaan ang pakiramdam ni Mia kahit saglit lang. Alam kong nasasaktan parin siya at ito ang paraan para makalimot siya pansamantala.

Humakbang ako at narealize kong nakulong na ako sa dancefloor ng nagsasayawang mga tao. May nakita akong babaeng inangat ng kanyang mga kaibigan. Medyo lasing na sila at nagkakatuwaan na. Natawa ako sa tawanan nila habang nagsasayaw sa buong dancefloor. Namangha ako nang tumayo ang babae sa balikat nong mga lalaking umangat sa kanya. Hindi ko mapigilan ang pag tili. Ang galing!

Ilang sandali ang nakalipas ay sumasayaw na rin ako kasama ng mga tao doon. Ang galing! Kahit na alam ko na malayo ang agwat ko sa kanila ay sa isang iglap lang dito sa dancefloor, nakakalimutan ko iyon. Parang hindi si Sunshine Aragon, isang janitress, ang kasayaw nila dito.

Lumingon ako sa gilid at nagulat ako nong nandon na si Rage, nakatayo at nakasimangot sa akin habang nagsasayaw ako. Medyo nahiya ako sa pagsasayaw ko. Gusto kong tumigil pero bakit ko iyon gagawin? Dahil lang ba sa kanya?

"Balik tayo sa sofa." Utos niya.

Kumunot ang noo ko at mas nagpursigi akong sumayaw.

"Sunny..." Tawag niya.

Umiling ako. "Ikaw na lang muna, Rage." Umikot ako at hinawi ko ang buhok ko sa pagsasayaw.

"This is not a good place-"

Naputol siya nong inirapan ko siya at iniwan sa kinatatayuan niya.

Sumayaw ulit ako sa mas gitnang parte ng dancefloor. Nakikita ko si Mia mula rito, kasayaw niya iyong lalaking humila sa kanya kanina at mukhang nag uusap sila habang ginagawa iyon.

Halos mapatalon ako nang may naramdaman ako sa likod ko. Unti-unti ko itong nilingon para tingnan kong sino at nang nakita ko ang pamilyar niyang damit at katawan ay halos manigas ako sa dancefloor. Si Rage ay sumasayaw sa likod ko at hindi ko alam kung ano ang gagawin ko! Kung sasayaw ba ako kasabay niya o titigil na lang?

"You won't join me? I'll join you." Bulong niya.

Tumigil ako sa pagsasayaw at nilingon ko siya. Tumigil din siya at nag taas siya ng kilay sa akin.

"Hindi kita maintindihan." Sambit ko sa gitna ng maingay na music.

Hindi siya natinag sa sinabi ko. Halos hindi niya iyon inintindi. Tumayo lang siya sa harapan ko at humalukipkip.

Umirap na lang ulit ako at aalis na sana doon sa harapan niya para sumayaw kung saan pero hinila niya ang braso ko.

"Gusto kong sumayaw at hindi ako makasayaw pag ikaw ang kasama ko!" Walang preno kong sinabi.

"At makakasayaw ka pag ibang tao?" Nagtaas siya ng kilay.

Nanlaki ang mga mata ko nang bigla niyang pinasadahan ng palad ang kanyang buhok ay nagsimula siyang sumayaw sa harapan ko. Halos mapamura ako nang iginala ko ang paningin ko mula sa kanyang mga paa pataas sa kanyang ulo. He's freaking hot.

May nakita akong kamay ng isang babaeng dumantay sa kanyang dibdib. Ang pulang nailpolish nong babae ay umilaw sa gitna ng madilim na dancefloor. Halos itulak ako nong matangkad at mestizang babaeng lumapit para lang maisayaw si Rage ngunit hinawakan ni Rage ang aking kamay.

"Sorry, I'm taken." Aniya sa babaeng mabilis na tumingin sa akin.

"Rage Del Fierro? Taken?" Nagtaas ng kilay ang babae kay Rage na parang naghahamon.

Hinila niya ako kaya bahagya kong natulak ang babae. Iritado akong tinitigan ng babae. Imbes na siya ang pagtuonan ko ng pansin ay nawala ako sa aking sarili nang naramdaman ko ang kamay ni Rage na dumantay sa aking baywang.

"Yup. Taken. Big time." At bumaling si Rage sa akin.

Napatingala ako sa kanya. Sobrang lapit namin sa isa't isa. Natatakot akong nararamdaman niya ang kalabog ng puso ko sa sobrang lapit namin.

"Whatever!" Anang babae at biglang umalis dala ng kahihiyan.

Kinagat ko ang labi ko nang binitiwan ako ni Rage.

"Balik na tayo sa sofa." Aniya.

Umiling ako at nagulat sa aking desisyon. "Sasayaw ako." Sabi ko at nagsimula na naman akong sumayaw at nagpatianod sa music ng buong bar.

Ilang mura ang narinig ko mula sa kanya bago niya ako sinabayan. Uminit ang pisngi ko. Nang luminga ako sa paligid ay pansin ko ang iilang mata ng mga tao na nakatingin sa amin. Siguro ay kilala nila si Rage kaya curious sila kung sino ako.

Hinawakan niya ang aking baba at inangat iyon sa kanyang mga mata.

"I want your attention, Sunny." Aniya.

Nag iwas parin ako ng tingin. Hindi ko siya kayang tingnan habang nagsasayaw kaming dalawa. Parang nakakapaso.

Hinawakan niya ang kamay ko at tinungtong niya iyon sa kanyang balikat kaya hindi ko napigilan ang pag tingala ulit.

"Hindi talaga kita maintindihan."

Kumunot ag kanyang noo. "Aling parte ang hindi mo maintindihan?"

"Hindi ko alam kung gusto mo ako o gusto mo lang akong tuksuhin. At pag natutukso ako lagi mo akong pinipigilan."

Ngumisi siya.

Tumindig ang balahibo ko sa pag angat ng kanyang labi ngunit nagpatuloy ako. "Hindi ko alam kung ano talaga ang gusto mong mangyari." Iling ko.

"I want you to stay away but I don't want you far. I'm probably fucked. Real fucked." Bulong niya sa tainga ko.

"You curse too much. Wala akong maintindihan." Halos nalalasing ako sa mga salita niya kahit na totoong hindi ko parin makuha ang gusto niyang iparating.

Inilapit niya pa ang katawan niya sa akin. Ramdam ko na ang init ng kanyang dibdib. Bumaba ang isang kamay ko sa kanyang braso. Shit! Napatingin siya sa kamay kong namamahinga doon.

"I can't like you. No. And you can't like me back." Iling niya pareho kaming natigil na sa pagsasayaw. "But Damn it, I like you. No. I'm drawn." Nilagay niya ang takas kong buhok sa aking tainga.

Parang lutang ang pakiramdam ko.

Ngumuso ako sa kawalan ng salita.

"I'm so stubborn." Aniya at hinaplos niya ang labi ko.

Para akong kinukuryente sa bawat haplos niya.

"I just wanna taste." Bulong niya at inilapit niya ang kanyang labi sa aking labi.

Naestatwa ako sa gitna ng dancefloor. Naramdaman ko ang init ng kanyang palad sa aking pisngi nang lumapat ang kanyang labi sa akin. Malambot at matamis ang kanyang halik. Dilat na dilat ako nang ginawa niya iyon at kitang kita ko kung paano siya hirap na pumikit. Saglit lang ang halik niya, halos hindi ko namalayan. Agad niyang inilayo ang kanyang mukha sa akin. Pumungay ang kanyang mga mata at nag mura.

Nakaawang ang bibig ko dahil sa halik niya. Gusto ko pa. At hiyang hiya ako dahil ganon ang nararamdaman ko. Tinikom ko ang bibig ko. Hindi ko alam kung paano ko nakumbinsi ang sarili kong sampalin siya.

Napahawak ako sa kamay kong dumapo sa kanyang mukha. Hindi niya ako agad nilingon dahil sa naging sampal ko. Napahawak rin siya sa kanyang pisngi na pulang pula ngayon.

Hindi ko siya sinampal dahil binastos niya ako. Sinampal ko siya dahil natatakot akong sa ginawa niyang iyon, mahuhulog na ako ng husto sa mga bitag ng isang tulad niyang womanizer.

Nagmartsa ako pabalik sa sofa nang hindi siya tinitingnan pabalik. Nakita ko ang iilang inumin sa table na agad kong nilagok ng sunod sunod. Ilang sandali ay napunta rin si Rage doon, namumutla at pinapanood ako.

Hindi kami nagsalitang dalawa. Umupo siya sa tabi ko doon sa sofa at mabilis akong lumipat sa kabila. Nagtaas siya ng kilay sa akin.

"You must've hated me too much. Sinampal mo ako ng ganon ka lakas tapos nong hinalikan ka ni Kid, hindi mo man lang siya sinuntok." Suminghap siya.

Napatingin ako sa kanya.

"Well, right now? Fuck my reasons. I'm gonna get you. From now on, you won't be touched by anyone. Except me."

Umiling ako at bumagsak ang mga mata ko sa mesa.

Naramdaman ko ang pag alon ng paligid. Nasobrahan ko ba ang pag inom ng alak? Pumikit ako bago nagsalita.

"Uwi na tayo. Hanapin ko lang si Mia." Sabi ko at sinubukang tumayo ngunit kinailangn pang daluhan ako ni Rage para makatayo ng maayos.

Suminghap siya. "The angel is stubborn. Ang sabi ko may milkshake dyan. Damn girl. Stay here. I'll look for Mia."

Tumango ako at sinunod siya. Nagkahalo halo na ang nasa isip ko. Hindi ko halos matandaan ang sinbi ni Rage kanina. 'I'm gonna get you.'? Ano ang ibig niyang sabihin?

Nakapikit na ako at nakahilig sa sofa nang may bigla akong naramdamang umupo sa tabi ko. Noong una ay akala ko si Rage kaya kinausap ko na kaagad.

"Asan na si Mia?" Tanong ko at dumilat.

Nakita kong may dalawang lalaki na sa tabi ko at ngumingisi sa akin. Ginapangan agad ako ng kaba. Luminga ako kahit na nahihilo pa para hanapin si Rage ngunit hindi ko siya mahanap kung saan saan! Umuwi na ba siya?

"What's your name, pretty?" Hinaplos ng lalaki ang aking pisngi.

"A-Asan si Rage?" Napatanong ako.

Bumagsak ang mata ko sa kamay ng isang lalaking humawak naman sa aking braso. Nagtawanan sila at halos sumabog na ang puso ko sa kaba.

"What's your name?" Nagtaas ng kilay ang lalaking nakahawak sa aking braso. Medyo matanda na siya at maitim. May magkabilang dimples na lumilitaw sa bawat ngisi niya.

Nagulat ako nang bigla siyang napatayo dulot ng pagkwelyo sa kanya ng isa pang lalaki sa likod ng sofa. Narinig ko ang sigaw ni Mia sa likod at naramdaman ko kaagad na safe na ako.

Tumayo ang lalaking nasa tabi ko nang biglang humandusay ang kanyang kasama sa sahig. Sumigaw ang nasa kabilang table at may iilang babaeng lumapit kay Rage. Dumalo si Mia sa akin at kitang kita ko kung paano tinulak si Rage nong lalaking nasa likod niya. Sinuntok pabalik ni Rage iyong lalaki kaya humandusay siya.

"RAGE!" Sigaw ko nang nakitang bumabangon ang lalaking una niyang sinuntok at nasuntok rin siya sa kanyang panga!

"Oh my God!" Kasabay ang sigaw ni Mia sa mga sigaw ng babaeng nasa likod.

May lumpait na tatlong bouncer pagkatapos nasuntok ni Rage pabalik ang lalaking naka isa sa kanya. Hinawakan ng dalawang bouncer iyong dalawang lalaki at ang isang bouncer ay lumapit kay Rage na ngayon ay hinahawakan ang kanyang panga. May sinabi si Rage sa mga bouncer bago niya kami binalingan.

Gulat na gulat ako at pakiramdam ko ay nawala ang epekto ng alak sa aking sistema dahil sa nangyari. Si Mia sa glid ko ay nagulat din ngunit sabog parin dahil sa kalasingan.

"Shit! Ang galing niyang makipaglaban!" Sigaw ni Mia na namamangha at umi ekis ekis ang paglalakad patungo sa kay Rage.

Tumayo lang ako doon at hinintay na dumating si Rage sa amin. Natagalan siya dahil may iilang kaibigan siyang nakasalamuha. May iilang babaeng concerned sa kanyang nasuntok na panga. Ngunit nang bumaling siya sa akin ay parang piniga ang aking puso. Hindi ko alam kung bakit pero ganon ang naramdaman ko.

Lumapit siya sa akin at kumalabog ang dibdib ko. Hindi parin magkanda ugaga si Mia sa nangyari. Panay ang talak niya tungkol sa galing ni Rage makipagsuntukan. Malamang dahil may boxing ring siya sa kanyang bahay!

"Sir Rage, hero! Ang galing mo!" Sigaw ni Mia at sinabayan pa ng kanyang tili.

"Let's go." Malamig na utas ni Rage at hinawakan niya ang braso ko.

"Ang galing talaga!" Sambit ni Mia habang naglalakad palabas. "Pero bakit mo nga pala 'yon sinuntok ang mga lalaki?" Medyo naguluhan si Mia habang naglalakad ng pa ekis ekis palabas ng bar.

"Like I said, Sunny, no one can touch you. Natikman ko ang labi mo at idedeklara kong akin ang teritoryong ito. I don't give a shit if I break along the way." Bulong niya.

Hanggang ngayon, hindi ko parin siya maintindihan. Ngunit hindi ko alam kung kelan pa ako natutong sumaya sa mga salitang hindi ko naman maintindihan.