Rejection
REJECTION:
Jaanta hoon maine Monami ko bahut hurt kiya hai. Aaj tak use hurt karne ke alaawa kiya hi kya hai maine? Pehle, use goli maar di thi, aur ab uska dil todh diya. Rude tha main. Kya zaroorat thi mujhe itna harsh hone ki?
Sorry se uska toota hua dil waapas judh toh nahi jayega, par itna toh wo deserve karti hai. Use yeh jaanna hoga ki kyun main kabhi usse pyaar nahi kar sakta. Kyun meri zinadagi mein pyaar ki koi jagah nahi hai. Us mein koi kami nahi hai, bas meri zindagi mein uski shayad kabhi koi jagah nahi hogi.
Ek taraf kal competition mein jab aankh band kari, toh sirf wo hi wo dikh rahi thi. Sirf wo hi dikh raha tha jo parso raat hua tha. Par kyun? Doosri taraf, jaise hi wo mujhe dekhti hai, waise chhupne ka mann karta hai. Nahi dekh sakta main uski aankhon mein itna dard. Kitna bhi chhupa le wo smile ke peechhe, kitna bhi pretend kar le wo theek hai, par jo dard maine use diya hai, wo dikh raha hai mujhe.
Kyun sun nahi rahi hai wo meri baat? Kyun jab bhi baat karna chahoon, bhaag jaati hai? Ek baar, bas apni baat kehne ka mauka chahiye mujhe. Ek baar bas yeh explain karna hai mujhe ki meri duniya mein pyaar ki jagah kyun nahi hai. Kyun kisi ko pyaar karna possible nahi hai mere liye. Bas ek baar.
Wo samjhegi. Itna toh jaanta hoon main use. Jis ladki ne mujhe use goli maarne ke baad maaf kar diya, mere gunah ko galti bhi nahi samjhi, wo samjhegi mujhe. Use samajhna hoga...
Wo samjhegi, na?
Note- The above diary entry is written after Karan rejected Monami and thereafter, wanted to apologize, but was unable to.
This will be a series of diary entries all written from the point of view of Karan Shergill. There is no particular order of chronology to the diary entries.
Bạn đang đọc truyện trên: AzTruyen.Top