Dusare hi pal vo mano kisi mele ki get ke samane khade the.
"Aiye na.......!!!" Dodo Rajakumari ka gala chhod muskurati us taraph badh gayi.
"Aap kahe to isaki gardan kaat dun ?" Sainik josh mein ate hue Dekha jayega jo hoga.
"Abhi nahi...." Rajakumari apane gale ko pakad gusse ko dabati hui "Pahale hamen Devil se milana hai.
Dur se dikh raha ek vishal mela, jisake samane kitane hi jadugar apane karatab dikha rahe the. Aag pani hava mano logo ke gulam ho gaye ho, unaki har bat kisi achchhe gulam ki tarah man rahe the.
"Ham insani duniyan mein hi hai na ?" Yuvaraj ko abhi bhi apane dimag par bharosa nahi tha.
"Ye kaun si jagah hai ?" Rajakumari ne puchha.
"Ye duniyan to insanon ki hai, par jagah hamari hai." Dodo kahate hue jaise hi thoda maindan ki taraph badhi usake niche jamin ki jagah ag ki ghati dikhane lagi.
"Naya jadu ?" Sainik bola.
"Jangali janavaro ko dur rakhane ke lie kiya gaya hai." Dodo boli.
Vo sab usake pichhe chalate rahe.
Kaise ho chacha ? Dodo gate ke pas tikat kauntar (Jo ek vishal hilate ped ki jad mein tha aur ped mano jinda ho) par baithe adhe Aadmi adhe ghode ke pas jakar khadi ho gayi.
"Pranam Rajakumari." Rabad ki tarah hil rahi ped ki sakho ko dekh rahi Rajakumari ko Aadmi bola.
"Ye bhi hai yahan ?" Yuvaraj ne hairani mein kaha.
"Apaka svagat hai insani dharati par." Aadmi bola.
"Namaste chhodo aur tikat do." Dodo usaki thuddi thode saphed balo hilati hui "Pata hai na ? Aaj boos....!"
Aadmi counter par talavar rakh deta hai.
"Main to bas aise hi bol rahi thi vo inhen....!!" Dodo bol hi rahi thi.
"Hamen Devilase milana hai." Rajakumari ne kaha.
"Vahan......! sab thik to hai na ?" Aadmi ki ankhon mein chinta ki lakire dikhane lagi.
"Abhi tak to thik hai par....|" Rajakumari mano Dodo se kuchh chhipane ki kaushish mein.
"Agar ham Devil se nahi mile to kaphi kuchh bigad sakata hai.
"Devil.....!!!" Aadmi Dodo ko dekhate hue Usase to apako yahi mila sakati hai.
"Tum do, jo bhi ye bol rahi hai." Rajakumari ko baicheni hone lagi thi.
Aadmi Rajakumari ka chahara dekhane laga.
"Hamane kaha do !!!" Rakumari ki avaj mein gussa ubharane laga tha.
"Rajakumari vo...." Aadmi se bola nahi ja raha tha.
"Chacha se shayad bola nahi ja raha...." Dodo muskurati hui "Andar jane ke lie paise lagate hai ?"
"Ye kaun si shakti hai ?" Yuvaraj ne puchha.
"Shakti nahi, vo...." Dodo ko word dhyan nahi a rahe the.
"Apako ek kimat chukani hogi andar jane ke lie." Aadmi Rajakumari ko dekhate hue Us kimat ka nam hi paise hai.
"Kya kimat hai andar jane ki." Yuvaraj ne akadate hue puchha.
"10 hajar rupaye ek insan ke." Aadmi sabako ginane ke bad "Sabake 60 hajar rupaye."
"Aur main....!?" Dodo kadak avaj mein boli.
"70 hajar rupaye ?" Aadmi ki ankhon mein aphasos tha.
"Ye rupaye hote kya hai ?" Sainik ne samajh na ane ki vajah se puchha.
"Ise kahate hai rupaye...." Aadmi ne kuchh not samane kar die.
"Ye to kagaj hai, rangin kagaj." Rajakumari boli.
"Isake lie insan kisi bhi had tak gir sakata hai Rajakumari." Aadmi ne noton ko dekhate hue kaha.
Tabhi ek bhopu ki avaj ayi.
"Jaldi paise nikalo, boss ki fight....., mera matalab malik ki ladai shuru hone vali hai." Dodo bahut utsukata dikha rahi thi.
"Par hamare pas to ye....., nahi hai. Yuvaraj ne kaha. Hai...." Rajakumari ne hatheli age ki aur ek noton ki gaddi prakat ho gayi.
"Dikha di na apani akalamandi..." Dodo badabadayi.
Aadmi chup khada raha. jaise hi Rajakumari ne gaddi kauntar ke samane ki, gaddi dhuna banakar ud gayi.
"Ye kya tha ?" Rajakumari hairan thi.
"Agar yahan jadu chalana itana hi asan hota, to tum jaise murge kyon dekhati ?" Dodo boli.
"Yahan jadu se bani koi chij nahi chal sakati." Dodo ki juban par braiak lagane ke lie Aadmi talavar usake kandhe par rakh Rajakumari se bola.
"To ham kya kare ?" Rajakumari ne puchha.
"Ek rasta hai...." Rajakumari ke hatho mein sone ke kangan dekh Dodo boli.
Kuchh palo mein Rajakumari ke kangan kauntar par rakhe the.
"Main to insanon ko murkh samajhata tha ye to us shalo se bhi jyada kamine hai." Yuvaraj ne Rajakumari se kaha.
"Hamen apane lakshy par dhyan dena hai Yuvaraj." Rajakumari ne kahate hue bat khatm kar di.
"Ye lijiye Rajakumari, age ke lie kam ayegen." Aadmi ne ek noton ki gaddi Rajakumari ki taraph kar di. "Dhanyavad....." Rajakumari ne noton ko le liya.
"Parsal...." Paas rakhi ghanti ko bajate hue Aadmi chillaya.
"Apane hath upar ki taraph kar lo, varana banjuo mein bahut dard hoga." Dodo ne donon hath upar utha lie.
"Kyon ?" Sainik ne use pagal samajhate hue puchha.
"Jaldi karo." Dodo ne upar ki tarah dekhate hue kaha.
Yuvaraj ne apane hath upar utha liye, Rajakumari ko chhod sabhi jaise hi Yuvaraj par hansane lage ped ki sakho ne unhen pet ke pas se jakad liya.
"Ye kya ho raha hai ?" Saare Sainik chillane lage.
"Daro mat ham andar ja rahe hai." Dodo boli.
"Menre hath.......!!!" Sakha ki jakadan se ek Sainik ne hatho par dabav padane laga tha.
Yuvaraj unhen dekh muskura raha tha. Sakha sabako uthane lagi par Aadmi ne Rajakumari vali sakh par talavar rakh di aur sakh ruki rahi.
"Rajakumari..." Dodo ko chhod sabhi chillane lage.
"Kyon chilla rahe ho, a jayegi." Dodo ne kaha.
"Tumane hamen kyon roka ?" Rajakumari ne puchha.
"Apako kuchh batana hai..." Aadmi shant ankhon ke sath "Devil ke bare mein."
Rajakumari Aadmi ko dekhati rahi. Ped ki sakho ne sab ko mano ek alag hi duniyan mein utar diya tha jahan dharati ke insanon ko chhod baki sare duniyan ke jiv the. Sare Sainik, Yuvaraj alag 2 prajati ke jivo ko dekh hairan the.
"Tumhen nahi pata tha insanon aur tum se alag bhi kahin duniyan hai, yahi soch rahe ho na ?" Dodo unake ban rahe ajib chaharo ko dekh boli.
"Han....." Yuvaraj ke sath sabhi bole. "Agar srashti tum jaiso ki soch par chalati to bhagavan nam ka shabd duniyan se nikalana padata." Dodo age badh gayi.
Sab use dakhane lage.
"Par Rajakumari.....?" Sainik bola.
"Vo rahi tumhari Rajakumari." Unake kuchh bolane se pahale hi pichhe Sakha se utarati Rajakumari ko dekh Dodo boli.
Un sabaki jan mein jan a gayi.
"Ab chale ?" Dodo ki avaj mein gussa tha.
"Rajakumari ap pichhe kyon ruk gayi ?" Yuvaraj ne soch mein dubi Rajakumari ko dekhakar puchha. "Hamen jaldi se jaldi Devil se milana hai." Rajakumari Dodo ke pichhe chal di.
"Pr Rajakumari....." Sainik itana hi bol paya tha.
"Har bat batani jaruri to nahi ?" Rajakumari ki avaj mein gussa tha jise dekh Sainik pichhe hat gaya.
Dodo teji se age badhati ja rahi thi aur unako usake sath chalana mushkil ho raha tha. Mele mein alag- 2 duniyan ke jiv insanon ki bhid ki tarah unake raste mein a rahe the. Jadui saman se lekar, kimati se kimati tilism ki kitab, davai, patthar, jadui ped paudhe, karamati pakshi, aur jisako dakhe ek Sainik ke kadam thage se rah gaye, ankhon mein mayusi, chahare ki rangat lagabhag khatm ho chuki thi aur apane chhote kapado mein kisi tarah khud ko samenti hue ek sunahari pankhon vali pari ko dukan par bechane ke lie khada kiya hua tha.
"Chal na...." Dusare Sainik ne use khich liya.
Pari as bhari najaro se Sainik ko dekh vapis gardan jhuka leti hai. Ek vishal tambu ke samane jakar Dodo ruk gayi. Rajakumari Sainiko ke sath usase kuchh hi duri par thi.
"Vaise to mujhe pata hai tu nahi hai." Dodo jeb se paise nikal upar ki taraph dekhati hui "Ye last hai agar jit gayi to......." Dodo man mein kuchh sochati khush hoti "Mai......"
"Jab tumhare pas not the to hamare kangan kyon dilavaye ?" Rajakumari ne use tok diya.
"Kaam tumhara hai mera ?" Dodo ne use dekha.
Rajakumari chup ho gayi.
"Boss...." Dodo sar pitati hui "Malik andar hai chalo..."
Tambu ke andar is tarah bhid ja rahi thi mano koi suparahit moviai lagi ho. Jaise hi unake kadam uthane lage Dodo Rajakumari ko rok deti hai.
"Ab kya hai ?" Rajakumari ne pareshani mein puchha.
"Ye lo." Dodo ek goli Rajakumari ko deti hui "Kha lo....."
"Ye kya hai ?" Rajakumari ke bolane se pahale Yuvaraj bola.
"Ye ek davai hai." Dodo boli.
"Kis chij ki ?" Rajakumari ne puchha.
"Vo......" Dodo idhar - udhar dekhane ke bad Sainiko se "Tum andar chalo main inhen batati hun."
"Nahi inake samane batao." Rajakumari ne mano adesh diya ho.
"Agar baat inake samane batane ki ho hi na ?" Dodo ne use ghura.
"Ham andar chalate hai." Yuvaraj samajhakar Sainiko ko chalane ka ishara kar age badh gaya.
"Ab batao !!" Rajakumari ne gusse mein puchha.
"Mere malik ke pasa ate hi ladakiyon ka control tut jata hai." Dodo davai age karati hui Ye usaka tod hai.
"Kaisa control....?" Rajakumari Dodo ki ankhon mein dekhakar samajhati hui "Kya bakavas hai ye sab !!! Rajakumari davai dur phenk deti hai.
"Ye sach hai." Dhul mein padi goli ko uthane ke liye Dodo age badhane lagi.
"Chhodo use, chalo andar." Rajakumari ne Dodo ko pakad khich liya.
"Ruko mere pas dusari goli bhi nahi hai." Dodo pareshan thi.
Par Rajakumari ne usaki bat nahi suni.