Niche insani duniyan mein sham dhal chuki thi, rat ka andhera chhane laga tha. Tiger tai aur jems bond apani dukaan samet ghar ki taraph chal die. Shahar ke bahari jangal ki sima par donon ki alag – 2 basti thi. Jaise hi raat ghani aur kali hui Tiger tai ki basti ke sare insan, bond ki basti mein pahunch gaye. Tigerr tai ki puri basti kisi ujade ilake ki tarah lag rahi thi. Hava bhi agar kisi khidaki ke sath khelati to dar ki alag daifinition nikalakar samane aa rahi thi. Pal nahi gujara hoga, galati se khule chhod gaye ek balb ki light ne kuchh akrtiyon ko saye mein badal diya. Lambe coat, sar par hat aur usase 3 inchh pichhe talavar ki hattha, jisase kisi aam insan ke na hone ka doubt clear ho gaya tha.
“Kya ham sahi jagah par hai....?” Khali ghar, sunasan gali aur jangal se ati dahashat bhari hava ko mahasus kar kala kort pahane ek saye se avaj aati hui “Is basti mein insan to chhodiye koi palatu janavar bhi nahi hai.”
Agale hi pal bagal ki divar se khatapat ki avaj ayi to samane ki divar par sayo ki talavar bahar nikalati najar ayi. halke kale kapado ke jute, bina avaj ke us taraph badhe to agale hi pal do chuhe chillate hue samane ki divar mein bane bil mein jakar ghus gaye.
“Ye kaise ho sakata hai....?” Sar ka top utar rajakumari khali basti ko dekh hairani mein “Yahan ke insan kahan chale gaye ?”
“Shayad ye basti kaphi dinon se bejan hai.” Ukhade mud ke sath pas khade yuvaraj ne kaha.
“Bejan bastiyon mein raushani nahi hoti yuvaraj....” Pichhe jal rahe usi balb ki taraph ishara karate rajakumari ne kaha.
“Jangali janavar to nahi kha gaye sab ko....?” Ek sainik ne utsukata se kaha.
“Apana muhan bnd rakho ...!!!” Rajakumari ne use danta.
“Pata kaise lage ye sab gaye kahan ?” Yuvaraj ne khali gharon ke dekhate hue kaha.
Rajakumari ke pas koi javab nahi tha.
========================
Dusari taraph bond ki basti mein menla laga tha mano koi faistival ho. Log apas mein ghul mil- jhul rahe the, unake bich hansi majak chal raha tha.
“He ram.....” Ek ghar ki charapai par apane ghutane ko pakad baithate hue tai boli.
“Kyon ri paro, ghutanon ka dard or bhi badh gaya kya....?” Paas baithi dusari budhi aurat ne puchha.
“Ab to umr ho gai hai shyam....” Paro (Tiger) tai usake kandhe par hath rakh “Ab to sab kuchh hoga.”
“Tai chay logi....?” Ghar ke andar se ek ladaki (purane se kapade, do chutiyan mein balo ko bondhe hue, hath mein chay ka stil ka gilas, umr 17 ) bahar ati hui boli.
“Vaise mud to nahi tha, par tu le hi ai hai to......” Tai ne chay ka gilas pakad liya.
“Para aj lait to ayegi na...?” Dusari budhiya ne puchha.
“Pata nahi dadi chacha bol to rahe the par....?” Para ne dought mein words ko rok liya.
“Chhod na vaise bhi kaun si lait a kar tir tudava degi ?” Tai para ke hath mein lage ghav ko dekh “Para teri ye chot thik nahi hui abhi ?”
“Tai vo kam karane mein aksar chhil jati hai.....” Para apani chot ko dekh “ Thik ho jayegi.” Para andar chali gayi.
Tabhi ek ladaka daudata hua tai ke pas a gaya.
“Tai- 2, apani basti mein kuchh log ghum rahe hai.” Ek ladake ne jor – 2 se sans lete hue kaha.
“Kya....?” Tai chaunkate hue uth gayi.
“Lagata hai koi anjan paradesi hai...?” Ladake ke chahare se saf dikh raha tha vo dara hua tha.
“He ram...!!!” Tai age badhati hui “Taim kya hua hai abhi ?”
“9 baje hai tai.....” Ladaka usake pichhe chal diya.
“Raksha karana ram....” Tai tej kadamo se age badh gayi.
==================
Rajakumari aur baki sab vahin khade mano kisi ka intajar kar rahe the.
“Ham yahan khade kyon apana samay nasht kar rahe hai....?” Yuvaraj ne baichen hokar puchha.
“Apake paas koi achchha tarika ho to bata dijiye....?” Ek sainik ne puchha.
“Kya hamen sach mein is devil ki jarurat hai ?” Rajakumari ka man tatolane ke lie phir se yuvaraj ne puchha.
“Yuvaraj achchha hoga ap bekar ki bahas chhod yahan ke logo ka kuchh pata lagaye...!!!” Rajakumari bahas ko sidha khatm kar deti hai.
Yuvaraj kuchh kahata usase pahale hi tai kuchh gavan valo ke sath vahan pahunch gayi.
“Apane hathiyar chhipao.....” Rajakumari ne adesh diya.
Dusare hi pal sabake hathiyar gayab the.
“Ap sab kaun hai aur aj ki rat hamare ganv mein kya kar rahe hai.....?” Tai ne tarch ki raushani yuvaraj ki ankhon par marate mein puchha.
“Hamen kisi ke bare mein janakari chahie thi...” Rajakumari ne pyar se puchha.
“Janakari, kaisi janakari ?” Tai rajakumari ka kuchh jyada hi gora rang dekhati boli.
“Devil ke bare mein....” Ankhe sthir shuny bhav ke sath rajakumari ne kaha.
“Davali, kaun davali...?” Rajakumari, yuvaraj sainiko ko dekhane ke bad tai ne samajhane ke lie apane logo ki taraph dekha.
“Davil nahi devil ?” Sainik ne kaha.
“Kaun devil, aur ap kaun hai....?” Tai pareshan ho gayi thi.
“Dekhiye ap jo bhi hai aj ki rat yahan se chale jaiye, ap galat adami ka pata galat jagah puchh rahe hai...” Tai ke pichhe khade ek adami ne kaha.
“Ham sahi jagah aye hai aur aj ki rat mein kya bat hai...?” Rajakumari ke words kadak start le, saval tak slow ho gaye.
Rajakumari ne saval to puchh liya but tai aur pichhe khade logo ke chahare par jo dahashat aur dar dikha raha tha usase shayad apana hi saval bhul gayi.
“Aisa kya hoga aj ki rat jo inaki sanse ruk gayi ?” Ek sainik ne badabadate hue dusare ke kan mein bola.
“Aj amavasy ki rat hai aj jangal mein janavaron ke bich ladai hoti hai...!!!” Dusara adami ghabaraye chahare ke sath “Jo bhi insan unake bich ata hai vo....” Adami pura bol bhi nahi paya.
“Mainne pahale hi kaha tha,ye insan pagal ke alava kuchh nahi hai.” Yuvaraj rajakumari ke kan mein badabadaya.
Ab tak bond aur para bhi a gaye the.
“Tai ap ab tak yahan kya kar rahi hai ?” Bond timai dekh hairan tha.
para un sabako dekhane lagi.
“Tu jara bata inhen, yahan koi devil hai kya...?” Tai ne bond se puchha.
Devil ka nam sunate hi bond ke chahare ki havaen udane lagi aur rajakumari ke sath sabhi use bhamp gaye.
“Ap sab chalo yahan se main inhen chhodakar ata hun.”  Bond ne tai aur baki sabase kaha.
“Jaldi ana.” tai kahate hue chal di.
“Tujhe kya alag se bolu chal yahan se...!!!” Paas khadi para ko dantate hue bond bola.
para unhen dekhati tai ke chali gayi.
“Tum janate ho devil ko ?” Rajakumari ne bond ki ankhon mein uth rahe dar ko pahachanate hue puchha.
“Kabhi dekha nahi use par suna hai bahut bada tantrik hai.” Bond un sabako dekhate hue “Jo bhi usake pas gaya hai maine use aj tak jinda lautakar ate nahi dekha.”
“Vo.....!!!” bond ko pagal man yuvaraj bolane laga.
“Tum janate ho vo kahan milega....?!” Rajakumari ne bolate hue yuvaraj ki bat kat di.
“Main nahi par ek hai mera dost, jo shayad janata ho vo kahan rahata hai.” Bond sochane ke bad “Kal mila sakata hun usase, vaise ap log hai kaun, kabhi dekha nahi as – pas ?”
“Paradeshi hai hamen aj hi usase milana hai.” Sainik bond ki chonfusai ankhon ko dekhate hue “Kya tum abhi us dost ke pas chal sakate ho ?”
“Abhi...!!!” Tej avaj aur darate hue bond “Bhagavan bhi akar bole jab na jaun.” Bond kapate hue “Vo jangal ke us par rahata hai aur aj ki rat jangal par karana matalab....!!!” Bond ki avaj bond ho gayi.
“Dekho ham tumhe....” Sainik bolane laga.
“Naam kya hai tumhare dost ka....?” Rajakumari ne puchha.
“Ji....!!!” Bond pagalo ki tarah use dekhane laga.
“Nam puchha hai tumhare dost ka.....!!!” Yuvaraj apane gusse ko rokate hue bola.
“Sahil.....” Bond ne dhire se bola.
“Dhanyavad....” Bolakar rajakumari age badh gayi.
“Suniye meri bat maniye...” Bond unaka rasta rokate hue “Aj rat rahane dijiye, kal main khud apako usake pas lekar jaunga, aj rat jangal par mat kijiye, agar rukane ki pareshani hai to hamari basti....” Bond ne bat puri nahi ki thi.
“Ji dhanyavad par hamara usase milana jaruri hai.” Rajakumari age badh gayi.
“Ye pakka marenge aj.” Bond badabadaya.