Naach naagin gali gali ki tarah, Girish ji poore ghar mei naach rahe hai, unke dil mei khushi ke laddoo phut rahe hai, unka mann kar raha hai ki ghee ke diye jalaye, bas chale toh wo aaj sadak pe bhi seedhi laga de. Khushi mei itne paagal ho gaye ki ek ke badh ek sabhi rishtedaaro ko shadi ki khush khabri dene lage aur pandit ji se bhi shadi ka subh mahurat puch liya. Jaane kitne saalon badh itna khush hue the, laag raha tha maano ye khushi se unki saans hi phool jayegi. Par wo anjaan the ki unki beti ka akhir plan kya hai aur eo kya soch ke baithi hai.

....
Yahan Vineet aur Viren toh ghar se gad gad ho nikle the jab Bulbul ne dono ko saath office chalne ko kaha, laga aaj toh Air condition car mei ghoomemge par bahar nikalte hi Bulbul ne dono ko asliyat dikha di. Dono utsukta se car ki aur badhne lage par Bulbul ne dono ko rok diya aur boli ki uske car ke piche auto se aaye, dono ladkon ka muh latak ke apna sa reh gaya par baat maan li kyunki wo abhi Bulbul ko naraaz kar apne khajane pe jokhim nahi mol le sakte. Chup chap, auto pakad kiya dono ne.

....

Idhar Bulbul office pahuchi aur seedhe Anamika ke cabin mei pahuchi toh paya ki wo gusse se aag babula ho yahan wahan ghoom rahi hai. Jab uski nazaar Bulbul pe pahuchi toh usne apni behen ko dekh muh bana diya.

''Ye kya tha Di?? Apne haan kar di, kyun?? You know na humei shadi nahi karni fir bhi, how could you!!" Anamika apni behen pe barsi, Bulbul ke shadi ke liye haan ne Anamika ka para chadha diya tha, kyunki wo kissi keemat pe shadi nahi karna chahti.

''Ana!! Baby calm down!! Tu bina poori baat jaane hi react kar rahi hai, pehle meri baat sun lo!!" Bulbul Anamika se baat karne ki koshish karti hai par Anamika kuch sunne ko taiyaar nahi thi.

''Nahi Di!!! Aapko haan nahi karni chahiye thi!! Wo dono sakal se hi loafer hai aur shadi ke liye unki tezi dekh ke toh mujhe doubt hai dono pe uspe wo humare unn bhikhari rishtedaaro ke recommend kiye hue hai matlab pakka jhol. Di aapne kyun haan kar di, hum Dad se baat karte na, unko mana lete the!!!" Apne chinta vyakt karte hue Anamika apni behen se boli toh Bulbul ne usse pass ki kursi pe bithaya aur pani pilai, wo samajh rahi thi Anamika ki chinta ko par usse apni yojna pe bhi pura bharosha hai.

''Ana pehle meri baat sun lo ek baar. I know tumhe uss dono ladko pe bharosha nahi, believe me mujhe bhi dono pe ratti bhar ka bharosha nahi par aab Dad bhi nahi maante issliye haan karni padi lekin tum dekhna, aab ye dono khud shadi ke liye mana kar denge ya shadi ho bhi gayi toh rone ke siwa dono ko kuch nahi milega!!" Apni yukti pe muskati hui Bulbul boli par iss se pehle wo Anamika se Kuch batati dono ladke chamak pade. Aab jab wo aa gaye toh Bulbul ne socha batane se aacha wo apni behen ko dikha hi de usne kya socha hai.

Bulbul ne dono ladkon se baithne ko kaha, dono utsukta se baith gahe, aankhe motiyon si achanak rahi thi, akhir unmei sapna jo tha Ek din issi office ke malik banne ka.

''Sapne maat dekho jo poore na ho sake!!" Bulbul ne jab ye kaha toh dono chauk gaye ki akhir usse kaise pata chala ve kya soch rahe hai.

''Tum dono ko toh lagta hai shadi ka shauk hai, bina shadi kiye maanoge nahi aur hum Shadi karna nahi chahte jiska ek karan ye bhi hai ki hum apne papa ko chor ke nahi jaa sakte kyunki unka humare siwa aur koi nahi jo khayal rakhe!" Bulbul ne apni chinta jahir ki toh Viren chup na reh saka.

''Koi baat nahi, hum aapki problem samajhte hai!! Aur..jaisa ki humne pehle kaha, hum aapke ghar reh sakte hai taki aapko apne papa se door na rehna pade, humei ghar jamai banne mei koi dikkat nahi hai air rahi baat humare parents ki toh unki chinta bhi maat kijiye, wo wahan aaram se hai, ek duje ka khayal rakhte hai aur  hum beech beech mei unse milne jaate rahenge.'' Viren ne jhat jhat apne patte bicha diye.

Anamika gusse se girai aur muh pher liya, mann toh kiya dono ko dhakke de ke nikal de par behen ki khatir Chup rahi.

''How sweet!! Bhale hi tum ready ho har chij ke liye par hum nahi hai, Dad humari baat manne ko taiyaar nahi issliye haan kehni padi par shadi se pehle humari kuch shartein hai aur agar tum wo shart maante ho tabhi ue shadi hogi warna nahi!!! And ofcourse tum iss shart ki baat humare Dad se nahi karoge, kyunki agar unhe Pata chala toh shadi bhool jao dono ko jail mei chakkiyan pidwaungi!!" Bulbul ne shart ki baat ek shart ke saath rakhte hue dono ko dhamkaya.

Dono ladkon ne ek duje ko dekha, dal mei kuch kala sa malum pada par socha jab muh ookhli mei daal hi diya hai toh dekh hi lete hai kya baat hai. Dono ne haan mei sar hi late hue manjuri aur aaswasan dono de diye.

Bulbul miskai,''Good!!! Yahi umeed thi tum Dono se!! Toh humari pehle shart toh yahi hai ki hum apne papa ko chor ke nahi jaayenge jo tum dono maan bhi chuke ho toh isse rehne dete hai!! Humari duari shart ye hai ki shadi ke badh bhi hum dono apna office sambhalengi aur tum apna sambhalo, na toh humein tumhare business mei koi interest hai aur tumhe bhi humare business mei koi interest nahi hona chahiye!!" Bulbul ki ye baat sun ladko ka phephra sikur gaya, business mei dakhal na dene ka matlab hai wo business ko spna nahi bana paayenge, bhala aise fir wo crorepati kaise banenge?

''Teesri shart!! Ye shadi sirf naam ki hogi kyunki hum sirf aur sirf apne Dad ke wajah se shadi kar rahe hai toh sirf logon ke liye hum husband wife rahenge Room mei humari apni personal space hogi!! Chauthi aur aakhri shart, hum aone personal life mei kya karte hai iss se tumhe koi matlab nahi hona chahiye, na hi hum kabhi tumse tumhari personal chij puch denge. Toh bolo agar ye shartein manjoor hai tabhi shadi jogi warna nahi!!" Bulbul ne spasth roop se bol diya.

Ladkon ke hakke bakke udd gaye! Samajh nahi paa rahe the ye akhir kaisi shart hai jismei unka koi faida hi nahi, dono kabhi ek duje ko toh kabhi ladkiyon ko tuk tuk dekh rahe the fir kuch soch Vineet ne ek sawal puchne ka izazat maanngi jo Bulbul ne bejhijhak manjur kar di.

''Humara business toh yahan hai nahi, hum bas aapse milne aur ek chhota kaam karne aaye the. Aab jab aap keh rahi hai shadi je badh hum business join nahi kar sakte toh hum karenge kya?? Aur, ek hi ghar mei, ek hi kamre mei shadi ke badh kab tak hum ajnabee ban ke rahenge?'' Vineet ne bare prem aur aadar se sawal pucha.

”jeevan bhar!!! Romance karne ke liye shadi nahi kar rahe hai hum samjhe!!! Shart manni hai toh maano warna nikal jao yahan se!!" Anamika, Vineet pe chillai toh wo apna sa muh le ke reh gaya.

Bulbul ne Anamika ko shant kiya aur samjhane ka jimma apne sar liya.

''Kuch karne ko na ho toh job dhundho ya ghar oe pade raho, tumhari marzi hai, iss se humei koi fark nahi padta. Rahi baat kab tak ajnabee rahenge toh wo tab tak jab tak hum iss shadi ko dil se nahi apna lete aur uska chance 0.000000% se bhi kam hai!! So, the decision is yours! Ya toh shart maano ya shadi se inkaar kar doh!!" Bulbul ne saaf saaf baat keh di, mann mei khushi ke laddoo phote jab ladko ko ashmanjas mei aur utra hua muh dekh ke. Bulbul ne Anamika ki aur dekha aur ek vijayprapti muskan di, Anamika bhi muskai, akhir shadi aab cancel jo hone wali hai.

Lekin kuch hi chann mei dono behen ki khushi lupt ho gayi, pehle jab office mei achanak Girish ji aa Sham ke aur dusri baar jab dono ladkon ne sharton ko maan Shadi ke liye haan keh di. Girish ji khushi se upar uchal pade aur dono ladkiyon ka dil baith gaya. Prateet hua, yahi unki zindagi ka wo din hai jo kaale aksharon se likha jaayega!! Aab toh sehnai gunj ke rahegi!!

......

To be continued...