Ladkiyan shadi ko raazi nahi aur ladke Inkaar karne ko aise mei kaise koi faishla ho? Bulbul Anamika tull gayi, aab toh kaise bhi shadi nahi hi karni aur ladkon ko bhagane ke ek se badh ke ek upai dhundhne lagi. Ladke bhi kam na the, baithe hi rahe, kuch hua tass se mass na hue.

''Dekho, aab bahut hua. Pyar se keh rahi hoon nikal jao warna ek baar hum apni pe utar aaye toh bahut pachtaoge. Dad ki baat ko tum dono jyada serious le ke yahan baithe rahe na toh wo haal karungi ki bahar jaane ka rasta bhi bhool jaaoge!!" Anamika ne dono ko dham kaya, kyunki aab yahi kiya jaa sakta tha.

''Arey, agar tum logon ko shadi na karni toh tum mana karo, hum kyun kuch bole? Humei toh karni hai issliye aaye hai aur haan bola hai. First thing first, jisko manjur nahi wo jaa ke bol de, hum kyun bure bane. Second, hum tum dono ko tumhari responsibilities ke saath apnane ko taiyar hai, aapke liye apna ghar chor yahan rehne ko bhi taiyar hai fir tum logon ko kya problem hai?'' Viren ne sidha sawal kiya, dono behno se darr ke thodi rehne wale the dono bhai wo bhi tab jab itna acha mauka mika hai ameer banne ka.

Iss se pehle ladkiyan kuch bole, Girish ji ghush gaye room mei. Asal mei wo bahar khade ho sab baatein sun rahe the aur galti se gir gaye andar ki aur. Lekin jab aa hi gaye toh ladkon ke taraf jaa khade hue.

''Beta maan jao na!! Itna acha rishta humei aur kahan milega? Ye dono kitne sareef hai, mere liye yahin reh jaane ko bhi taiyaar hai aur ek tum dono ho jo meri baat tak nahi sunti. Please beta, maan jao shadi ke liye!!" Girish ji ne vinti ki, ladke unhe itne bha gaye hai ki wo unko hi aona damad bana chahte hai.

''Nahi!! Inki baatein hi fraud wali hai!! Kaun sa ladka apna business, family aur freedom chod yahan aa ke ghar jamai ban ke rahega? I tell you papa, dono pakka fraud hai!!" Bulbul ne dono ladkon ko ghurte hue kaha, kyunki usne aaj tak kabhi itne sareef ladke toh na dekhe aur uske khayal mei hote bhi nahi.

''Aab chaho toh apni chachi se puch sakti hai, wo humei ache se janti hai!" Seena thokte hue Vineet bola kyunki Bindu toh usse janne ka aur uski saari baatein already bol chuki hai Girish ke samne.

''Arey unn se kya puchna, wo log toh khud fraud hai. Agar tum dono chahte ho hum tum logon ki baat maan le toh abbi apne parents se baat karwao aur apne passport dikhao. Jo agar ye dono chij kar paaye tum kog toh fir issu hafte mei shadi hogi!!" Anamika exclaims, khair badh mei wo baat palat sakti hai aur usse wo pata hai.

''Aur haan agar na kar paaye toh kabhi apni sakal maat dikhana fir!!" Bulbul ne dono ko ghurte hue kaha aur Girish se unhe le jaane ko kaha, Girish ji bina kuch boke ladko ko leke bahar chale aaye kyunki unhe lagane laga aab toh betiyon ki shadi ho hi jaayegi. Passport aur maa baap se baat karne mei tension hi kya hai, passport toh pass hi hoga aur maa baap se phone pe baat kar lenge.

Girish ji toh Bindu ke karjdaar ho gaye, saath hi aisa bhi mehsus hua aaj ka din bahut acha hai, aaj toh woh mandir ke saare bhikaroyon ko pet bhar khana khilayenge.

''Beta tum dono abhi hi apne parents se baat karwa do aur jaa ke apna passport le aao. Fir chat mangni aur phat byah karwa dunga tum logon ka. Haaye, ek baar shadi ho jaaye fir aaram se main world tour pe jaa sakta hoon!!" Hall mei ghushte hi Girish ji dono se bole.

Girish ji ki saari baatein ladkon ko galat lagi aur sabse galat unki world tour pe jaane wali baat lagi. Akhir beri ke shadi ke badh log char dham ki yatra pe jaate hai, world tour pe kaun jata hai?

''Shayad aap char dham ki yatra bolna chahte the!?" Viren ne Girish ji ko apna wakya sahi karne ka ek mauka diya.

Girish ji ne hansh pade,''nahi bhayi main world tour ki hi baat keh raha hoon. Aab main itna bhi buddha nahi ki char dham ki yatra pe jau abhi toh mere ghoom ne firne ke din hai. Aur fir meine mannat bhi mangi thi ki meri betiyon ki shadi hote hi world tour pe jaunga. Bas aab tum dono fatafat apne parents se meri aur unki baat kara do, chalo jaldi phone lagao!!" Atyant khush hote hue Girish ji aghra kiya.

''Uncle abhi kaise baat karaye, wo log office gaye honge aur maa kaam ke waqt koi disturbance pasand nahi karti.'' Vineet ne jhooth bol diya, aab sach toh bata bhi nahi sakta tha.

''Haan uncle, hum kal baat karwa denge aapki maa se aur kal hi passport leke bhi aa jayenge, chalega na?" Viren ne Girish se pucha jinke pass inkaar karne ki koi wajah na thi, wo khushi khushi raaji ho gaye.

Vineet aur Viren, muskurate hue Girish ko fir pranaam kar wahan se chale gaye. Girish ji gadd gadd rahe, ladko ke jaane ke badh apne kamre mei chale gaye, aaj wo sukoon se saara din soyenge.

Idhar Vineet aur Viren aab nirash ho chuke the, kyunki maa baap ka intezam toh wo kar lenge par passport kahan se laaye? Aaj tak kabhi unke pita unhe Lonavala ke aage na le gaye toh passport ki baat hi na aati hai. Aur agar wo nakli passport bana bhi le toh ek din mei wo mumkin hi nahi. Jiska sidha matlab ye hai ki unki shadi khatre mei hai aur saath hi ameer banne ka sapna bhi!

''Kitni nakchadhi hai dono behnein, apne paise ka ghamand hai, huhh!! Aur wo buddha, yahan hamare pass bagal ki mandir jaane ke paise nahi aur wo world tour jaayega, shadi ho jaane do usse toh main char dham ki yatra pe hi bhejunga!!" Gusse se lal peela hote hue Viren bola.

''Pehle shadi toh ho jaane de. Uss chhoti nakchadhi se na pair dabwaye meine toh dekha, bahut bolti hai. Sakal thodi sundar hai toh jaban uss se jyada badi. Par abhi kismat uske favour mei hai, lekin kuch toh karna hi padega humko aise hi ye mauka haath se na jaane de sakte hum.'' Gehri chinta karte hue Vineet bola.

Chinta kaise na ho akhir, par wo dono itni jaldi haar nahi manne wale hai. Kaise bhi ho kal tak passport aur maa baap dono ko taiyar kar lenge wo!!

...

To be continued...