Kathin shart in ke bavjood haan kehne pe ladkiyon ka dil baith gaya Par Girish ji ke khushi ka thikana na raha, unhe Pehle se bhi yakeen tha rishta pakka ho hi jaayega issliye mithai saath le ke chale the. Fir jaise hi haan suni wo khushi se paagal se ho gaye aur poore office mei mithai bantne lage, office wale bhi achambhit reh gaye, akhir aaj ye mithai kaise unke naseeb nei wo bhi dono kanjoos behno ke hote hue!? Kuch toh baat hai!! Kai ne Girish ji se puch hi liya karan toh unhone bhi bina hichak ke shadi ki baat bata di. Fir kya tha, khade khade office shadi wala ghar sa ban gaya, sab ek dusre ko badhaiyan dene lage, issliye nahi ki shadi taye hui par issliye ki aab unhe apne kanjoos boss sw chutkara milega aur wo do manmohik ladke jo unke saath aaye the unke saath kaam karne ka mauka milega.

Par Anamika bilkul khush na thi, usse sab kuch se sirf gussa hi aa raha tha aur sabse jyada Bulbul pe jiski wajah se shadi taye ho chuki hai, aab wo chah ke bhi kuch nahi kar sakti. Teevra nazar se apni behen ko ghoorte hue fir dono ladkon ko ghoorte hue wo wahan se chali gayi, kahan? Jahan gussa shant ho sake!!

Yahan Girish ji dono ladko ko palko pe bitha apne saath le gaye aur piche reh gayi toh Bulbul - akeli!! Jisse aab ye samajh nahi aa raha ki akhir aab sab hoga kaise? Wo kaise iss daldal se khudko aur Anamika ko bachayegi ya kaise iss rishtey ko sambhalegi? Waise toh wo janti hai un dono behno ke liye ye bas naam bhar ka rishta hai par iss naam ke rishtey ko bhi nibhana toh padega hi aur ye bahut muskil hone wala hai!!

Bulbul ne wk gehri saans bhari aur apne kaam mei masroof ho gayi kyunki jo hoga wo badh ki baat hai filhal kaam bhi toh dekhna hai!

....

Girish ji,  Vineet aur Viren ko mall le gaye aur sabse mehange kapde dilwaye unhe, saath hi jis chij pe ladkon ki nazar padi wo sab kharid gaye. Ladkon ne achai ka natak karte hue unhe lene se inkaar kiya par saath hi darr tha kahin Girish unki baat maan na le, Bhagwan ki kripa se aisa kuch nahi hua, Girish andhadhun saman kharid - te rahe aur unhe dete rahe. Wo dono bhi aati hui lakshmi ko samet-te rahe, maan gadgad tha ki akhir ameer toh hue, wo bhi aise ameer ki aab kaam bhi na karna padega bas ghar mei pade pade raaj karenge,sansaar ke saare sukh jis se wo aaj tak vanchit rahe usse bhogenge aur saath hi vyavhahik jeevan ka aanand lenge. Bhale ladkiyon ke abbi nakhre ho par wo Kab tak? Aaj ya kal ladkiyan inke Pyar mei padd hi jaayengi aur fir jo aaj tak unhone angreji filmo mei dekha hai wo anand apni biwiyon sang lenge.

Itna ye vichar hi dono ko mann hi mann gudguda raha tha. Aur dusri taraf gusse mei aag babula Anamika ne apne kamre mei tahalka macha liya toh naukaron ne Bulbul ko phone kar bulaya, akhir duja kaun sher ke muh mei haath daalega.

Bulbul apna saara kaam chor ke bhaggi bhaggi ghar aai. Dekha toh Anamika gusse mei baithi hui hai apne palang pe, kamre ka saara saman bikhra hua hai, har ek chij.

''Ana!! What is this!? Kyun itna gussa kar rahi ho?" Anamika ke pass jaati hui Bulbul ne sawal kiya aur uske bagal mei jaa baithi.

''Di!!! Main uss fatichar se shadi nahi karungi!! Aapko pata hai mujhe shadi nahi karni wo bhi ye ladke toh sakal se hi thug hai par Dad ko dikh nahi raha. Unke middle class rishtedaaro ne jo keh diya bas wahi maan liya unhone, par main uss se shadi nahi karungi, kissi keemat pe nahi!!!'' Anamika ne saaf inkaar kiya.

Bulbul ne pyar se Anamika ka haath thama,''I know Ana!! Mujhe bhi dono pe bilkul bharosha nahi par aab koi option bhi kya hai humare pass? I know mera plan bhi fail ho gaya, dono saari shartein maan gaye aur iss se pehle hum kuch karte Dad aa gaye aur sab gadbad ho gayi. Par aab bhi derr nahi hui, agar ye shadi ho bhi gayi na toh unn dono ko aisa sabak sikhayenge ki dono khud bhag jaayenge!!!" Badi confidence se Bulbul boli toh Anamika ne apni behen ko ghura.

''Please Di, main aapke plans pe bharosha nahi kar sakti. Bas kuch waqt pehle hi aapka ek plan fail hua hai, dusre pe yakeen karna khud ke pair pe kulhadi marna hai jo main nahi karungi so please, don't expect anything from me.'' Anamika ne saaf I kaar kar diya toh Bulbul ne ek gehri sans bhari.

''Okay then, agar tumhare pass koi aur plan hai toh wo karo, we will go with that par make sure iss se Dad ko koi dukh na ho. You know na Dad kitne pareshan hai humare liye, main unhe aur tensed nahi dekhna chahti. Ana, shadi main bhi nahi karna chahti par ye ladke at least humare hisab se chalne ko taiyaar hai toh I want to take the risk, baki tum dekho if we can escape!" Bulbul ne saaf se keh diya aur chali gayi kyunki iss se jyada wo akhir bole bhi toh kya? Apni baaton mei toh khud hi khash chuki hai wo, socha tha ladke shart sun ke shadi ke liye mana kar denge par wo gale padd gaye aur unke pita ke aaghman ne sab barbad kar diya, aab shadi karne ke siwa unke pass duja koi vikalp nahi hai toh shadi hi sahi!!!

...

Sham ka waqt, dono haatho se paise luta Girish ji ghar aaye, dono haatho mei jaane kitne shopping bags liye. Thak ke churr ho gaye the par betiyon ki shadi ki khushi hi kuch aur thi. Ghar mei ghuste hi betiyon ko bulaya, Anamika aur Bulbul itne saare saman ko dekh hairan aur pareshan dono reh gayi. Saman ko dekh kharche ka andaaja lagane lagi jiski seema kuch jyada hi nikli.

''Dad!! Ye sab kya hai?? Itni shopping kaun karta hai aur wo bhi ye saree aur jewelleries!?" Nirashapurwak Anamika ne muh banate hue aur shopping bags ko khol ke dekhte hue kaha toh Girish ji hans pade.

''Beti ki shadi hai, kya itna bhi kharcha na karu main? Beta ek baap ke liye iss se bada koi din nahi jab uski beti ke haath peele ho, sach kahun toh aaj pehli baar tum dono ke iss decision pe mujhe itni khushi ho rahi hai ki baya nahi kar sakta, I am so proud of you two!! Aisa lagta hai, sansaar ki saari khushi tum dono ne mujhe samet ke de di hai!!" Apni khushi prakat karte hue Girish ji bole, unki aankhe chalak aai.

''Dad!! Aab aap Kyun ro rahe hai? Aapko toh khush hona chahiye ki humne aapki baat maan li, aab ye aansu kyun!?" Apne pita ke baju mei baith-ti hui, unke kandhe pe sar rakhte hue Bulbul ne pucha.

''Ye toh khushi ke aansu hai bache!! Mujhe toh lga tha tum dono inko bhi bhaga doge issliye bhag bhag ke office gaya par main galat tha aur iski bahut khushi hai mujhe. Mera barso ka sapna aab pura hone jaa raha hai, dekhna itni dhoom dham se shadi karunga dono ki ki pura seher dekhte reh jaayega. Meine toh sab soch liya hai aur tum dono aache se samajh lo, ek nahi sununga main tum dono ki jee khol ke kharcha karunga, khabardaar jo roka hai mujhe!!" Apni khushi baya karte aur dono ko chetavni dete hui, khilkhikate hue jab Girish ji ye bole toh dono ladkiyan bhi muskura padi.

Anamika ne waise toh than rakhi thi ki shadi ke liye inkaar kar degi Par apne pita ke chehre pe khushi dekh uss se kuch bola na gaya. Vichar aaya ki jab unke pita  ne unke liye aaj tak itna kuch kiya hai toh kya wo unki khushi ke liye apna mann maar shadi nahi mar sakti!? Nahi, wo apne pita ka dil nahi todegi, unke chehre ki khushi nahi jaane degi wo chahe shadi karni pade. Yahi soch wo chup reh gayi par kharche ki baat sun fir chijein dhundlane lagi, itna kharcha toh wo na karengi shadi mei wo bhi jisne mayne nahi uske liye.

...

Yahan Vineet aur Viren bhi haathon mei shopping bags liye ghar mei ghushe toh unke pita ke dono kidney mei heart attack sa aa gaya. Dono awara itna kharcha kaise kar aaye? Aur inke pass itne paise aaye kahan se?? Kahin unke dukaan ka galla toh saaf nahi kar diya? Ya unki patni ke gehne toh na bech diye dono ne!? Haaye, ya kahin daka hi toh nahi daal diya dono ne!?

''Kahan se lagaye ye sab? Itne paise kahan se aaye tum dono ke pass?" Unche swar nei Rastogi ji ne apne beton se pucha.

''Arey papa aam khao na gutliyan kyun ginte ho!!" Viren ne bade aaram se kaha toh Rastogi ji gussa ho pade.

''Jitna pucha utna jawab doh samjhe, jyada hoshiyar maat bano dono!!" Gusse se chillaye.

''Toh jawab ye hai ki hum aab ameer ho chuke ke, itna paisa hai aab humare pass ki khade khade aapko kharid le aur aapke iss bhoot bangle se bhi bada ghar hai aab humara toh, kul mila ke baat ye hai ki aab do char din mei hum dono aapke iss gareeb khane se jaane ko hai toh tab tak jitni kar sakte ho utni sewa kar lo humari toh kya Pata hum taras kha ke do char crore Yahan chor jaaye!!" Bade ghamand ke saath Vineet bola toh unke maa baap hans pade.

''Sukra hai bhagwan ka ki tum dono yahan se jaoge warna humei toh laga jeevan bhar tum dono ka bojh uthana padega par aab bas do char din ki baat hai, sahi hai. Ache se packing kar lo aur mukti doh humei aur haan wo do char crore se khudke liye hi kuch le lena, humare liye toh tum dono jaaoge  Yahi kharbo ki sampatti hogi!!" Itna kehte hue dono miya biwi apne kamre mei chale gaye, tamtamate hue Vineet aur Viren bhi. Par mudde ki baat ye hai kya sach mei wo ameer hone ko hai!?

....

To be continued....