1. Ilang taon ka nang Wattpad Ambassador at saang team ka kabilang?

Mahigit isang taon na akong Wattpad Ambassador at kabilang sa Stories Team na may tungkulin bilang isang Reader na natasang maghanap ng mga kuwento para sa bawat Reading List ng Profile.

2. Bakit mo napagdesisyonang maging Wattpad Ambassador?

Kuryosidad ang unang dahilan kung bakit ko ginustong maging Ambassador. Nahumaling kasi ako sa mga ginagawa nila para sa kumunidad at sa platform kaya naman naisipan kong subukan at nagnanais na sana ay magawa ko ring maging daan at inspirasyon sa iba.

3. Ano ang pinakamasaya at pinakamahirap na parte ng pagiging Ambassador?

Ang pinakamasayang parte ng pagiging Ambassador ay ang pagkakataon na makasalamuha at makilala ang iba't-ibang tao mula sa iba't-ibang antas ng buhay at panig ng mundo. Samantalang ang pinakamahirap namang parte ng pagiging Ambassador ay ang time management. Hindi madaling balansehin ang oras. Minsan marami ring distraksyon, ibang tugkulin at gawin na kinakailangan ng atensyon.

4. Maari mo bang ibahagi sa amin ang isa sa hindi mo makalilimutang karanasan mula nang ika'y maging isang Ambassador?

Madami ang pagbabagong naganap sa platform pero isa sa hindi makakalimutan ay noong maging parte ako ng Data team. Ito ang aking unang grupong napabilangan, nakasalamuha at nakilala. Hindi ganoon karami ang mga miyembro ngunit approachable at attentive ng mga leaders at senior members..

5. Ano ang iyong mensahe sa lahat ng Wattpad Ambassadors o payo sa mga nais mapabilang sa atin sa hinaharap?

Sa mga kasalukuyang Ambassadors, patuloy sana tayong maging gabay at inspirasyon sa ating mga kapwa manunulat at magbabasa. Higit pa sa badge o titulo, ang mahalaga ay ang bukal sa loob na pagbibigay ng oras at malasakit sa kapwa. Sa mga nais maging parte ng Ambassador, maging bukas para matuto, magpakumbaba, at laging tandaan na bawat maliit na kontribusyon ay may malaking epekto sa ating komunidad.

FIVE FUN FACTS / TRIVIA ABOUT YOU OR YOUR STORIES:

1. Pisces ♓ Dreamer

2. Lover of Anime/Manga

3. Mythology Aficionado

4. Dessert-Loving Writer

5. Fantasy Storyteller