Sa isyung ito, aming kinapanayam sina marialea, floeful at aira_irish.

Sa dulo ng kabanatang ito, ifi-feature din namin ang WattpadFilipino!

---

Si marialea ay isang dalawampung taong gulang na estudyante-aktibista at manunulat mula sa Makati. Siya ay kasalukuyang nag-aaral ng kursong Agham Pampulitika sa Unibersidad ng Makati bilang iskolar. Nagsimula siyang magsulat sa Wattpad noong 2015 at naisapubliko ang kaniyang akdang 'Bleeding Love' noong 2020.

>>I-click ito upang mabasa ang interview ni marialea.<<

Si floeful ay nagsimulang sumulat sa Wattpad noong Setyembre 2015. Kung hindi siya abala sa writing commissions at sariling school works, siya ay nanonood ng mga TV series at pelikula. Hilig niyang ikuwento ang istorya ng mga ordinaryong tao – iyong tipo ng mga taong maaaring makasalubong sa daan o makasabay sa jeep – sa pamamagitan ng kasalukuyan (at medyo kakaiba) niyang istilo ng pagsulat. Maganda rin ang kanyang panlasa sa musika (sabi nila) kaya madali siyang nakahahanap ng mga kantang tugma sa mga eksenang kathang-isip niya.

>>I-click ito upang mabasa ang interview ni floeful.<<

Mahilig magbasa si aira_irish ng mga libro at manga. Ang kanyang pagka-akit sa pagsusulat ay nagsimula nang mabasa niya ang isang fanfiction nina James Reid at Fretzie Bercede mula sa PBB na humihimok sa kanya na lumikha ng kanyang sariling fanfiction.

>>I-click ito upang mabasa ang interview ni aira_irish.<<

Profile Spotlight: Wattpad Filipino

Sa buwan ng Abril, malugod na ipinakikilala ng Newsletter team ang WattpadFilipino para sa ating profile spotlight. Ang WattpadFilipino ay ang opisyal na profile na naglalayong ipakita ang iba't ibang mga oportunidad para sa mga Pilipinong manunulat. Dito matatagpuan ang mga impormasyon ukol sa Paid Stories at Wattpad Stars pati na rin ang mga reading list at writer spotlights upang ikaw ay madiskubre ng mga kapana-panabik na mga kuwento at mga bagong manunulat. Para sa iba pang impormasyon, mangyaring i-follow ang profile na ito.