ABI 'TA SANG UNA

Abi 'ta sang una,
Ang paghampang tuman gid sang kasadya,
Apang subong daw naglain na,
Kay ang paghampang sa pagpalangga, kasubo gali ang balos nga dala.

Abi 'ta sang una,
Lango-lango lang ang paglahog ukon pagpanuya,
Apang waay 'ta gali natulupangdan,
Naga-kasakit na kita balatyagon sang iban.

Abi 'ta sang una,
Masadya kung magtigulang ka na,
Apang waay 'ta nabal-an ang dala sini nga kabug-at,
Sang dako nga responsibilidad nga aton man gali igahakwat.

Abi 'ta sang una,
Libre lang pangayuon kon ano aton gusto,
Apang waay gali kita nakabalo,
Nga ang ginapangayuan naton 'ga problema man kun paano ihatag ini sang sakto.

Abi 'ta sang una,
Ang pag-eskwela dapat waay gina seryoso,
Asta sang nahibaluan ko,
Kabudlay ang sitwasyon kung waay ka tinapusan kag kamo pigado.

Abi 'ta sang una,
Mahapos lang ang mangita ubra,
Kag mag-sweldo sang dako, sa kinsenas kag katapusan,
Apang daw kaangay gali sang baybay, waay kita kabalo sang aton nga kapalaran.

Abi 'ta sang una,
Pagkatapos gradwar sa kolehiyo,
May obra na dayon nga gahulat sa imo,
Ay abaw! Matulo pa gid gali balhas mo,
Antis ka makakuha sang obra nga sigurado.

Abi 'ta sang una,
Sa sagunson ta nga baka-baka,
Mahapos lang magsulod sa mga obra,
Bisan may madamo ka nga bentaha.

Abi 'ta sang una,
Mahapos lang ang tanan makuha,
Apang iba gid man gali ang sang una,
Sa tulad nga tigulang na 'ta. 

©️Phiemharc