Ey! Rakonte se vann, plenyen se mande.

Ey!! Wi, ou menm menm lè w pa konn bagay moun poukisa ou foure de dan devan w ou ladan l.

Ey!! Avè w map pale, ou menm kap di li te ka chèche yon lot bagay pou l fè a, ou nan plas li, ou konn sa l eseye deja... Tande byen si w pa blese nan lang kòman wap fè konnen gou san.

Ey! Ou menm sa wi, ou se pitit madan lonè respè, mwen menm mwen se pitit sòyèt kote m tap jwenn soulye po pistach pou m al nan palè nasyonal.

Ey! Wi, kiyès ankò ou wè yon lòt, pale nasyonal saa, nan bout tè Dessalines nan si nou pa pote pou li rete gade pou w wè si nou pap trennen pou li.

Ala kote moun yo ka radote nan sa ki pa regade yo papa, yo pap baw moso manje men kanta pou koze ya se ou ki  pou mande padon.

Vini, parèt tèt aw non, ou mèt mèt parèt tout kò w, se ayiti ou ye, nan pòtoprens ou ye, site solèy ou ye menm, vinn gade, vinn tande avè m.

M swete nou t byen li, e nou kòmanse konprann tou.

Randevou a kase pou premye pati a .
Mwen renmen nou tout alawonbadè! Gwo chapo ba pou nou!! 😍😍😍💞💋💋