- O Bondye papa! Gade mizè m non. Ou pap di yon mo pou mw. Ou kwè map ka sipòte, mwen bouke wi mwen menm.

Se konsa Perla tap parle nan kè l pandan li tap desann nan projè pou l'al chèche yon lavi lakay gwo madanm,  machann manje a.

Sou wout la, li te oblije wete sandal nan pye l paske lapli te tonbe ayè. Se vre atè a plen labou, men li prefere mache ak dis ti poul li ladan l' paske li fè tankou yon pat. Si li gen malè rantre pye l ak sandal lan ladan l,  sandal lan ap rete e lap kase. Sak nan pyel lan se paske mwen pa jwenn yon lòt non kifè mwen rele l sandal, madanm lè m di w saa li tèlman koud li pa kapab ankò tout kòdonye remèt li a ses parents,  se yon gwo va zepeng ki kenbel.

-Bonjou Gwo madanm.

-Bon ou kòmanse jèn fanm, lontan ou te konn vin la bonè, kounya se lè ou vle ou vini.

- M te rete voye je sou Babas, yè swa li te dòmi ak lafyèv.

Babas se ti sounon Sébastien ti frè li an ki gen se tan, li gen yon ti sè tou, Anathaëlle,  li gen trèzan. Pou m byen dou w se Perla ki manman yo paskeu se li ki  pou mache fè tyoul tout manchann manje, tout lòt moun ki bezwen sèvis pou li ka jwenn kichòy pou li pote nan kay la.

Manman Perla menm gen 40 tan,  li pòtre yon ti jèn fi 15 zan paske se tankou ti demwazèl li abiye, granmoun kou timoun rele l granmoun kannay. Li gen twa pitit sak mouri yo pa konte, ni sa li jete yo tou e menm saa li bay nan krèch pou yo ka adopte yo. Sak bèl la yo chak pou yon papa e yo pa menm konn papa yo. Se sak fè yo rele yo poukili. Manman Perla se chita la, pa chèche anyen pou l fè, valye tafya, fimen, mache pran nèg pou ou okipe l kou yo fin lage yon pè gwos nan men l yo bat  dada yo epi di ke bebe ya pa pou yo.

- Perla vin ou al graje kokoye saa pou mwen,  fè rapid ui,  talè pwa pral sou dezyèm bouyon di gwo madanm

- Ey gwo madanm, depi talè map bouske graj lan m pa ka jwenn li non

- Men graj lan dèyè panye a wi ti fanm. Je w se nan dèyè w li ye

Perla ap gwonde tankou tankou loray,  men li pa ka bay replik li pa goudougoudou e ki ka l si gwo madanm di l pa mete pye l la ankò.  Li oblije pran bal li o fon men se pa kase li pa ta kase met nan men gwo madanm non. Perla manje dan😬😬.

Ey! M rete kwè ou te byen li e ou te konpran tou..  Map tou profite eskize m pou gwo mo ki gen dwa pati e ap genyen.. Men map fè tout efò m pou m ramoli...

Randevou a kase pou pwochen pati a.
Mwen renmen nou tout...  E nou konnen kòman pou nou montre m nou renmen m'😍😘😍💖