Pandan Perla ap parèt ak manman l,  li jwenn Naël enkosolab k'ap kriye epi li wè Babas blayi atè a,  yon liyn san anba do l. Perla pa konprann sal wè ya. 

Sezisman pe touye malerèz la jodia.

-Non,  non, non pa saa pa saa,  sam wè la,  mezanmi rèl kay makorè l pou Perla.

    *************************

Pandan yon minit,  Perla ap repete yon sèl bagay kote Babas la.

- Non, non,  pa saa...  Babas men manje a wi.
Li pa ka kwè sa l wè ya.

Pandan setan vwazinaj ap fè tout sa ki posib pou fè manman Perla reveni.  Yo grate anba pye l,  yo ba li alkòl,  yo ba li kanpe lwen,  yo menm eseye balèn limen,  tout saa yo fè, nada. Madanm nan pa deside reveni non mesye.  Pinga li mouri se wè yo pa wè saa non.

Deyò a menm Perla ak Naël bliye manman yo,  se kote Babas la yo rete. Perla menm ap sekwe Babas kòmsi se dòmi li tap dòmi pou li reveye.

An de twa mouvman, Perla voup li leve,  li siye dlo ki tap soti nan je l',  li tankou yon moun bon anj li kite, ou pa ta di se anba dlo li soti,  tèlman ou santi li pa la,  li fayaya,  podyab ti kòmè a, li pèdi kontwòl reyalite.

Naël toujou ap kriye,  sèt fwa si se pi rèd lè li wè sè a leve konsa,  li rele pi fò.

Moun ki te la kouri vin kenbe Perla,  sak pote te vèvenn pou li, gen saa ki pote lwil doliv kri pou li ak sèl,  genyen ki pote kafe anmè,  genyen menm ki menm pote siwo kann pou li ak Naël. Si vwazinaj gen anpil defo,  men yo se bon moun tou,  se sa ki fè yo di vwazinaj se dra blan. Perla pa menm okipe yo menm.

- M pa vle, m pa genyen, m pa sezi non, dekwè maten an Babas te byen pwòp, ti lafyèv saa li te genyen nan san l lan, te preske fin tonbe avan m te soti a..

- Menm si ou pa gen anyen bwè te a non Perla, reponn Tant De.

- Naël,  Naël wi, saw genyen wap ouvri dan w fò konsa.  Ou genlè panse Babas mouri.. Ebyen lanmò se yon blag vre. Epi tant De, m pap bwè te tande, m pa malad, di Perla avek yon ton ki di ou gen enterè pa pèsiste, m ka manje w wi.

- Sa Perla ak ranse la, ou gen lè fou ou pa wè l mouri ou menm ou pa wè ak de je nan tèt ou, reponn Naël.

-Kisa wap di konsa tifi, se saa ou ta renmen pou li.  Kote manman m? Reponn Perla san bay sa Naël di ya enpòtans.

-Li andann,  yap gade si li ka reveni.  Li poko janm bon non,  reponn madan Semira.

-Kisa? Madan Semira pinga manman m mouri wap kache m saa non. Li tèlman pa fè respè l.

Pandan yap pale konsa se konsa jis de pè,  lapolis ak kèk lot moun pami  yo yon doktè  lejis ap parèt.

Kè Perla kase voup! Bon nanm li tou rantre sou li ansanm ak moun yo,  li sot tonbe pip.  Perla kòmanse rele, li kòmane djaye, a mezi moun ap parèt,  perla andyable tèlman li rele, ou pa ta di se vye machin ki gen sirèn yo pou nenpòt ti blokis kòmanse karyonnen nan tèt ou kòm kwa yo prese ou menm ou se epav. Lè manifestan boule yo tou oubyen kraze vit yo ou pa ka di ben pa di mal.

Mezanmi, men yo al chèche kòd pou yo mare Perla wi paske se so periyè lap fè, leve kò l frape l atè. Ala traka papa, bon li pa santi l'.

-Non se pa vre,  manti nou fè,  ti frè m nan pa ka mouri,  ti frè cheri m nan wi,  papa m nan wi,  ti baz mwen an wi,  o o o nou tap ri m,  kisa Babas mouri...  Anmwey! Map fout tou mouri sou kont  nou wi, no w pa kale m Babas pou  nou wè sa ki pral gen la di Perla.

Se nan moman saa jis lan ap fè vire mò a, poze moun ki te la yo kesyon e yap reponn. Yo flank Perla kat doub kò pou li pa ka bouje, li tèlman rele li gentan anroche.

- Madanm kòm ou rete an fas lan rakonte nou sa ki te pase mande jij la.

-Mwen menm mwen se Tant De, se nan zòn nan mw rete e se lan menm tout timoun yo fèt, pou m byen di w pitit gasonm nan manman yo toujou nan kont ak chen mechan.

- Kiyès ki chen Mechan ? koupe jij lan

- An, se chèf zòn nan wi, se li ki fè la lwa bò isi ya, sa l di se saa, men bon non li Junior, se pitit kòmè Elira

- M konprann, dim sa ki te pase .

- Kisa nou tap di ankò pitit mwen. Ah wi, m sonje. Wi, men manman Perla se yon drivayès li ye, se kliyan l mouche ya ye tande pitit mwen, kounya li nan fè jalouzi pou li men chak lè se konsa. Se yon lanmou chen ak chat. Pye mouche lejè ni pye madanm tou. Ou kwè ou konprann mwen. Lè chen mechan pran l se touye tèlman li bat li men li pa tande yi li pa tande la se anba l li vle rete. Kounya li menm nan fè kriz jalouz li, li rive al kalonen kay yon lòt ti kòmè mouche a genyen anba wòch. Sa ki pral eneve mouche jis pou li chaje revolvè l pou li ka gaye sèvel manzè, malchans pa ti pitit la, podyab se yon yon ti pitit wi, li tande zen an lap kouri sot deyò pou l vin pran manman an, mouche a pa menm byen gade li  panse se madanm lan, li fout ti pitit la 4 katouch, podyab. Adye Bondye! Lè li wè se pa madanm nan , li tande vwa l anlè a, e li sanble yon moun ki sòt fimen, li monte pi wo a li jwenn madanm nan li bat li twa ka mò se moun yo ki fè li pa tiye l frèt. Pandan nap pale la si li pa mouri se mizerikòd Bondye ou kwè  ou tande sa m di w lan.

Se konsa yon rèl pete anndan. Tout moun pantan. Bon sou sa ki gen la, sak do gen la ankò. O o o o o! Mezanmi tande de problèm... Tout moun ki te deyò a kouri al gade sèlman Perla ak Babas ki rete sou plas, bon youn nan kòd lot la mouri kòman yo tap fè al gade la menm, pòv.

Onè mesye dam la sosyete se toujou yon jwa pou mwen pou m pase la. Tout moun m mande nou souple pou nou rete vijilan pou Irma. Prekosyon pa kapon! E se mèt kò ki veye kò.

Mèsi a tout moun ki te li, kòmante, vote.

Randevou a kase pou yon lot chapit.