Perla ap gwonde tankou tankou loray,  men li pa ka bay replik li pa goudougoudou e ki ka l si gwo madanm di l pa mete pye l la ankò.  Li oblije pran bal li o fon men se pa kase li pa ta kase met nan men gwo madanm non. Perla manje dan😬😬.

        *********************
Anmwey!  Anmwey!  Mezanmi lavwazinaj,  pote m sekou non!  Men mouche a soti pou l touye m wi

- Aaa,  sa kap pran fi saa lè saa, anyen li pa genyen non pasan 1

- Twòp lajan gason li manje mal wi,  li resi jwenn ak zo grann li pasan 2

- Kèk bous li bezwen pou l vòlò ui,   pasan 3

Saw tande a,  kafou a te kòmanse plen moun,  granmoun kou timoun,  jèn fanm tankou jèn gason tap pwoche pou vin wè, vin tande sak genyen.  Yap pale,  sa kap joure,  genyen ki pase ki tchipe,  genyen ki menm di se paske pa gen chèf nan vye peyi saa ki fè aryen nafè saa yo ap fè bri nan lari a konsa, anmegde lespri moun,  gen youn ki pi anraje,  li mande pou yon machin pèdi ray konsa li ta pete fyèl enpe retire enpe parazit nan je moun,  salopri saa yo pa ta sipoze ap viv pami moun.. Tchouppp

Se konsa Perla vinn ap pase,  pa te gen lavant jodia pou gwo madanm, se byen ta Perla fin foubi chodyè yo, lave veso yo, bale sann dife a e jete fatra.  Men jodia li ri jòn,  perla wi atò paske tout saa ki pa bon pou youn li bon pou yon lòt,  lè gwo madanm pa vann konsa Perla jwenn manje pou l manje e pote lakay li a gogo.

- Perla,  perla wi,  tifi saa soud kounya. 

Perla tap pase bò foul moun nan,  men li pa menm prete atansyon,  paske li prese alowè Babas gen dwa poko goute dlo sèl. Se konsa li tande limena yo bay pou Sara kap wouke l tankou yon chen fou.

- Men mwen wi Sara,  m achte kredi nan men w reponn Perla

-Pito se nan men m ou te achte kredi,  lè konsa m tap gentan rich tout an griyen dan Sara tap reponn li

- Sara pale cho,  m prese pitit

- Se manman w wi ki atè a,  kap radote tout sa li pa bezwen.

- Manmanm wi,  ou di,  sezisman

- O o o sam wè nan men w la pou m ta ap depale la

San tann yon mo Perla kòmanse ap dechire foul lan pou l pase,  yo pa vle ba l pase,  li tonbe kriye,  di se manman l,  se lè saa yo fè yon ti louvri pou l ka pase. Li sezi,  li jwenn manman l plen san sou li,  li sou kou kochon.

Anmwey,  rè l pi red,  manman l ap joure,  li pa menm ka pale,  se lè saa manman di se chen mechan ki bat li,  mèt peyi a,  chèf gang nan katye a.  Perla ap rele,  li fè yon moun ede l pote manman l pou al mennen l lakay.    Pwoblèm pi rèd manman l pèdi konesans.

- Pandan Perla ap parèt ak manman l,  li jwenn Naël enkosolab ap kriye epi li wè Babas blayi atè a,  yon liyn san anba do l. Perla pa konprann sal wè ya. 

Sezisman pe touye malerèz la jodia.

-Non,  non, non pa saa pa saa,  sam wè la,  mezanmi rèl kay makorè l pou Perla.

Bon sak gen la? Pinga Babas ak manman Perla tou mouri non.

Ou panse yon bagay ou menm?

Dim non,  ou mèt pale

M espere nou t byen li,  e nou t satilfè😂😂😂.  Mwen renmen nou tout,  epi pa bliye montre m lanmou nou💖💖😍😍😍p
Randevou a kase pou yon lòt pati.