"TAKBO MGA REPA!" Sigaw ni Jimin kaya naman agad nagtatakbo ang anim pa niyang mga kaibigan.

Silang pito ang dahilan ng traffic ngayon, nang may dumating ng pulis ay tsaka palang sila tumakbo papunta sa kanilang sasakyan na si Jin ang nagdadrive.

Gangster? Hindi. Ginagawa lang talaga nilang pangpaalis ng stress ang panggugulo sa kanilang syudad, walang kakwenta-kwentang stress reliever pero doon sila masaya, hindi man tama ang ginagawa nila pero iyon ang nagiging dahilan para mawala ang mga isipin nila.

Nagtatawanan at naghahagikgikan pa sila habang pinapaandar ng mabilis ni Jin ang kanilang sinasakyan, itinaas pa ni Yoongi ang middle finger niya kaya naman nakigaya pa ang iba sa kaniya. Mas lalo silang natawa ng makita nilang nabangga ang isa sa mga sasakyan ng pulis dahil masyado silang nafocus sa ginawang pagmiddle finger ni Yoongi.

"Phew! Akala ko mahuhuli nila tayo." Natatawang sabi ni Taehyung ng umupo sila sa kanilang kuta, walang nakakaalam ng lugar na 'to bukod sa kanilang pito. Abandonado na kasi ang ibang nakapaligid sa lugar na 'to kaya akala ng iba ay wala ng nakatira dito.

"Hindi yan! Tayo pa ba?" Natatawang sabi ni Jungkook bago niya inakbayan si Jimin, napatingin ang ilan sa kanila pero hindi nalang din nila pinansin dahil sanay naman sila sa pagiging close ng isa't-isa.

Napayuko si Jimin bago siya awkward na umupo gilid ng inalis niya ang pagkaka-akbay ni Jungkook sa kanya, nagtataka namang napatingin si Jungkook bago siya napakibit balikat nalang ay humiga sa hita ni Yoongi.

Napansin niyang masama ang tingin ni Yoongi sa kanya pero hindi nalang ulit siya kumibo dahil mukhang lagi naman iyong badtrip kahit kaylan.

"Guys, punta tayo dito ah?" Nakangiting sabi ni Jin at pinakita niya ang litrato ng isang dagat.

Tumango si Hoseok sa kanya, kaya naman pinakita rin niya larawan sa iba at tumango naman sa kanya ang ilan, napansin ni Jungkook ang sinisindihan ni Yoongi na lighter at natatakot siyang baka masunog nito ang kanyang buhok kaya naman hinipan niya iyon.