"Yaar apna volume apne tak mehdood rkh!"

Hum saary Ludo khel rhy thy bary kamry mein or Junaid Bhai Jameel ko daant rhy thy. Qasam sy yeh larka kabhi apna loud speaker nhi band kry ga. 

"Aahista bol le Ammi Abbu uth gai na toh hum sab ki shaamat aa jai gi,"  Shehzad Bhai boly or apni baari li.

"Chy or paanch," Shehzad Bhai boly or apni goti rakhi board pe. "Cheater Chorr! Chy or teen aya hy Shehzad Bhai apka," Maryam boli.

"Yaar chy paanch aya hy mera!" Shehzad Bhai ne kaha. "Na jee na! Shehzad Bhai jhoot na bolein chy or teen ay hy apka," Mene kaha.

"Mene bhi dekha hy Shehzad. Chal ab chup kr k goti peachy kr le," Junaid Bhai ne kaha. 'Ludo mein cheating na ho toh mzza kia?" Shehzad Bhai boly or aakhir kar goti peachy kr hi li.

Ludo or Carom me mein hamesha jeet ti hun. Or jysy Shehzad Bhai ne kaha k Ludo cheating k bagair mzzy ki nhi, mein bhi issi cheez ko maanti hun.

Kiun k mein jab se game shuru hui hy, mein cheating kr rhi hun.

"Y/n jeet rhi hy," Najam Bhai boly. "Zahir si baat hy, konsa Jameel ny jeet jaana hy," Mene kaha. "Aapaa aj toh mein hi jeetun ga!" Jameel cheekha.

Or phir mene de rakh kr uss ki garrdan ky peechy aik thoki. "Yaar Aapaa haath haula rkha kro!" Jameel ny shikayat ki. "Aahista bol ly warna ab munh par thokun gi mein!"

"Acha na...Sorry! Please!" Jameel bola or ghareeb maskeen jysi shakal bna li. "Acha na...chal mera pyara Bhai. Game khatam kro," Mene kaha or Jameel ko aik jhappi daali or game jahaan chori thi wahan se start ki.

Aakhir me meny hi jeet na tha. Dusry number pr Najam Bhai, teesra Jameel or Shehzad Bhai loser! "Ha! Mein jeet gai!" Mene kaha. "Konsi anokhi baat ki hy Y/n?" Shehzad Bhai boly.

"Yaar Jahangeer, Taemoor, Laraib or Huzaifa to so gai hyn," Jannat Aapaa bolien. 

"Toh?" Junaid Bhai ne pucha.

 Mano ya na mano Aapaa k dmaag me na koi automatic badnaami ka keera lga hua hy. Kabhi kabar dil krta hy k spray kr k na saara keera bahar nikal dun. Lekin phir khiyaal ata hy k yaar shugal kysy lgy ga.

"Aapaa yaar koi fazul chuss na maarna," Mene kaha. "Yaar plan chal rha hy dmaag mein, khraab matt krna," Aapaa ne kaha. "Toh phir kia krna hy?" Namra kehny lgi.

"Aagy aagy dekho hota hy kia," Aapaa bolein or bag mein se baramad kia marker or lipsticks. "Or Read krny waale Nazreen yahan hota hy saara kaam shuru.

----------

"Najam Bhai or Jameel yaar hansna bandd kro!" Namra boli. "Mein bhi tumhara bara Bhai hun!" Jameel bola. "Acha chal, Bhai Behan baad mein khel lena abhi kaam pe focus kro!" Junaid Bhai usy boly.

Aik marker mery haath mein tha or mein Jahangeer k munh par drawing bna rhi thi. Allah ki kasam buri nhi bna rhi thi. Najam Bhai Huzaifa Bhai k munh par apna hi koi aafsaana likh rhy thy toh Jannat Aapaa Taemoor ka makeup kr rhi thein.

Toh yeh Namra, Jameel or Junaid Bhai Laraib ka masterpiece complete kr rhy thy.. 

Taemoor puri ki puri larki lg rha that or Jahangeer aik khubsurat nzaary se paint hua wa canvas. Huzaifa Bhai toh choory lg rhy thy jb k Laraib ki toh shakal...Astagfirullah!

Hm ny camera on on kia or video stand pr rkha.

"Assalam O Alaikum naazreen. Mein apki maizbaan Jannat Bhatti!" "Or mein Y/n Bhatti!" "Ap sb ko khush aamdeed krti hyn aj k show Na Maalom Cheezon mein."

"Aj humaary saath hyn Junaid Bhatti or un k dost Jameel or Najam Bhatti. To yeh btaien hazraat k waqai apko Mummiyan mili hyn. Mera matlab asli waali," Mene pucha or Jannat Aapaa ne  camera unki taraf kia.

"Jee Asslam O Alaikum! Mein hun Jameel Bhatti apka mehmaan aj k show mein. Jee yeh waqai sach hy k hummein Mummiyan milli hyn. Yeh koi aam Mummiyan nhi hyn balky bht unique Mummiyan hyn" Jameel bola.

"Toh yeh kb or kysy millien apko?" Jannat Aapaa ne pucha.

"Jee yeh hm kuxh dino pehly Egypy gai thy. Toh abhi wahan ki sarkein ban rhi thein. Side par aik bara sa gehra chappar tha. Chappar mein bht se daddu or piddy daddu bhi thy. Humny jb chappar mein jhaanka toh yeh Mummiyan un mein doobi hui thein." Junaid Bhai apni hassi rokty huy boly.

"Phir hm unhe utha kr Lahore le ai. Bechaaron ki shakal gareeb maskeeno wali lgrhi thi. Hummy bhi tarss aa gia tha." Najam Bhai kehny lgy.

"Zara unki shakal toh dikhaien," Jannat Aapaa ne kaha or mene camera un bhoot banglon ki taraf ghumaya.

"Astagfirullah! Yeh pehly wale toh aesy lg rhy hyn jysy unhe unki biwi ne sahi unki channd parade ki ho," Jannat Aapaa ne Huzaifa Bhai ki taraaf ishaara krty huy bola.

Jameel ka bacha hansi jaa rha tha. Or wysy uss ki bhi galti nhi hy kiun k chaaron lg bhi bary pairry rhy thy.

"Or yeh chalgozy k munh wale bhai sahab," mene Jahangeer ko bola. "Yeh kia pehly apne daur me baadshah k mehal k pillar thy kia." Meny kaha.

"Or naazreen in pateesy k munh wali baaji pe ghor karein. In ka toh bura haal hua wa hy. Allah Maaf!" Mene kaha.

"Pateesy wala munh!" Jameel khil khila kr hassa. "Acha Jameel thora hanso meri bhi hansi nikal jaani hy," mene kaha.

"Acha mera aik sawaal hy!" Namra boli. "Jee kia sawal hy ap ka?" Jannat Aapaa ne pucha. "Yeah jo jnaab beech me laite huy hyn, un k saath kia hua?" Namra ne apni hansi rokty huy pucha.

"Mein btata hun!" Shehzad Bhai boly. "Unki zauja mohtarma ne un par tashaddud kia tha. Jnaab ne baat na maani toh unki munh pe masterpiece bna dala."

"Astagfirullah Shehzad Bhai!" Najam Bhai hansty huy boly.

"Toh ap in Mummiyon k saath kia krna chahty hyn?" Namra ne pucha. "Fil haal toh hummy shak pr rha hy k aik mummy uthny waali hy!' Jameel ne itla di.

"Oh teri! Yaar humari toh band bajne wali hy!" Najam Bhai ne kaha or hum saary neechy bhag gai.

----------

"Yaar yeh Maryam kahan hy?" Meny pucha.

"Pta nhi Ludo khel rhy thy tb toh humaary saath hi bethi hui thi," Shehzaad Bhai kehny lgy. "Yaar ussy koi ly toh nhi gia?" Namra ne nihayat fazol sawal pucha.

"Ussy kon kuch kahy. Woh toh khud ki char paanch bando ka takkaa kr hassa ura de," Jameel bola. "Lekin yaar Jameel phir bhi," Namra ne kaha.

"Acha mein dusy kamry mein dekhti hun," meny kaha upar chali gai.

Apne kamry ka darwaaza khola toh Maryam ki bachi wahan so rhi thi. Uthna munasib nhi lgta kiun k bht gehri need so rhi thi. Darwaza band kia or neechy aa gai.

"Yaar who toh kab ki mery kamry mein so rhi hy," Meny sb ko btaya. "Woh kab gai udhar?" Jannat Aapaa ne pucha. "Allah jaany!"

Abhi baat kr hi rhy thy k Maryam neechy aa gai. 

"Tum kb gai kamry se bahar!" Jannat Aapaa ne pucha. 

"Mujhy pta tha k ap k dmaag mein kuxh chuss chal rhi hy jb apne Jahangeer, Laraib or Taemoor or Huzaifa Bhai ko soty huy dekha. Phir jb ap logo ne marker or lipsticks nikali na toh mein saath kamry mein chali gai kuin k mujhy neend aa rhi thi or mein ap ki do number ki harkat mein nhi pansna chahti thi," Maryam ne btaya.

"Wah yaar! Kamal ki baat ki. Lekin agar itna dmaag Riyaazi mein lga lo na toh ziada achi baat hogi," Najam Bhai ne usko tang kia.

"Lga lun gi ap fikr na krein. Ap apny anny dmaag pe dehaan lgaien," Maryam ne Najam Bhai ki aalah wali ki. "Hogai bissti?" Shehzad Bhai ne kaha. 

"Chalo yaar Sehri ka time ho gia. Naashta bna lein phir Ammi Abbu or Mummiyon ko bhi utha lein gy," Junaid Bhai ne kaha or phir mein, Junaid Bhai or Maryam kitchen mein chaly gia.

Or phir humy upar se cheekhny ki awaaz ai.

Chalein jee Mummiyan uth gai hyn

-------------------------------------------------

Assalam O Alaikum. Sorry mein thory dinno baad post kr rhi hun. Kiun k mein busy thi or wysy bhi Ramzaan hy.

Next chapter mein kal ya parson post karun gi.

Allah Hafiz