"Mein nahi jaun ga!"

"Chal uth! Dahi lekar aa. Subah se dekh rhi hun so hi rha hy. Or koi kaam nahi hy tujhy kia?"

Yeh jnaab, Ammi Shehzad bhai ko dant rhi hyn jo subah se apne bistar ko lgy huy hyn. Kasam se itna aalsi pnah mene bhi kabhi apni zindagi me nahi dekha.

"Ammi me nhi jaa rha! Apne ladly Huzaifa ko bhej dein ya Jahangeer ko hi bhej dein! Who namuna bhi kuch nhi krta," Shezad bhai boly.

"Beta Junaid tu hi chala jaa. Yeh nawab ki aulaad hyn in se koi kaam nhi hota. Bas chobees ghanta apny bistar ko chimra rehta hy or ghory bech kr so rha hota hy."

Yeh keh kr Ammi bawarchi khany me chali jati hyn or Shehzad bhai wysy k wysy dheet phir apni khwabon ki duniya me kho jaate hyn.

"Y/n!"

Lo naazreen! Yahan hoti hy meri entry.

"Jee bhai?" mene kaha. "Ammi ne kuch sodaa mangwaya hy. Mere saath chalo gi?" Junaid bhai ne mujh se pucha.

Junaid bhai muhy apni laadli kehty hyn. 'Bara bhai hony k faarz a na adaa krun' har waqt kehty rhyty hyn.

"Me chaadar le aun phir chalty hyn." Yeh keh kr mein apne kaamre me chali gai.

Darwaza khola to aik haairat aangeiz nzaara dekha. Taemoor sahib pehli baar Riyaazi parh rhy hyn.

"Taemoor khair to hy? Kis ne mar dia tumhy?" Mene pucha.

"Aapaa yaar Ramadan k baad imtehaan hyn. Pichli daffa fail hogia tha. Abba ne chapplon se mere chaaron tabak roshan kr diyay thy. Hayee! Abhi bhi yaad hy mujhy kass kass k dhulai ki thi Abba ny. Ab nahi chahta mein," Taemoor bola.

Taemoor beshak mujh se aik saal chota ho lekin izzat sb se ziada krta hy meri. Ham dono ka aik hi kamra hy. Lekin kabhi kabhar Taemoor, Jameel or Jahangeer ki larai hoti hy mere saath kamry me sony ki.

Yeh hyn mere teen choty bhai jo mere saath behadd chipku se hyn. Har baat mujhy btani, har kaam mujh se krwana. Phir Ammi se dant bhi khilwana or baad me utna hi pyaar laad me maafi mangna.

"Aapaa, tum kahein jaa rhi ho?" Taemoor ne pucha. "Haan, Junaid bhai k saath ghar ka sodaa leny jaa rhi hun. Tumhy kuxh chahiyay?"

"Jameel ne aakhri daffa mera register lia tha mujh se kaam k lia. Abhi tak waapis nahi kia. Aik register hi laa dena."

Mene apna sarr hilaya or chaadar lekar neechy chali gai.

Neechy gai gai toh kia mast drama chal rha tha. Shehzad bhi ki aala wali thaki thiki ho rahi thi Abba se.

"Assalam O Alaikum Abba!" Mene Abba ko Salaam kia. "Waa Alaikum Assalam beta. Kahien jaa rhi ho?"

"Jee, who me Junaid bhai k saath jaa rahi hun. Junaid bhai, chalein?" "Haan chalo!" Junaid bhai boly.

"Khuda Hafiz!" Hm dono bly or chaly gai.

----------

<Bazaar Mein>

"Nahi bhai pyaaz k paisy thory kaam karo. Bohat mehangy de rho ho tum," Mene kaha. "Nahi baaji, ap jitna bta rhi ho bht kamm hy," sabzi wala kehy lga.

"Acha chalo 10 ruppai hi kamm kr lo." Junaid bhai kehny lgy.

"Bhai shb aaj kal mehangai ka daur hy. Sb cheezein mehangi hyn." "Dekho tumhary pass sab sabzian achi or taaza hyn. Iss lia tum se ly rhy hyn," bhai boly.

Aakhir kaar kisi na kisi tarhana uss ne paisy kamm kr liay or hum ghar ki taraf rawaana ho gai.

Phir mujhy yaad aya.

"Bhai who mene book store jaana hy. Taemoor k lia aik do cheezein leni hyn." "Chalo theek hy."

Abhi book store pe puhancy hi hyn to Jahangeer pidday ki call aa gai. "Assalam O Alaikum! Aapaa book store gai hui ho?" Jahangeer ne pucha.

"Waa Alaikum Assalam! Haan bolo me puhnch gai hn." "Mere lia zara first year k Mutallah Pakistan (Pakistan Studies) k notes le aana."

"Acha theek hy! Jameel se puch lo ussy toh kuxh nahi chahiyay. Me baar baar nahi aaoun gi," Mene kaha.

"Oye Jameel! Tumhy to kuxh nahi chahiyay? Aapaa puch rhi hyn."

"Meri baat krwao!" Jameel cheekha.

"SALAAM AAPAA!" "Allah maaf Jameel aahista bolo. Behri nahi hun mein. Kaan hyn mere!" Mene daanta ussy.

"Sorry Aapaa. Apaa yaar aik Urdu wali qalam le ana mere lia. ALLAH HAFIZ!" Yeh keh kr Jameel ne phone kaat dia.

"Iss larky ka loud speaker nahi bannd hota," Junaid bhai boly. "Sai baat hy."

Sab cheezon k paisy de kar me or Junaid bhai ghar aa gai.

----------

<Ghar Mein>

"Ham ghar aa gai hyn!"

Hum dono ne saara samaan bawarchi khany ki shelf pe rakkha or hum dono apne apne kamry me chaly gai.

"Assalam O Alaikum Aapaa!" Jameel or Jahangeer ne Salaam kia mujhy. "Waa Alaikum Assalam. Yeh lo apni cheezain." Mene dono ko unki cheezon ka shopper dia or thandy thandy paani se apna munh dhoya.

"Aaj toh garmi ne bhi sahi tapp charhai hui hy. Tikka boti ban gai hy meri toh," Mene kaha. "Socho Ramadan me kia haal hoga humara," Jahangeer bola.

"Koi nahi. Sab kuxh sahi ho jai ga," Jameel ne kaha. "ASTAGFIRULLAH JAMEEL YEH KIA KIYA!?" Jahangeer cheekha.

Mene murr kr dekha to Jameel pagal ne saari siyahi zameen pe or Jahangeer k kapron pe ulta di. "YEH KON SAHI KARY GA?" Jahangeer ab toh tap chukka tha.

"Kiu haalala machai hui hyn tum jaahilon ne?"

Yeh hyn jnaab hmari dusari Ammi, Huzaifa bhai.

"Khuda ka khauf karein Huzaifa bhai. Bachy hyn dono or agar Abba ne sun lia na k ap kysy bol rhy hyn toh apki bhi Shehzad bhai jysi thaki thiki ho jai gi," Mein boli.

"In se kaho k yeh bikhaira saaf karein warna mein Ammi ko bta dun ga."

"Ja Jameel acha khasa din guzar rha tha mere. Sara din khraab kr dia," Jahangeer naraaz ho gia Jameel se.

"Jahangeer yeh tum mujhy kameez uthar kr do me dho ati hun. Dhoop ziada h jaldi sookh jai gi." Mene kaha.

"Acha chal na mera pyara bhai. Mein raat ko tujhy ice cream kila dun ga. Munh na bna," Jameel ne choty ko offer krwai.

"Or meri ice cream?" Taemoor ne jhat se pucha.

"Bhai tum to ho hi nadeedy," Jahangeer ne kaha "Jameel sirf mujhy ice cream khilai ga." "Mujhy bhi bhai bola kro," Jameel kehny lga Jahangeer se.

"Kiun?" "Yaar me tujh se do saal bara hun." "Acha thek hy, Jameel BHAI," Jahangeer ne kaha or neechy chala gia.

"Najam bhai kidhar hyn?" Mene pucha.

"Shukkar Aapaa tum ne yaad karwa dia. Mein ne Najam Bhai k saath aj store ki sfaai krwaani thi. Ammi keh rhi thi k Ramadan se pehly unhe ghar saaf suthra chahiyay." Jameel bola or who bhi neechy chala gia.

"Aapaa yeh swaal samjha do," Taemoor kehny lga.

----------

Shaam ho rahi thi. Taemoor ko kaam samjhny k baad ham dono neechy chaly gai. Ammi or Junaid Bhai khana tyaar kr rhy thy.

Shehzad Bhai dheeton ki tarhan sofy pe so rhy thy.

"Shehzad Bhai! O Shehzad Bhai!" Men unhe utha ny ki koshish ki. "SHEHZAD BHAI DHEET PANY KI BHI HADD HOTI HY UTH JAEIN AB!!!"

"Uth rha hun."

Shukkar ab ki daffa uth gai. Warna mene ghar mein wabaal mcha dena tha.

----------

<Khany Ki Maez Par>

"Saalan paas krwna Y/n." Najam Bhai boly. Najam Bhai mujh se aik saal bary hyn.

"Yeh lein." "Ammi, Abbu nahi ay abhi tak," Jahangeer ne pucha. "Who toh apne kamry mein hyn. Tabiyat khraab ho rhi thi unki. Dwai dekar ai hun," Ammi ne kaha.

"Junaid saalan me namak ziada nhi hy kia," Shehzad Bhai ne kaha.

"Chup kar k kha le Shehzad. Nukks hi nikalta rehta h," Junaid Bhai boly.

Mene, Taemoor ne, Jameel ne or Jahangeer ne khana kha lia tha. Hum chaaron ne apni plate wagaira dhoi or upar chaly gai.

"Me pehly bol raha hun k aaj me Aapaa k saath soun ga," Jahangeer ne sab se pehly bola. "Nahi yaar mein soun ga," Taemoor kehny lga.

"Nahi Bhai aj tum soy thy aj mein soun ga," Jameel ne Taeoor se kaha.

Or yahan par kamry mein anni mach gai.

"ACHA BAAS!"

Teeno meri taraf mury or jhagra band kia.

"Khuda ka khauf kro athaara unnees saal k bewakoof ho gai ho phir bhi tameez nahi ai?" "Phir kysy decide kry?" Jameel ne pucha. "Stone paper scissors se!" Jahangeer ne idea dia.

Aakhir me Jameel jeet gia.

"Kaal me soun ga idhar ai smajh Jameel moty," Taemor ne ussy chayrra. "Me mota nhi hun!"

Yeh keh kar hum saary sony chaly gai.