"Kb tk jaein gy Ammi?"

Hm ne aj subah 8:00 bajy tk Kashmir k lia nikal jana tha, lekin hmaara carry dabba, ma sha allah khraab ho gia.

Aik toh jb bhi kahien jana hota hy hmara carry dabba khraab ho jata hy, pta nhi konsi maut parr jati hy us kambkhat ko.

Kabhi engine khraab, kabhi tyre khraab or kabhi toh hmaari kismat khraab.

Lekin kiya krein...carry dabba bhi toh hmary dada k zmaane ka hy. Takreeban 30 saal purana.

"Ammi~" Najam Bhai or Faiqa Aapaa toh bs sarr kha gai hyn. "Kia hy?" Ammi ne pucha. "Kb tk aien gy Yonus Bhai or Junaid Bhai?" Najam Bhai ne pucha.

"Mujhy toh lgta hy k carry dabba bnaany beth gai hyn," Faiqa Aapaa kehny lgien.

"Unka kuxh pta bhi nhi hy...Yonus toh aesy kaamon mein master hy," Ammi ne kaha or uth k kamry mein chali gaein.

"Yaar Y/N Aapaa kahan hyn?" Jahangeer puchny lga. "Uppar hy, jaa k dekh lo," Laraib ne kaha or Jahangeer bhai shb uppar aa gia.

Mein uss waqt apny kapry pack kr rhi thi. Yeh sb acha nhi krte mery saath. Pehly haandi pakwaai, phir sb k kapry istaari krwai or phir sb ki packing bhi meine ki.

Allah puchy ga inko kiyaamat k din.

Or phir Jahangeer or saath saath Jameel kamry mein aa gai.

"Kia krwaana hy jaldi bolo," Mein kapry samaity huy boli. "Ap mein konsa detective keera lga hua hy jo apko sb pta chal jata hy?" Jameel bola.

"Jaani behn hun tumhaari, tumhaari harkaton se waaqif hun," Mein ne kaha. "Acha bolo na kia chahiyay?"

"Meri na aik jacket nhi mil rhi...store se dhoond dein?" Jahangeer bola. "Or mera sweater of muffler bhi," Jameel bhai shb ne bhi kaha.

"Pehly btate huy tumhein konsi maut prti hy?" Mein ne gussy se kaha. "Mein nhi nikaalun gi...bhar mein jao!"

"Please nikaal dein na...Abbu ne abhi btaya hy k bht thand hoti hy wahan," Jameel itni masoomiyat mein bola.

"Kiun tum anny ho? Tumhein nhi pta ky Kashmir jaa rhy hyn? Uppar ka ilaqa hy, thand toh hogi."

"Acha na~ Thora sa tars kha lein hum pe or jackets nikaal dein humaari," Jahangeer kehny lga.

"Jahangeer or Jameel, qasam lelo agar tum dono mery bhai na hoty na toh mein tumhara qatal kr deti," Mein ne kaha.

"Jaana phir bhi jail mein hi tha apna," Jameel bola. "Bht na....jisy kehte hyn...badeed kism k insaan ho," Mein kehny lgi.

Phir kia jee?

Hm gai store room mein aka hmary Bermuda Triangle mein jahan apko koi cheez nhi mile gi, bas Ammi k aane ki daer hy or de dhara darr cheezain milein gi apko.

Phir nikaalein in jwaanon ki jackets. Jameel ko wakhra muffler pehny ka shokh hy or ussy dekh dekh k Taemoor ne bhi zidd krli k woh bhi muffler le ga.

Mtlb...sakoon waqai naseeb nhi hona mujhy.

"Khalu jaan, or kitni daer hy?" Riza ne pucha. "Pta nhi beta. Call krlo," Abbu ne jwaab diya.

"Mein call krun?" Namra kehny lgi. "Bari meherbaani hogi apki," Maryam ne kaha.

"Nhi mein krti hun," Jannar Aapaa ne kaha or direct apne majnu shb ko call lgai.

"Hello! Haan Junaid kb tk aa rhy hyn?" Jannat Aapaa bolien.
"Acha...? Ahan...? Chalein theek hy. Allah Hafiz."

"Haan kia keh rhy hyn?" Laraib ne pucha. "Rasty mein hyn."

"Unse kaho jaldi aa jaein," Musa bola. "Urr k aa jaein? Hosla kro," Taemoor kehny lga.

"Y/N," Huzaifa Bhai ne bulaya. "Jee arz krein." "Woh na zara Hassan ko mery pass bulana, kaam hy usse," Huzaifa Bhai ne kaha.

"Acha bulaati hun."

----

Aik toh Allah Allah krke Yonus Bhai or Junaid Bhai 10 15 minute tk aa gai. Lekin phir lrai ho gai k gaari kon chalai ga.

Junaid Bhai ka apna rola. Huzaifa Bhai phir ammi ban rhy thy. Or uppar se hmaary Taemoor babu. Kehty hyn k gaari mein chalun ga. Gari ka licence hy nhi shb ka or gaari mein chalaun ga.

"Haan! Larlo marlo!" Faiqa Aapaa kehny lgien. "Yaar aik toh ink roly nhi mukty," Jahangeer bola. "Tum hi ho sb se bara rola," Shehzad Bhai ne ussy tangg krte huy boly.

"Y/N Aapaa dekh lo inhe...." Jahangeer chirrte huy bola. "Khargosh ka bacha! Daal daal kacha!" Najam Bhai ussy chairne lga.

"Bas kr jaein sb! Hadd hoti hy kisi baat ki. Bechary ne aik baat kr hi di toh sb ko kia masla par jata hy?" Riza ne bola or sb ki bolti band.

Yeh bandi humary pass bilkul set hy! Har moqy ko smbhalna ata hy. Sadqy jaun!

Toh phir carry dabby mein paani k do teen cooler, aik handi, char panch bary floor mats, kapron k bag, snacks or of course hum.

Gaari k driver hmary Junaid Bhai. Yakeen mano Jannat Aapaa ko bara dukh hy. Bechari Heer ko apne Ranjhy se juda kr dia.

•Sitting Arrangement•

Namra > Taemoor > Jahangeer > Y/N > Laraib > Riza > Jameel > Musa > Yonus Bhai > Maryam > Faiqa Aapaa > Jannat Aapaa > Najam Bhai >  Shehzad Bhai > Hassan Bhai > Huzaifa Bhai.

Ammi Abbu front seat pr kiun driver seat k saath hi passenger seat jurri hui hy. Toh aik three seater seat ban jaati hy.

Dua parh kr safar ka agaaz kia or Junaid Bhai ne apne 90's k gaane lga liyay.

"Junaid Bhai yaar woh Neele Neele Ambar Par wala gaana lgao," Mein ne kaha.

"Acha lgata hun."

"Yaar kysy gaane sunti ho?" Hassan Bhai ne pucha. "Apko psand nhi hy toh na sunein," Mein ne kaha.

"Hmaare kaanon ko aesy gaane psamd nhi hyn," Hassan Bhai boly. "Laaien apk kaan kaat dun."

"Mery kaan meri marzi."

"Phir na mera thappar or meri marzi," Mein boli. "Bara hun tumse," Hassan Bhai chairty huy boly.

"Riza meri jaan apne naik bhai ko chup krwa lo warna bht kuxh sun lein gy yeh mujh se," Mein ne kaha.

"Hassan Bhai! Mein ne aik lgani hy or apk kaan ka parda phatt jana hy. Khuda ka wasta hy apni chonch band rkhein," Riza boli.

"Jalladan paali hui hy ap ne," Jameel Hassan Bhai ko bola or Riza tapp gai. "Jysy tum toh ho hi nhi na kuxh!? Chota chuza!" Riza bhi phir boli.

"Dain!" "Langoor!'"

"OYE BASS!" Abbu boly aagy se. "Jao yaar itna acha gaana lga hua tha! Lar Lar k mzza khrab kr diya," Shehzad Bhai kehny lgy.

"Acha agla gaana Gulabi Aankhein!" Taemoor bola. "Wah wah! Bare gaane aty hyn tumhein?" Laraib ne kaha.

Or phir hum zor zor se gaane lgy.

"GULABI AANKHEIN! JO TERI DEKHEIN! SHRAABI AYE DIL HOGIA! BACHALO MUJHKO! O MERE YAARA! SMBHALNA MUSHKIL HOGIA!"

"Aahista gao bachon!" Ammi aagy se bolein.

Lahore se hm nikal chuky thy. Shaadra puhanch gai thy.

Huzaifa Bhai, Shehzad Bhai toh ghory bech kr so gai jysy pta nhi Lahore se Shaadra paidel chal k ai hon.

Najam Bhai or Yonus Bhai ki apni gup shup. Musa hmara chai ka charsi chai k intezaar mein betha hua hy.

Jannat Aapaa or Faiqa Aapaa apne apne  phone mein tootiyan lga k bethi hui hyn or Maryam unk saath.

Taemoor or Namra phone mein ludo khel rhy thy. Qasmein bht pyaare lg rhy thy dono.

Jameel or Riza munh phula k bethy huy hyn. Bechare khafa ho gai aik dusry se lekin mujhy pta hy k thori daer tk sahi ho jaien gy.

Junaid Bhai Abbu or Ammi se kuxh baat cheet kr rhy hyn. Bta rhy hyn k PMA ne kysy unki dmaag ki khirkiyan kholi hyn.

Mein or Laraib yeh soch rhy thy k Jameel or Riza ko kysy mnaein. Or Jahangeer ko pta nhi kia maut pari hui hy.

Kabhi seat pe idhar mury kabhi udhar...bechara awazaar rooh lg rha tha.

"Kia hua Jahangeer?" "Mere sarr mein bht shadeed dard ho rha hy or dhoop ki wjha se mazeed tabiyat khrab ho rhi hy," Jahangeer bola.

"Junaid Bhai yeh radio band kr dein," Laraib ne kaha. "Yaar itna acha gaana lga hua hy, sunne do," Junaid Bhai kehny lgy.

"Apko gaanon ki pari hy! Jahangeer ki tabiyat theek nhi lg rhi. Foran band krein isko," Mein ne kaha.

"Jahangeer ayo yaar tumhara koi ilaaj krein."

Phir isko di Panadol ki aik goli or lgy rhy mein or Laraib 1 ghanty tk uska sarr dubate rhy.

"Yaar chup kr jao! Or yeh Najam Bhai ko zara darwaza khol kr bahir phaink do. Khraante nhi khtam ho rhy in k."

Sharam naam ki cheez nhi hy kisi mein. Lgta hy paida hoty waqt hi doctors ne inki sharam bhi nikal li thi. Tb se shorr kari jaa rhy hyn.

"Aapaa woh snacks nikal do mery lia or Namra k liya," Taemoor kehny lga. "Riza meri jaan tum nikaal do, Jahangeer ka sarr meri gaud mein hy," Mein ne kaha.

"Iss se mat kuxh kaho, sarriyal kukkari," Jameel ussy tang krte huy bola par Riza ne koi jwaab nhi diya.

Taemoor bhai shb ki yeh koi chabeesvien ludo ki game chal rhi hogi Namra k saath. Riyazi mein nikamma lekin ludo mein maharaaj taez!

"Yeh lo Taemoor," Riza Taemoor ko chips k packets pakraate huy boli. "Thanks Api~ Sada khush rhein."

"Jahangeer," Mein ne ussy hilaya. "Hm?" "Tabiyat theek hui?" "Behtar hy...bas thori daer or sarr duba dein," Jahangeer kehny lga.

"Hm kahan tk puhanch gai hyn," Musa ne pucha. "Bas abhi do ghante tk Islamabad mein hongy," Ammi ne jwaab diya.

"Tum ne toh shooter bhgaya hy carry dabby ko," Huzaifa Bhai boly. "Or nhi toh kia," Shehzad Bhai kehny lgy. "Jysy apko bara pta hy? Pury rasty toh sote ai ho," Maryam boli.

"Yaar aik is toti ko chup krwao," Hassan Bhai boly. "Ap chup kr jaien bari baat hy," Faiqa Aapaa bolien.

"Yeh cheez mery azeez!" Jannat Aapaa ne Faiqa Aapaa ko taali di.

"Jahangeer so rha hy kitna sukoon hy," Maryam phir boli. "Chugal khorr! Utha hua hun mein," Jahangeer aadhi neend mein bola.

"So jao tum choochy!" "Chalak loomari!" "Gadhy ka bacha!" "Phappe guttni aurat!"

"Ammi chalo ghar wapis chalte hyn. Ink roly nhi mukk rhy," Najam Bhai boly.

"OYE BEGHAIRTON! BILKUL CHUP!" Abbu ab waqai pareshan ho gai thy hm sb se.

"Mein bore ho rhi hun," Namra boli thori dear baad. "Mere saath Ludo khel kr bhi?" Taemoor kehny lga.

"Chalo kuxh khel lete hyn," Musa bola. "Haan tum khelo chiri urri Jameel k saath," Yonus Bhai ne kaha.

"Antakshani khelien?" Riza ne mashwara diya.

(Antakshani aik aesi game hy jismein apko gaane sochny hoty hyn or jahan pr woh khtam hota hy, usk aakhri letter pr gaana sochna hy)

"Chalo phir do teams mein bant jao," Shehzad Bhai boly.

Phir hmari do teams banien.

¤Team Hassan:

Hassan Bhai
Taemoor
Jameel
Huzaifa Bhai
Jannat Aapaa
Musa
Yonus Bhai
Faiqa Aapaa
Ammi

¤Team Y/N:

Y/N
Jahangeer
Namra
Laraib
Riza
Najam Bhai
Shehzad Bhai
Junaid Bhai
Abbu

"Pehla gaana Team Hassan ki taraf se!" Taemoor ne kaha. "Le lo pehly tum baari. Jeet hmari hogi phir bhi," Riza boli.

"Acha pehla gaana hy....Jis Roz Dekha Hy Usko Hm Shamma Jalana Bhool Gaye!" Jameel gaane lga.

"A se gaana bnao!" Junaid Bhai boly. "Aj Bhi Tum Pe Pyaar Aya Hy!" Najam Bhai ab bole.

"Y....yaar Y se konsa gaana bnta hy?" Hassan Bhai ne pucha apni team se.

"Oye Oye Oye!! Mujhy yaad aya!" Huzaifa Bhai kehny....mera mtlb cheekhny lgy.

"Aahista bhi bola jaa skta hy. Koi qiamat nhi aa rhi," Ammi ne danta Huzaifa Bhai ko.

"Acha sorry..." "Gaana toh gao!" Faiqa Aapaa ne kaha. "Yeh jo, halka halka suroor hy! Yeh teri nazar ka kasoor hy! K shraab peena sikha diya!"

"Wah wah! Nusrat Fateh Ali Khan. Ap toh cha gai bhai," Jameel taareef krte huy bola.

"Phir se A?" Laraib ne kaha. "Umm...mery pass aik gaana hy," Jahangeer bola. "Arz krein dulhy raja," Jannat Aapaa chairny lgiein usko.

"Aapaa yaar tang mt kro mujh masoom ko," Jahangeer ne kaha or hm sb ki hansi nikal gai.

"Tum or masoom? Tobah Astagfar!" Maryam zor zor se hansty huy boli. "Y/N Aapaa dekhlo inhe." "Koi mzzak nhi urrai ga mery ladly ka!"

"Or hum sotaily hyn apk?" Taemoor ne pucha. "Choongy se utha kr lai thi na mujhy!?" Jameel bola ab.

Allah menu enda kol bacha leo!

"Yaar tum teeno mery ladly ho...barabar ho teeno mery liyay," Mein ne tasslli di apne teen choty bhaiyon ko.

"Acha hm gaana ga rhy thy," Namra boli. "Haan Jahangeer, sunao phir."

"Ary Leky Pehla Pehla Pyaar! Kr Ky Aankhon Mein Khumaar! Jaadu Nagri Se Aya Hy Koi Jadugarr!"

"Taaliyan!"

Phir jb tk Islamabad nhi aya, hm sb beth kr Antakshani khelty rhy. Jahangeer ki tabiyat bhi theek ho gai thi....lekin

Hmary Laila Majnu Jameel or Riza abhi bhi naraz hyn. Unko kisi trhan wapis jorrna hoga.

Agar ap chahty hyn k hmare pyaare Romeo Juliet dubaara mil jaein toh agla chapter zaroor parhiyay ga.

----

Yeh lein aik niya chapter. Umeed hy k apko psaand aya hoga.

Sorry yeh chapter itna comedic nhi tha, but phir bhi...enjoy krlein...😌😌

Sorry to our Riza jaani k meine unki or Jameel ki thori lrai krwa di. But tasalli rkhein...hmari Jizarimin ki ship bhut achi or bht pyaari hy.

Aesy nhi doobny dun gi apni is haseen ship ko.💋💋

And one more thing!

Agar apko koi 90's k songs aate hyn toh idhar comment zroor krein. Bcz I love 90's songs more than any song. Kiun k in songs ka apna hi mzza hy

Iss chapter pr vote or dhair saare comments krn mat bhuliyay ga.

Or next chapter pr attendence lgwa k parhiyay ga.

Like:
XYZ Present!

Khuda Hafiz
Take Care!

----