"A....A..AACHOO!"

Iss waqt hm saare k saare mere kamry yaani Taemoor k kamry mein bethy huy hyn siwai Jameel or Musa k. Bechara kal raat se cheenkh cheenkh k nidhal hua wa hy.

Or cheenkhta bhi aesy hy jysy border pe jaa kr koi bomb blast kr k aya ho.

Mein mnah kr rhi thi ussy k thandi slush mt piyay lekin bhai yahan meri baat kon suny? Hm ne toh dheetpany mein PHD ki hui hy. Dusra kutton ki trhan bhonkta rhy, in nwaabon ko konsa farq pr jana hy,

"Koi...AACHOON....paani pila de....AACHOON!" Taemoor apni bhari mareezon wali awaaz mein bola.

"Uth jahangeer! Bhai ko paani pila," Hassan Bhai boly. "Ap bhi to hyn ap pila dein uth ke," Jahangeer bola.

Mein keh rhi hun na, nihayat dheet kism ka lrka hy yeh. Pta nhi kis alsi pano ki nasal hy.

"Choro yaar mein pila deti hun. Iss se toh kuxh kehna fazul hy," Mein ne kaha. Ap soch rhy hon gy k mery paun mein to moch aa gai thi lekin bhai ab sb theek hy.

Btati hun kysy theek hua:

(FLASHBACK)

"Yaar tang naa kro!" Mein ne Jameel or Musa se kaha.

"Aapaa yaar utho please ludo khelo humare saath," Musa bola. "Nhi! sony do mujhy," Mein ne kaha or dusri taraf karwat leli.

"Aik baar sunai nhi deta kia!?" mein cheekhi. "Aapaa please utho na," Jameel bola. "Jameel piddu or Musa moty nikal jao baahir warna mein uth k aik do thok dun gi."

"Nhi hm toh nhi jaaein gy. Subah se so hi rhi ho, Shehzad bhai wali rooh aa gai hy ap mein," Musa ne kaha. "Bilkul sahi keh rha hy Musa. Chalein uthein na," Jameel ne kaha.

"Behn araam kr rhi hy or tumse yeh baat sahi nhi jaa rhi. Ramzaan khtam hona nhi hy or phir subah subah uthna pare ga, tum daffaron k lia nashta bnana pare ga, ghar ki sfai krni pari gi, college jana pare ga, OR PHIR AA KR HAANDI BHI BNANI PARE GI!" Mein ne bakwaas ki.

Magar wohi baat hy naa k in k kaan mein aik baat nhi ghussti. Phir toh mtlb had krdi na, pankha band kr dia or phir khaiss uthaar dia.

Ab tu bach k dikha Jameel or Musa. Taangy torr k rhun gi mein in dono ki aaj in khoton ki.

Yeh mein uthi apne bad se or yunh ink peechy bhaagi par yeh mera paaun mura or mein DHRASSHH Jameel k bachy k uppar gir gai.

Qasmein aesi cheekhein nikli meri k yeh toh pakka hy na k Jameel khoty k kaan jaam ho gai hongy. Or woh namuna bhi aesa hy k mujhy uthaya nhi or is darr se neechy bhaag gya k mein agar uth gai toh iski khaal udhair dun gi.

Lekin udhaairun gi iski khaal mein, ruky toh sahi yeh choocha.

Jaan mein jaan ai toh mein uthi or phir mein bhaagi neechy Jameel or Musa k peechy. Taizi se seeriyaan utri.

"Yeh mil toh jaein begairat lrky inko to ulta pankhy se latka dun g- OOFF!" Or saameeny naazreen yehan hoti hy meri or Riza ki takkar.

"Yaar dekh k chala kro Y/n- aik min! Tumhy neechy kon lekr aya?" Riza ne pucha or tb pta chala k mein toh khud ai hun neechy. MERA PAAUN THEEK HO GIA!!!"

"Yaar mera paaun theek hogia!!!" Mein cheekhi. "Hein!! Waaahh!" Riza bhi cheekhny lgi mery saath.

"Kera nawa katta khul gia ae?" Huzaifa Bhai boly. "Aik toh apko kiun lgta hy k har baar katta khul jata hy? Apna katty jysa dmaag apne paas rkhein," Riza ne kaha or hm dono hansny lgy.

"Y/n neechy kysy ai?" Huzaifa Bhai boly. "Allah ne taangy bnai hyn meri. Taangon se chal k ai hun," Mein boli. "Taang theek ho gai!?" Huzaifa Bhai hairaani se puchny lgy.

"Haan ho gai. Ab pta chal gia hy toh jaaein or Masjid mein ailaan kr aaein," Riza ne kaha or Huzaifa Bhai apni chonch band kr k raffu chakkar ho gai.

"Acha Jameel or Musa ko dekha hy?" Mein ne Riza se pucha. "Zaroor peetna hi hoga us bechaare ko apne." "Haan bilkul! Bht samajhdaar ho! Chalo ab btao kahan hy woh chuza. Or haan koi bechara nhi hy woh nalaik ka bacha," Mein ne kaha.

Sb jaga un dodno chuzun ko dekh lia magar kahein nhi mily. Kahein gatar mein flush toh nhi ho gai?

Apko aik baat btati hun. Jb Jahangeer chota sa tha...takreeban do teen saal ka hoga toh Abbu usk lia do chuzy lekr ai thy. Jahangeer ko woh chuzy bht pasand thy or chuzy bhi Jahangeer k saath bare pyaar se khelty thy.

Lekin aik dafa kia hua k Jahangeer unk saath khel rha tha, baarish ho rhi thi toh woh dono k dono chuzy slip huy or yeh jaa woh jaa gatar k andar.

Pehli baar Jahangeer itni zor se roya tha k saath waaly bhi aa kr puchny lg gai thy. Jb tk Junaid Bhai usk lia bazar se kulfi na lekr ai tb tk woh khota chup nhi hua.

End mein tha Ammi Abbu ka kamra. Darwaza khola toh Ammi chadar theek kr rhi thein or Abbu bathroom mein thy.

"Kia hua Y/n?" Ammi ne pucha. "Nhi kuxh nhi woh bs...Jameel or Musa ko dekha hy?" Mein ne pucha or Ammi aik dum chup.

"Bta dein Ammi warna mein bara maarun gi unhe," Mein ne kaha. "Paun kysa hy?" Ammi puchny lgein. "Allahmdulillah bht pyaara hy. Zroor Huzaifa Bhai ne btaya hoga apko. Mein toh kehti hun Masjid mein bhej unhe. Sb k ailaan krwa dein ge,"Mein boli.

Phir mujhy bed k neechy koi hal chal nazar ai. Toh yeh nawab zaade yahan chupe huy hyn. Ab dekho kia hota hy ink saath.

Mein bed pe beth gai or ab yeh pakka tha k yeh bed k neechy se nikal nhi skty. Abbu bhi bathroom se nikal aye thy.

Or phir hm teeno k teeno bed pr beth gai. "Acha mein soch rhi thi k Junaid or Jannat ki jori kysi hy?" Ammi ne pucha. "Seedha seedha kaho shaadi krna chahti ho in dono ki," Abbu boly.

"Mein toh kehti hun kr dein Ammi. Apko nhi pta yeh dono chori chupky dates pe jaate hyn," Mein ne btaya. "Lekin pehly unse puchna zaroori hy," Abbu ne kaha.

Or phir isi tarhan aik do ghante guzar gai k Aftaari ka waqt hogia. Ammi Abbu toh kamry k chale gai or phir mein ne bed k neechy jhaank kr dekha oh woh dono k dono kambakhat so rhy thy.

Phir mein ne Abbu Ammi k bathroom se baraamad kia viper or aik aik thoki unhe. Or phir bare mazzy se dono ki Surf Excel se bhi achi dhulai ki.

Or phir yeh dono mujhy Aftaari k baad nazar nhi ai. Zaroor Jameel khota Riza se sikhai krwaa rha hoga or Musa Najam Bhai se.

Phir in dono ki haseen shaklein mujhy tum nazar aaein jb hum chatt pe chaand dekhny gai toh. Takreeban sara muhalla apni apni chatton pe thy. Mein, Hassan Bhai or Yonus Bhai chatt pe door been se dekh rhy thy.

"Yaar Chaand nazar aa gia!" Yonus Bhai cheekhy. Allah maaf itni unchi awaaz hy k pury muhalle ne toh sun hi lia hoga.

Phir ji chaand dekh kr dua ki.

Phir hm sb lrkiyon ne neechy jaa kr mehandi lgai. Mehandi k experts mein, Laraib or Namra. Larky apne apne kapry istari kr rhy thy. Jameel toh lucky tha k usk toh Riza ne kr dia thy.

Taemoor phir nikal gia Yonus bhai, Jahangeer or Shehzad Bhai k saath slush peeny or ab bechaare ka yeh haal hua wa. Koi nhi h jai ga subah tk theek.

Abhi bhi 18 saal ka jawaan ho gia hy or phir bhi dawai nhi khata. Doctor ke paas bhi jaane se dar lgta hy is nawab. Dawai bhi tb pi jb Shehzad Bhai bharak gai us pe. Woh dheet bhi kisi se nhi darta swiwai Abbu or Shehzad Bhai se.

Khair....ap sb Taemoor k lia dua kr mein tb tk Junaid Bhai or Jannat Aapaa se shaadi ka puch lun.

Tb tk k lia Allah Hafiz.

----

Chalo yeh rha aik bara saaaaaara chapter! Ab is pr ziaaaaada saare comments kro.

Sharafat dikhao.

Agli baar mulakat hoti hy bbye!

-----