"Aankhein kaam nhi krtein tumhaari!?”

Masly masail k bgair toh kisi din ka aghaaz nhi ho skta na hmaare ghar mein.

Aik din agar chunna sa bhi sukoon naseeb ho jai toh mein kehti hun k saans mein saans ai.

Lekin baat bhi mein kis ki kr rhi hun. Sukoon ki. Kahein mil hi na jai hmein sukoon naami cheez.

Khair iss waqt bator e maamul, phir kisi ki larai chal rhi hy. Mgar hairat ki baat yeh hy k, yeh larai Jahangeer or Maryam ki nhi ho rhi.

Yeh darasal aj Hassan Bhai or Riza ki tu tu mein mein ho rhi hy. Dono behn bhai aik dusry ka gala ghotne pr ai huy hyn.

Pr ab kia kr skte hyn jb galti hy hi Hassan Bhai ki.

Chury na hoto! Kholti hui chai phaink di bechari meri behn k haath pr.

“Apni galti kiun nhi tasleem krte ap!?” Riza ghusse se boli. “Meine jb kuxh kia hi nhi toh mein kiun tasleem krun?” Hassan Bhai kehny lgy.

“Toh chai urr kr mere haath par giri thi? Ya phir jaadu se ai thi?”

“Tum ne jo smjhna hy smjho, lekin meine tum pr chai nhi girai thi.”

“Khuda ka khauf krein Hassan Bhai! Munh pr jhoot? Thori si sharam kr lein,” Meine kaha. “Tum beech mein mt bolo Y/n,” Hassan Bhai ne kaha.

“Apse toh Allah hi bachai, acha saari baatein chorein or maafi mangein Riza se!”

“Kiun? Barat ai hui hy tumhaari?” Hassan Bhai chirr kr boly.

“Nhi meri Barat nhi ai hui, or iss baat se Barat ka koi taaluq nhi hy. Foran maafi mangein warna-“

“Warna kia?” Hassan Bhai ne pucha.

“Mein Mamu ko call lga dungi. Simple! Darti hun apse mein kia??”

“Aik toh saare mujhy Abbu k laary dete rehty ho….izzat hi nhi hy meri is ghar mein…after all mein iss ghar ka sb se maasoom bacha hun.”

“Apni maasumiyat ki baatein baad mein jee bhar kr krna. Pehle sorry bolein apni behn ko.”

“Mein nhi bolun ga.”

“Meine kaha SORRY.BOLEIN!”

“Acha acha bol deta hun! Riza sorry.” “Sahi se bolein Hassan Bhai,” Mein boli. “ACha na! Sorry Riza, mein apni  galti manta hun hahaha khush?”

“Haan khush!” Riza ne kaha.

“Chalo jao mery lia chai bna kr lao.” “Kaneez lg rhi hun apko? Jaein apne kaam khud krein!” Riza boli or upar chali gai.

“Y/N-“

“Khabardaar apne mera naam lia, jaein khud kaam krein apna.”

“Yaar….aik toh koi kaam nhi krta mere,” Hassan Bhai aitraaz krne lgy. “Soch rha hun k bs shaadi kr lun. Meri begam kaam kre gi mere."

“MEIN BTATI HUN ABBU KO CALL KR K,” Riza upar se boli or foran utar ai neechy.

“Mein toh kehti hun k panch shaadian krein ap. Do apk hath paer dubaai gi, do apki kaneezain bn jaein gi or aakhir mein aik apka galat duba de gi.”

“Iss mein itna gussy waali kia baat hy?”

“Parh lein pehle ap! Kuxh ban jaein phir shaadi ka sochiyay ga…or yeh jo apko shaadi ka bhoot swaar hua wa hy na mein jaa kr Abbu ko report krti hun,” Riza ne kaha.

“Tum larkiyan meri jaan kha jaati ho, tobah hy!” Yeh keh kr Hassan Bhai ho gai farar.

“Hmph! Shaadi krni hy Bhai shb ko, abhi toh paper ka result bhi aana hy inka, phir Abbu inka saara bhoot nikal dein gy.”

“Acha choro…yeh baaki sb malkaein kahan hyn?” Meine pucha.

“Laraib or Namra Ertugrul se ishq larai bethi hyn, Zoya or Maryam Khala k saath cheezain set krwa rhi hyn. Namra kapry itstari kr rhi hy. Qandeel so rhi hyn or….Jannat Aapaa or Faiqa Aapaa…who bhi kamry mein hi hyn,” Riza kehny lgi.

“Mein keh rhi thi k Zuhar k baad mehmaano ne aana shuru kr dena hy, abhi sirf 9 bajy hyn…Dharampura ya Saddar se jaa kr Mehandi lgwai aate hyn.” Meine kaha.

“Jaein gy kisk saath?” Riza puchny lgi.

“Ghar mein fauji jwaan kam hyn? Uthati hun mein Taemoor ya Jameel ko. Unk saath jaein gy.”

“Chalo phir theek hy mein Khala se kehti hun k Zoya or Maryam ko hmaare saath ane dein or…Hassan Bhai, Najam Bhai or Musa ko kaam pr lgaein.” Yeh keh kr Riza jnaab kamry mein munh haath theek krne chali gai.

Tb tk mein Jameel or Taemoor ko uthane gai.

Darwaaza khola toh Taemoor bhai shb TV k andar ghuss kr game khel rha tha or Jameel uska khelna azaab kr rha tha.

“Bhai yaar khelne do! Akhri level hy!!” Taemoor chekhny lga. “Tumhe nhi aati yeh game khelne mujhy dedo,” Jameel bola.

“Koi chota pidda bacha nhi hun jo game khelne nhi ati mujhy,” Taemoor ne kaha.

“Tum logon ko lary bgair saans nhi aati kia?” Meine pucha or dono chuzon ki trhan dekhny lgy mujhy.

“Jameel tum chalo hmaare saath. Mehandi lgwaani hy hm sb ko,” Mein boli.

“Mein? Na bhai na! Meine toh nhi aunga…Huzaifa Bhai ko le jaein…ya phir Shehzad Bhai ko-“

“Jb meine kaha k TUM ao gy toh mtlb TUM hi lekr jao gy. Chalo shrafat se ao neechy!”

“Shukkar mein ab sukoon se game khelun ga,” Taemoor bola.

“Bhai shb ap bhi free nhi bethein gy! Jahangeer k saath dining haal ki dusting kro or apne apne suit ki waistcoat darzi se le ao. Chalo utho foran!”

-
-
-

-Riza P.O.V-

“Riza yaar a jao neechy!”

“Aa rhi hun! Sabr krlo!” Meine kaha or dupatta lekr neechy aa gai.

“Madam fashion khtam ho gai hon apk toh chalein?” Jameel bola. “Tumhe taang arane ki ktai koi zaroorat nhi hy,” Meine kaha or bahir chal di.

“Konsi mehandi lgwao gi ap?” Zoya ne pucha.

“Wahein jaa kr dekhungi, design aik do save kiyay huy hyn phone mein toh….dekhein gy, abhi jaane toh do.”

“Ab kis ko maut par gai hy? Baahir aane ka naam hi nhi le rha,” Jameel loudspeaker bola.

“Aa hi hun!” Aye lo ab Qandeel Api ko pta nhi kia masla prr gia hy.

“Api aa jaein warna apko chorr kr chaly jaein gy!” Zoya cheeckhi. “Aa rhi hun maara!” “Jahaz pr aa rhi hyn? Daer ho rhi hy hmein!” Laraib boli.

“SABRUKA! (sabr kro)”

Allah Allah kr k Qandeel Api ghar se bahir tashreef laein or phir hm Dhrampura rwana huy. Hmara bechara Carry Dabba phir hm sb ko lia Dharampura rwana ho rha tha.

Hmary ghar ka international driver Jameel hasb e mamool apni driver seat pr.

Passenger seat pr Jannat Aapaa, ghar ki pehli bahu hone ka poora faida uthate huy beti hui hyn.

Peechy hm sb larkiyan Mehandi k designs dhoodh rhi thein.

Jannat Aapaa ko toh unk majnu ne design Whatsapp kr dia hy k yeh waali mehandi lgwaani hyn unho ne.

Bs naam Junaid Bhai ka khud likhwa lein gi.

“Oye Jameel!” Mein boli.

“Kia masla hy?” Jameel bola. “Tameez se baat kro Riza se Jameel!” Faiqa Aapaa kehny lgi.

“Aapaa har bari mein hi kiun!?” Jameel sarrta hua bola.

“ZIada zuban mt chlao or dekho kia keh rhi hy woh.” Faiqa Aapaa aj Riza ki side pr hyn bhai!

“Haan bolo kia chahiyay?” “Mobile ka hotspot on kr ke do or password btao,” Meine kaha.

“Kiun? Tum mehmaan ai hui ho?”

“JAMEEL!!” Ab ki baar Y/n boli.

“Acha acha sorry. Krta hun on.” Hayee mazzy! Aj isska saara net khtam kr k chorun gi. Hehe!

“Kr dia hy on!”Jameel bola. “Password?” Meine pucha.

“JameelBhatti”

Password dala toh ghalat tha.

“Password ghalat hy.” “JameelBhatt00 kro,” Jameel ne kaha.

“Ghalat hy phir se. Yaar Jameel bta do password ya phir saf saf keh do k mein naa krun tumhara hotspot use!”

“Uff! Idhar do phone. Tumse koi kaam nhi hota theek se,” Yeh keh kr Jameel ne foran mera phone haath se kheech lia.

“Drive k waqat phone nhi use krte Jameel Bhai,” Maryam ne kaha.

“Tumhe masla? Aik toh amma pattho ho tum bht bari Maryam,” Jameel ne kaha.

“Jameel tumhaari aj kl kuxh ziada hi zuban nhi chal rhi?” Y/n boli. “Purza koi dheela hua wa hy iska,” Laraib ne kaha.

“Bht bury hyn sb.” Or phir Jameel ne gaari rok di.

“Gaari kun roki?” Namra ne kaha.

“Ap logon ko fursat nhi milti meri bissti krne se. Meine nhi chalunga,” Jameel ka ab toh para high hogia tha.

“Acha chalo na mera pyaara bhai….sorry...” Y/n ne kaha.

“Nhi!” Jameel dheet pane ka master bola.

“Dekh mery bhai….sb mehmaan aa jaein gy hmne abhi tyaar bhi hona hy…plz jaldi le jao hmein,” Qandeel Api bolein.

“Or apne konsa mehandi lgani hy itna tyaar hona hy..plz thora reham krlein Jameel Bhai,” Zoya kehny lgi.

“Acha phir mujhy tangg nhi krna theek hy?”

“Haan haan pakka…jaldi chala lo gaari warna Junaid gussa ho jaein gy or tumhaari shaamat aa jai gi Jameel,” Jannat Aapaa ne kaha.

“Aj toh bs Jannat Aapaa ka Juanid Bhai k ilawa koi nhi hy na? Poora din Junaid yeh, Junaid woh. Aapaa hm bhi hyn iss ghar mein, thori lift krwa dein,” meine kaha.

“Kya lift krwaun tum sbko?” Jannat Aapaa ne pucha.

“Riza in se kuxh na kaho bs yeh mere bhai pr fida ho chuki hyn aj unhi ka bhoot swaar hua wa hy,” Y/n kehny lgi.

“Oo hello jee! Tumhara Bhai fida hua tha pehle mujh pr…or…mein hun hi itni pyaari koi bhi fida ho skta hy mujhy pr,” Jannat Aapaa shokhi marty huy bolein.

Ussi waqt meri, Maryam ki or Zoya ki hansi chut gai.

“Allah tobah..hahahah…itna jhoot?” Zoya hansi muskil se rokty huy boli.

“Khuda ka khauf krein Api safed jhoot bol rhi hyn ap. Ap or pyaari? Asagfaar,” Laraib ne kaha.

“Shoki kam maara krein ap,” Meine kaha.

“World Wide Beauty hun mein Riza ai smjh,” Jannat Aapaa ne kaha or ab toh sb galy phar phar kr hans rhy thy.

Hansty hansty aik dum Jameel khansy lga. “P,,paani do yaar k..koi,” Jameel bola or Allah jaane mujhy kia soojhi k meine usse paani ki bottle pakra di.

Andar hi andar dil kalabaaziyan kha rha tha. Lg rha tha jysy kisi shai ne kaabu kr lia ho. Pr jo bhi tha…acha lg rha tha.

Lekin…usski waqt dil kuxh or keh rha tha or dmag kuxh or.

Dil kehta hy k sulah kr lun lein dmaag kehta hy thora or sabr pr rkho usse. Smjh nhi aa rhi kiski baat maanun.

Pr uss waqt socha k dmaag ki sochni chahiyay…dil ko baad mna lein gy.

“Riza..??” Y/n ne hilaya mujhy. “Kis soch mein ghum ho?”

“Kuxh nhi…bs kuxh yaad aa gia tha. Acha…kia kr rhy thy hm?” Meine baat plaat ty huy pucha.

“Hm puhanch gai hyn aa jaein,” Namra boli or mein bahir nikal ai.

“Mosam aj ka acha hy na?” Meine pucha. “Haan acha mosam hy aj bht,” Qandeel Api ne kaha.

“Bs phir Jannat Aapaa lucky hyn k achy mosam mein unki Dholki rkhi hy or agar aesa hi mosam rha toh Mayun bhi zabrdst ho jai gi. Kia khiyal hy Riza?” Y/n ne pucha.

“Haanji bht lucky hyn woh…or woh dekho Maryam ko…phir larai jhagry k mood mein hy tobah tobah!” Mein kehny lgi.

"Bs dua kro issy koi Mehandi ka design psand aa jai warna dukaan mein anni macha degi," Laraib boli.

"Jaldi jaldi chalo saare! Kia timak timak kr chal rhy ho!?" Jannat Aapaa tang aa kr bolein.

"Y/n, Zoya, Riza chaitee aa jao warna aaj jnaza uth jai ga Aapaa k haathon," Faiqa Aapaa bolein.

"Yeh Qandeel Api or Namra kahan hy?" Laraib puchny lgi. "Jannat Aapaa k saath dukaan mein chali gai hyn dono," Y/n ne kaha.

"Chalo yaar phir jaldi krlo...design dekhny mein bhi tum sb ne saddiyan be taa deni hyn," Meine kaha.

"Jee huzoor bs aa gai hm!"

Dukan thora andar ko kr k thi lekin achi baat yeh thi k larkiyan Mehandi lga rhi thein.

Hm sb aik mehandi waali k saamne beth gai or usse designs dikhai. Or phir ussne hmein mehandi lgana shuru ki.

"Yeh Jannat Api or Maryam na inka sarr kha jaein gi. Nakhry check kro in maharaanion k, " Zoya ne kaha.

"Ab ghar ki sb se bari or choti toh nakhra dikhai gi na...Jannat Aapaa toh krein gi nakhra...thory dino k lia farz hy in pr..or Maryam? Mein kehti hun k isko PM ki seat pr btha do. Agly pichly saare hisaab barabar kr de gi," Meine kaha.

"Mein sun rhi hun ap kia keh rhi ho Riza Api!" Maryam peechy se boli. "Haan toh koi galat baat nhi ki meine..kisi se bhi puchlo."

"Yeh ap sahi se Mehandi lgain isko warna mein isk paisy nhi dunga."

Murr kr dekha toh Jameel mere peechy khara tha. Or Mehandi lgaane waali ko ghoor kr dekh rha tha k woh meri Mehandi sahi lgai

"Mujhy isk haath pr zbrdst mehandi chahiyay...iss pr apne achi lga li hy is wali pr us se bhi achi lgaein. Meri baat smjh aa rhi hy na??"

Mehandi waali summum bukmun ban gai or chup chap mehandi lgati rhi mujhy.

Or Jameel?

Uss Allah ki bandi ne jb tk mujhy Mehandi nhi lgai woh mery peechy se nhi hila. Ab mein isse dheet pana qarar dun k kuxh or?

"Jee Mehandi lg gai hy apki." Mehandi waali ne kaha. "Lao mujhy dikhao pehle," Jameel bola.

"Hmm. Pyaari hy bht. Theek hy! Sb ne lgwaa li Mehandi?" Jameel puchny lga sb se.

"Bs Jannat Aapaa ki reh gai hy...baaki sb ki ho gai hy," Y/n boli. "Jis jis ki mehandi ho gai hy woh bazar se dekhle jo kuxh lena hy or."

Or hm saari larkiyan aik dm khari ho gaein or aik dusry ki shaklein takkne lgein.

"Ammi ne sirf mujhy Mehandi k paisy diyay thy....or paisy nhi hyn mere pass!" Jameel kehny lga.

"Yehlo yaar mujh se lelo or dila do inko jo bhi inho ne lena hy. Or mere lia Rasgullay le ana," Y/n ne kaha or apne wallet mein se Jameel ko paisy de diyay.

"Bht ki nadeedi ho ap," Zoya boli. "Yaar aik Zoya ko bhi dila dena...mein yahan Jannat Aapaa k saath hun theek hy?"

Or phir hm sb larkiyan dukan se nikal kr peechy bazar mein chali gaein.

Aj toh bht hi rash tha bazar mein or toh or motetcycle waalon ne bazar k andar apne bike lekr ai huy thy.

Paindu na hoto!

Meine sb kuxh le lia tha pehle hi...kuxh lena or baaki nhi tha. Lekin phir mujhy aagy dukan pr kuxh nazar aya.

Chooriyaaan!!

Stall pr jaa kr mein churiyan dekhny lgi. "Yeh red mein dikhein," Meine dukaan daar se kaha.

"Yeh lein.." Usne kaha or meine haath mein pehn kr try kein...oooo bht pyaari hyn!!

"Or woh colourful mein bhi dikhaein...sheeshy waali."

"Kia dekh rhi ho?" Jameel aik dum se bola.  "Sharam kia kro! Aik dum se dara dete ho tum!" Meine kaha.

"Acha kia dekh rhi ho?"

Meine foran haath se chooriyan utaarien or dukaan daar ko de dein. "Kuxh nhi dekh rhi."

Or mein aagy Zoya, Qandeel Api or Maryam k saath chal pari.

"Kuxh lia tumne?" Qandeel Api ne pucha. "Nhi kuxh nhi lia." "Toh peechy chooriyan kon psaand kr rha tha?" Zoya kehny lgi.

"Psand toh nhi ki...bs dekh rhi thi," Meine kaha.

"Acha wysy Jameel Bhai bara us mehandi waali ko bol rhy thy k apki Mehandi achi lgaein...lgta hy romeo jee ko galati ka ehsaas ho rha hy," Namra boli.

"Kr dein maaf usse. Chorein pichli baaton ko," Laraib ne kaha. "Lekin ussne bht kuxh kaha tha gaari mein!"

"Chor dein puraani baaton ko...Jameel Bhai thora gusse se baat krte hyn aapse lekin woh waqai sulah krna chahty hyn...woh bs apko nhi dikhaate yeh lekin qasam le lein woh apk lia pehly waale Jameel banna chahty hyn," Zoya ne kaha.

"Aik daffa khud kr toh dekhein unki aankhon mein...oyee hoyee," Maryam kehny lgi.

"Acha bs bs...bazar mein chashni bna do gy mujhy kia??" Mein sharma kr boli. "Acha btao...kr logi na sulah usse?" Faiqa Aapaa ne pucha.

"Umm...sochun gi..." "Bht dheet ho tum!" Laraib ne kaha.

"Acha kr lungi...wysy ao sbko ITNI fikr kiun ho rhi hy hm dono ki sulah k baare mein?" Meine pucha.

"Kiun k tum do larte achy nhi lgte...inty saal ki dosti khrab kro gy? Or ab toh wysy bhi aik ahem ahem hahahaha!" Qandeel Api bolein.

"Jumla toh pura krein aik bar," Namra chairte huy boli.

"Bs krdo..bibyon. Bechari Riza Api Jaam e Sheerein bn gai hy." Zoya ne kaha.

"Wysy tumhe pta hy? Jameel apna hotspot ka.password galat bta rha tha....usne tumhaare naam se rkha hua hy password."

Iss waqt pakka yakeen hy k mery gaalon pr laali ai hui hogi...aaa sharmo sharmi hogai hun mein.

"Saary bas krdo~" Meine kaha or laali chupaany k lia munh chupalia.

"Acha ok ok...chalo bs phir Jannat Aapaa ki Mehandi ho gai hogi...ghar chalein itni tyaarian baaki hyn. JAMEEL AA JAO CHALEIN!"

Laraib Jameel ko boli jo chooriyon k stall pr khara hua tha.

(pov end)

------

Jb tk hm wapis ai toh pura ghar saj gua tha. Taemoor, Musa, Yonus Bhai or Jahangeer ne saara ghar peele rang k phoolon se saja dia tha.

Najam Bhai dholki lene gai huy thy. Ma Sha Allah end time pe bta rhy thy k dholki nhi ai.

Junaid Bhai apni mehbuba k lia ban swarr rhy thy or Hassan Bhai unk baal wghaira set kr rhy thy.

"Nhi Hassan isko is side pr ball nikalo...nhi ruko beech mein se maang nikal do. Haan! Isko na aik messy style dedo."

Bechary Hassan Bhai aj Junaid Bhai ki achi khasi custody mein hyn. Good luck Hassan Bhai!

Huzaifa Bhai na nahana khtam nhi ho rha. Abbu bta rhy hyn k jo 12 bajy k bathroom mein ghussy huy hyn abhi tk nikalne ka naam nhi le rhy.

"Huzaifa aaja bahir konsi imaarat taameer kr rha hy!!!?" Abbu laal peele hi chuke thy. Aj toh Huzaifa Bhai ki thakki thikki pakki hy.

Shehzad Bhai bhi mithai lene gai huy hyn bakery se do order krwai thi...hayee moti chur k ladu uffff!

Yonus Bhai Zoya or Qandeel Api k ammi abbu ko airport se pick krne gai huy hyn

Sb ne phir Zuhar ki Namaz parhi or phir mehmaano ne entry maarna shuru ki.

Sb se pehly Phuppa Phuppo aai (Zoya n Qandeel k ammi abbu) or usky baad teeno Mamu. Or phir hmaary dono Chachu.

Ghar mein aik dum se ronak ho gai sbk aany se. Ammi ki side se kuxh mehmaan ai thy.

Jannat Aapaa tyaar ho gai thein or phir hmne dholki shuru ki.

Unho ne yellow kameez or sharara pehna hua tha. Junaid Bhai ne light brown colour ki shalwar kameez pehni hui thi.

Hmare dholki experts...Faiqa Aapaa or Choti Chacchi.

"Pehla gaana konsa?" Taemoor ne pucha. "Bally Bally se shuru kro!" Jannat Aapaa bolein.

"Ballay ballay ni dor punjaban di
Ho ballay ballay ni dor punjaban di
Ho jutti khal di marona naio chal di dor punjaban di!"

Dholki pe hmari chamach ki experts Zoya or Qandeel Api.

Jameel aj bht khush or jazbaati tha Allah jaane kiun. Woh or Jahangeer jb se function start hua hy aps mein khus phuss kr rhy hyn.

"Agla gaana!?" Riza boli. "Desan da raja!"

"Desan da raja mere babul da pyara Ambri de dil da shara ni veer mera korri chareya Kori chareya ni saiyon korri chareya!

Soney diyan tara da sehra jado laya Veer mere da hoya roop sohaya Chaleya na jaue lishkara ni veer mera korri chareya"

Poora din hm gaane gaate rhy...khushi ka moqa tha or sb ne khul kr mzza kia. Koi bhi udass ho kr nhi gia.

Junaid Bhai toh Jannat Aapaa ko lekr gai huy hyn date pr...bs ab Allah jaane kb aein gy.

-
-

Riza P.O.V

Aj toh raj k laddu khai or Jannat Aapaa ko chera. Uff sb se acha din tha yeh. Kal Mayon mein or mzza ai ga.

Sb bht acha tha lekin dmaag mein aik hi baat ghoom rhi thi k....maafi mang leni chahiyay Jameel se...kiun ab toh do hafton se ziada ho gia hy or mujhy bura lg rha hy.

Phone nikala or Jameel ko message kia.

Upar chatt pr ao baat krni hy
(seen)

Or phir mein upar chatt or chali gai. Aj chand bht pyara lg rha tha or asmaan pr taare bhi bht ziada thy.

"Haan bolo?" Jameel bhagta hua aya. "Btao kia kehna hy?"

"Sans lelo pehly, phir btati hun." Meine kaha.

"Acha plz btao na k-" "Sorry Jameel."

"Sorry mein ziada gussa ho gai thi, mein nhi chahti k hmara itna acha bomd khraab ho. Plz mujhy maaf krdo."

"Tumhe yaad aa rhi thi na meri?" Jameel bola. "A..ab aesi b..bhi koi b..bat nhi hy."

"Jhooti...saaf munh pr likha hua hy tumhaare," Jameel kehny lga.

"Haan khush? Yaad aa rhi thi tumhaari...chalo ab mujhse maafi maango!" Meine kaha.

"Acha jee...Sorry! Sorry! Sorry!" Jameel bola or hm dono hansny lgy. "Kaan pakr kr bhi bol do," Meine kaha.

"Avaein?!!?" "Plz naa Jameel bol dein kaan pakr sorry~"

Or phir kaan pakr kr sorry bulwaya meine Jameel se.

"Acha kuxh dena tha tumhe..." Jameel ne kaha. "Kia?" Meine pucha.

"Yehlo." Keh kr ussne aik khaki rang ka packet haath mein de dia.

Khol kr dekha toh....

Chooriyaaan!

"Hayeeee! Thanku Jameel!" "Mein pehna dun?" Jameel sharma kr bola.

"Um..nhi p..pehn lungi...well...nhi...yaar pehna do kysy mnah krun apko?"

Or phir Jameel ne mujhy pehnai churiyaan!

Ajka din mere liyay waqai bhi azeez hy...mein or Jameel...

Bas mein or Jameel.

----

Im.back! With a new chapter!

Mein qasmein subah Fajar k baad se likh rhi hun, Ammi ki taane bhi sun chuki hun. Hayee bachai mujhy koi.

Jizarimin is FINALLY FINALLY back! Khushi bardasht nhi horhi mujhy. Sada khush rho dono.

I missed u all so much dil krta hy apne sb readers ko group hug dun.

Ab mujhse or nhi lilha jaa rha cuz my thumbs are numb and my back has swear cramps in them.

Allah Hafiz
Love u

----