Season II - Chapter 3

"Subah uth kr Allah ka shukkar ada kia krein k ap zinda hyn. Phir brush krne ki tofeeq bhi kr lia krein taa k dusry bhi zinda reh skein."

Allah ne Itwaar bhi kia cheez bnai hy. Jumme se uski khusboo any lg jati hy. Or mein jo is koshish mein rehti hun k 'Mt dhoondo mujhy duniya ki tnhai mein, aj Itwaar hy mein hun apny bed ki gehrai mein' lekin yeh saari khuahishein adhoori reh jati hyn.

Kiun? Kiun meri pyaari si walida majida ne pury jahan ka kaam ikattha kr rkha hota hy mery lia jo subah Fajr k baad se le kr raat ko sony se pehly khatam nhi hota. Or agar mein ghalati se bhi jaldi farig ho jaun toh khair se mery saath bhaiyon ko koi kaam yaad aa jata hy jo woh Ammi ka naam de kr krwa lety hyn.

Hy na kitni haseen zindagi meri?

Subah k 8 bj rhy hyn or hasb e mamool sb nashta aany ka intezar kr rhy hyn. Woh aleda baat hy k koi abhi tk gya hi nhi nashta lene. "Chaly jao na tum kia ho jai ga!?" Jameel Taemoor ki jaan khaty huy bola. "Apko kaha hy ap hi jao yahan apni naasein phulany ki zarorrat nhi," Taemoor bola.

"Jahangeer yaar bhai nhi mera chota? Chala jaa na please abhi their k mein banana milkshake bna dunga," Jameel aik baar phir choty ko blackmail krne lga. "Y/n Aapaa bna dein gi shakr mujhy ap jaein nashta le kr aein warna smoothie toh abba bna dein gy apki," Jahangeer ulta Jameel ko blackmail krte huy bola.

"Yaar...kitni na wysy zuban chalti hy tumhari Jahangeer!" Jameel ne kaha. "Bhai kis ka hun yeh bhi toh dekhein," Jahangeer ne jwaab dia or Jameel toh bs ghussy mein laal ho gia. "Aesa lgta hy Ammi ne chappairein maar kr natural blush-on lgaya hy Jameel bhai ko," Taemoor apni hansi rokty huy bola or udhar Jameel tappi jaa rha tha.

"Bht kaminy ho tum dono wysy..." Jameel ne aahista awaz mein kaha. Ab jnaab ne route pakra TV Lounge ki traf kiun k un k dmaag mein aik plan tha. "Nashta lene kiun nhi gai tum!?" Abba ne pucha jo subah subah unchi awaaz mein Headlines dekh rhy thy. "Abba woh Y/n Aapaa keh rhi thein k aj woh khud nashta bnaein gi hmary lia issi lia nashta lany ki zarurat nhi," Jameel ne jhat se jhoot bola.

"Acha? Mujhy toh woh abhi keh kr gai hy jaldi se nashta mngwa lein bhook lg hy or tum keh rhy ho k Y/n keh rhi hy nashta woh bnai gi," Abba ne kaha. "Abhi puch kr aa rha hun mein. Nashta Y/n Aapaa bnaein gi."

"Aesa toh woh keh nhi skti. Itwaar wale din wysy usko maut ai hoti hy koi kaam na krny ki or tumhary mutabiq woh nashta bnai gi sb k lia. Jameel puttar dmaag theek h apka h mein theek krun?" Shehzad Bhai ne kaha jo abhi abhi apny hujry se tashreef frma huy thy.

"H-Haan toh a-aj unka m-mood theek b-bhi to ho skta hy," Jameel bola. "Yeh pishtarbaziyan na tum kisi or k saath krna hmein beokoof bnany ki zarurat nhi tumhe," Shehzad Bhai ne kaha lekin Jmaeel wysy ka wysa dheet apni baat pr qaim rha.

"Mein keh toh rha hun k aj nashta Y/n Aapa ne bnana hy. Abhi keh rhi thein mujhy k sbko keh do aj nashta woh bnein gi." "Acha? Aesa hy phir?" Shehzad Bhai ne kaha or Jmaeel ne haan mein apna sarr hilaya. "Y/n! Y/n ki bachi baat suno!" Shehzad Bhai ne awaaz di or mein jo apna kamra saaf kr rhi thi neechy aa gai aik haath mein dusting ka kapra thmai.

"Pehli baat, tameez se baat kia krein mujh se. Dusri baat, kia masla hy?" Meine kaha. "Aj ka nashta tumne bnana hy?" Shehzad Bhai ne pucha. "Pagal wagal ho gai hyn ap! Mery abhi pura din haathon mein or kamar mein dard rhy ga kaam kr kr k. Maid toh wysy maharani Sunday ki chutti krti hy. Or ap chahty hyn k mein nashta bhi bnaun?" Meine ghussy mein kaha.

"Nakhry kitny hyn tumhary wysy abhi khbar mili hy k nashta tumne bnana hy." "Yeh kisne itni gandi khbar di hy apko naam toh btaein uska," Meine pucha. "Jameel Bhatti ne yeh khbar hmein puhnchai hy," Shehzad Bhai ne kaha or murr kr dekha toh toh shitaan ka chailla gaib tha.

"Iski toh mein khbar leti hun na fikr na kry," Meine kaha or upar Jameel or Huzaifa Bhai k kamry mein chali gai aik bndy ki aqal thikany lgane. Bhook se paet mein Tom and Jerry wali lrai ho rhy hy udhar yeh larka nashta lany ka naam hi nhi le rha.

Drwaza khat-khtaya or andar Huzaifa Bhai apni marri hui awaaz mein boly," Kia hy....uth rha hun..." "Jameel kahan hy?" Meine pucha. "Pta nhi Junaid se pucho Paneer ka packet kahan hy." "Ohoo!! Paneer nhi JAMEEL!" "Haan haan Junaid kal laya tha Paneer us se pucho mera dmaag na khao," Huzaifa Bhai ne kaha or mera bara dil kia k aik do thappar lgaun unko.

"Kaan mein jo ganda mwaad bhra hua hy na usko saaf krein jitna jaldi ho saky," Meine kaha or chal di whan se lekin Taemoor or Jahangeer k kamry k bahir jhooty ki chappal nazar ai. Bht akalmand log hyn hmary ghar mein Ma Sha Allah.

Darwaza khola toh teeno bethy phone mein ghusy huy thy. Mein unko dekhi jaa rhi bun lekin mobile k charsi idhar dekhny ki zehmat nhi kr rhy. Phir Taemoor ko yaad aya k ohhh unki toh aankhein bhi hyn jo sirf mobile dekhny k lia nhi hotein. Mujhy dekh kr bechara thora darr gia or Jameel ko kohni maar k hilaya.

"Kia museebat hy- hoyee Allah khair!" Jameel ne kaha or foran khra hogia jb usne mujhy dekha. Taemoor ne woh wale expression de rha tha k 'mein toh bekasoor hun' or Jahangeer bed pr beth kr game khelny lga kiun k ussy koi parwah nhi. "Ap nashta nhi bna rhi thein?" Jameel ne pucha. "Nhi mein nhi bna rhi nashta kiun k aj TUM bnao gy sbk lia nashta," Meine kaha or Taemoor ki hansi choot gai.

"Tum hansy na toh is jhally k saath nashta bnao gy ai smjh!?" Meine kaha or Taemoor ne apny honth pr yunh haath phaira jysy zip-up kr lia ho. "Mein toh nhi bna rha nashta...pta hy apko parathy jala deta hn, chai ubal jati hy mery se or andy mujh se bht khrab bnty hyn. Ab mein aesa kaam kiun krun k cheez zaya ho?" Jameel ne kaha or mujhy toh bari hairani hui uski baat sun kr.

"Meine na jooti utha leni hy or phir jahan jahan lgy gi na tume, wahan wahan khoobsurat nishan bhi banein gy meri chappal ky. Issi lia jao or nashta lekr ao," Meine kaha. "Meine nhi jana naa- ACHA ACHA JATA HUN!" Abhi uski baat adhi hi thi k meine jooti utha li. "Niklo kamry se foran!" Meine jooti se ishara krte huy bola. "Acha ata hun maro gi toh nhi?" "Jameel. Kamry. Se. Bahir, Niklo," Meine phir kaha.

"Side pr hon, billi ka rasta toh dein. Acha...maro gi toh nhi?"

"Nhi marun gi kamry se bahir ao," Meine ussy tasalli di. "Nhi mein nhi aa rha maro gi ap mujhy." "JAMEEL YAAR YEH APNA TOPI DRAMA BND KO OR DAFFA HO JAA KR NASHTA LEKR AO. Bhook se bura haal ho rha or tumhary dramy khtam nhi ho rhy. Kamry se bahir na ai na tum toh meine waqai bht marna hy tumhe. Tumhari zindagi k din kam kr dungi mein," Meine ghussy se kaha or bhai shb speedein marta hua nikal gia nashta lene.

Ab jb tk nashta nhi aa jata meine sb soti aatmaon ko uthaun kiun k yeh abhi bhi doodh peety bachy hyn inhe uthana prta hy. Junaid Bhai hmary ghar k sb se bary bachy or saath unki zauja mohtarma jinki minnatein smajatein kr k unko uthana prta hy.

Agla stop Junaid Bhai ka kamra tha. "Junaid Bhai! Ooo Junaid Bhai!" Meine kaha lekin koi jwaab na mila. "Junaid Bhai! Jannat Bhabhi! Ohh dheet qaum! Utho jaldi!" Phir bhi koi haan naa ka jwaab na aya. Phir dmaag ki batti jali or mzzydar idea aya.

"AP TAMAM SHB NEECHY AA JAEIN!!"

"Yes sir!!" Andar se Junaid Bhai ki awaaz ai or foran darwaza khol kr bahir khray ho gai. "Ab mein yehi tareeqa istemal kia krun gi apko jgany k lia. PMA ka yeh faida hy," Meine kaha or Junaid Bhai awaazari ki halat mein wahan khary rhy.

"Tabhi kahun abhi do dn pary hyn Kakul jany k lia or abhi se yeh khwaab ana shuru ho gai. Tumhe kia takleef pari hui hy?" "Uth jaein or rehm kr lein mujh pr. Nashta any wala hy, thanda ho gia toh mzzy nhi kre ga. Shehzad Bhai ko dekhein aj khair se jaldi uth gai hyn," Meine kaha or neechy chai bany chal di.

Najam Bhai bhi uth kr aa gai thy or mein unko ghaseet kr kitchen mein le gai. "Chai bnaein mery saath," Meine kaha. "Khud bna lo kitna ko mushkil kaam hy? Pani ubalo, patti dalo, doodh dalo, lo bn gai. Konsi mazeed meena-kari krni hy tumne?" Najam Bhai boly.

"Dekho chai sb ne peeni hy or choti pateeli hy chai k lia jis mein sirf char se panch cup bnty hyn. Ap aik pateeli dekh lena mein dusri dekh lungi warna ubal jai gi," Meine ssari baat btai. "Char cup pehly bna lo or phir char cup ussi pateeli mein baad mein bna lena." "Itni faarig lgti hun apko mein hain!?" "Acha yaar bnata hun, agr kitchen jal gia na toh mujhy ilzam na dena," Najam Bhai kaam choron wali baatein krty huy holy.

"Patti ka aik dana bhi neechy gira na toh ap saaf kro gy. Yeh baat apny dmaag mein bitha lo," Meine kaha or phir hm dono behn bhai ne mil kr chai bnai, woh aleda baat hy k Najam Bhai or nuksaan na krein? Yeh toh kabhi zindagi mein nhi ho skta.

15 se 20 minute baad Jameel ne aany ki zehmat ki or hm sb nashty k lia beth gai. Sunday toh Halwa Puri k bgair adhoora lgta hy. Hmary ghar toh Ma Sha Allah sb khany k shokeen hyn or itna khaty hyn k thori der baad phir kuxh na kuxh khany ko dil kr jata hy. Aati bhi 20 Purian hyn hm sb k lia. Kiun? Kiun k sb do do khaty hyn.

"Meri shaadi pr kitni ronaq thi na? Sb mehmano ne mil kr nashta kia tha," Jannat Bhabhi ne kaha. "Meri nhi hmari shaadi Jannat," Junaid Bhai ne unhy kaha. "Or jo mil kr thoonsa tha na unho ne woh hm lrkiyon ne bnaya tha," Mein boli or nashta jari rkha lekin dekhti hun k Jahangeer bht chup chup betha hua hy.

"O bhai shb. Khairiyat? Itni khamoshi?" Meine pucha. "Na puchein...." Jahangeer ne kaha. "Pyaar wyaar toh nhi ho gai tumhe kia?" Junaid Bhai ne mzzak mein pucha. "Or bhi ghum hyn pyaar k siwa zmaane mein, aj mera paun phisal gia gusal khany mein," Jahangeer ne kaha or sb k Abbu Ammi smaet hasny lgy.

"Bachat ho ga k nhi??" Ammi ne thora pareshan haal mein pucha.

"Koi bathroom mein phisal jai woh bhi zoron se or usko kuxh na ho aesa ho skta hy?" Jahangeer ne kaha or Ammi usko pyaar krne lgein. "Hyeee! Chup kro sb mera beta takleef mein hy," Ammi ne kaha. "Abhi toh yeh betha hua hy. Hil jhul kre zara si lg pta jai ga," Najam Bhai ne kaha or Jameel ko ghoorny lgy.

"Meine kia kia hy jo aesy takk rhy hyn mujhy?" Jameel ne pucha. "Abhi bhi woh waqiya yaad hy jb tu ne Junaid ki shaadi pr mera bathroom gheela kia tha or mein phisal gia tha buri trha se. Hyee wohh dard!!" Najam Bhai ne kaha or Jameel besharmon ki trhan hansny lga.

"Yeh Abbu bara be-sharm beta hy apka mein bta rha hun," Najam Bhai ne kaha. "Woh toh hm bhi janty hyn kitna bara be-sharm hy yeh," Abba boly. "Haan krlo meri be-izzati sb. Issi lia toh paida hua hua hun mein," Jameel ne kaha or kitchen mein jaa kr plate aesy hi rkh di.

"Oyee sharafat se dho kr ao apni plate," Meine kaha.

"Shrafat bht hy mujh mein Aapaa or wysy bhi bartan Lemon MaxBar se saaf hoty hyn ShRaFat se nhi," Jameel ne kaha. "Sharafat mein 'Shar' bhi hy or 'Afat' bhi hy jo Allah Allah khair se tum mein pai jati hyn Jameel beta. Ziada zuban na chlao or jo behn keh rhi hy woh kro," Abba ne kaha or Jameel munh bna kr kitchen ki traf wapis chal dia.

'Meine tumhari Chachi se baat ki hy. Aj aa rhi hyn teeno ghar rehny," Ammi ne kaha. "Kona a rhi hyn?" Jameel, Taemoor or Shehzad Bhai teeno saath boly. "Maryam, Laraib or Namra. Or kis ne ana hy?" "Oh...acha...mujhy lga k..," Shehzad Bhai kehny lgy. "Kuxh keh rhy ho beta tum?" Abba ne pucha. "Nhi nhi mein toh keh rha hun acha hy aa rhi hyn," Shehzad Bhai ne kaha.

"Hyeee mera bara dil tha milny ka un se. Aj hm sb phir ikatthy ho rhy hyn," Bhabhi ne kaha. "Yaar abhi aadhy log rehty hyn...," Meine kaha. "Abhi yeh aa jaein phir baaqi chaaro larkiyon ko bhi bulwa lein gy," Abba ne kaha.

“Acha Abba baat sunein…” Taemoor ne kaha. “Haan bolo?”

“Woh toh hmari Peshawar wali Phuppo hyn…uhh woh kb aa rhi hyn Lahore…? Koi wjha nhi bs aesy hi…puch rha hun,.” “Tum toh aesy keh rhy ho jysy saath wali gali mein Peshawar hy. Abhi to un ki bachiyon k college wgaira khuly huy hyn. Abhi toh nhi aein gi woh. Ho skta hy aein aik do maheeny tk,” Abba ne kaha.

"Aik do maheeny tk??" Shehzad Bhai kehny lgy. "Haan toh Phuppa tumhara vailla thori hy usko bhi kaam hyn itny. Unki dono betiyon ki prhai jaari hy abhi. Lockdown itna nhi hy wahan," Abba ne kaha or dono Taemoor or Shehzad Bhai chup ho gai.

Puchna toh bnta hy becharon ka aakhir kar. Update rkhni chahiyay aesy mamlon mein agr ap apny ap ko pyaar k duniya mein dhkailty hyn toh. Khair sadda ki? Saadi zindagi che roly kam an te assi apny ap nu is traf v le jaiye?

Ab bari hy kitchen mein jaany ki jahan thory se bartan dhony hyn or dupehar ka khana bnana hy. Yeh bhi bari museebat hy k kia pkaein, smjh hi nhi ata.

(S/N: Hmse pucho. Eid guzry do hafty ho gai lekin abhi bhi roz gosht khaty hyn)

Sb bahir bethy huy hyn puch leti hun kia bnana hy. "Baat suno sb. Btao jaldi se kia bnaun smjh nhi aa rha," Meine pucha hi hy or sb ki frmaishein shuru ho jati hyn. "Quorma!" "Biryani!"  "Khary msaly ka gosht!" "Aalu ki bhujiya!" "Aallu Andy!" "Chany wale Chawal!"

"Aladdin k chrag wala Jinn nhi hun mein. Insaan hun itni bari bari frmaishein na kro. Sahi se btao kia pkaun. Junaid Bhai ap hi bta dein," Meine Junaid Bhai se pucha. "Jo marzi paka lo mujhy khany se mtlb hy," Junaid Bhai ne kaha. "Bhooky kahein ky....acha btao Daal Chawal bna lun?" Meine pucha or sb ne haan mein sarr hilaya.

"Bs theek hy. Phir jb woh teeno aein gi toh saath hi khana kahein gy. Bs saath wali dukan se Achaar pkar lana woh khtam ho gia hy," Meine kaha or chal di khana bnany

----

Meri bs aik choti se khuahish hy; Kaash mujy kitchen se ta hiyaat na-ehal kr dia jai. Qaasam se kabhi nhi puchun gi mujhy kiun nikala. Kitchen mein ghanta ghanta khray ho kr kaam krny wali khwateen ko yeh zroor kehna chahun gi k Jannat ki hwaein unhe salam kehti hyn.

Garmi itni thi k jaldi se munh dhoya or pankhy k neechy beth gai lekin kisi ne panka bnd kr dia. "Kia hy kiun pankha bnd kia hy?" Meine pucha. "Ghar mein saari jgha pankhy chal rhy hyn. Bijli ka bill bht ata hy yaar," Huzaifa Bhai ne kaha. "Keh tho ap yunh rhy hyn k paisy apk lgty hyn bill jama krwaty waqt," Mein boli. "TOH JAMA TOH MEIN KRWANE JATA HUN NA DAFTAR MEIN!"

"Hawww aj toh bill ana tha or ab ap jaa rhy ho itni garmi mein bill jama krwane?" Mein Huzaifa Bhai or charity huy boli. "Abki baar bill bht ziada aya hy thora khiyal rkha rho. Jb dil krta hy pankhy lightein jala dety ho fuzool mein." "Acha jaein mujh pr garam na hon....kitni garmi hy na bahir uff!!"  Huzaifa Bhai phir gai bhi gaari mein. Kiun k mery pyaary se bhai ko apni rangat ka bht ehsas hy toh koshish yehi krty hyn k dhoop se door rhyn.

Abhi Huzaifa Bhai gai hi hyn k thori der baad bell hui. Zaroor Namra, Laraib or Maryam ai hon gy. Darwaza khola toh shak mera bilkul theek nikla. Salam dua k baad Laraib or Namra foran galy milien mujh se or Maryam andar bhaag gai koi niya siyappa khra krne. "Kysi ho dono?" Meine gate bnd krte huy pucha. "Allhamdulillah theek hyn. Bari khushi hui k uni or college bnd ho gai dubara. Ufff Shafqat chachu pr bara pyaar aa rha hy is waqt," Laraib ne kaha.

"Hmary toh tests hony wale thy or meri toh bilkul tyaari nhi thi. Shukkar college bnd hua mera mein toh bach gai warna pakka fail hona tha,' Namra ne kaha. "Qasam se bary prhai-chorr hyn hm," Meine kaha or hm andar aa gai.

"Acha btao kia laun? Paani wgaira ya juice?" "Paani theek hy bs," Laraib or Namra ne kaha. "Mery lia juice!!' Maryam cheekhi. Phir jb tk teeno sb se mil kr aein, paani pi kr thora thandi huein or hm Bhabhi k kamry mein chaly gai.

"Khargosh ka bacha kahan hy?" Mayam ne pucha. "Apny kamry mein hy games khel rha hoga. Ya Taemoor or Jameel k saath cricket khel rha hoga bahir," Meine kaha or Maryam bhag gai apny shikar ko tang krne.

"Jannat Baji!" Laraib ne kaha or apni behn se yunh mili jysy sadiyon se bichry huy thy. "Maryam nhi ai?" Bhabhi ne pucha. "Kysy na ai woh. Ussi ne sb se ziada shorr dala hua tha aany ka. Ab phir rhi hy idhar udhar Jahangeer ko tang krne," Namra ne kaha.  "Orr sunao...kysy guzar rhi hy shaadi shuda zindagi?" Laraib ne pucha. "Abhi tk toh bht achi guzar rhi hy. Allhamdulillah!" Bhabhi bary josh se bolein.

"Achi hi guzry gi inki zindagi. Love Marriage jo ki hy," Namra ne kaha.

"Haan hy Love Marriage toh is  mein konsi bari baat thy," Junaid Bhai ne kaha jo abhi abhi ai thy kamry mein. "Aryyy jeeja jee...kia haal hyn apk?" Laraib ne pucha. "Ayee hayee! Bhai bola kro jeeu sheeju na bola kro itna ajeeb lgta hy," Junaid Bhai munh bnaty huy boly. "Munh k ilawa kuxh or bhi bna lia krein bhai," Namra tang krty huy boli.

"Bht acha khana bnata hun khair se." "Haan issi kaam mein achy ho tum," Bhabhi ne kaha or Junaid Bhai toh khasny lgy. "Bs? Issi kaam mein acha hun? Apny career mein bhi acha hun, Ammi Abbu ka frman brdar hun, dil ka bhi acha hun mein," Junaid Bhai kehny lgy. "Yaar tum toh serious le gai mzzak kr rhi thi," Bhabhi ne kaha.

"Na kia kro aesy mzzak. Mera handsome bootha is baat ko seh nhi pata," Junaid Bhai ne kaha or sb aik bar phir hnsny lgy. "Ayee lo naazreen aj ki taaza tareen chuss by Junaid Bhatti," Meine kaha. "Tum toh niklo na yhan se meri behn kam or muhally ki fasadi aurat ziada lgti ho."

"Ap bhi mery bhai kam or oh khusar phusar krne wali aurat ziada lgty ho smjhy!" Meine kaha or khana lgane chali gai. "Koi izzat nhi apki waqai bhai..." Laraib ne kaha. "Pehly mujhy shak tha Laraib lekin Allah ki qasm ab yaqeen ho gia hy," Junaid Bhai ne apna sarr pakr kr kaha.

Abhi baatein chal rhi thein k koi baar baar bell bjane lga yeh zehn mein rkh kr k in k ghar ki bell jb tk foat nhi ho jati bjaty rhein gy. "Ooo haath haula rkho aa rhy hyn!" Abba ne kaha or hm sb neechy aa gai. Drwaza khola toh hmary saath wale Tariq uncle ghussy mein or unk saath Jameel, Taemoor or Jahangeer khary huy thy apna sarr jhukai.

"Hanji kia baat hy?" Abba ne pucha. "Yeh ap apny baiton se puchein. Intehai shrarti larky hyn apk. Mery ghar ka saane wala sheesha torr dia hy. Bhala yeh hy koi baat krne ki?" Tariq ucle aag bagola bnty huy boly. "Sorry bol toh dia tha apko or kia pair choom lein apky?" Jahangeer ne kaha. "Dekh lein apny is choty wali ki harkatein. Sheesha bhi issi ne tora tha. Itna shok hy na issy Under-19 Cricket selection k lia bhejein. Kamaz kam mery ghar ki khirkiyan toh mehfooz rhein gi na is shaitaan k bachy k haaton!"

"Abba dekh lein apko shaitaan keh rhy hyn Tariq shb," Jameel ne kaha or uncle toh or ghussy mein aa gai. "In mein se yeh sb se bara hy. Na tameez hy na sharam hy. Isk bhi ap purzy theek krein," Tariq uncle Jameel ki shikayat krte huy boly.

"Yeh beech wala bhi reh gia hy iski bhi koi shikayat hy toh jaldi kr dein," Abba ne Taemoor ki taraf ishara krty huy kaha. "Yeh...uh...yeh bhi bara hi nikamma or dheet beta hy apka." Uncle jee ne apna shikayati khata bnd kia or apny ghar rwana ho gai.

"Hanji Jahangeer shb sunein ap," Abba ne kaha. "Kia sunaun...?" "Chotha Kalma! Jo tumne begairti ki hy uska karnama sunao!" "Abba dekhein m jo kahun ga sach kahun ga sach k siwa kuxh nhi kahun ga," Jahangeer bola. "Dialogues baad mein bolna abhi yeh btao kia jhallapan kia hy tumne?" Maryam use tang krte huy boli.

"Tumhary toh mein baad mein baal nochun ga Aahat ki churail!" "Jo meine pucha hy woh btao!!!" Abba aik dum se boly or bechara darr gia. "Agar Jameel bhai mujhy itni fast bowling na krwate toh mein zor se chakka na marta lekin unho ne fast bowling krwa di or meine chakka maar dia. Sheesha toh tooty ga na phir," Jahangeer ne kaha.

"Haan ab sara ilzam mujhy pr daal do. Bandook mery kanndhy se chlao. Galti khud ki hy ilzam mujhy pr dal rhy ho. Sharam aani chahiyay tumhe!" Jameel bara bhai hony ka pura faida utha rha tha. "Kuxh sharm hoti hy, kuxh haya hoti hy par Jahangeer ko kia pta woh kia hoti hy," Maryam ne kaha or Jahangeer tapp gia.

"Tumse toh abhi hisaab baqi hyn Bilo Bandri sabr toh kro tum!"

"A jee sunty hyn! Larai khtam kwaein or aa jaein khany k lia," Ammi ne khasusan Abba ko awaaz di or Abba apna pura Kayi Qabila mera mtlb...Bhatti Qabila jama kr k dining room mein le gai. Ammi or Bhabhi khana lga chuki thein or bs hmary bethny ki der thi or khana yunh aya yunh gia.

"Mujhy lga baqi sb bhi ai hon gy," Laraib kehny lgi. "Nhi yaar...tumhe toh pta hy kaam ki wjha se Peshawar wali party abhi aik do maheena masroof hy. Faiqa Aapaa toh gai hui hyn apni uni k saath trip pr or Riza...usk exams ho rhy hyn toh Faiqa Aapaa or Riza aik do hafty mein free ho kr hongy idhar or Zoya or Qandeel Baji aik maheena toh lein gi," Meine btaya.

"Qasam se mujhy woh ronakein bht yaad ati hyn," Namra ne kaha. "Pichli bar itna mzza toh shaadi pr kia tha usk baad college wgaira khul gai...ab Allah ka karam hy k school phir bnd ho gai hyn. Ab hm sahi halla gulla krein gy, kiun theek kaha na Jannat Aapaa?" Maryam ne kaha.

"Qasam se tum larkiyan bht prhai-chorr ho," Ammi ne kaha.

"Tai Amma bs yeh apna talent hy- AAAHHH!" Maryam ne kaha lekin aik dm se jaadu hua or bechari pr paani baras para. Yeh Jahangeer ki harkat thi jo apny lia pani bhar kr laa rha tha or slip ho gia, sara paani Maryam pr PHASHHH!! Aj toh bechara dusri baat gir rha hy.

"Begairat toh bht dekhy hyn pr tumhara apna hi muqam hy lanti insaan!" Maryam apny kapry sukhaty huy boli. "Bs pta tha k aj tum jysi kaali billi ne ghar ana hy qismat meri khrab honi hy. Dusri baar phisal rha hun," Jahangeer zameen se uthty huy bola.

"You deserve it idiot! Sara mera liner khrab ho gia itni mushkil se lgaya tha," Maryam cheekhty huy boli. "Aj kal larkiyan husn pr naaz krti hyn. Pehla Kalma nhi ata or English mein baat krti hyn wahh!?" Jahangeer apny shair o shayari shuru krte huy bola.

"Hawww Maryam yeh toh bisti hui tumhari," Jameel bola jis ko shuru se adat hy har mamly mein apni piddi but actually BIG FOOT jitni tang ghusarny ki. "Bs kro tum sb! Lar lar pta nhi konsa sukoon milta hy? Kisi ki awaaz na ai mujhy. Begairaton jeena haram kia hua hy," Shehzad Bhai ne kaha or sb chup.

(S/N: Agust D holds power mannn!)

Shehzad Bhai se zalalat k baad hm sb mery kmry mein chaly jaaty hyn. Mutmaeen dheet hyn hm. Bisti ka asar ho jai hm pr? Tobah Astagfar! Abhi jaa kr bethy hi hyn k Ammi upar aa gaein haath m phone thmai.

"Kia hua Ammi? Aesy pareshan kiun dikh rhi hyn?" Meine pucha. "Beta woh jo tumhari Karachi wali Khala nhi hyn woh aa rhi hyn apny bachon smaet," Ammi ne btaya. "Wohi jo phir America chali gai thein shaadi k baad? Acha unko kia hua?" Najam Bhai ne pucha. "Btaya toh hy woh aa rhi hyn apny bachon smaet Lahore," Ammi bolein. "Yeh toh achi baa thy aa jaein," Taemoor bola.

"Arryy ahmakon WOH KAL AA RHI HYN LAHORE WOH BHI HMARY GHAR REHNY!"
"KIAAAAAAAAAAAA!!????"

----
(4500+ words)

S/N: (Sumaira's/Note)

Assalam O Alaikum! Hope sb khair khariyat se hyn. Hans rhy hyn, hansa rhy hyn or zindagi baita rhy hyn.

Pehli baat toh yeh k meine itny dino baad update ki or apny readers ko waiting line m rkha us k lia mazrat. But kiun k ab chapter is here then please vote and comment because I love to read them or unka reply dene m or mmza ata hy.

I hope k sb ko chapter psand aya hoga. I've been writing this from 4 am in the morning and ab finish hua hy. Please meri mehnat ko zaya mt hony dein.

--> Updates ki routine yeh k Saturday ya Sunday ko hongi. Aik hafta yeh BTS Ramdan Special or us se next hafta Life Never Gave Me  A Chance and so on.

And I wanted to include these lovely fanarts by this lovely person, also one of the main female leads of this story jizarimin
Fanarts ka time khtam ho gia tha but der aya darust aya:

Thankyou so much once again for these. I really loved them💜

Or aakhir mein...Khush rhein, apny ird gird k logon ko khush rkhein or acha sochein apny lia bhi or dusron k lia bhi.

Allah Hafiz! Mulaqat hoti hy agly hafty BTS Ramdan Special mein.

----