"Pary maro sony do!"

Neend bhi aisi mehmaan hy jis k aany jaane ka koi pta nhi hota.

Yeh bs ussi waqt tasreef laati hy jb yaa toh ghar mein shor machna hota hy yaa toh apko thori der ka sukoon milta hy.

Lekin sukoon...tobah ap log bhi har baar sukoon ka naam sun sun k khap gai hongy lekin maany ya na maany...sukoon ki apki bhi bht shiddat se zarurat hy.

Kehty hyn sukoon khud talaash krna hota hy lekin jis ghar mein pagalon ki dukaan lgi ho toh sukoon milna door ki baat, apko bhi aik na aik din un pagalon mein shareek hona parta hy.

"Y/n Aapaa apko Allah ka wasta hy uth jaein." "Meine tumhara munh tor dena hy chup chap so jao or mujhy bhi sony do."

Choty behn bhai ghar woh makhlooq hoti hy jinho ne apne bary behn bhaiyon ka sukoon barbaad kia hota hy.

Iss waqt k kuxh halaat yunh hyn k subah k 6 baj rhy hyn or Jahangeer mera sona azaab kr rha hy.

"Nashta bna dein...Aapaa..Oo Aapaa!" Jahangeer bola. "Jahangeer mein aakhri daffa keh rhi hun...neend aa rhi hy sony do," Mein soti hui awaaz mein boli.

"Please naa~" "Yaar ab tumhary munh se 'chun' ki bhi awaaz ai na toh tumhaari zuban khench lungi bolny k qabil nhi rho gy."

Yeh keh kr mein phir so gai lekin yeh neend bhi ziada der tk nhi chali k Abbu kamry mein aa gai or lightein chala dein.

Mtlb..hadd hy bhai?

"Abbu light band krein," Taemoor apni soti hui bhoot jysi awaaz mein bola. "Mein laun jooti?" Abbu ne gussy se kaha.

"Nhi nhi Abbu itny takalluf ki zarurat nhi hy hm uth rhy hyn," Jameel bola. "Jaldi utho or neechy aa jao...Y/n or Jahangeer se bhi kaho uth jaein," Abbu kehny lgy.

"Mein uthi hui hun," Meine kaha. "Acha theek hy...lekin jaldi kro...Huzaifa or Yonus nashta lene gai huy hyn.

Abbu mury to choty sofy pr Jahangeer munh phula kr betha hua tha.

"Tumhe kia hua hy?" Abbu ne pucha. "Y/n Aapaa se keh rha tha nashta bna dein...bna kr nhi de rhi thi or phir danta mujhy," Jahangeer ne kaha.

"Bht hi koi choochu babu ho tum," Jameel bola. "Na! Buri baat Bhai apne naam kisi or ko nhi dete...gunah hota hy," Taemoor ne kaha.

"Larai baad mein kr lena pehly munh haath dho kr neechy aa jao." Yeh keh kr Abbu chale gai.

"Pehly mein jaa rhi hun munh haath dhony tum teeno bethy rho," Meine kaha or bathroom chali gai.

----

Neechy jaate saath hi wohi hua jiska darr tha...Ammi ne kitchen mein bhej dia chai bnany k lia.

Shukkar hy k jo tabbar mehandi waly din aya tha woh ussi din apne apne ghar chala gia tha...warna phir nashty ka dhaaba kholna parta hmein.

"Y/n...aik glass dena," Hassan Bhai kitchen mein aa kr boly. "Aye lo subah subah kis khusry ko dekh lia...saara din khrab jai ga," Meine mzzak se kaha.

"Haan bs aik mein hi hun na is ghar mein khusra?" "Puch rhy hyn k bata rhy hyn?" Meine pucha.

"Uff tumse baat krna fzool hy...aik tum, aik meri woh behn Riza or woh jalladan Maryam..teeno bht hi dash ho. Acha choro glass do,"

"Tameez naami shai hy ap mein k nahi? Or haath Allah apk salamat hyn jaa kr le lein. Chai ubal jai gi," Mein kehny lgi.

"Nahi hy kia kr logi?" "Filhal toh yeh garam garam chai ap pr phaink dungi jysy Riza pr phainki thi...phir yteem maskeen wali shkal bna kr bethy rehna ap."

"Mujhy lga tum yeh baat bhool chuki h-" "Kon bhoola hy? Abhi bhi yaad hy."

Lein khwateen o...khwateen Riza aa gai hyn kitchen mein ab apne bhai ko dekh legi.

"Jee kia bol rhy thy mujhy? Dash?" Riza ne pucha. "Dash mein...pyaari bhi toh aa skta hy na," Hassan Bhai boly.

"Jhooty makkar insaan! Apki toh rang rang se waqif hun. Achi trhan janti hun kia kehna chah rhy ho ap!" Riza ne kaha.

Hassan Bhai apko toh apki aakhri saans tk zaleel krwaungi...fikar na krein. Jitni achi mujhy Riza lgti hy utna hi ganda ghaleez mujhy uska yeh mota bhai lgta hy.

"Oye Y/n yaar chai!!" Riza cheekhi or meine foran choola band kr dia. Oof! Bal bal bachi hun warna aj Barat hony k bjai khairiyat se mera Jnaza uthna tha.

"Aj Ammi k haathon tumne mujhy bacha lia..shukkar!" Meine Riza se kaha.

"Haan warna abhi khala ki awaaz aati 'Hun kera nawa katta khol diya aye Y/n!' or phir tumhara murder ho jata."

"Acha choro...sb uth gai hyn k bas Abbu ne hmein uthaya hy?" Meine pucha.

"Aa rhy hyn sb neechy...bs hall waale washroom mein line lgi hui hy," Riza ne kaha.

"Koi chala gia hoga time lgany wala banda pehly." "Nhi woh paani nhi aa rha."

"Kisi ne subah subah Fajr k waqat tainki khtam kr di hogi naha kr or kia?"

"Chai ban gai hy?" Riza ne pucha. "Bna rhi hun do hi haath hyn mere. Nhi bta do agar kahein do char haath or nazar aa rhy hyn mere."

"Y/n Aapaa!" Jameel bhagta hua kitchen mein aya. "Kia udham mchaya hua h? Kiun hawa k ghory pr swaar ho?" Meine pucha.

"Najam Bhai mera qatal kr dein gy bacha lein mujhy."

"Kiun? Koi aisi wjha joh hm tum jysy jallad logon ko bchaein? Najam BHAI! Kitchen mein aein jaldi se. Yeh Jameel yahan hy!" Riza ne kaha...mera mtlb cheekha.

"Aapaa yeh Riza marwai gi mujhy please mujhy chupa lein kahein," Jameel kehny lga. "Pateelion waali almaari mein chup jao chunne se ho tum," Riza boli.

"ChUnNe Se Ho TuM," Jameel munh chira kr bola or aaty ki balti k peechy chup gia.

"Kahan hy yeh khabees ki aulaad??" Najam Bhai kitchen mein drawoni entry maar kr boly. "Yeh kon subah subah gaaliyan de rha hy!? Aaun nein phir?" Ammi bahir se bolein.

"Sorry Ammi!! Acha yeh piddu Jameel kahan hy?" Najam Bhai puchny lgy. "Yahan toh nhi aya woh mein toh kabse chai bna rhi hun," Meine kaha

"Lekin abhi toh Riza bol rhi thi k woh kitchen mein hy."

Le mere pyaare Bhai tu toh gia aj Riza nhi bakshy gi tumhe. Kabhi kabhi toh sochti hun k in dono ki jb shaadi ho gi toh Riza Jameel ka kia haal kare gi. Badly pe ai toh Riza bhi chain se saans nhi leti.

Kia smjhty ho ap sb? Itni shreef hy meri yeh behn? Aisy kaamon se Jameel se do haath aagy hy.

"Haan kitchen mein hi hy woh lekin kia kiya h usne jo ap subh subah laal peely ho rhy hyn?" Riza ne pucha.

"Yaar aik number ka dash aadmi hy woh. Usk bathroom mein subah Hassan ghuss gia nahane or yeh mere kamry mein aa gia munh haath dhony or saara bathroom paani se kich kich kr dia pta nhi andar kia topi drama kr rha tha. Or jb mein bathroom mein gia toh mujhy meri nani yaad aa gai....DHHASSHH! Itni zor se gira mei-"

Abhi baat puri nhi hui thi k aaty ki balti k peechy se Jameel gala phar phar kr hansny lga.

"Lein mil gia apko apka shikaar...kut jharna ap achi waali iski," Riza ne kaha.

"Toh yahan chuppa hua tha yeh pagal khana!? Aja beta Jameel tujhy mein btata hun."

"Gode gitte theek hyn na apk?" Meine pucha. "Allah ne karam kr dia warna aj Barat waale din meine hospital mein hona tha or is tiddy ko toh itna maaron ga k meri jgha yeh hoga aj hospital mein," Najam Bhai ka aatish fishan pahar phoot gia tha.

(Aatish fishan pahar volcanic mountain ko kehty hyn)

"Maafi de dein Najam Bhai," Jameel haath jorty huy bola. "Galti se mistake ho gai na."

"Kash Jameel tumhaari iss shakal pe masumiyat wala element na hota warna kb ka tumhe insaan ka puttar bna deta."

"Chai bn k thandi ho jai gi lekin yeh Yonus or Huzaifa Bhai nashta lekr nhi ayein gy...wysy gai kahan hyn nashta lene?" Mein chai aik baar phir garam krte huy boli.

"Ichry bazaar se Choly Phatury lene gai huy hyn aj ki nashty ki farmaish nai dulha dulhan ne di hy aj unki psand ka nashta ai ga," Najam Bhai boly.

"Aj hm Chote Bhatury khaein gyy!!?" Taemoor or Jahangeer kitchen ka darwaza khlty huy boly.

"Haan bta toh rhy hyn k aj upar se farmaish ai hy," Jameel ne kaha. "Aj ka nashta toh sbse mzzy ka hoga."

"Or jo hmne Mehandi wale din itni mehnat ki thi tum sb bhookon ko or mehmaano ko nashta bna kr dia tha woh nhi tha mzzy ka?" Riza ne pucha.

"Er...haan woh bhi...acha tha," Jameel bola. "Na-shukrapan bht h tum mein Jameel," Riza ne kaha.

"AA JAO NASHTA AA GIA HY!" Yonus Bhai ne apni molvi jysi awaaz mein ailaan kia.

"Jahangeer baat suno, yeh aik chai waali tray tum le jao baahir or Taemoor tum pakro mein or Jameel plates lekr aate hyn," Meine kaha or Taemoor ne ik dum se tray uthai or thori se chai phaink di.

"Oo akalmand bhi sahb! Chai ka satiya naas na maaro or ab araam se bahir lekr jao warna khud bnana chai sb k lia."

"Hehe...Aapaa sorry."

Dastarkhwan Namra or Zoya bicha rhy thy or Yonus Bhai or Huzaifa Bhai don ki trhan sofy pr chokri maar kr bethy huy nashty k intezaar mein thy.

"Soi qaum ko jga lao koi," Ammi ne kaha.

"Kia mtlb dono uthy nhi?" Laraib ne pucha. "Aadha nashta yehi thanda ho jai ga lekin woh dono nhi uthein gy...PakArmy mein dono ko bhejny ka faida? Dheet toh wysy k wysy hyn."

"Acha jao baji utha kr ao unhe," Namra ne kaha or Laraib madam upar Junaid Bhai or Jannat Bhabhi ko uthane chali jaati hy.

"Khairiyat Jahangeer tum kaam wali maasi bny huy ho?" Maryam ne pucha magar Jahangeer kuxh na bola.

"Kia hua? Goongy ho gai ho?" Maryam phir boli magar ab ki baar bhi Jahangeer summum bukmun tha.

"Kia hua kaky ko? Itna chup chup? Lar lo dono thora sa," Musa ne kaha. "Acha nhi lg rha k tum dono lar nhi rhy."

"Mera koi mood nhi hy is k munh lgny ka. Iss se baat na hi krun toh behtar h, Barat ka function toh mera acha guzry ga na," Jahangeer ne kaha or Taemoor or Jameel k beech mein beth gia.

"Aisi baatein na kro tumhare munh se achi nhi lgtein," Zoya ne kaha jo kitchen se paani ka jug lekr ai thi.

"Bs aj mera koi mood nhi hy iss Maryam ki bachi se baat krne ko." Yeh keh kr Jahangeer chup chap nashta shuru kr deta hy.

"Salam sbko!" Jannat Aapaa ne kaha jo abhi abhi seeriyon se aadhi neend mein neechy utri thein.

"Hanji subah ho gai apki?" Maryam ne pucha. "Mhm abhi bhi neend aa rhi hy," Jannat Aapaa ne kaha.

"Salaaam~" Junaid Bhai ne bhi kaha. "Neendain puri kr lein tumne apni?" Shehzad Bhai ne kaha or Junaid Bhai unk saath beth gai.

"Aye haye itni ganda smell aa rhi hy tumse Junaid Bhai," Qandeel Api bolein. "Shair bhi kabhi munh dhota hy? Shairon k munh dhuly hoty hyn," Junaid Bhai ne kaha.

"Bs apni begam k saamne apki choohy jysi haalat ho jaati hy," Riza ne kaha. "Yeh larki meri badnaami ki aik wjha hy," Junaid Bhai ne kaha or sb yahan tk k Jahangeer bhi hans para.

Aj ka nashta toh waqai mzzedar tha. Garam a garam chole phatury or saath aik aik cup chai. Wahh kia jori hy!

"Junaid ka Sehra ly ai thy tum Yonus?" Yonus Bhai ki Ammi ne pucha. "Jee ly aya tha or kuxh?"

"Doodh pilai k glass tyaar kr lia thy tum larkiyon ne?" Chachi ne Maryam, Namra or Laraib se pucha.

"Jee Ammi," Maryam mari hui awaaz mein boli. "Itni mari hui awaaz Maryam?" Zoya ne pucha. "Bs nashta kr k neend aa rhi hy."

Or yunh hi sbko nshty k time pr hi saari baatein yaad aa rhi thein jysy agar yeh baatein ab na kein toh inko saans nhi ai gi.

Jo jo nashta krta jaa rha tha woh apni apni plate dho kr uppar Huzaifa Bhai k kamry mein jama hota jaa rha tha.

-
-
✔Riza POV✔

Nashta kr k mujhy bht shadeed neend aa rhi thi. Ajeeb hi koi neend ki khumaari aati hy nashty k baad.

Yeh sb chai ki wjha se hy. Chai pi kr yaa toh neend bht aati hy yaa toh neend bhag jaati hy. Ab yeh chai ki marzi hy k woh apko konsa tohfa de.

Upar jaa kr dekha toh Musa or Jahangeer mere phone mein game khel rhy thy.

"Kis se puch kr phone lia hy?" Meine pucha. "...Hassan Bhai ne kaha tha le lo please Api kehlne dein," Jahangeer ne kaha.

"Hassan Bhai aik museebat hyn..Jameel k kamry mein mera or Hassan ka laptop para hua hy...hmesha mang kr le jata hy fakeer na hoto movies dekhny k lia jao le lo usse," Meine kaha.

"Or darwaza band kr dena jaati baar!"

Abhi toh do ghante pary huy hyn tyaar hony k lia. Barat ka function bhi raat ko 7 bje shuru hoga or abhi sirf 10 baje hyn. Araam se tyaar hongi konsi jaldi hy mujhy.

Abhi thori aankh hi lgi thi k kisi ne kamry ka darwaza peetna shuru kr dia. Chain nhi lene dega koi.

"Kon hy! Or kia masla hy!" Meine kaha. "Jahangeer hun!" "Tsk kia masly masail hyn tumhe ab!?"

"Jameel Bhai k kamry mein nhi h laptop," Jahangeer bola. "Dekho wahein hoga aakhir baar woh Jameel hi lekr gia tha," Mein boli.

"Mujhy nhi mil rha aa kr dekh dein. Jameel Bhai bhi pta nhi kahan faraar ho gai hyn." Abki baar Musa bola.

"Aik din game nhi khelo gy toh qiyamat nhi aa jai gi-ACHA AATI HUN!"

Darwaza khola toh Jahangeer or Musa aisy khary huy thy jysy bheek mangny ai hon.

"Na Jameel Bhai kamry mein hyn or na apka qeemti laptop," Musa ne kaha. "Oo bhai mere, mein haath jorti hun do min k lia chup kar jao," Mein apne haath jorr kr boli.

Phir Jameel k kamry ka rukh kia or nikal pari apna laptop dhoondne. Jameel waqai apny kamry mein nhi tha.

KAHEIN MERA LAPTOP LE KR TOH NHI BHAG GIAA!?? Nahi Riza aysy nhi sochty kahan lekr jai ga woh laptop?

"Jameel Bhai apko- Api ap kia kr rhi ho yahan?" Zoya ne pucha jo bhagti bhagti kamry mein ai thi.

"Nach rhi hun...kia hua Jameel ko kiun bula rhi ho?" Meine pucha. "Neechy mere Abba Jameel ko bula rhy hyn...keh rhy hyn k ussy bazar bhejna hy Najam Bhai k saath," Zoya boli.

"Woh pagal mujhy bhi nhi mil rha," Meine kaha. "Acha apko mily na toh bta dena ap theek hy? Mein Qandeel Baji k saath apna suit istari kr rhi hun."

"Ary Zoya ruko- UFF!!" "Api laptop mil gia?" Jahangeer puchny lga. "Jb mile ga na toh de dungi or phir wohi laptop tum mere sarr par maar dena theek hy!?"

"A..acha gussa t..toh na krein."

Ya Allah mein kahan dhoondun apna laptop or usk saath Jameel k bachy ko. Ainda k baad nhi dungi apna laptop usse. Rota marta rhy lekin mein bhi dheet bn jaungi.

"Ughh Jameel kahan marr gai ho?"

Saara ghaar doond lia lekin Jameel bhai sahb ka koi naam o nishaan nhi tha. Bs aik kamra reh gia tha or woh tha Khala Khalu ka.

Andar jhank kr dekha toh pury kamry mein andhera tha. Na banda na bandy ki zaat thi kamry mein.

Lekin bed pr roshni thi...mera laptop khula para thaaa!!?? Jaa kr laptop dekha toh charging khtam hony waali thi. Kiyaaaa??

Jameel dil kr rha hy tumhara gala ghot dun is waqt lekin tum milo toh phir na.

"Hain yeh kia pictures khuli hui hyn laptop pe?" Meine kaha jb meine Taskbar pr photo icon khula dekha toh.

Or phir jun hi meine laptop uthaya.....kisi ne cheen lia. Andhera kamry mein or upar se yeh waqia.

"AAA BHOOOTT AMMI!!!" Mein zor se cheekhi. Dil mera aisy ho rha tha jysy Joylad mein Discovery pe beth gai hon.

"Oye yaar mein huunn! Jameel!"

"Khudaa ka khauf kro tumne mere chaaron tabak roshan kr diyay! Or itny andhery mein kia kr rhy ho tum! Or lights kiun band hyn!?" Mein dari hui boli.

Saare kaam chorr kr pehly toh meine lights jlaein or mujhy sans mein sans ai. Ab kamry ki shakal koi suthri nazar aa rhi thi or Jameel k haath mein mera laptop tha.

"Lao laptop do mera kb se khwaar ho rhi hun or tumhe upar Zoya or Qandeel Baji k Abbu bula rhy hyn." Meine kaha.

"De dunga thori der tk," Jameel ne kaha. "De dunga nhi ABHI DO!" Mein thora gusse se boli. "Or tum mery laptop ki gallery mein kia kr rhy thy?"

"Tumhe kia iss se? Mein toh photos dekh rha tha jo Jahangeer ne bheji thein," Jameel kehny lga.

"Badtameez kahein ka," Meine araam se bola k sirf mujhy hi sunai de. Or phir meine Jameel se laptop cheen lia.

"Haath na lgana isko ainda k baad." "Jameel! Jameel kahan ho?"

...Ye toh Daniyal Bhai ki awaaz hy woh kia kr rhy hyn yahan pe?

"Jameel- Oh Hi Riza!" Daniyal Bhai ne kaha. "Oh Daniyal Bhai ap?? Ap kb ai?" Meine thori meethi zuban mein bola.

Jameel taar taar k dekh rha tha mujhy. Jealousy k maary kaan laal ho rhy thy usk.

"Ahm...kia hua Daniyal Bhai?" Jameel aakhir kaar bola. "Tumhe pichly 25 min se Qandeel Baji k Abbu bula rhy hyn. Or tum sunao Riza kysi ho?" Daniyal Bhai boly.

"Mein thee-" "Aa rha hun mein," Jameel nihayat sarriyal awaaz mein bola. Jealously ka aakhir kaar pahar toot gia us pe.

Jaati baar aysy sarri hui shakal k saath ghooriyan daal rha tha jysy abhi hi katal kr dega mera.

Ghoorta hy toh ghoorta rhy, meine kia aisa kr dia tha jo Mayun waale din bhrak gia tha mujhpe?

"Wysy plan acha ja rha hy hmaara. Kuxh ziada hi sarr gia Jameel," Daniyal Bhai boly. "Bilkul sahi time pr ai thy tum Bhai," Meine kaha. "Bs hall mein bhi yunhi krna hy theek hy?"

"Jee baji smjh gia." "Tameez mein rhein thora or bs kaam pr dehan dein," Meine kaha or apna laptop le kr chali gai.

"Api laptop???" Jahangeer or Musa dono boly jb mein upar gai toh. "Yeh pakro or ab mera sarr na khana...neend aa rhi hy aik ghante mein uth jaungi."

Yeh keh kr mein apni khwaabon ki duniya mein kho jaati hun. Phir mujhy nhi pta kon aya kamry mein or kon gia.

-
-
(pov khtam)

----

✔Qandeel POV✔

"Maara sahi se pakro na haath jal jai ga mera!"

Aik is Zoya ko saath kaam pr kia lga lia...do daffa haath pr mere istari phairny lgi thi.

"Ufff! Idhar do istari mujhy or tum lehanga pakro neechy se." "Sahi toh kar rhi hun Baji apko tasalli hi nhi hoti," Zoya ne kaha.

"Jitna acha lehanga istari kr rhi ho na mujhy dikh rha hy." "Lein khud kr lein ap mujhse nhi hota," Zoya ne kaha or bed pe jaa kr laet gai.

"Oo Maaraa!! Jaldi utho or meri help krwao warna mein tumhara suit nhi istari kr k dungi," Meine kaha.

"Tobah bht dhamkaati hyn ap..aa rhi hun," Zoya boli or phir meri help mein lg gai.

Mujhy bs iss baat ka dukh ho rha hy k function se pehly meine apne kapry istari kiun nhi kia...aj Walima k lia raat ko hi kapry press kr lungi.

"Ammi? Y/n? Oh...Y/n ko dekha hy tum dono ne?" Ab yeh Shehzad kia kr rhy hyn yahan pe...?

"Er...nahi toh.." Zoya ne pehly Shehzad ko dekha or phir mujhy. "Mein bula kr laati hun Y/n Api ko. Y/N APIII!"

"Zoya-" Marwai gi yeh larki mujhy.

"Uhm..kiun dhoondh rhy hyn ap Y/n ko?" Meine pucha. "Apni waistcoat press krwaani thi usse pta nhi kahan gaib ho gai hy woh," Shehzad boly.

"Toh maara ap khud kr lo." "Mujhy kapry press nhi krne aate."

"Kuxh krna ata bhi apko?" Meine pucha. "Haan sona aata hy hy, khana peena ata hy, beizzat hona ata hy or...or bs."

"Kapry istari bhi krne aane chahiyay," Meine kaha. "Mujhse nhi hoty yeh gharelu kaam...please tum press kr do meri waistcoat."

Yeh banda meri maut ki wjha bane ga aik din...itne pyaar se please bol rhy hyn.

"L..laien press kr k dun..."

Jb tk mein Shehzad ki waistcoat istari krti rhi tb tk woh mere peechy khara rha. Dil smbhal nhi rha tha...andar hi andar All Izz Well, All Izz Well bol rhi thi...magar koi faida nhi hua.

"Yeh lein," Mein Shehzad ko unki waistcoat pakrate huy boli. "Shukriya jee." Or phir muskura kr chale gai.

Uff Allah! Pehly woh Mehandi wale din gaari wala scene or ab yeh. Sheeshy mein dekha toh mere gaal aisy huy wy thy jysy kisi ne red paint kr dia ho.

Shehzad Bhatti...waqai fida ho gai hun tumhaare lia.

-
-
(pov khtam)

-----

"YAAR HUM LATE HO RHY HYN!" Cheekh cheekh kr gala dukhny ko aa gia tha lekin mijaal ko maharaani saahiba saarein baahir ayein.

Hua kuxh yunh k saare k saare nashty k baad ghory bech kr so gai or aisy so rhy thy jysy nasha kia ho or hm parlour k lia late ho gai.

Pehly inko uthane mein 15 min lgy or ab inki cheezain puri nhi ho rhein.

Laraib baji ka toh Allah Hafiz hy. Sote huy pta nhi konsy be-surre raag gaa rhi thi. Fuctions ka itna bhoot swaar ho gia tha us pe k neend mein gaane gaa rhi thi.

"Mein jaa rhi hun Taemoor k saath tum sb aati rehna...nokar lgi hun tum sbki k pehly uthao or phir intezaar kro k kb apne apne kamron se niklo gi? Chalo Taemoor."

Aj Taemoor hm sbko parlour lekr jai ga. Daniyal Bhai shaadi hall gai huy thy sb settings wgaira dekhny toh issi lia woh nhi aa ske.

Jameel Shehzad Bhai k saath mithai lene gia hua tha. Jahangeer ko game k ilawa koi or fikar nhi hy. Baaqi sb nikammy hyn.

"Mein carry dabba mein beth rha hun...aate rehna ap saary." Yeh bhi aik number ka sust larka hy.

"Ammi...oo Ammi~" "Hun ki masla aye Y/n?" Ammi ne kaha. "Taemoor kb se bahir wait kr rha hy...aa bhi jaein. Ap ayein gi bahir toh woh susti ki maariyan bhi aa jaein gi," Meine kaha.

"Acha aa rhi hun."

Or phir jb Ammi niklein, toh hi yeh sb larkiyon ko bahir aane ki tofeeq mili.

-
-
✔Zoya POV✔

"Mujhy neend aa rhi hy..." Meine kaha. "Achi khaasi so rhi thi utha dia mujhy Namra ki bachi ne."

"Oo hello! Mein agar tumhe na uthati na toh abhi Y/n Aapaa ne cheekh cheekh kr apni awaaz kho deni thi or dusra hmne late ho jana tha. Shukkar guzar rho meri," Namra boli.

"Hanji bari nwazish apki Namra."

"Jewellery sbki puri hy na? Parlour jaa kr mein yeh na sunon k mein yeh ghar bhool ai mein woh ghar bhool ai," Mummani ne kaha.

"Jee sb pura hy Tai Amma," Maryam boli. "Er...Zoya yeh Qandeel Baji ko toh utha dein...gaari mein so rhi hyn."

"Sone do or kia kaam hy inhe. Peshawar mein bhi kahein chali jaein toh chote bachon ki trhan so jaati hyn," Meine kaha.

Madhosh so rhi thein Qandeel Api. Jysy Anesthesia de dia ho. Hila lo jhula lo lekin yeh nhi uthein gi. Toofan aa jai, chahy in pr haathi charh jai lekin mijaal hogi k aik bhi karwat lein.

"Oo Taemoor maaraa! Koi gaana lgao bore ho rhi hun mein," Meine kaha. "Konsa gaana suno gi?" Taemoor ne pucha.

(Mein: BTS lga de Taemoor😂)

"Apni koi acha sa lga do," Mein kehny lgi. "Acha...chalo phir suno meri marzi ka."

Wah wah Taemoor!?" Riza Api bolein. "Tum kbse aisy gaane sunne lg gai?"

"Buri baat hy koi?" Taemoor ne pucha. "Nhi buri baat toh nhi hy lekin koi wjha zroor hy, hena Zoya?" Riza Api ne mujhse pucha.

"M..mujhy kysy p..pta hoga?" Meine kaha. Riza Api jaan boojh kr chair rhi hyn mujhy saaf pta chal rha hyn.

"Api kaan mein baat sunein zara," Meine kaha.

"Hmmm??"

"Tobah itna lamba 'hmmm'? Apne aik or daffa chaira na mujhy Taemoor ko lekr...meine Laraib or Y/n Baji se keh kr apko sharm o sharmi krwa dungi or yeh ap jaanti hyn kysy," Meine araam se kaha.

"Acha bachu blackmailing?" Riza Api ne pucha. "Nhi...yaar mujhy na chairein apko Jameel ka wasta hy...abhi nhi...pleaseee~" Mein boli.

"Uss tiddy ka wasta na do mujhy...acha nhi krti tanng...wysy Taemoor kitna acha lg rha hy na aj?" "Riza Apii!!"

"Kiun shor macha rhi ho tum dono peechy?" Mummani aagy wali seat se bolein. "Sorry ab nhi krte!" Hm dono boly.

"Tu mile~ Dil khile~ Or jeeny ko kia chahiyay!"

Qandeel Api wysy ki wysy dheeton ki maar so rhi thein. Kuxh nhi pta unhe k aas paas kia ho rha h. Khwaab toh dekh lein pehly saare apni aankh kholne se pehly.

Parlour puhanchy toh thori der ho gai thi. Mtlb Y/n Api sahi gala phaar rhi thein k hum late ho jaein gy.

Qandeel Api aadhi neend mein chal rhi thein. "Oo behn! Khamby k saath na takkar maar lena!" Faiqa Baji bolein or Qandeel Api ko side pr kia jo khamby k saath takkar khany lgein thein.

"Tum yahein ruko gy?" Y/n Api ne pucha Taemoor se. "Haan mein bhi apne kapry le aya tha...phir late nhi hongy hm. Or meine konsa makeup krna hy," Tarmoor ne kaha.

Or phir hm sb tyaar hona shuru huy. Takreeban do ghante lgy parlour waalion ko hmein tyaar krne k lia.

Aj hm sb ne frock type lehanga pehna hua tha. Jannat Bhabhi ka mashwara tha or apni Bhabhi ki farmaish kysy puri nhi kr skty.

"Zoya beta tum tyaar ho gai ho?" Mumani ne pucha. "Jee bs yeh jhumkiyan pehne dein- jee ab btaen?"

"Sb tyaar ho rhy hyn..bs tum ho gai ho. Dekh ao Taemoor tyaar ho gia hy? Agar hogia hy h toh keh ao k bas hm tyaar hone waale hyn woh carry dabba mein petrol bhar wai ai."

Mumani jaan kis kaamon mein lga rhi hyn ap mujhy...?? Ab jana toh pary ga.

"Acha j..jati hun."

Dupatta lia or phir bahir Taemoor ko dekhny chali gai.

"Tobah! Kahan hy yeh larka?" Mein 5 min doondne k baad boli. Or phir door se dekha k bhai shb 7UP ki bottle k mzzy lete aa rhy hyn or aik bottle usk haath mein thi.

"Kahan gaib thy tum? Kbse dhoond rhi hun tumhein!" Meine kaha. "Btao kbse dhoond rhi ho mujhy?"

"Z..ziada c..chichora banne ki zarurat n..nhi hy!"

"Kehna kia hy tumne?" Taemoor ne pucha. "Tumhari Ammi keh rhi hyn k carry dabby mein petrol bharwai ao agar tum tyaar ho gai ho," Meine kaha.

"Tyaar bhi mein ho gia hun, petrol bhi bharwa lia hy or kuxh?" Taemoor puchny lga. "Nahi or kuxh nhi."

"Bottle peyo gi?" "Haan pila do hehe," Meine kaha. "Yeh lo yeh waali le lo." Or jo khud pi rha tha woh mujhe de di.

"Apni bottle apny paas rkho. Or woh dusri waali mujhy do!" Mein kehny lgi. "Nhi yeh waali leni hy toh lo," Taemoor ne kaha.

"Jao meine nhi peeni. Khud hi piyo." "Acha acha sorry yehlo."

-
-
(pov khtam)

----

Larki waale yaani Jannat Bhabhi ki saari family or rishte daar hall puhanch gai thy...yaani Laraib, Namra or Maryam pehly hi chale gai thy.

Zaahir si baat hy hm Barati hyn toh hm Bhai ko lekr hi jaein gy.

Junaid Bhai upar saj dhaj rhy thy, unky aj stylists Yonus Bhai or Shehzad Bhai. Aj apni Heer k lia Barat lekr nhi jaana kia unho ne?

Bhai sahb baar baar apny ap ko sheeshy mein ghor farma rhy thy k kahein koi baalon ki setting ya sherwaani pr silwat na aa jai.

Abhi toh thori der pehly anni macha di thi jb sherwaani ka thora sa dhaga baahir nikla dekh lia tha.

Aisy bachon ki trhan machal rhy thy k jb tk Faiqa Aapaa ne qainchi se dhaga nhi kata tb tk sukoon nhi aya.

Pta nhi kis baat ka shor macha rhy thy? Aik hi baar apni zindage mein Junaid Bhai ne woh sherwaani pehan ni hy phir kabhi dekhna bhi nhi hy usko toh itna tmasha kiun?

Abhi ghar mein saare Ammi or Abbu ki side se mehman bhara para tha.

Kiun? Sehra bandi dekhny k lia or aik barati ki hasiyat se ai hyn. Or sehra bandi krni bhi meine h...akeli behn jo hun.

"Y/n! Sehra le ao bs time bht ho gia hy," Neechy se Ammi ki awaaz ai.

"Chalo Riza...oho yaar tumhara dupatta sahi lg rha hy chor do uski jaan," Meine Riza se kaha jo apne dupatte ko lekr pareshan thi.

"Qandeel Baji, Zoya! Aa jao yaar!" Faiqa Aapaa neechy se Ammi k saath bolein. "AA RHY HYN! Chalo aa jao!"

Neechy gai toh Junaid Bhai phir any ap ko sheeshy mein dekh rhy thy. Kisi din ya toh mein yeh sheesha tor dungi ya phir Junaid Bhai ka munh.

"Junaid Bhai! Oo Mr.Perfection!" Meine kaha. "Kia hy!?"

"Bs kr dein sheesha thak gia hy apka bakwaas bootha dekh dekh kr. Aa jaein warna late ho jaein gy hm. APKI Jannat apko bula rhi hy."

"Pehli baat mera bootha tumse haseen hy," Junaid Bhai ne kaha.

"Aja beta Junaid chor de sheeshy ki jaan. Sehra bandi kr wa le. Y/n yeh lo Sehra," Ammi bhi thak gai thein Junaid Bhai k chonchly dekh kr.

Phir meine Junaid Bhai ko Sehra pehnaya. Ikloti behn hony ka abhi toh haqq ada kr dia hy...abhi mere 6 or bhai hyn unko bhi sehra meine hi pehnana hy.

"Yaar tum dono bht pyari lg rhi ho," Meine Qandeel Baji or Zoya se kaha. "Kal walima wale din dono na apna Pathani dress pehna hhahah matha patti k saath," Meine mzzak mein kaha.

"Wah maara wah! Bht achy!" Qandeel Baji ne kaha. "Or hum kysy lg rhy hyn? Hmaari bhi taareef kro Y/n," Faiqa Aapaa ne pucha.

"Arry meri baji bht pyaari lg rhi ho. Sadqy jaun apk." "Riza Api ki tareef nhi kro gi?" Zoya ne pucha.

"Woh kahein mile toh taareef karun na- uff phir dupatty ka masla lga hua hy isse," Meine kaha. "Kia hua yaar?" Meine pucha Riza se.

"Mera dupatta nhi set ho rha or acha bhi nhi lg rha mein kia krun!?," Riza ne kaha.

"Allah mere! Yaar apni jooti utaaro or mujhy maaro! Dupatta theek hy or bht acha lg rha hy. Tum bhi bht bht pyaari lg rhi ho. Woh dekho Jameel bhi door se taar rha hy...Ab bs mood theek kro hum hall jaane lgy hyn," Meine kaha or Allah Allah kr k iska mood sahi hua.

Bahir jaa kr dekha toh hmaari grey Corolla gulaab k phoolon se saji hui thi. Yunh is gaari ko har Pakistani shaadi mein "dulhy ki gaari" kehty hyn.

Junaid Bhai dulha k tor pr front seat pr. Jameel driving seat pe or mere saath peechy Taemoor or Jahangeer.

Baqi duniya Carry Dabby mein ai gi.

"Hayee Junaid Bhai~ Kysa lg rha hy apko?" Jameel ne pucha. "Kuxh kuxh ho rha hy bs na pucho," Junaid Bhai ne kaha.

"Oye hoyeeee!!" Jahangeer or Taemoor boly. "Wysy Junaid Bhai issy love marriage hi smjhein na?" Meine pucha. "Kia- haan wysy yehi smjho hhehe."

"Junaid Bhai aik gaane lgana chahun ga. Bhabhi or apk lia," Jahangeer ne kaha.

"Wah wah! Lgao Jahangeer!" Taemoor jazbaati ho kr bola.

"Oye hoyee~ Junaid Bhai! Jo tere ishq mein behka pehle se hi kia usse behkana oo zaalimaa~" Jameel gaane lga.

"Bhabhi k lia gaana na aik din yeh wala gaana ap," Meine kaha. "Yaar tum chaaron k saath kiunn bhejha Ammi ne mujhy!!!??" Junaid Bhai aadhy sharmaa kr boly.

"Khush naseeb hyn ap Bhai. Hm jysy chote behn bhai mile hyn apko!"

Hall hm puhanchy toh Jameel ne hall ki bari si parking lot mein gaari khari ki. Band baja puhanch gia tha or ghori bhi aa gai thi. Ammi Abbu or baqi sb bhi a gai thy.

Junaid Bhai sehra pehn kr aisy chal rhy thy jysy pury andhy ho gai hon. "Beta Jameel pakr le isse warna kahein gir gira jai ga," Abbu ne kaha.

"Jee Abbu, warna phir inki Jannat inpr hansy gi hhahah!" Jameel ne kaha or Ammi Abbu dono hansny lgy or saath hi Junaid Bhai sarr gai.

Band baja phir shuru hua or sb larkon ne hall hi bahir hi dance shuru kr dia. Junaid Bhai Sehra pehn kr ghori pr bethy huy thy.

Ghori bhi bht pyaari thi. Poori white thi or chaaron paon mein usne bhari payal pehni hui thi or jb woh chalti thi toh 'chann chann' ki awaaz aati thi.

Ab larkon ne dance kr lia tha ab toh ghori ne bhi dance krna tha. "Jahangeer charh jaa Junaid k saath ghori pe!!" Chachu ne awaaz di. Aakhir kaar woh bhi sherwala hy.

"Mein aya Junaid Bhaii!!!" Jahangeer bola or Junaid Bhai k aagy ghori pe beth gia.

"OOOOO!!!" Hm sb aik dum se kehny lgy jb ghori aik dum se dhol pe nachny lgi.

"JAHANGEER PAKR K BETHO GIR JAO GA!" Lekin Junaid Bhai se ziada Jahangeer enjoy kr rha tha.

Aj pehli baar hm sbne ghori ko nachty dekha. "Junaid Bhai or Jahangeer kysy araam se bethy huy hyn? Mujhy toh dekh kr thora darr lg rha hy," Faiqa Aapaa ne kaha.

"OHHHH YAAR GHORI ABHI THORA KHARI HUI THI!!" Riza aik dum se cheekhi. "Kahan kahan!!" Zoya ne pucha.

"Dekhna tum! Abhi phir khari hogi!" Riza josh mein aa kr boli.

Or hmne phir dekha k ghora nachti nachti thora upar khari hui or Huzaifa Bhai ki cheekhain nikal gaien.

Woh iss lia kiun k woh thora sa peechy hi khary huy thy or is dar se k kahein Junaid Bhai or Jahangeer un pr na gir jaein or unki bachi kuchi jaan na nikal dein toh cheekh pary.

"Andar kb jaein gyy?" Qandeel Baji ne pucha. "Abhi toh rasta rukai bhi hogi phir jaein gy na," Zoya ne kaha.

"Chal Jahangeer utar ja neechy!" Yonus Bhai boly or Jahangeer khushi khushi utar aya neechy.

Abhi toh Rasta Rukai bhi rehti hy.

Thora sa or aagy jaa kr Junaid Bhai ghori se neechy utar ai or sehra utaar dia. Hall ki entrance pr Laraib, Maryam or Namra duppaty se rasta rok kr khari thein or unk saath unki Ammi ki side se kuxh czns.

"Hanji rasta kiun roka hua hy?" Najam Bhai ne pucha. "Rasta rukai Najam Bhai!" Namra boli.

"Mein toh dulha hun mujhy free mein jaane do," Junaid Bhai ne kaha. "Avaeinn!!?" Sb larkiyan bolein aik dum se.

"Kitny ki deal hy?" Jameel ne pucha. "30,000 ruppy!" Maryam ne kaha. "Kiun behnn!??" Shehzad Bhai boly ab.

"10 000 mera, 10 000 Namra ka or 10 000 Maryam ka," Laraib ne kaha. "Offer kam kro thori," Huzaifa Bhai ne kaha.

"50 000 ki offer thi pehly, kam kr k 30 000 pe ai hyn," Maryam boli.

"10 000?" Junaid Bhai ne kaha. "30 000!" Namra boli. "10 000 pe done kro," Taemoor bola. "Nahi 30 000!"

Junaid Bhai ne jaib se 10 000 nikaly or Maryam k haath mein de dia. "Or hum dono k??" Laraib ne pucha.

"Acha abhi jaane jo hall mein jaa kr le lena ya phir ghar jaa kr," Junaid Bhai boly. "Pakka Bhai??" Namra confirm krte huy puchny lgi.

"Haan pakka waada!"

"Aany do deal ho gai hy!" Maryam boli or sb Laraib or Namra ne dupatta chor dia or hm Barati hall mein daakhil huy.

Jannat Aapaa ki saari dusri side wali cousins phoolon ki platein le kr khari hui wi thein. Or phir phoolon ki baarish shuru ho gai hm pe.

"Y/n!" Riza ne peechy se bulaya...jo bht peechy reh gai thi. "Mere lia jgha chorna! Mein bhi aa rhi hun aagy!"

"Acha jaldi ao!"

Bechari beech beech mein se nikal kr ai toh usse aagy jgha mili. "Oye Jameel side pe ho thora meine bhi khara hona hy," Riza ne kaha.

Lekin Jameel bilkul chip khara tha jysy Riza thi hi nhi wahan pe. "Jameel yaar side pe HO JAOO," Riza phir boli lekin woh dheet mara wahein khra tha.

Or phir do second baad mujhy "UIIEE!" ki awaaz ai. Murr kr dekha toh Riza Jameel k saath araam se khari hui thi or Jameel apni kamar suhla rha tha.

"Choondi kiun kaati tumne mujhy!?" Jameel ne Riza se pucha. "Kiun k tum mujhy jgha nhi de rhy thy bs issi lia," Riza ne saaf kaha.

"Mein kaaton phir choondi tumhe!? Dard hota hy yaar or tumne bhi itni zor se kaat di," Jameel bola. "Haath lgaya na mujhy toh ungliyan torr dungi tumhaari."

"Tum dono chup ho kr nhi khary ho skty! Movie bn rhi hy! Warna mein tum dono ka bura haal kr dungi," Meine kaha.

Aakhir kaar Junaid Bhai to stage pe jaa kr bithaya or aik do photos khinchwaien. Saare bhai stage k sofa k peechy, hm larkiyan neechy stage pe or Ammi Abbu Junaid Bhai k saath.

Ab Bhabhi ko laane ka waqt aa gia hy jo Bhabhi ki behnein (Maryam, Laraib or Maryam) or Riza, Zoya, Qandeel or Faiqa Baji laein gi.

Saari lights off ho gai thein or Bhabhi ki entry ka song lga.

Bhabhi uff!! Afreen lg rhi thein. Golden red colour ka Jannat Bhabhi ka ghunghat. Nath chamak rhi thi thori lights mein.

"Uth ja Junaid..Bhabhi aa rhi hyn," Shehzad Bhai boly. Junaid Bhai toh bs Jannat Aapaa ko dekh kr yunh kho gai thy k bs kia btaun...

Phir jb Jannat Bhabhi stage k thora pass aein toh Junaid Bhai ne unka pakr k stage pe apne saath khra kr lia.

Har taraf mubarak salamat ki dhoom mach gai. Jannat Bhabi or Junaid Bhai stage k sofy pe jaa bethy or Junaid Bhai ne Bhabhi ka ghunghat uthaya.

Hayee sharam se chashni ban gai thy Junaid Bhai jb k sharmana Bhabhi ko chahiyay tha.

"Bhai thora khul k sharamein," Musa kehny lga or woh or Hassan Bhai hansny lgy.

Jannat Bhabhi beshak bachon waali harkatein krti hyn lekin aj bhari lehanga or unchi heel pehn kr mature lg rhi thein.

"Doodh pilai ki rasm kb hogi?" Jahangeer ne pucha. "Kiun tumne kia krna hy?" Zoya ne pucha.

"Woh..soch rha tha k banana milk hoga na Doodh pilai k glass mein?" Jahangeer bola. "Doodh pilai tumhari ho rhi hy?" Qandeel Baji ne pucha.

"Nhi woh...aik do sip mein bhi lga lunga hehehe..agar banana milk hua toh."

"Jb tumhaari shaadi hogi na toh tb tumhaare lia banana milk dal dein gy glass mein theek hy?" Meine kaha.

"Aisy na krna Y/n! Khud hi pi lega saara, future bhabhi ko aik sip nhi mile ga," Riza ne kaha or Jahangeer munh bna kr khra ho gia.

"Chalo woh dekho Maryam, Laraib or Namra a rhy hyn 'doodh pilai' k lia," Faiqa Aapaa ne kaha.

"Ab dekhna doodh pilai k bhi paison ka kahein gi," Taemoor bola. "Toh bhai jaan aesy hi hota hy. Pagal kahein ka," Zoya ne kaha.

Doodh toh teeno le aien magar na Junaid Bhai ko pila rhi thein or na Bhabhi ko.

"Pilao bhi na dono ko..." Huzaifa Bhai ne kaha. "Hmaari aik shart hy," Namra kehny lgi. "Kysi shart?" Najam Bhai or Junaid Bhai aik saath boly.

"Joota chupai or Doodh pilai k aleda aleda paise lein gy." "Joota chupai...aik min- MERA JOOTA KAHAN HY!?" Junaid Bhai aik dum se boly.

Aye lo Bhai shb ko itna nhi pta k inka jhoota kb chori hua kb nhi.

"Mera joota kb chori kia!!?" "Tb jb ap apni zauja ko dekhny mein masroof thy," Laraib boli.

"Yaar aisy kaam na kro joota do mera!" Junaid Bhai ne kaha. "Pehle paisa phir joota or phir hi doodh pilai," Maryam boli.

"Nhi yeh rules k khilaaf hy! Yeh koi rule nhi hota," Jahangeer ne kaha. "Tumhaari awaaz nikal ai!?" Maryam josheeli ho kr boli.

"Dramy na kro pehly shrafat se mere Bhai ka joota wapis kro or phir dono ki Doodh Pilai kro," Jahangeer ne kaha.

"Oo International Chichory! Yeh mt bhoolo k meri behn tumhari bhabhi hy!"

"Or mera Bhai tumhara jeeja hy! Yeh bhi yaad rkho. Or mein hun bhi aj ki Barat ka sherwala," Jahangeer ne kaha.

"Hanji lar lia tum dono ne? Sarr dukh gia hy mera." Finally Jannat Bhabhi bhi kuxh bolein. "Tum teeno, joota wapis kro Bhai ka or ab koi badtameezi nhi hogi," Jannat Bhabhi ne kaha.

Allah Allah kr k Doodh Pilai hui lekin Jahangeer manhoos ne phir bhi aik sip zroor la sirf yeh dekhny k lia k banana milk hy bhi k nhi.

"Ab bhi koi or Rasm rehti hy tum logon ki?" Jameel ne pucha. "Apko kia masla hy? Function enjoy kro," Zoya ne kaha.

"Acha suno saare! Ab Doodh Pilai k badle mein inaam toh le lo sb," Junaid Bhai ne kaha.

Phir Junaid Bhai ne apni teeno saalion ko gold ki chain gift kien. Photographer dhara dhar photos pe phots le rha tha. Or woh aya kis kaam se hy?

"Y/n k lia kuxh nhi," Junaid Bhai boly. "Apse koi achy ki umeed rkh bhi nhi skti mein," Meine kaha.

"Paisy bacha lia apne Bhai bht acha kia," Hassan Bhai boly. "Apni be haya chonch band rkhein!" Meine kaha.

"Haan ab ap dono lar lo. Koi or kaam hy bhi yahan pe kisi ko. Phady dalne mein PHD ki hui hy sb ne. Khuda ka khauf kro sb," Riza ne kaha yahan tk k Jameel ki bhi chonch thori der k lia band ho gai.

"Mzzak kr rha tha...hehe...tumhary lia bhi hai." Junaid Bhai ne kaha or phir apni pocket se aik or box nikala.

"Is mein kia hy?" Shehzad Bhai ne pucha. "Y/n k lia kuxh khaas."

Or phir khol kr dikhaya toh gold k aisy jhumky do shayed isse pyaare meine kbhi nhi dekhy thy.

"Waqai mere liaa!?" "Haan na," Jannat Bhabhi ne kaha. "Laein Bhai apni behn ko pehna bhi dein phir," Meine kaha.

Junaid Bhai ne phur mujhy mere nakli jhamky utaar kr asli gold k jhumky pehnai.

"Thnku Mr. Perfection."

Koi aadhy ko ghante baad khaane ka waqt ko gia tha. Hm sb ko bhi bht bhook lg rhi thi kiun k subah nashty k baad se kuxh nhi khaya tha.

Aj ka menu kuxh yunh tha:
Chicken quorma, Seekh kabab, Chinese Rice, Russian Salad or ofc Chai.

Chachu Chachi ki poori koshish thi k khana utna banwaein k logon ko pura ho jaein or kuxh ziaya na ho.

Khaane k waqt hm sb stage pe Bhai or Bhabhi k saath bethy huy khana kha rhy thy.

"Hanji kuxh chahiyay?" Chachi ne stage pe aa kr pucha. "Mere lia aik Coke ki bottle," Huzaifa Bhai ne kaha.

"Thora salad laa dein Khala," Zoya ne kaha. Bechari chachi ko bhaari par gia hmse puchna.

Chachi bhi sochtein hongi k kysy bachon se palla par gia hy. Kahir ab toh aik bacha unka damad bn gia hy. Sahein ab usse.

"Bhabhi aj babul ki duaein le kr aaein gi hmaare ghar," Faiqa Aapaa ne kaha. "Abhi rukhsati toh hone do phir hi aaun gi babul ki duaein lekr," Jannat Bhabhi ne kaha.

"Time kia ho rha hy?" Riza ne pucha. "15 min reh gai hyn...hall band hone wala hy," Najam Bhai ne kaha.

"Tumhe nhi pta Maara Peshawar mein toh iss time pr shaadiyan shuru hotein hyn or 12 12 bje tk chaltein hyn," Qandeel Api ne kaha.

"Yaar 15 min reh gai hyn...dance krna hy kisi ne? Mera bht dil kr rha hy," Bhabhi ne kaha. "Dmaag theek hy tumhara?" Junaud Bhai ne pucha.

"Tumhe nhi krna toh bethy rho, mein toh jaa rhi hun. OO YONUS GANA LGAO KOI!" Or phir Yonus Bhai ne aisa gaana lgaya k Junaid Bhi bhi uth k dance krne aa gai.

"Aa jao Y/n dance krein!!" Shehzad Bhai mera haath pakr kr dance floor pe le ai. "Mujhy nhi ata dance krna bhai," Meine kaha.

"Jhooti aik number ki. Kal kia keh rhi thein? Mein toh khul k dance krun gi," Riza ne kaha. "Acha behn bakhsh do mujhy."

"Bhabhiii!" Jahangeer Jannat Bhabhi ko baar baar dance krte huy chaire jaa rha tha. "Jahangeer chup kr jaa!!"

Abhi dance kr hi rhy thy k hall hi lights band ho gaein. "OOOO~" Saara hall goonj utha.

"YAAR LIGHT JALAO KOI!" Jameel patakha bola. "Woh keh rhy hyn k hall ka time khtam ho gia hy," Musa ne kaha.

"Oho..acha unse kaho k rukhsati ka toh time de dein sirf 10 min," Abbu ne kaha or Hassan Bhai hall wale se baat krne chale gai.

"Saare jahan ko wahein khare rho...jis jis k paas phone hy woh light on krle uski," Juniad Bhai ne kaha or yunh pura hall sbk mobile phone ki lighton se roshan ho gia.

"Oye manhoos mera paon!" Zoya ne kaha. "Sorry Api!" Musa ne kaha.

Or phir do min baad ki lights aa gaein.

Jannat Bhabhi ko sehra pehnaya gia or jysy k Bhabhi ko koi bhai nhi hy toh Jahangeer sb se chote Bhai ki haisiyat se Quran pakr lia.

Rukhsati k waqt sb aisy mix up hoy wy thy kiun k hall mein koi 300 k kareeb banda aya tha. Bhabhi ko phir Junaid Bhai k saath gaari mein bithaya gia or peechy Ammi or Chachi.

Hm saare phir carry dabba or Mamu ki Shehzore mein ai.

Ghar puhanch kr sb se pehly toh hm sb larkiyon ne apni heels utaarien. Mere paun mein toh pakka moch aa gai thi.

"Neend aa rhi hy bht...mein jaa rhi hun sony," Qandeel Baji ne kaha or upar jaane lgein lekin Junaid Bhai ne neechy bula lia.

"Kia hua bhai? Neend aa rhi hy sone dein." "Saare dining hall mein ao." Yeh keh kr Junaid Bhai k saath hm chale gai.

"Meine stage pr Y/n ko or Maryam, Laraib or Namra ko unka gift de dia tha...lekin abhi tum sb ka bhi rehta hy."

"Hmaare lia bhi gift hy?" Taemoor bola. "Haan meine stage pr iss lia nhi dia kiun k inte log thy nazar lg jaati," Junaid Bhai ne kaha.

Sb larkiyon ko gold ki ring mili or sb larkon ko watch. Jahangeer watch ko aise dekh rha tha jysy Thanos ka magic haath pehn lia ho.

"Khush ho sb ab?" Bhabhi ne pucha. "Hanji bht khushh!" Zoya ne kaha. "Chalo ab bht raat ho rhi hy...so jao saare subah Walima k lia bhi uthna hy," Junaid Bhai ne kaha.

"Chalein Bhai Bhabhi good night!" Musa ne kaha or bahir chala gia.

Sb lakry upar bare kamry mein chale gai...hm larkiyan mere kamry mein or Bhai Bhabhi ofc apne kamry mein.

Upaar jaa kr hm sbne apna makeup utara or apni NaTuRaL bEaUtY dekhi.

"Tobah kitni choori lg rhi hun makeup k bgair," Maryam ne kaha. "Ho hi tum choori koi shak?" Faiqa Aapaa ne kaha.

"Ap toh chup krein Naik Parveen Baji."

"Riza, Zoya or Qandeel Baji kahan hyn?" Meine pucha. "Woh sb se pehly so gai hyn...kuxh ziada hi thak gai thy teeno," Namra ne kaha.

Chalo ab mein bhi so jaati hun...kal Walima hy or dmaag khapy ga or dramein hongy kal.

Tb tk k lia mujhy, Y/n Bhatti ko dein ijazat! Allah Hafiz!

----

(8000+ words)

Yakeen nho hota k 8000+ words likhein hyn or woh bhi mobile se type kr k😵😵 its the far most longest chapter I've ever written.

Or...Salam!! Kysy ho ap sb?

Chapter ki daeri k lia bht sorry lekin kuxh wajuhat thein jiski wjha se mujhy thory dino k lia Wattpad se log out hona para.

Agar ap nhi jante toh mere aakhri announcement parh lein.

Chapter mein gaano ki tadaad bht ziada hy 😂😂. Chalein enjoy krein phir tootiyan lga kr suniyay ga warna apky saath wale apko aik pagal k ilawa or kuxh nhi smjhy ga.

Kuxh eham khabron se aagha krun:

•Babul ki duaein lekr Jannat Bhabhi ki rukhsati ho gai hy.

•Riza ko uska laptop mil gia hy lekin charging k bgair. Riza jaani laptop charge krlein...charger ki zarurat hui toh mujhse le lena ap.

•Qandeel Baji ne andar hi andar Shehzad Bhai se izhaar e muhabbat kr lia hy.

•Zoya or Taemoor ka bhi...kuxh kuxh chal rha hy...tenshan nhi leni in dono ka bhi kuxh bn jai ga.

•Jameel phir Jealous ho gia hy #jalkukkra
(Riza baksh do kaky ko pleaseee😖)

•Author Nim is waqt bary sadmy se guzar rhien hyn kiun k unk bias ki shaadi ho chuki hy or woh dil dil mein bias ki biwi se jaltein hy.

(Yeh Sumaira hi behn baat kr rhi hy...Api ne surf kha lia hy..Mein maazrat khwa hun😢😂😂)

Ap logon ka mood mzeed behtar krne k lia kuxh memes share krti hun:

----

[sach baat hy wysy😁]

----

[Ab koi apse puchy toh yehi jwaab dena]

-----

[Ammi got swaag😂]

----

----

[Jahangeer or Maryam namuny😂😂]

----

[My favourite 😂😂😂]

------

Comment down k konsa meme apko sb se acha lga or aik or cheez!
Junaid or Jannat k lia aik acha sa ship name btaein kiun k mere dmaag mein nhi aa rha.

This chapter is for my jaanus:

jizarimin
KthZoya
ARMYQNND

اللہ حافظ! ❤❤
ملاقات ہوتی ہے اگلے چیپٹر میں!
-----