"To get what you want, you have to do everything even the dirtiest one."

Isa sa pribelihiyo ng pagiging class valedictorian ng Bernard V. Consuelo National High School ang makatanggap ng full scholarship sa mapipiling kolehiyo at kurso na kaniyang mapapasukan. Dagdag pa rito ang free vacation trip tuwing semestral at summer break kung mapapanatili nito ang magandang marka. Kaya naman, marami ang naghahangad dito.

Para kay Maria Elisa Marquez, ito ang magiging katuparan sa kaniyang pangarap na maiahon ang buhay sa hirap. Tanging ang scholarship lamang ang habol niya upang makatuntong ng kolehiyo sa kadahilanang wala silang pera pang-aral sa kaniya. Ngunit, hindi magiging madali ang lahat. Magiging balakid sa kaniyang plano ang mga kaklase at dating kaibigan na aagaw sa puwestong kaniyang inaasam.

Nandiyan si Valerie Ocampo, adopted daughter ng Mayor ng kanilang bayan, na gagawin ang lahat upang maging class valedictorian. Nais niyang makuha ito upang makalaya sa mga kamay ng mapag-abusong magulang. Si Isabelle Soriano, the girl who always behind the shadow, na hindi na muling makakapayag na maging pangalawa na lamang siya parati. Sisiguraduhin niyang para sa kaniya na ang pagkakataong ito. Si Charlotte Dorothy Angeles, bitch and bully, na gustong patunayan sa mga magulang na kaya niyang magdala ng karangalan. Patutunayan niya sa lahat na kahit masama ang kaniyang ugali ay may kakayahan pa rin siyang maging top sa class.

At si Samantha Roux Hidalgo, mayaman ngunit kulang sa atensyon ng mga magulang. Kaya gagawin niya lahat para mapansin lang siya ng mga ito. Kilala niya ang sarili na lahat ng kaniyang gusto ay makukuha niya. Kaya sa pagkakataong ito, hindi niya bibiguin ang sarili.

Limang babae. Iisang hangarin. Sa labis na paghahangad, madidiskubre nila ang kani-kanilang tunay na pagkatao. Masusubukan ang kanilang mga kakayahan na hindi nila inaasahang magagawa.

Hanggang saan ang kaya nilang gawin para sa inaasam na pangarap? Tunay nga bang para sa pamilya at sarili ang kanilang adhikain? O mayroong misteryong bumabalot sa kanilang paligid na kumo-kontrol sa kanila? Sino ang mananalo sa labanang dugo at talino ang tanging paraan?

This is the class you should never miss.